Ai Vola I Maika Na Parofita 1
1
A WASE I. —Sa tukuna ko Maika na cudru ni Kalou vei ira na kai Samaria kei na kai Jerusalemi, e na vuku ni nodra qarava na kalou lasu, 1-7. Era na cudruvi kece sara kina na lewe ni vanua, 8-16.
1A VOSA i Jiova sa yaco vei Maika na kai Moreseci e na gauna i Yocami, kei Aasi, kei Isikiya, eratou tui Juta, a ya ka raica ko koya na kedrau ko Samaria kei Jerusalemi.
2DOU rogoca, oi kemudou na veimataqali kecega; mo vakarorogo, vuravura, kei na ka kecega sa tu kina: ia na Turaga ko Jiova me vakadinadina ki na nomudou ca, io na Turaga, mai na nona vale tabu. 3Ni sai Jiova, raica, ena lako mai na nona yasana, io, ena lako sobu mai ko koya, ka butuka na veiyasana cecere kei vuravura. 4Ena waicala talega na veiulu-ni-vanua e rukuna, ia na veibuca ena kasei rua, me vaka na drega ni vola e na mata ni buka, ka vaka nai savu ni wai e na tikina e sobusobu.
5Sa kawa ni talaidredre i Jekope na ka kecega o qo, io, sa kawa ni nodrai valavala ca na mataqali nei Isireli. A cava na nodra talaidredre na Jekope? ko Samaria, se segai? a cava talega na nodra veiyasana cecere na Juta? ko Jerusalemi, se segai? 6O koya o qo kaʼu na cakavi Samaria kina me vaka nai binibini vatu e na loma ni were, kei na teitei e na were-ni-vaini: ia kaʼu na sovabiuta na kena veivatu ki na buca, ka vakaraitaka na kena yavu. 7Ia na kena matakau kecega ena vorolaki, kei na nonai solisoli kecega ena vakamai e na buka, kei na kena matakau kecega kaʼu na vakacacana: ni sai solisoli ni nona dauyatagane sa kumuna, mei solisoli talega ni dauyatagane ena suka tale kina.
8O koya o qo kaʼu na tagi kina, ka qoqolou, au na lako voli kaʼu vakacacani ka luvawale: au na ia na tagi me vaka na koli kila, kei na tagi yaso me vaka na ositereji. 9Ni sa tawa vakabulai rawa na nomu vue; ni sa tauvi Juta talega; sa yaco sara ko koya na meca ki na nodra matamata-ni-koro na noqu tamata, io, ki Jerusalemi. 10Dou kakua ni tukuna mai Kaca; dou kakua ni tagi mai Ako: mo toqi tu e na kuvu-ni-soso mai Peci-afiri. 11Mo lako voli yani, na kai Safiri, ka luvawale tu ka madua; sa tawa lako yani na kai Seenani; ena tagicaki kemudou beka ko Peci-eseli, sa takali tani vei kemudou na kena tiko. 12E dina ni sa tagica na vinaka na kai Maroci; e na vuku ni sa lako sobu na ca maivei Jiova ki na matamata-ni-koro ko Jerusalemi. 13Mo vauca na vale-vodoki ki na manumanu totolo, o iko na kai Lakisi: (sa vakatekivuna ko koya nai valavala ca ni gonealewa ni Saioni,) ni sa kune vei iko na nodra talaidredre na Isireli. 14O koya o qo ko na solia kina nai vola ni tawase ki Moreseci-kaca: a veimataqali mai Ekisipi era na lasutaki ira na, tui Isireli. 15Ia ko koya talega nai taukei kaʼu na kauta mai vei iko, na kai Maresa: ena yaco ko koya ki Etulami, na nodrai ukuuku na Isireli. 16Mo tasia na ulumu, ka kotia e na vukudra na nomu gone ni toko; vakalevutaka na nomu drika me vaka na ikeli; ni ra sa lako vakabobula tani vei iko.
Currently Selected:
Ai Vola I Maika Na Parofita 1: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
