Ai Vola I Isaia, na Parofita 17
17
Ai colacola bibi sa tauci ki Siria kei ira na Isireli, 1-6. Ena veivutuni e so, ka cudruvi e so, 7-11. Ena ca sara ko ira na nodra meca na Isireli, 12-14.
1AI colacola kei Tamasiko.
Raica, ko Tamasiko, sa kauti tani me kakua ni koro, a sa yaco me yavu wale ni koro sa rusa. 2Sa biu na veikoro ni Aroeri: ena nodra na qele ni sipi, era na koto kina, ka sega e vakarerea. 3Ena oti talega na koro i Ifireimi, kei na matanitu ni Tamasiko, kei na vo ni Siria: era na vaka na nodrai ukuuku na luve i Isireli, sa kaya ko Jiova ni lewe vuqa. 4Ia ena yaco e na siga ko ya, ena qai lailai mai nai ukuuku i Jekope, ka sabukaka mai na nona yagolevu. 5Ena vaka e dua sa kumuna na sila ni yabaki, a sa kumuna na sola ni sila e na ligana; ena vaka e dua sa kumuna na sola ni sila e na buca i Refeimi. 6Ia ena vo kina e vica ga na vuana, me vaka ni sa tauci na vua ni olive, e rua se tolu e na vuso ni tabana kicake sara, e va se lima e na tabana sa dauvua, sa kaya ko Jiova na Kalou nei Isireli.
7E na siga ko ya ena gole na tamata vei Koya ka Buli koya, ka rai na matana vei Koya na Yalosavasava nei Isireli. 8Ia ena tawa goleva ko koya nai cabocabo-ni-soro, na cakacaka ni ligana, se rai ki na ka sa cakava nai qaqalo ni ligana, se na matakau i Aseteroci, se na matakau ni mata-ni-siga. 9E na siga ko ya ena tautauvata na nona veikoro kaukauwa kei na kau sa vo mai na veikau lailai, kei na taba ni kau kicake sara, o qori era sa biuta e na vukudra na luve i Isireli: ia ena lala na vanua. 10E na vuku ni ko sa guilecavi koya na Kalou ni nomu bula, ka sa tawa nanumi koya na Uluvatu ko sa kaukauwa kina, ko na tea kina na kau domoni, ka tea nai sulisuli e kau mai na vanua tani: 11e na siga ko sa tea kina ko na viribaita, e na sobogibogi ko na cakava na nomui teitei me seraki: ia na vuana e na siga ena sa tauci kina enai soqosoqo wale kei na rarawa ni mate.
12Ule! na domo ni veimatanitu e vuqa! era rorogo me vaka na vadugu ni Wasawasa; kei na nodra cici vakaivalu na veimataqali! era sa ue me vaka na vadugu ni wai kaukauwa! 13Era sa ue na veimatanitu me vaka na vadugu ni wai levu: ia ena vunauci ira ko Koya, a ra na dro tani vakayawa, a ra na vakasavi me vaka na qa ni sila ni veiulu-ni-vanua e na mata ni cagi, ka vaka na ka e vakatatoqitoqi e na mata ni covulaca. 14Raica, e na yakavi sa domobula mai; ia ni sa tawa kida na mataka, sa yali sara ko koya. O qo na kedrai votavota era sa vakacacani keda, kei na ka sa lesi me nodra era butakoci keda.
Currently Selected:
Ai Vola I Isaia, na Parofita 17: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
