Meke 29
29
Ai vakaro vei ira na turaga kei vuravura me ra cuva vei Jiova, ni sa kaukauwa ko koya, ka sa lomani ira na nona tamata.
A Meke i Tevita.
1DOU solia vei Jiova, koi kemudou na luve ni qaqa; dou solia vei Jiova na vakarokoroko kei na kaukauwa. 2Dou solia vei Jiova na vakarokoroko ni yacana; dou cuva vei Jiova e nai ukuuku ni yalosavasava.
3Sa tu e na dela ni wai na domo i Jiova; sa kurukuru na Kalou vakaiukuuku; sa tu e na wai levu ko Jiova. 4Sa rogo vakaukauwa na domo i Jiova; sa rogo vakaturaga na domo i Jiova. 5Sa tasea na sitari na domo i Jiova; io, sa tasea na sitari ni Lipanoni ko Jiova. 6Sa vaka-ridotaka ko koya me vaka ni sa luve ni karavau; ko Lipanoni, kei Sirioni, me vaka ni sa luve ni yunikoni. 7A domo i Jiova sa taya mai na yameyame ni buka. 8Sa kurea na veikau na domo i Jiova; sa kurea na veikau kei Katesa. 9A domo i Jiova sa kitaki ira na teira me taratara, a sa covia na veikaukau; a sa vakavinavinaka na ka kecega e nona vale tabu. 10Sa tiko e na waluvu ko Jiova; io, sa tiko ko Jiova me Tui ka tawa mudu. 11Ena solia ko Jiova na kaukauwa vei ira na nona tamata; ena vakalougatataka ko Jiova na nona tamata e na vakacegu.
Currently Selected:
Meke 29: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
