Ai Vola I Isaia, na Parofita 20
20
Sa vakatakarakarataki na nodra veivakabobulataki na kai Ijipita kei na kai Kusi.
1E NA yabaki sa lako mai kina ko Taritani ki Esitoti, (ni sa talai koya ko Sari-koni na tui Asiria,) ka sa vala ki Esitoti, ka rawa; 2io e na gauna ko ya sa vosa ko Jiova vei Isaia na luve i Amosi, ka kaya, Mo laʼki sereka tani nai sulu taqarotu mai na tolomu, ka luvata tani nai vava mai na yavamu. A sa kitaka ko koya, ka sa luvawale lako ka tawa vakaivava. 3A sa kaya ko Jiova, Me vaka ni sa lako voli ko Isaia na noqui talatala ka luvawale ka tawa vakaivava e na yabaki e tolu, mei vakatakilakila kai vakatakarakara e na vuku i Ijipita kei Kusi; 4ena vakakina ko tui Asiria, ena kauti ira na kai Ijipita era sa bobula, kei na kai Kusi era vulagi, na gone kei na qase, me luvawale ka tawa vakaivava, ka tawa vakaisulu na rubudra, na ka veivakamaduataki ki Ijipita. 5A ra na rere, ka maduataki Kusi, o qori era a vakararavi kina, kei Ijipita, era a dokai ira kina. 6Ia ko ira sa tiko e na tai o qo era na kaya e na siga ko ya, Raica, sa vakaoqo na ka eda a vakararavi kina, na ka eda a dro me vukei kina, me da vakabulai mai vua na tui Asiria: ia eda na bula vakaevei ko keda?
Currently Selected:
Ai Vola I Isaia, na Parofita 20: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
