Ai Vola I Isaia, na Parofita 4
4
A ka ca sa yaco e nai valu, 1, kei na ka vinaka ena yaco vei ira na lotu dina e nona lewa na Mesaia, 2-6.
1IA e na gauna ko ya era na lewe vitu na alewa era na taura na tagane e le dua, ka kaya, Keitou na kania na neitou madrai, ka vakaisulu e na neitoui sulu: ia me vakatokai ga na yacamu vei keitou, me kauti tani na ka keitou rogorogo vakaca kina.
2E na gauna ko ya ena rairai vinaka ka rogo na Coke i Jiova, ia na Vuana na vanua ena ka talei ka matavinaka vei ira na Isireli era sa dro bula. 3Ia ena yaco, o koya sa tiko laivi mai Saioni, ka vo tiko mai Jerusalemi, ena vakatokai me yalosavasava, io ko ira kecega era sa volai vata kei ira na bula mai Jerusalemi: 4ni na sa qai sava tani na Turaga na nodra dukadukali na gonealewa ni Saioni, ka vuya tani na dra i Jerusalemi mai na lomana e na yalo daulewa dodonu, kei na yalo sa waqa tu. 5Ia ena cakava ko Jiova e na tikina kecega ni ulu-ni-vanua ko Saioni, kei na nonai soqosoqo, na o kei na kubou e na siga, kei na rarama ni buka caucaudre e na bogi: ni na vakarurugi na kenai ukuuku kecega. 6Ia ena dua na vale me vakaruru kina e na siga mai na katakata, mei drodro talega, kai vakaruru mai na cava kei na uca.
Currently Selected:
Ai Vola I Isaia, na Parofita 4: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
