Kuurotokwe 27
27
Poolollu wagwolago Room'no sip tovi'aro amorapiyopo tovinokwono
1Toruda'ai Poolollu kantri Itali tomuuno nevuge sip tovi'aro morapiyo'mo me'no domduukuurosuno sumaveyokwe aro soporogano. Pooleke'aro a'mwo wuulo killo'mo ago tovi amerosajupo pworogai'aro toorai a'mwo mollurogudo tooravuro mollubworomokwanyokwe pwolluro ato tovi amorubweyoporogano. A'mwo su toolluno yovo tov Juuliyosolekono. Toro tool Roomda'ai 100 mollurogudo toorai amollubworomokwanyajukekono. Aki mollurogudo su tooraino aro ajajuporogano. “A'mwo Aguto Sisa tovasuro Mollurogudorogano.” Ajajuporogano. 2Toro te a'mwo mollurogudo mollubworomokwanyokwe su toolluro ato tovi me'no morubweno sumaveyokwe nevu yiuwi'nokai toonol sip pwollu mobiyosowono sulomwalowonogano. Sip su tool wagwolago Adramitiyomda'aiyekono. Aki sip su tool kwako Esiya tomuuno plavowo'ji wagwolago soolwaravi wolo wo'dupudo tonyu ki'meyo'mekono. Toro te sip su toollu ilomwalno sumawoneyokwe kuugollu'movowonogano. Su toro toga a'mwo Masedooniyada'ai pwol nevuge avlavowekono. Toro tool wagwolago Tesaloonaika toru mwalodowodekono. A'mwo su toolluno yovo tov Aristakosolekono. 3Toro toonol plaino sumawoneyokwe iruko aikomguda'ai tollugwoji wagwolago Saidoon toru ai'movowonogano. Toro ki'mo'mno sumawoneyokwe Poolol wagwolago su tovida'ai gavuge ibwoto'nyo toorai wuuru'mallo'mo kwinokaikono. Toro winoduke toollu mollurogudo Juuliyosol ilaiyo mollo'no muumjukurokaikono. Toro te Poolol wagwolago su tovida'ai gavuge ibwoto'nyo tooraiyomno uuwo'no kuuru'marokaikono. Toro wuuru'ma'duke toollu gami ibwoto'nyo tooro wosamujuko pugai'aro noonyumwonyu supto yoduke pugai'aro ton kwiyoporogano. 4Toro wino sumaveyokwe nevu sip toollu aki aiko te ilomwalowono kuugollu'movowonogano. Toro wuugollu'mo'mno sumawoneyokwe dolo bwotonyo puruv nemoro sip toollu kuumjukurokakwono. Toro tovino tov dolo su tov nonekumjukuro'jokwe aku'momdo Saipros tovi buulo tomuu'aro suwolovowonogano. 5Toro iwolowono soolwara tovi wino sumawoneyokwe proovins puruvallu wobo toru'aro kuuwolovowonogano. Proovins su tovalluno yovo tov Silisiyake Pamfiliyake tovakono. Toro tovallu me'no uuwoleno sumawoneyokwe proovins Laisiya tomuuda'ai wagwolago puvi ai'movowonogano. Wagwolago su tovino yovo tov Mairavokwono.
6Wagwolago su tovi ki'mo'mno sumawoneyokwe sip toolluda'ai abolokwowonogano. Toro bolokwino sumawoneyokwe a'mwo mollurogudo tooravuro mollubworomokwanyokwe tool sip muuduko pwollu so'mgonomarokaikono. Sip su tool wagwolago Aleksadriyada'ai wolabo'no kwako Itali tomuuno plaiyo'mekono. Toro toollu yo'mgonoma'no sumaiyokwe sip su toolluno nemi mollubworonekumokaila'no sulomwalowonogano. Toro ilomwalno sumawoneyokwe avlavowonogano. 7Toro plaino sumawoneyokwe dolo guureji yoduke tovino tov yere mai'movowonogano. Toro kwonol kuruv iruko pubuullu yogudo guureji ino ino sumawoneyokwe wagwolago Niduus'no wobo toru ai'movowonogano. Toro ki'mo'mno sumawoneyokwe dolo tov nonekumjukuro'jokwe aku'momdo Krit tovi buulo tomuu'aro suwolovowonogano. Toro iwolo'mno sumawoneyokwe kwako puruv iroka to'busuko soolwaravi idowosodowodo tovi wobo toru'aro kuuwolovowonogano. Kwako su tovino yovo tov Salmooneyovokwono. 8Toro tovi uuwoleno sumawoneyokwe soolwaravuro buugo boulowomwonoso puru ai'movowonogano. Buugo su toru'no yovo tov Sip Tooro Kaiyako Nomapiyokwe Wonyo Buugoveyorukono. Aki toro tov wagwolago Laseya'no wobo toru wo'dowodokwono. Toro towai ki'meyo'mo tov kavenodo'maiyo.
9Toro te nevu iruko bwotonyago tobuullu jurogudo ino ino sumawoneyokwe kuruv yere mai'movowonogano. Aki Juu tooravuro wosamujuko kumako mwalodupudo iruko aguto kullugwo kuruv anekuuwolo'nokanogano. Iruko bwotonyago tobuul me'no nekuuwolo'no'no toro ai'movowonogano. Su toro toga soolwara tovi'aro yomollo'mo tov ilaiyoga'maiyo. Toro tovino tov Poolol a'mwo sip toollu aulomwallajupo toorai aro adumul'mwojokaikono. 10“Mi a'mworavoo, akaro toga nevu soolwara tovi'aro avlawa'ji tov sip tooke'aro kuto ivito togai'aro ton kaiyako nyu'nupiyo. Aki nevu a'mwo abolo kunol kuruv kaiyako i'nowa'ji nobola'jo.” Adumul'mwojokaikono. 11Toro adumul'mwojoka kuvi kuruv sip gunyukullokwe tooke'aro sip toollu jukwo tooke'aro tooralno'gwowi aro kuudolorakono. “Navu dole'manollo tov imwogapiyoneyokwe tovino sogwollo kinyo'mo manakullunadopiyo.” Toro kuudolo tovi a'mwo mollurogudo tooravuro mollubworomokwanyokwe tool kaduko wiyo'no Poololluro kuudoka tovino'gwowi muu'nyubusuko to'no sokaikono. 12Toro te a'mwo su tooralluro sogwollo mainyo'mo kwinolo tovino kavlo tov aro tovinokwono. Soolwaravuro buugo boulowomwonoso su toru dole'manollo bwotonyo yodowo'jure toga sip tooro yiulo ku'nono mauloda'mdupudorukono. Toro tovino tov sip toolluda'ai bwotonyago aulomwallajupo ton aro kuudo sauropogano. Wagwolago Finiks toru sip tooro daiyo'mo tov ilaiyorukono. Toro tovino tov wagwolago su tovi ki'movowanonoldukoneyokwe yamju avlawano. Me'no ki'movowa'ji dole'manollo tov nyumwogapiyono'mdukoneyokwe sogwollo kinanonogano. Kuudo sauropogano. Toro kuudo yau'no sumaveyokwe soolwara tovi aki aiko te plaiyo'mo kwinopogano. Wagwolago Finiks su tov aku'momdo Krit tomuu wo'dowodokwono. Aki aku'momdo su tovi sip tooro kuulodaiyo'moneyokwe soolwaravuro buugo boulowomwonoso puruv wo'dowodorukono. Aki buugo su tovuro mago tov imuugu kuujo tool kwolmoka tomgu'aro kuusu'na'dowodokwono.
Dole'manollo yoduke tovida'ai soolwara tov luwagu luwaguto soka tovinokwono
13Toro kuudo yau'no sumaveyokwe sogwollo kinodopure toga dolo kavenodo puruv wonyo kwolmoka saut tomuuda'ai sulabokakwono. Toro ilaboduke tovi sip toolluda'ai a'mwo womdokwe tooro wono'mno kuudo sauroporogano. Oo aga nokwo plawano'mdeyo. Toro kuudo yau'no sumaveyokwe sip toollu ki'nomwora'dowodo jul'nyokwe tov wuulo tovi'aro aluve'nomaroporogano. Toro luve'noma'no sumaveyokwe nevu kuugollu'movowonogano. Toro wuugollu'mo'mno sumawoneyokwe aku'momdo Krit tovuro wolo wobo toru'aro avlavowonogano. 14Toro pla'mdowore toga dolo bwotonyo kuunodo puruv aku'momdo Krit tomuuda'ai kwolabokakwono. Dolo su tovino yovo tov aro dodupudokwono. Kuujo Tool Sulopiyamoka Kwonamo Tomguda'ai Wolabodowodo Dolovo, dodupudokwono. 15Toro te dolo bwotonyo su tov wolabo'no nemoro sip toollu abwoluuromiyokakwono. Toro bwoluuromiyoduke toga a'mwo womdokwe tooro sip toollu molladu'mwonyo'mo sopo kworo kuruv ku'nono miyoporogano. Toro tooro nokwo wonyapino yodopure toga dolo bwotonyo tov nemoro sip toollu amolobeyomokwokakwono. 16Toro molobeyomokwino sumaiyokwe aku'momdo kula'nyo puruv, Kaudavo, dodupudo tovi buulo tomuu'aro kuuwokakwono. Toro wino sumaiyokwe aku'momdo su tov dolo tovi kuullukurokakwono. Toro uulluku'duke toga nemoro sip tool boot kula'nyo puvi ame'nomokavlaiyajukekono. Toro te boot kula'nyo su tov kaiyako nyo'jokwe nevu womdo bwotonyo sowonogano. 17Toro ino sumawoneyokwe boot su tovi luve'nomarowono sip toollu muunyu toru amorosowonogano. Toro morosuno sumawoneyokwe a'mwo womdokwe tooro nemoro sip aguto tool kaiyako nyu'no'jokwe wuulo pun dolago tomuu kwolopiyaporogano. Toro wolopino sumaveyokwe guureji agalogullosoporogano. Toro galogullosuno sumaveyokwe luko yo'mno aro adoporogano. “Sip akal weko pun soolwaravi akuuto tomuu wo'dowodo puvi nouloudapiyo'jo.” Weko su tov kantri Afrika tovuro wolo wobo toru wo'dowodokwono. Weko su tovi nouloudapiyo'jokwe kuudo yau'no sumaveyokwe sip toollu ki'nomworallo'moneyokwe jul'nyokwe tool wuulo tovi'aro kwolomollukwo'bworopiyaporogano. Toro te jul'nyokwe su tool wolomollukwo'bworopino sumaveyokwe dolo tov sip toollu kuuno amolobeyomokwokakwono. 18Toro molobeyomokwoduke toga dole'manollo tov guureji kuuno sokakwono. Toro ino ino sumaiyokwe iruko aikomguda'ai tollugwoji sip tool paiko imo'nyo'moneyokwe a'mwo womdokwe tooro kuto ivito pun maro'mno soolwara tovi abwolomodukwopiyaporogano. 19Toro bwolomodukwopino sumaveyokwe iruko aikomguda'ai tollugwoji sip toollu yomollomokavla'mdupudo pun maro'mno soolwara tovi abwolomodukwopiyaporogano. 20Yiuwi'nokai su ton me'no bwolomodukwopino sumaveyokwe iruko bwotonyago tobuullu kuujo tooke'aro sullugabwo togai'aro tonyu mwonyajuwonogano. Aki dole'manollo tov guureji ino ino sajukokwono. Toro yoduke tovi nevu yiuwi'nokai tonol wonowono aro kuudo saurowonogano. Oo me'nogano. A'mwo pwolnodo kwol kuruv manekullo'mwojononogano. Yiuwi'nokai tonollu soolwara tov nomulegoukuuranekubwenonogano. Kuudo saurowonogano.
21Toro wimo'noduke toga sip toolluda'ai a'mwo aulomwallajupo tooro wosamujuko mano'mno iruko bwotonyago pubuul kuuwolo'nokarogano. Toro me'no uuwolo'nyuno sumaiyokwe Poolol kworavuro akuuto toru iloda'mno sumaiyokwe aro kuudokaikono. “Kevu moro yogalo aikudo tovi kaduko yopi aku'momdo Krit toru muugollu'movowa'jujuko'mno'juki kaiyako akav mamarowa'jujukokwono. 22Kevu kaduko manyumwa'jupo kuvi kuruv aga'no'gwowi neya duu'nyulo. Nevu yiuwi'nokai aboulomwakuuwo akanolluro pwolnodo kwol kuruv mabolonekono. Yiuno sip toolno'gwowi kaiyako nyu'nonekono. Toro tovino tov nuu guureji aro adaikullumwojadokwono. Kemi poowokalago ton jurogudo nokwo jumo'nyulo. 23Moro toro adaikullumwojadokwo tov aro tovinokwono. Anuugwo surakuuto toga Gooti toolluro ensel pwol abonyuru'masukekono. Nuu Gooti su toolluronyugono. Aki Gooti su toolluno ilomoropiyodamdonyugono. Toro te Gooti su toolluro ensel pwol bonyuru'ma'dowo 24aro anyujungikekono. “Poololoo, guu luko mibinono. Guu a'mwo aguto Sisa toolluro sumdollu toru nouloda'binekugono. Toro te guuge'aro yiuwi'nokai a'mwo aulomwakopo toorogai'aro toorekul kaiyako nomapiyokwe Gooti tool ilaiyo nokwo mollekumwalonekono.” Anyujugikekono. 25Toro anyujugiko tovi wuu'nodum nuu Gooti toolluno aro kuudo kuubwemono. Oo yiuwi'nokai ensel toolluro anyujugiko su ton kuvinono nyumo'nono'mdeyo, kuudo kuubwemono. Toro tovino tov mi a'mworavoo, kemi poowokalago ton jurogudo neya jumo'nogaulo.” Kuudokaikono. 26Poolol toro wuujuno sumaiyokwe aki aro kuudokaikono. “Dolo bwotonyo sadopiko akav sip akallu molobeyomokwowo'ji aku'momdo puvuro wolo tovi noudapiyanonogano.” Kuudokaikono.
27Toruda'ai dole'manollo tov yere mimwogapiyo'no nemoro sip aulomwallajuuwo toollu soolwara Meditoreniyen tomuu'aro amolobeyonekumokwokakwono. Toro molobeyonekumokwino sumaiyokwe surakuuto 14 tollugwojuro akuusuduko tomgu'aro toga sip toolluda'ai womdokwe tooro pumgu'aro ibwosuno'mno aro kuudo sauroporogano. Oo kwako puvi wobo toru dobai'mo'mwakuuwono. 28Toro kuudo yau'no sumaveyokwe soolwara tovuro i'numdo tovi wonomallo'moneyokwe sulo agiwolomullosungiko pwollu wuulo tovi'aro soolwara tovi kwolomollukwo'bworopiyaporogano. Toro wolomollukwo'bworopino sumaveyokwe 40 mita toru'aro da'mduke tovi kwonoporogano. Toro wonyuno sumaveyokwe sogwollo pwekwo kino'mno lukomgu sulo su toollu soolwara tovi aki aiko te kwolomollukwo'bworopiyaporogano. Toro wolomollukwo'bworopino sumaveyokwe 30 mita toru'aro da'mduke tovi kwonomaroporogano. 29Toro tovi wonoma'no sumaveyokwe aro kuudo sauroporogano. Sip akal soolwaravuro wolo wobo tomuuda'ai sulo pworai nomunyokuuromaro'jo. Toro kuudo yauro'mno luko ino sumaveyokwe sip toollu ki'nomworallo'moneyokwe jul'nyokwe aval aval pworai sip toollu buulo tomuu'aro kwolomollukwo'bworopiyaporogano. Toro wolomollukwo'bworopino sumaveyokwe aro adoporogano. “Iruko yere neya illourosono'moneyokwe sogwollo kinowa'ji subusu'nyogalo adomwalodano.” Adoporogano. Toro juno sumaveyokwe kuvinono adomwallajuporogano. 30Toro domwalno sumaveyokwe sip toolluda'ai womdokwe tooro lukado plaiyo'mo wino'mno a'mwo abolo tonyu kuunano aro soukuu'nuudoporogano. “Nevu sip akalluro sumdollu toru'no wolowa'ji sip toollu ki'nomworallo'moneyokwe jul'nyokwe pworo wolomollukwo'bworopiyowanonogano.” Toro youkuu'nuujuno sumaveyokwe sip toollu muunyu toru wo'dowodo boot kula'nyo tov soolwara tovi muunyu toru'no abwolomoropiyaporogano. 31Toro bwolomoropiyodopure toorai Poolol wonyuno sumaiyokwe a'mwo mollurogudo toorogai'aro kemi mollubworomokwanyokwe tooke'aro toorai aro kuudokaikono. “A'mwo akabuuro sip akallu maboulomwalpi tov kevu yiuwi'nokai toorekul kaiyako maropi nobolpinorekikono.” Kuudokaikono. 32Poololluro toro kuudoka su tovi mollurogudo tooro wuu'no'mno boot kula'nyo tovuro wuulo tovi aidopuurapiyoporogano. Toro aidopuurapiyopo toga boot kula'nyo su tov soolwara tovi muunyu toru yiunokuudo kuuwokakwono. Toro uuwoduke tovi nokwo wonyapino soporogano.
33Toruda'ai lomwo sosaga toga a'mwo abolo ton wosamujuko pun neya nupino'moneyokwe Poolol guureji aro kuudokaikono. “Kevu 14-pela iruko tobuullu dole'manollo tovino sogwollo to'no kinodupu wosamujuko pun manodupudogaikikono. 34Toro kuvi kuruv kevu yiuwi'nokai togaikul kaiya'no puru'monodo kuruv mamapinogaikikono. Toro tovino tov nuu guureji aro ikudumo'mokwono. Yiuwi'nokai togaikul mujuko'mo nobolpiyokwe kemi wosamujuko ton neya domjonugouloulo.” 35Poolol toro wuujuno sumaiyokwe gami bret pun maro'no a'mwo abolo tonyuro sumdollu toru Gooti toollu, “Nenyoo,” kuudokaikono. Toro me'no wuujuno sumaiyokwe bret pun buudovo'no anokaikono. 36Toro noduke toollu a'mwo abolo ton wono'mno kemoro poowokalago tokwe ilaiyo ibwosunodupu kemi wosamujuko pun amjonugoulapogano. 37Nevu yiuwi'nokai sip toolluda'ai aulomwallajuuwo tonol 276 a'mwo abolo tonogano. 38Toro te wosamujuko ton me'no mujonugoulno sumaveyokwe anyuto'nopogano. Toro nyuto'nyuno sumaveyokwe sip tool paiko imo'nyo'moneyokwe wit sulo sip toollu kuula'duke ton soolwara tovi abwolomodukwopiyapogano.
Sip tool kaiyako soka tovinokwono
39Toruda'ai iruko me'no illourosoduke toga sip toolluro womdokwe tooro kwako puruv wobo toru wo'duke tovi wono'mno noo'nookwo soporogano. Toro tooro soolwaravuro buugo boulowomwonoso puvuro wemomago wo'duke tovi kwonoporogano. Toro tovi wonyuno sumaveyokwe aro kuudo sauroporogano. Oo nevu sip toollu mogunyukuromokwowa'ji wemomago su tovi nokwo puudapiyanonoldukoneyokwe tovino yamju wiyoganano. 40Toro kuudo yau'no sumaveyokwe sip toollu ki'nomworallo'moneyokwe jul'nyokwe wuulo toboro aidopuurapiyoporogano. Toro aidopuurapiyopo toga jul'nyokwe su tooro soolwara tovi anakuuto tomuu yiunokuudo kwolaporogano. Aki wonyo puraibwollo'mo iko tousoda'ai wuulo agullosungiko ton amollukwolapiyoporogano. Toro mollukwolapino sumaveyokwe sip toollu dolo tov mokwono'moneyokwe sel toul aki aiko te ame'duvolosoporogano. Toro ame'duvolosopo toga dolo tov sip toollu wemomago tomuuno amokwokakwono. 41Toro mokwino sumaiyokwe sip tool soolwaravuro anakuuto tomuuda'ai weko tovi aiboptovomarokaikono. Gamoro subuuto tomgu weko tovi audapiyokaikono. Toro puudapiyoduke toga soolwaravuro luwagu luwaguto tov guureji ino sumaiyokwe sip toolluro buulo tomgu kaiyako yiunokuudo airowo'dolapiyokakwono. 42Toro kirowo'dolapiyoduke toga a'mwo mollurogudo tooro aro kuudo sauroporogano. Wei, a'mwo wuulo merosodowado tooro kwako tovino pwo'nugwopi lukado nyurolo'nugovlapinorodeyo. Toro kuudo yau'no sumaveyokwe yogalo pwekwo domwalo'mno aro adomduukuurosoporogano. “Nevu a'mwo wuulo ki'na'dupudo toorai neya romiyosanorogano.” 43Toro adomdukuurosopo kuvi kuruv kemi mollubworomokwanyokwe tool Poolollu wiyo'mwojo'moneyokwe kuudo yauro'no gami mollurogudo su toorai aduumjukurokaikono. Toro duumjuku'no sumaiyokwe aro aduuwiyokaikono. “Yiuwi'nokai wonyo tovi nokwo pwo'nugovla'mdupudo togaikul soolwara tovi wolodukwopiyapi sumdomgu kugaikulda'ai pwo'nugwopi wonyo wolo toru nokwo ki'movapinogaikikono. 44Aki pugaikul ku'nono mawo'nugovla'mdupudo togaikul i'nollumeyodeyo oo sip toolluda'ai buro'nyo buro'nyodeyo awo'dolopiyapiko ton maropi lukomgu dovrebo'mawilo. Yopi wolo toru'no de'movoulo.” Aduuwiyokaikono. Toro aduuwiyoka tovi nevu yiuwi'nokai tonol kuvinono kuumjunowonogano. Toro uumjunyuno sumawoneyokwe pwolnodo kwol kuruv kaiyako mamarokaikono. Yiuwi'nokai tonol yiuno ilaiyo to'no ai'movowonogano.
Currently Selected:
Kuurotokwe 27: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 27
27
Poolollu wagwolago Room'no sip tovi'aro amorapiyopo tovinokwono
1Toruda'ai Poolollu kantri Itali tomuuno nevuge sip tovi'aro morapiyo'mo me'no domduukuurosuno sumaveyokwe aro soporogano. Pooleke'aro a'mwo wuulo killo'mo ago tovi amerosajupo pworogai'aro toorai a'mwo mollurogudo tooravuro mollubworomokwanyokwe pwolluro ato tovi amorubweyoporogano. A'mwo su toolluno yovo tov Juuliyosolekono. Toro tool Roomda'ai 100 mollurogudo toorai amollubworomokwanyajukekono. Aki mollurogudo su tooraino aro ajajuporogano. “A'mwo Aguto Sisa tovasuro Mollurogudorogano.” Ajajuporogano. 2Toro te a'mwo mollurogudo mollubworomokwanyokwe su toolluro ato tovi me'no morubweno sumaveyokwe nevu yiuwi'nokai toonol sip pwollu mobiyosowono sulomwalowonogano. Sip su tool wagwolago Adramitiyomda'aiyekono. Aki sip su tool kwako Esiya tomuuno plavowo'ji wagwolago soolwaravi wolo wo'dupudo tonyu ki'meyo'mekono. Toro te sip su toollu ilomwalno sumawoneyokwe kuugollu'movowonogano. Su toro toga a'mwo Masedooniyada'ai pwol nevuge avlavowekono. Toro tool wagwolago Tesaloonaika toru mwalodowodekono. A'mwo su toolluno yovo tov Aristakosolekono. 3Toro toonol plaino sumawoneyokwe iruko aikomguda'ai tollugwoji wagwolago Saidoon toru ai'movowonogano. Toro ki'mo'mno sumawoneyokwe Poolol wagwolago su tovida'ai gavuge ibwoto'nyo toorai wuuru'mallo'mo kwinokaikono. Toro winoduke toollu mollurogudo Juuliyosol ilaiyo mollo'no muumjukurokaikono. Toro te Poolol wagwolago su tovida'ai gavuge ibwoto'nyo tooraiyomno uuwo'no kuuru'marokaikono. Toro wuuru'ma'duke toollu gami ibwoto'nyo tooro wosamujuko pugai'aro noonyumwonyu supto yoduke pugai'aro ton kwiyoporogano. 4Toro wino sumaveyokwe nevu sip toollu aki aiko te ilomwalowono kuugollu'movowonogano. Toro wuugollu'mo'mno sumawoneyokwe dolo bwotonyo puruv nemoro sip toollu kuumjukurokakwono. Toro tovino tov dolo su tov nonekumjukuro'jokwe aku'momdo Saipros tovi buulo tomuu'aro suwolovowonogano. 5Toro iwolowono soolwara tovi wino sumawoneyokwe proovins puruvallu wobo toru'aro kuuwolovowonogano. Proovins su tovalluno yovo tov Silisiyake Pamfiliyake tovakono. Toro tovallu me'no uuwoleno sumawoneyokwe proovins Laisiya tomuuda'ai wagwolago puvi ai'movowonogano. Wagwolago su tovino yovo tov Mairavokwono.
6Wagwolago su tovi ki'mo'mno sumawoneyokwe sip toolluda'ai abolokwowonogano. Toro bolokwino sumawoneyokwe a'mwo mollurogudo tooravuro mollubworomokwanyokwe tool sip muuduko pwollu so'mgonomarokaikono. Sip su tool wagwolago Aleksadriyada'ai wolabo'no kwako Itali tomuuno plaiyo'mekono. Toro toollu yo'mgonoma'no sumaiyokwe sip su toolluno nemi mollubworonekumokaila'no sulomwalowonogano. Toro ilomwalno sumawoneyokwe avlavowonogano. 7Toro plaino sumawoneyokwe dolo guureji yoduke tovino tov yere mai'movowonogano. Toro kwonol kuruv iruko pubuullu yogudo guureji ino ino sumawoneyokwe wagwolago Niduus'no wobo toru ai'movowonogano. Toro ki'mo'mno sumawoneyokwe dolo tov nonekumjukuro'jokwe aku'momdo Krit tovi buulo tomuu'aro suwolovowonogano. Toro iwolo'mno sumawoneyokwe kwako puruv iroka to'busuko soolwaravi idowosodowodo tovi wobo toru'aro kuuwolovowonogano. Kwako su tovino yovo tov Salmooneyovokwono. 8Toro tovi uuwoleno sumawoneyokwe soolwaravuro buugo boulowomwonoso puru ai'movowonogano. Buugo su toru'no yovo tov Sip Tooro Kaiyako Nomapiyokwe Wonyo Buugoveyorukono. Aki toro tov wagwolago Laseya'no wobo toru wo'dowodokwono. Toro towai ki'meyo'mo tov kavenodo'maiyo.
9Toro te nevu iruko bwotonyago tobuullu jurogudo ino ino sumawoneyokwe kuruv yere mai'movowonogano. Aki Juu tooravuro wosamujuko kumako mwalodupudo iruko aguto kullugwo kuruv anekuuwolo'nokanogano. Iruko bwotonyago tobuul me'no nekuuwolo'no'no toro ai'movowonogano. Su toro toga soolwara tovi'aro yomollo'mo tov ilaiyoga'maiyo. Toro tovino tov Poolol a'mwo sip toollu aulomwallajupo toorai aro adumul'mwojokaikono. 10“Mi a'mworavoo, akaro toga nevu soolwara tovi'aro avlawa'ji tov sip tooke'aro kuto ivito togai'aro ton kaiyako nyu'nupiyo. Aki nevu a'mwo abolo kunol kuruv kaiyako i'nowa'ji nobola'jo.” Adumul'mwojokaikono. 11Toro adumul'mwojoka kuvi kuruv sip gunyukullokwe tooke'aro sip toollu jukwo tooke'aro tooralno'gwowi aro kuudolorakono. “Navu dole'manollo tov imwogapiyoneyokwe tovino sogwollo kinyo'mo manakullunadopiyo.” Toro kuudolo tovi a'mwo mollurogudo tooravuro mollubworomokwanyokwe tool kaduko wiyo'no Poololluro kuudoka tovino'gwowi muu'nyubusuko to'no sokaikono. 12Toro te a'mwo su tooralluro sogwollo mainyo'mo kwinolo tovino kavlo tov aro tovinokwono. Soolwaravuro buugo boulowomwonoso su toru dole'manollo bwotonyo yodowo'jure toga sip tooro yiulo ku'nono mauloda'mdupudorukono. Toro tovino tov sip toolluda'ai bwotonyago aulomwallajupo ton aro kuudo sauropogano. Wagwolago Finiks toru sip tooro daiyo'mo tov ilaiyorukono. Toro tovino tov wagwolago su tovi ki'movowanonoldukoneyokwe yamju avlawano. Me'no ki'movowa'ji dole'manollo tov nyumwogapiyono'mdukoneyokwe sogwollo kinanonogano. Kuudo sauropogano. Toro kuudo yau'no sumaveyokwe soolwara tovi aki aiko te plaiyo'mo kwinopogano. Wagwolago Finiks su tov aku'momdo Krit tomuu wo'dowodokwono. Aki aku'momdo su tovi sip tooro kuulodaiyo'moneyokwe soolwaravuro buugo boulowomwonoso puruv wo'dowodorukono. Aki buugo su tovuro mago tov imuugu kuujo tool kwolmoka tomgu'aro kuusu'na'dowodokwono.
Dole'manollo yoduke tovida'ai soolwara tov luwagu luwaguto soka tovinokwono
13Toro kuudo yau'no sumaveyokwe sogwollo kinodopure toga dolo kavenodo puruv wonyo kwolmoka saut tomuuda'ai sulabokakwono. Toro ilaboduke tovi sip toolluda'ai a'mwo womdokwe tooro wono'mno kuudo sauroporogano. Oo aga nokwo plawano'mdeyo. Toro kuudo yau'no sumaveyokwe sip toollu ki'nomwora'dowodo jul'nyokwe tov wuulo tovi'aro aluve'nomaroporogano. Toro luve'noma'no sumaveyokwe nevu kuugollu'movowonogano. Toro wuugollu'mo'mno sumawoneyokwe aku'momdo Krit tovuro wolo wobo toru'aro avlavowonogano. 14Toro pla'mdowore toga dolo bwotonyo kuunodo puruv aku'momdo Krit tomuuda'ai kwolabokakwono. Dolo su tovino yovo tov aro dodupudokwono. Kuujo Tool Sulopiyamoka Kwonamo Tomguda'ai Wolabodowodo Dolovo, dodupudokwono. 15Toro te dolo bwotonyo su tov wolabo'no nemoro sip toollu abwoluuromiyokakwono. Toro bwoluuromiyoduke toga a'mwo womdokwe tooro sip toollu molladu'mwonyo'mo sopo kworo kuruv ku'nono miyoporogano. Toro tooro nokwo wonyapino yodopure toga dolo bwotonyo tov nemoro sip toollu amolobeyomokwokakwono. 16Toro molobeyomokwino sumaiyokwe aku'momdo kula'nyo puruv, Kaudavo, dodupudo tovi buulo tomuu'aro kuuwokakwono. Toro wino sumaiyokwe aku'momdo su tov dolo tovi kuullukurokakwono. Toro uulluku'duke toga nemoro sip tool boot kula'nyo puvi ame'nomokavlaiyajukekono. Toro te boot kula'nyo su tov kaiyako nyo'jokwe nevu womdo bwotonyo sowonogano. 17Toro ino sumawoneyokwe boot su tovi luve'nomarowono sip toollu muunyu toru amorosowonogano. Toro morosuno sumawoneyokwe a'mwo womdokwe tooro nemoro sip aguto tool kaiyako nyu'no'jokwe wuulo pun dolago tomuu kwolopiyaporogano. Toro wolopino sumaveyokwe guureji agalogullosoporogano. Toro galogullosuno sumaveyokwe luko yo'mno aro adoporogano. “Sip akal weko pun soolwaravi akuuto tomuu wo'dowodo puvi nouloudapiyo'jo.” Weko su tov kantri Afrika tovuro wolo wobo toru wo'dowodokwono. Weko su tovi nouloudapiyo'jokwe kuudo yau'no sumaveyokwe sip toollu ki'nomworallo'moneyokwe jul'nyokwe tool wuulo tovi'aro kwolomollukwo'bworopiyaporogano. Toro te jul'nyokwe su tool wolomollukwo'bworopino sumaveyokwe dolo tov sip toollu kuuno amolobeyomokwokakwono. 18Toro molobeyomokwoduke toga dole'manollo tov guureji kuuno sokakwono. Toro ino ino sumaiyokwe iruko aikomguda'ai tollugwoji sip tool paiko imo'nyo'moneyokwe a'mwo womdokwe tooro kuto ivito pun maro'mno soolwara tovi abwolomodukwopiyaporogano. 19Toro bwolomodukwopino sumaveyokwe iruko aikomguda'ai tollugwoji sip toollu yomollomokavla'mdupudo pun maro'mno soolwara tovi abwolomodukwopiyaporogano. 20Yiuwi'nokai su ton me'no bwolomodukwopino sumaveyokwe iruko bwotonyago tobuullu kuujo tooke'aro sullugabwo togai'aro tonyu mwonyajuwonogano. Aki dole'manollo tov guureji ino ino sajukokwono. Toro yoduke tovi nevu yiuwi'nokai tonol wonowono aro kuudo saurowonogano. Oo me'nogano. A'mwo pwolnodo kwol kuruv manekullo'mwojononogano. Yiuwi'nokai tonollu soolwara tov nomulegoukuuranekubwenonogano. Kuudo saurowonogano.
21Toro wimo'noduke toga sip toolluda'ai a'mwo aulomwallajupo tooro wosamujuko mano'mno iruko bwotonyago pubuul kuuwolo'nokarogano. Toro me'no uuwolo'nyuno sumaiyokwe Poolol kworavuro akuuto toru iloda'mno sumaiyokwe aro kuudokaikono. “Kevu moro yogalo aikudo tovi kaduko yopi aku'momdo Krit toru muugollu'movowa'jujuko'mno'juki kaiyako akav mamarowa'jujukokwono. 22Kevu kaduko manyumwa'jupo kuvi kuruv aga'no'gwowi neya duu'nyulo. Nevu yiuwi'nokai aboulomwakuuwo akanolluro pwolnodo kwol kuruv mabolonekono. Yiuno sip toolno'gwowi kaiyako nyu'nonekono. Toro tovino tov nuu guureji aro adaikullumwojadokwono. Kemi poowokalago ton jurogudo nokwo jumo'nyulo. 23Moro toro adaikullumwojadokwo tov aro tovinokwono. Anuugwo surakuuto toga Gooti toolluro ensel pwol abonyuru'masukekono. Nuu Gooti su toolluronyugono. Aki Gooti su toolluno ilomoropiyodamdonyugono. Toro te Gooti su toolluro ensel pwol bonyuru'ma'dowo 24aro anyujungikekono. “Poololoo, guu luko mibinono. Guu a'mwo aguto Sisa toolluro sumdollu toru nouloda'binekugono. Toro te guuge'aro yiuwi'nokai a'mwo aulomwakopo toorogai'aro toorekul kaiyako nomapiyokwe Gooti tool ilaiyo nokwo mollekumwalonekono.” Anyujugikekono. 25Toro anyujugiko tovi wuu'nodum nuu Gooti toolluno aro kuudo kuubwemono. Oo yiuwi'nokai ensel toolluro anyujugiko su ton kuvinono nyumo'nono'mdeyo, kuudo kuubwemono. Toro tovino tov mi a'mworavoo, kemi poowokalago ton jurogudo neya jumo'nogaulo.” Kuudokaikono. 26Poolol toro wuujuno sumaiyokwe aki aro kuudokaikono. “Dolo bwotonyo sadopiko akav sip akallu molobeyomokwowo'ji aku'momdo puvuro wolo tovi noudapiyanonogano.” Kuudokaikono.
27Toruda'ai dole'manollo tov yere mimwogapiyo'no nemoro sip aulomwallajuuwo toollu soolwara Meditoreniyen tomuu'aro amolobeyonekumokwokakwono. Toro molobeyonekumokwino sumaiyokwe surakuuto 14 tollugwojuro akuusuduko tomgu'aro toga sip toolluda'ai womdokwe tooro pumgu'aro ibwosuno'mno aro kuudo sauroporogano. Oo kwako puvi wobo toru dobai'mo'mwakuuwono. 28Toro kuudo yau'no sumaveyokwe soolwara tovuro i'numdo tovi wonomallo'moneyokwe sulo agiwolomullosungiko pwollu wuulo tovi'aro soolwara tovi kwolomollukwo'bworopiyaporogano. Toro wolomollukwo'bworopino sumaveyokwe 40 mita toru'aro da'mduke tovi kwonoporogano. Toro wonyuno sumaveyokwe sogwollo pwekwo kino'mno lukomgu sulo su toollu soolwara tovi aki aiko te kwolomollukwo'bworopiyaporogano. Toro wolomollukwo'bworopino sumaveyokwe 30 mita toru'aro da'mduke tovi kwonomaroporogano. 29Toro tovi wonoma'no sumaveyokwe aro kuudo sauroporogano. Sip akal soolwaravuro wolo wobo tomuuda'ai sulo pworai nomunyokuuromaro'jo. Toro kuudo yauro'mno luko ino sumaveyokwe sip toollu ki'nomworallo'moneyokwe jul'nyokwe aval aval pworai sip toollu buulo tomuu'aro kwolomollukwo'bworopiyaporogano. Toro wolomollukwo'bworopino sumaveyokwe aro adoporogano. “Iruko yere neya illourosono'moneyokwe sogwollo kinowa'ji subusu'nyogalo adomwalodano.” Adoporogano. Toro juno sumaveyokwe kuvinono adomwallajuporogano. 30Toro domwalno sumaveyokwe sip toolluda'ai womdokwe tooro lukado plaiyo'mo wino'mno a'mwo abolo tonyu kuunano aro soukuu'nuudoporogano. “Nevu sip akalluro sumdollu toru'no wolowa'ji sip toollu ki'nomworallo'moneyokwe jul'nyokwe pworo wolomollukwo'bworopiyowanonogano.” Toro youkuu'nuujuno sumaveyokwe sip toollu muunyu toru wo'dowodo boot kula'nyo tov soolwara tovi muunyu toru'no abwolomoropiyaporogano. 31Toro bwolomoropiyodopure toorai Poolol wonyuno sumaiyokwe a'mwo mollurogudo toorogai'aro kemi mollubworomokwanyokwe tooke'aro toorai aro kuudokaikono. “A'mwo akabuuro sip akallu maboulomwalpi tov kevu yiuwi'nokai toorekul kaiyako maropi nobolpinorekikono.” Kuudokaikono. 32Poololluro toro kuudoka su tovi mollurogudo tooro wuu'no'mno boot kula'nyo tovuro wuulo tovi aidopuurapiyoporogano. Toro aidopuurapiyopo toga boot kula'nyo su tov soolwara tovi muunyu toru yiunokuudo kuuwokakwono. Toro uuwoduke tovi nokwo wonyapino soporogano.
33Toruda'ai lomwo sosaga toga a'mwo abolo ton wosamujuko pun neya nupino'moneyokwe Poolol guureji aro kuudokaikono. “Kevu 14-pela iruko tobuullu dole'manollo tovino sogwollo to'no kinodupu wosamujuko pun manodupudogaikikono. 34Toro kuvi kuruv kevu yiuwi'nokai togaikul kaiya'no puru'monodo kuruv mamapinogaikikono. Toro tovino tov nuu guureji aro ikudumo'mokwono. Yiuwi'nokai togaikul mujuko'mo nobolpiyokwe kemi wosamujuko ton neya domjonugouloulo.” 35Poolol toro wuujuno sumaiyokwe gami bret pun maro'no a'mwo abolo tonyuro sumdollu toru Gooti toollu, “Nenyoo,” kuudokaikono. Toro me'no wuujuno sumaiyokwe bret pun buudovo'no anokaikono. 36Toro noduke toollu a'mwo abolo ton wono'mno kemoro poowokalago tokwe ilaiyo ibwosunodupu kemi wosamujuko pun amjonugoulapogano. 37Nevu yiuwi'nokai sip toolluda'ai aulomwallajuuwo tonol 276 a'mwo abolo tonogano. 38Toro te wosamujuko ton me'no mujonugoulno sumaveyokwe anyuto'nopogano. Toro nyuto'nyuno sumaveyokwe sip tool paiko imo'nyo'moneyokwe wit sulo sip toollu kuula'duke ton soolwara tovi abwolomodukwopiyapogano.
Sip tool kaiyako soka tovinokwono
39Toruda'ai iruko me'no illourosoduke toga sip toolluro womdokwe tooro kwako puruv wobo toru wo'duke tovi wono'mno noo'nookwo soporogano. Toro tooro soolwaravuro buugo boulowomwonoso puvuro wemomago wo'duke tovi kwonoporogano. Toro tovi wonyuno sumaveyokwe aro kuudo sauroporogano. Oo nevu sip toollu mogunyukuromokwowa'ji wemomago su tovi nokwo puudapiyanonoldukoneyokwe tovino yamju wiyoganano. 40Toro kuudo yau'no sumaveyokwe sip toollu ki'nomworallo'moneyokwe jul'nyokwe wuulo toboro aidopuurapiyoporogano. Toro aidopuurapiyopo toga jul'nyokwe su tooro soolwara tovi anakuuto tomuu yiunokuudo kwolaporogano. Aki wonyo puraibwollo'mo iko tousoda'ai wuulo agullosungiko ton amollukwolapiyoporogano. Toro mollukwolapino sumaveyokwe sip toollu dolo tov mokwono'moneyokwe sel toul aki aiko te ame'duvolosoporogano. Toro ame'duvolosopo toga dolo tov sip toollu wemomago tomuuno amokwokakwono. 41Toro mokwino sumaiyokwe sip tool soolwaravuro anakuuto tomuuda'ai weko tovi aiboptovomarokaikono. Gamoro subuuto tomgu weko tovi audapiyokaikono. Toro puudapiyoduke toga soolwaravuro luwagu luwaguto tov guureji ino sumaiyokwe sip toolluro buulo tomgu kaiyako yiunokuudo airowo'dolapiyokakwono. 42Toro kirowo'dolapiyoduke toga a'mwo mollurogudo tooro aro kuudo sauroporogano. Wei, a'mwo wuulo merosodowado tooro kwako tovino pwo'nugwopi lukado nyurolo'nugovlapinorodeyo. Toro kuudo yau'no sumaveyokwe yogalo pwekwo domwalo'mno aro adomduukuurosoporogano. “Nevu a'mwo wuulo ki'na'dupudo toorai neya romiyosanorogano.” 43Toro adomdukuurosopo kuvi kuruv kemi mollubworomokwanyokwe tool Poolollu wiyo'mwojo'moneyokwe kuudo yauro'no gami mollurogudo su toorai aduumjukurokaikono. Toro duumjuku'no sumaiyokwe aro aduuwiyokaikono. “Yiuwi'nokai wonyo tovi nokwo pwo'nugovla'mdupudo togaikul soolwara tovi wolodukwopiyapi sumdomgu kugaikulda'ai pwo'nugwopi wonyo wolo toru nokwo ki'movapinogaikikono. 44Aki pugaikul ku'nono mawo'nugovla'mdupudo togaikul i'nollumeyodeyo oo sip toolluda'ai buro'nyo buro'nyodeyo awo'dolopiyapiko ton maropi lukomgu dovrebo'mawilo. Yopi wolo toru'no de'movoulo.” Aduuwiyokaikono. Toro aduuwiyoka tovi nevu yiuwi'nokai tonol kuvinono kuumjunowonogano. Toro uumjunyuno sumawoneyokwe pwolnodo kwol kuruv kaiyako mamarokaikono. Yiuwi'nokai tonol yiuno ilaiyo to'no ai'movowonogano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida