Ai Vola I Isaia, na Parofita 2
2
Sa tukuna ko Isaia ni na yaco mai na lewa ni Mesaia, 2-4; a sa vunauci irana kai Juta me veivutuni ni ra sa daucudruvi e na vuku ni nodrai valavala ca, 5-9. Sa ka rerevaki sara na kaukauwa ni Kalou, 19-22.
1A VOSA ka raica ko Isaia na luve i Amosi e navuku i Juta kei Jerusalemi.
2Ia ena yaco e na gauna maimuri, ena vakataudeitaki na ulu-ni-vanua ni vale i Jiova me sivia na veiulu-ni-vanua, ena vueti me cecere ka lolovira na veiulu-ni-koro; a ra na drodro kina na veimatanitu kecega. 3A ra na lako na veimataqali e vuqa, ka kaya, Me da mai laʼki cabe cake ki na ulu-ni-vanua i Jiova, ki na vale ni Kalou i Jekope; ena vakavulica vei keda; na nonai valavala, ia eda na muria na nona sala: ni na lako yani mai Saioni na vunau, kei na vosa i Jiova mai Jerusalemi. 4Ia ena ia na veilewai e na vuku ni veimatanitu, kei na veivunauci e na vuku ni veimataqali e vuqa: a ra na tukitukia na nodrai seleiwau mei sivi ni siviyara, kei ka nodra moto mei sele ni samaki: ena sega ni lavei seleiwau na matanitu ki na matanitu, a ra na sega ni vulica tale nai valu.
5Na mataqali i Jekope, me da mai laʼki muria na rarama i Jiova. 6Ka ni ko a biuti ira na nomu tamata na mataqali i Jekope, e na vuku ni sa tawa na nodra vanua e na kai natuicake, a sa daucaka mana lasu me vakataki ira na kai Filisitia, ia vei ira na luve ni kai tani era sa vutu ni tamata kina. 7Ia na nodra vanua sa vutu ni siliva kei na koula, a sa sega ni wili rawa na nodrai yau; a sa vutu ni ose na nodra vanua, a sa sega ni wili rawa na nodra vale-vodoki: 8a sa vutu ni matakau na nodra vanua; era sa cuva ki na cakacaka ni ligadra, ki na ka sa cakava nai qaqalo ni ligadra: 9a sa cuva kina na tamata wale, a sa vakamalumalumutaki koya na tamata turaga: ia mo kakua ni vosoti ira.
10Mo curuma na qara vatu, ka vuni iko e na qele mai na ka rerevaki i Jiova, kei nai ukuuku ni nona ka vakaturaga. 11Na mata qaciqacia ni tamata ena vakamalumalumutaki, kei na nodra viavialevu na tamata ena vakacuva sobu, ia ena cecere duaduaga ko Jiova e na siga ko ya. 12Ia na siga i Jiova ni lewe vuqa ena tauca na ka kecega sa viavialevu ka cecere, kei na ka kecega sa laveti cake; ia ena vakamalumalumutaki: 13ena tauca kece talega na sitari ni Lipanoni, sa cecere ka laveti cake, kei na oki kecega ni Pasani, 14kei na ulu-ni-vanua cecere kecega, kei na ulu-ni-koro kecega sa laveti cake, 15kei na vale-cecere kecega, kei na bai ni valu kecega, 16kei na waqa kecega ni Tarisisi, kei nai yaya kecega e daudomoni. 17Ia ena vakacuva sobu na qaciqacia ni tamata, ka vakamalumalumutaki na viavialevu ni tamata: ia ko Jiova duaduaga ena cecere e na siga ko ya. 18Ia na matakau ena vakaotia sara. 19A ra na curu na tamata ki na qara vatu, kei na qara ni qele, e na vuku ni ka rerevaki i Jiova, kei nai ukuuku ni nona ka vakaturaga, ni sa qai tu cake ko koya me vakayavalati vuravura. 20E na siga ko ya ena biuta tani na tamata na nona matakau siliva, kei na nona matakau koula, a ya ka cakava me soro kina ko koya, ki na kalavo kei na beka; 21me laʼki curu ki na qara vatu, kei na gusu ni uluvatu, e na vuku ni ka rerevaki i Jiova, kei nai ukuuku ni nona ka vakaturaga, ni sa qai tu cake ko koya me vakayavalati vuravura. 22Dou vakacegu mai vua na tamata, sa tiko e na qara ni ucuna na nona cegu: ni sa yaga ki na cava ko koya?
Currently Selected:
Ai Vola I Isaia, na Parofita 2: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
