Dodadi 5
5
O Adama ai totoforauku manga ade-ade
1Naa o Adama de ai totoforauku manga ade-ade ihitulihukuoka o bukuoka abe ma titi hokokia yolape-lapeuku. Ma dodihiraka abe ma oraha Ma Jou o nyawa watulaada ona ngade-ngade hoka Unangoli. 2De ona gea watulaada o nauru de o ngofeka. Ho ka de yahinooto gea watulaada ibooto de ona wahiowa ho wahiromanga o nyawa.
3De o Adama wowango o taongo o ratuhu moi de moruange ai dekana de ahao wamake ai ngofaka womatengoli abe wihiromanga o Seete de to una ai rupa hoka ai babali abe duru wituruuru o Adama. 4Ho gea o Seete womaboa de o Adama ka wowangohi ai taongo o ratuhu tufange de nagahi to una ai ngofa-ngofaka yomaboa o nau-nauru de o ngo-ngofeka. 5Ho o Adama ai wowango ma dekana o dunia ma lokuoka ai taongo o ratuhu hiwo de moruange de ahao wohonenge.
6Ai ngofaka o Seete ai ngumuru adonoka ai taongo o ratuhu moi de motoa de ahao wamake ai ngofaka o Enoso. 7Ho o Enoso womaboaka de ai baba o Seete gea ka wowangohi ai taongo o ratuhu tufange de tumidi de nagali to una ai ngofa-ngofaka utuoli o nau-nauru de o ngo-ngofeka. 8Ho o Seete ai wowango ma dekana o dunia ma lokuoka ai taongo o ratuhu hiwo de ngimoi de hinooto de ahao wohonenge.
9De o Enoso ai ngumuru adonoka ai taongo morihiwo de ahao wamake ai ngofaka o Kenana. 10Ho o Kenana womaboaka de ai baba o Enoso gea ka wowangohi ai taongo o ratuhu tufange de ngimoi de motoa de nagali to una ai ngofa-ngofaka utuoli o nau-nauru de o ngo-ngofeka. 11Ho o Enoso ai wowango ma dekana o dunia ma lokuoka ai taongo o ratuhu hiwo de motoa de ahao wohonenge.
12De o Kenana ai ngumuru adonoka ai taongo moritumidi de ahao wamake ai ngofaka o Mahalale. 13Ho o Mahalale womaboaka de ai baba o Kenana gea ka wowangohi ai taongo o ratuhu tufange de moruata de nagali to una ai ngofa-ngofaka utuoli o nau-nauru de o ngo-ngofeka. 14Ho o Kenana ai wowango ma dekana o dunia ma lokuoka ai taongo o ratuhu hiwo de ngimoi de ahao wohonenge.
15De o Mahalale ai ngumuru adonoka ai taongo moributaanga de motoa de ahao wamake ai ngofaka o Yarete. 16Ho o Yarete womaboaka de ai baba o Mahalale gea ka wowangohi ai taongo o ratuhu tufange de moruange de nagali to una ai ngofa-ngofaka utuoli o nau-nauru de o ngo-ngofeka. 17Ho o Mahalale ai wowango ma dekana o dunia ma lokuoka ai taongo o ratuhu tufange de morihiwo de motoa de ahao wohonenge.
18De o Yarete ai ngumuru adonoka ai taongo o ratuhu moi de moributaanga de hinooto de ahao wamake ai ngofaka o Henoko. 19Ho o Henoko womaboaka de ai baba o Yarete ka wowangohi ai taongo o ratuhu tufange de nagali to una ai ngofa-ngofaka utuoli o nau-nauru de o ngo-ngofeka. 20Ho o Yarete ai wowango ma dekana o dunia ma lokuoka ai taongo o ratuhu hiwo de moributaanga de hinooto de ahao wohonenge.
21De o Henoko ai ngumuru adonoka ai taongo moributaanga de motoa de ahao wamake ai ngofaka o Metusala. 22De gea o Metusala womaboaka de ai baba o Henoko gea ka winiikohi Ma Jou ma dekana o taongo o ratuhu hangeino abe ma titi duru yomaketedodiawo de Ma Jou. De ma dekanino gea to una ai ngofa-ngofaka utuoli o nau-nauru de o ngo-ngofeka wamake. 23Ho o Henoko ai wowango ma dekana o dunia ma lokuoka ai taongo o ratuhu hange de moributaanga de motoa. 24De gea o Henoko duru Ma Jou wisanangi ho de o wange moiuku de o Henoko ko iwimakeokaua o duniaka angamoi de ai badanga ka ma moi Ma Jou wigoraka.
25De o Metusala ai ngumuru adonoka ai taongo o ratuhu moi de moritufange de tumidi de ahao wamake ai ngofaka o Lameke. 26Ho o Lameke womaboaka de ai baba o Metusala gea ka wowangohi ai taongo o ratuhu tumidi de moritufange de hinooto de nagali to una ai ngofa-ngofaka utuoli o nau-nauru de o ngo-ngofeka. 27Ho o Metusala ai wowango ma dekana o dunia ma lokuoka ai taongo o ratuhu hiwo de moributaanga de hiwo de ahao wohonenge.
28De o Lameke ai ngumuru adonoka ai taongo o ratuhu moi de moritufange de hinooto de ahao wamake ai ngofaka o nauru. 29De o Lameke ai ngofaka gea wihiromanga o Nuhi. De wotemo wato, “Ahi ngofaka o Nuhino naa ahao hamake o lalaru nanga kangela ma goronaka. Gea nanga kangela abe ma titi Ma Jou o Yawe o dunia ma tonaka wohipohaka de o hohowono ho hiadono hokangela hokarajaanga.” 30Ho o Nuhi womaboaka de ai baba o Lameke gea ka wowangohi ai taongo o ratuhu motoa de morihiwo de motoa de nagali to una ai ngofa-ngofaka utuoli o nau-nauru de o ngo-ngofeka. 31Ho o Lameke ai wowango ma dekana o dunia ma lokuoka ai taongo o ratuhu tumidi de moritumidi de tumidi de ahao wohonenge.
32De o Nuhi ai ngumuru adonokau ai taongo o ratuhu motoa de ahao wamake ai ngofa-ngofaka o Seeme, de o Haama, de o Yafete.
Currently Selected:
Dodadi 5: MJDD
Highlight
Copy
Compare
Share
Want to have your highlights saved across all your devices? Sign up or sign in
Gereja Firman Allah, Yayasan Misi Masyarakat di Pedalaman
