Ai Vola I Isaia, na Parofita 39
39
Sa vakaraitaka ko Isikiya na nonai yau vei ira ka tala mai ko tui Papiloni, 1, 2: sa qai tukuna ko Isaia na veivakabobulataki ki Papiloni, 3-8.
1E NA gauna ko ya ni sa rogoca ko Mirotaki-paletani na tui Papiloni, na luve i Paletani, ni sa tauvi mate ko Isikiya, ka sa bula tale, sa qai vakauta vua nai vola kei na ka-ni-loloma. 2A sa rekitaki ira ko Isikiya, ka vakatakila vei ira na vale ni nona ka talei, na siliva, kei na koula, kei na ka boi vinaka, kei na waiwai vinaka, kei na vale taucoko ni nonai yaragi, kei na ka kecega sa tu e na nonai yau: sa sega e dua na ka e nona vale, kei na nona matanitu taucoko, me sega ni vakatakila vei ira ko Isikiya.
3Sa qai mai curu yani ko Isaia na parofita kivei Isikiya na tui, a sa kaya vua, A cava sa kaya ko ira na tamata o qo? a ra sa lako maivei kivei iko? A sa kaya ko Isikiya, Era sa lako mai na vanua vakayawa, io mai Papiloni. 4A sa kaya ko koya, A cava era sa kunea e na nomu vale? A sa kaya ko Isikiya, Na ka kecega sa tu e noqu vale era sa kunea: sa sega na ka e na noqui yau kaʼu sa sega ni vakatakila vei ira. 5A sa kaya vei Isikiya ko Isaia, Mo rogoca na vosa i Jiova ni lewe vuqa: 6Raica, sa lako mai na gauna ena kauti tani kina ki Papiloni na ka kecega sa tu e nomu vale, kei na ka era sa binia na nomu qase ka yacova na siga o qo: ena sega ni vo e dua na ka, sa kaya ko Jiova: 7ia ko ira na luvemu era na tubu maivei iko, o ira ko na vakasikava, era na kauti tani; a ra nai talatala e na vale vakaturaga i koya na tui Papiloni. 8A sa kaya vei Isaia ko Isikiya, Sa vinaka na vosa i Jiova ko sa tukuna. Sa kaya talega, Ni sa na tiko na sautu kei na ka dina e na noqu gauna.
Currently Selected:
Ai Vola I Isaia, na Parofita 39: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
