Ai Vola I Sikariya Na Parofita 10
10
Sai Jiova ga me na vakasaqarai ka sega ni ira na kalou lasu; ni sa cudruvi ira na Isireli, ena vakabulai ira talega ko koya, 1-12.
1DOU kerea vei Jiova na uca e na vula i uca emuri; sai Jiova ena cakava na livaliva, ia na uca tau bi ena solia vei ira, ki na tamata yadua na co e na veico. 2Ia na matakau era sa cavuta na ka wale, o ira na rairai talega era sa raica na ka lasu, kei na tadra vakailasu era sa tukuna; sa tawa yaga na nodra veivakacegui: o koya o qo era lako sese kina me vaka na qele ni sipi, era sa rarawa, ni sa sega nai vakatawa. 3Vei ira nai vakatawa sa waqa kina na noqu cudru, vei ira talega na koti kaʼu sa ia na veicudruvi: ni sa lako mai ko Jiova ni lewe vuqa vei ira na nona sipi na mataqali i Juta, a sa cakavi ira me vaka na nona ose vakaiukuuku e nai valu. 4Ia maivei ira ena yaco mai na vatu ni tutu ni vale, maivei ira nai vako, maivei ira na dakai ni valu, maivei ira talega na turaga daulewa kecega. 5Ia me vakataki ira na qaqa, era na buturaka sobu na meca e na oruoru e nai saqata e nai valu: a ra na ia nai valu, ni sai Jiova sa tiko kei ira, a ra na vakamaduataki ko ira era vodo tu e na ose.
6Ia kaʼu na vakaukauwataka na mataqali i Juta, na mataqali i Josefa talega kaʼu na vakabula, ka vakatikori ira tale mai; niʼu sa yalolomani ira: a ra na yaco tale me vaka niʼu a tawa biuti ira tani: ni sai au ko Jiova na nodra Kalou, ia kaʼu na rogoci ira. 7A ra na vaka na qaqa ko ira na Ifireimi, a ra na marau e lomadra me vaka ni ra gunu waini; ia na luvedra ena raica, ka marau; a lomadra ena rekitaki Jiova. 8Au na kaluvi ira mai, ka vakasoqoni ira; niʼu a voli ira: a ra na tubu me lewe vuqa me vaka na nodra ubu eliu. 9Keʼu a duibiubiuti ira ki na veimataqali, ke mai na veivanua vakayawa era na vakananumi au, ka bula vata kei na luvedra, ka lesu tale mai. 10Ia kaʼu na kauti ira tale mai na vanua ko Ijipita, ka vakasoqoni ira mai Asiria; ia ki na vanua ko Kiliati kei Lipanoni kaʼu na kauti ira, ena sega talega na yasana e kune me na rauti ira. 11Ia ena lako yani ko koya e na loma ni wasawasa ni sa vakararawataki, ena yavita talega na biau ni wasawasa, ena di kece talega na tikina titobu ni uciwai: ena vakasivoi talega na viavialevu ni Asiria, ia na matanakilagi nei Ijipita ena takali tani. 12Ia kaʼu na vakaukauwataki ira vei Jiova; ia na yacana era na vakamuria, sa kaya ko Jiova.
Currently Selected:
Ai Vola I Sikariya Na Parofita 10: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
