Kuurotokwe 28
28
Poolol aku'momdo Malta toru amwaloka tovinokwono
1Soolwaravuro wolo toru ilaiyo to'no me'no ki'mo'mno sumawoneyokwe toga aku'momdo su tovino aro kuudo souromarowonogano. Oo aku'momdo akavino yovo tov Maltavo dodupudo'mdeyo. Kuudo souromarowonogano. 2Toro youroma'no sumawoneyokwe aku'momdo su tovida'ai a'mwo mwalodupudo tooro nemi monekullubwoto'mno sumaveyokwe ilaiyo to'no amollonekumwaloporogano. Toro mollonekumwalno sumaveyokwe lukuuto tov nekumaro'no buuruko tov aiyo avomarokakwono. Toro imo'noduke tovino tov a'mwo su tooro duko puruv samjurovoporogano. Duko su tovi me'no yomjuroudapino sumaveyokwe nemi kulako ton duko tovi imwonyallo'moneyokwe adonekumaroporogano. Toro donekuma'no sumaveyokwe nevu kworogai duko tovi aiyowomno amomwodovomarowonogano. 3Toro momwodovoma'no sumawoneyokwe nevu duko tovi imwonya'dowore toga Poolol du'amgono'mo avlavokaikono. Toro tool duko pun yo'mgonerovomokabino sumaiyokwe abiroudapiyokaikono. Toro biroudapino sumaiyokwe gabakuto yaunanyo pwol Poololluro dukureyo suroudapiyoka tovi akuuto tomuu aulallajuko tool lukado abolokwokaikono. Toro bolokwino sumaiyokwe Poololluro ato tovi tuko abilodovo'gwolarokaikono. 4Toro wimo'noduke tovi a'mwo aku'momdo tovida'ai mwalodupudo tooro amuugonaropogano. Toro tooro gabakuto Poololluro ato tov mogudupolopiyoduke toollu wono'mno aro sajunoporogano. “Oo a'mwo akal a'mwo pworai romiyosodowodoldeyo. Toro tool soolwara tovi me'no surolo'nugomoka kwollu kuruv nemoro gooti to'mono'gwowi gami mido marowo'ji yiuno'no bolonoldeyo.” Sajunoporogano. A'mwo su tooro kemi kuunano gooti su tovino aro dodupudorogano. “Nemi Gooti tov Yiuwi'nokai A'mwo Abolo Tonyu Mido Mallokweyokwono.” Dodupudorogano. 5Toro dodopure kuvi kuruv Poolol gabakuto su toolluro tuko adovoka tovida'ai kaiyako pun mamarokaikono. Toro te Poolol gabakuto su toollu mourokurumwogapino sumaiyokwe duko tovi amolluroudapiyokaikono. 6Poolollu wimo'noduke su tovino aku'momdo tovida'ai a'mwo mwalodupudo tooro wono'mno aro kuudo sauroporogano. A'mwo su toolluro kulako tov nomnono'mdukono oo yiuno'no bolonoldukono? Toro kuudo yau'no sumaveyokwe adado wimo'nonoldukoneyokwe tovino muugonaro'mno yiuno sogwollo to'no ainomwallajuporogano. Toro kinomwalopure kuvi kuruv Poolollu noonyumwonyu pun mwimo'nokaikono. Toro toollu me'no wonoma'no sumaveyokwe kuudo muuduko yauro'mno aro adoporogano. “Awi, a'mwo su tool gooti pwekono.” Adoporogano.
7To'no'gwowi soolwaravuro wolo ai'movowo woboruda'ai kwako wo'dowodo tov a'mwo pwollurokwono. A'mwo su toolluno yovo tov Puubliyasolekono. Toro tool aku'momdo su toruda'ai a'mwo abolo mwalodupudo tonyuro a'mwo aguto kuunodekono. Toro tool gamoro ago tomuuno anekumokwokanogano. Toro nekumokwino sumaiyokwe nemi yanekullubwotovo'no gamoro ago toru iruko pullapullu tobuullu ilaiyo to'no amollonekumwallajukekono. 8Toro mollonekumwaloduke toga Puubliyasolluro ganumiyago tool kula'du'nobollo tokwe'aro lukapoka tokwe'aro toval winoduke tool gami noluuleyo tovino suloga'bwo'nallajukekono. Toro iloga'bwo'na'duke toollomno Poolol uuwo'no kuuru'marokaikono. Toro wuuru'ma'no sumaiyokwe Poolol gamoro ato tov a'mwo nobollokwe su tekwoji muunyu toru iloso'no subusu'nyogalo amadokaikono. Toro majuno sumaiyokwe a'mwo nobollokwe su tekwoji sukulokaikono. 9Toro ikulno sumaiyokwe aki aku'momdo su tovida'ai yiuwi'nokai a'mwo abolo nobollokwe ton Poolollomno abiyajupogano. Toro bodopure tonyu Poolol sukullajukekono. 10Toro ikulno sumaiyokwe aku'momdo su toruda'ai a'mwo abolo mwalodupudo ton nemi ilaiyo kuunodo amonekullopogano. Toro ton lukomgu nevu nuugollu'meyo'mo toga aro sopogano. Wosamujuko nonugovlaiyo'mo pugai'aro noonyumwonyu supto nya'jokweyo'mo pugai'aro ton sip toollu aulomorosopogano.
Poolol wagwolago Room toru ai'movoka tovinokwono
11Toruda'ai aku'momdo Malta toru lobako pworapwol tobuullu me'no mwalno sumawoneyokwe lukomgu nuugollu'meyo'mo toonol sip pwollu'aro plaiyo'moneyokwe nuugwiyo tov amobiyosowonogano. Sip su tool sumdomgu dole'manollo tov yere miyoduke toga wagwolago Aleksadriyada'ai abokaikono. Toro tool lukomgu dole'manollo soka toga aku'momdo Malta tovi kuula'no sogwollo ainyajukekono. Aki sip su toollu mido tovi kuunano gooti pworalbusuko kula'noka todorallu sokwolludapingikokwono. Su todoral kuunano gooti Suus toolluro kwolaiyo guro'marolo toorallu sokwolludapingikokwono. 12Toro te nevu sip su toollu ilomwalowono plaino sumawoneyokwe wagwolago Sirakuus toru ai'movowonogano. Toro ki'mo'mno sumawoneyokwe iruko pullapullu tobuul wagwolago su towai amwalowonogano. 13Toro mwalno sumawoneyokwe lukomgu wuugollu'movowono plaino sumawoneyokwe wagwolago Rejiyom toru ai'movowonogano. Toro ki'mo'mno sumawoneyokwe aki iruko aikomguda'ai tollugwoji aki aiko te pla'mdowore toga wonyo kwolmoka saut tomuuda'ai subo'dolo puruv aulabokakwono. Dolo su tov kuulabino sumaiyokwe nemoro sip toollu ame'nomokavlavokakwono. Toro me'nomokavla'mno me'nomokavla'mno sumaiyokwe iruko pullugwo kuuwolo'nokakwono. Toro uuwolo'nyuno sumaiyokwe iruko aikomguda'ai tollugwoji wagwolago Puutooli toru ai'movowonogano. 14Toro ki'mo'mno sumawoneyokwe sip toolluda'ai bolokwowono wagwolago su tovida'ai Jisasolluro a'mwo abolo punyu kuuru'marowonogano. A'mwo abolo su ton nemi aro anekudoganopogano. “Kevu nevuge iru'mato pwekwo nokwo mwalanorekuldeyo?” Anekudoganopogano. Toro anekudoganopo tovino tov nevu a'mwo abolo su togai 7-pela iruko tobuullu amwalowonogano. Toro mwalno sumawoneyokwe lukomgu wagwolago Room'no kwokado avlavowonogano. 15Nevu puuto tovi pla'mdowore toga wagwolago Roomda'ai Jisasolluro a'mwo abolo pun wuu'no'mno nemi puuto su tomuu bwolonekuru'mallo'moneyokwe kwolabopogano. Toro ton wolabino sumaveyokwe pun puuto su tovida'ai wosamuju'maket wosodupudo toru abwolonekuru'maropogano. Maket su tovino yovo tov, Apiyosovo, dodupudokwono. Aki pun puuto su tovida'ai sa wollo'moneyokwe ago ton wo'dupudo toru abwolonekuru'maroponogano. Ago su tonyuno yovo tov Sa Wollo'moneyokwe Biyoma'dupudo Ago Puusapuulovogano. Toro tomuu a'mwo abolo su ton bwolonekuru'ma'no sumaveyokwe Poolol a'mwo abolo su tonyu wono'no Gooti toollu, “Nenyoo,” kuudokaikono. Aki toro tool a'mwo abolo su tonyu kwonoka toga gamoro poowokalago tovi jurogudo kwimwojokakwono.
16Toruda'ai nevu wagwolago Room'no kwokado ilno sumawoneyokwe sulai'movowonogano. Toro ilai'mo'mno sumawoneyokwe gavman a'mwo aguto tooro Poolollu wuulo killo'mo ago tovi mamerosoporogano. Toro kuvi kuruv aro adoporogano. “Poolol gavnokwe tool sa wollo'mo aga puvi mobiyosowo'ji wo'mwalonekono. Toro wo'dowo'jure toollu a'mwo mollurogudo pwol nokwo moduvomwalmwalonekono.” Adoporogano. Toro juno sumaveyokwe Pooleke'aro duuwato'moneyokwe a'mwo mollurogudo pweke'aro tooral ago gabovo puvi aulomwallajulorakono.
Poolol wagwolago Room toru kuuguudo sugudo tokwe amoruudoka tovinokwono
17To'no'gwowi Poolol wagwolago Room toru iruko pullapullu me'no mwalno sumaiyokwe toga Juu tooravuro mido mollomwalokwe toorai gamiyomno abupureyokwe adomarokaikono. Toro doma'no sumaiyokwe nobi'bwo'nodopure toorai aro kuudokaikono. “Nuugeravo, nuu moro avalo toorekullu kaiyako mollugolaikumeyo'moneyokwe pun miyodumdonyugono. Aki toro toonyu nemi nellukweyago tooravuro loowo anekullabiyajupo tonyu kisuvolo miyodumdonyugono. Toro kuvi kuruv wagwolago Jeruusalemda'ai Juu tooro mi wuulo yasuwa'no ameranubweyoponyugono. Toro moranubweno sumaveyokwe Roomda'ai tooravuro ato tovi amanbweyoponyugono. 18Toro manbweno sumaveyokwe Roomda'ai tooro kooti yogalo danyo'mno ma'no ma'no puru'monodo kuruv miyo'mgononumaroponyugono. Toro tovino tov Roomda'ai tooro mino aro kuudo sauroporogano. Oo a'mwo akal ma'no ma'no puru'monodo kuruv miyo'mgonoma'mawo toollu yasuwa'no maromiyosanekono. Toro kwollu kuruv nokwo irolowapino yanekono. 19#Krt. 25:11Toro kuudo yau'no sumaveyokwe nyurolovonuwapiyo'mo yodopure toga Juu tooro aduullukuroporogano. Toro duulluku'dopure toorai nuu wonyapino miyono aro kuudonyugono. “Moro kooti yogalo akav a'mwo aguto Sisa tool wuu'nowo'ji domduukuuroso'mo anyunadopiyo.” Kuudonyugono. Moro toro kuudo tovino kevu aro kuudo nyanuupiyo. Oo Poolol gavuge avalo Juu toorai kooti yogalo duuwiyo'moneyokwe kuudokaldeyo. Su toro kuudo nyouronmapiyo. 20Toro tovino tov nuvnokwenyuro mago tokwe ikudumo'mo adekuma'monyugono. Toro te aga mi wuulo ameranubweyopo tovino kavlo tov ikudumo'monyugono. Kevu Isuraiyolda'ai toorekul Gooti toolluro nekullo'mwojo'moneyokwe a'mwo ajesoka toolluno subuu'yamju soka tovino sogwollo kinodupudorekikono. Aki nuu kwonyu kuruv subuu'yamju avalo su tovino sogwollo kinodum kuudo uubweyodumdonyugono. Toro uubweyodumdo tovino tov senyo wuulo akagai ameranubwemwa'juponyugono.” Kuudokaikono.
21Toro kuudoka tovi Juu tooravuro a'mwo aguto tooro aro kuudoporogano. “Nevu gumi bwolomogumogwapiyo'moneyokwe kaiya'no yogalo pun muu'numwakuuwonogano. Aki gumino kaiya'no yogalokwe pas pun proovins Juudiyada'ai manekwopiyabadokwoponogano. Aki nevuge avalo pworo gumino kaiya'no yogalo pun mabanekudadokwoponogano. 22Toro kuvi kuruv gumoro puuto gabovo uumjunodumdo su tovino'gwowi yiuwi'nokai tomuuda'ai a'mwo abolo ton bwolomorumwogapiyo'moneyokwe kaiya'no yogalo bomjodumoulodapudogano. Toro bomjodumoulodopure tonyu nevu me'no wuu'nodowadonogano. Toro te aga nevu guvnokwekujuro kuudo sau'mwakudo tovi wuu'nyo'mo anekullunadopiyo.” Kuudoporogano.
23Toro wuujuno sumaveyokwe lukomgu aki aiko te i'bwo'nomwallo'mo tovino iruko pullugwo ajesoporogano. Lukomgu iruko ajesopo su tollugwoji a'mwo abolo bwotonyago ton Poolollomno bo'mno ago mwaloduke tovi abi'bwo'nopogano. Toro bi'bwo'nodopure tonyu Poolol aguto kig Gooti toolluro mido mollomwalo tovino kuuguudo tov kuu'maiyo toru adodolubweyokaikono. Aki Jisasolluno, Nebaloldeyo, kuudo yaupino'moneyokwe Moosesolluro loowo togai'aro proofet tooravuro puukwollo ajakwollajupo togai'aro tonyu mojagilodowo kavlo ton yiuno pi'mwono sodubwasajukekono. Toro tool lomwo togada'ai yiuno sulato toga'no sodubwosumovlaiyajukekono. 24Toro yodubwosumovla'mduke tovida'ai a'mwo abolo pun wuu'nodupu, Oo nebalo'mdeyo, do'mno kuudo kuubweyopogano. Toro kuvi kuruv a'mwo abolo puno'gwowi kuuguudo su tovi muu'nyubusuko yo'mno kuudo muubweyopogano. 25Toro te a'mwo abolo su ton kuudo go'no go'no yau'no sumaveyokwe imgu amgu puruval seru'mdeyomwalopogano. Toro yeru'mdeyomwalno sumaveyokwe Poololluro kuuguudo tovino yogalo aullajunopogano. Toro ton gamoro ago toru nuugollu'meyo'mo yodopure toga Poolol aiyowo'mo kuuguudo pwekwo aro kuudokaikono. “Aiyoga Gooti toolluro Kuullo tool nemi nellukweyago tonyu moruujo'moneyokwe kuuguudo tov proofet Aisaiyallu kuubweyokaikono. Kuuguudo su tov nebal'nodokwono. Su tov arokwono.
26“Guu a'mwo abolo tonyomno plavo'bi aro domoruudono. Kevu moro kuuguudo tovi wuu'nyuno wuu'nyuno yopi kugaikul kuruv kavlo tovino miyouromapinogaikikono. Aki moro jurogudo tovi kemi sumdo togai wonyuno wonyuno yopi kugaikul kuruv kavlo tovino miyouromapinogaikikono.
27Su toro tov aro tovinokwono. A'mwo abolo ton kuuguudo tovi kadu'molo nyupiyokwe muu'nyubusuko to'no yodupudogano. Aki toro ton kemi sumdo togai noonpiyokwe mwonyubusuko to'no yodupudogano. Toro ton kemi poowokalago kuunodo tokwe nuu Gooti toonyomno kuudo souragunyumo'nopujuko'mno'juki nuu nokwo kwiyo'mwojo'mujukogano. Toro kuvi kuruv a'mwo abolo su tonyuro poowokalago tono'gwowi dogaipo'nyo kuumwiyo kuunodogano.”
Kuuguudo nebal'nodo su tovi kevu Juu toorekulluno Aisaiyal toro ajakwollokaikono.”
28-29Poolol toro wuujuno sumaiyokwe aki aro kuudokaikono. “Kevu kuudo neya jaullulo. Gooti toolluro nemi nekullo'mwojo'moneyokwe womdo sopiyoka tovino kuuguudo tov a'mwo Juu tooravuro miyawosunodupudo tooraiyomno me'no amodapiyokaikono. Toro te a'mwo Juu tooravuro miyawosunodupudo kworo kuruv Gooti toolluro kuuguudo tovi wuu'nopi kuudo nokwo uubwemwalpinorogano.” Kuudokaikono.
30To'no'gwowi Poolol kworomo pullal tollallu a'mwo pwolluro sa wollo'moneyokwe ago amobiyosoka tovi amwallajukekono. Toro mwaloduke toollomno yiuwi'nokai a'mwo abolo buuru'ma'dopure tonyu Poolol ilaiyo to'no amollomallajukekono. 31Toro molloma'dowo a'mwo abolo su ton aguto kig Gooti toolluro mido mollomwalo tovino kuuguudo tov sodubwasajukekono. Aki Aguto Jisas Kraisolluno kuuguudo kurukwe'aro sodubwasajukekono. Poolol toro yodubwasodowodo toga luko miyajukekono. Toro kwol kuruv yiuno kuu'maiyo toru'no amoruujajukekono. Aki toro moruudoduke toollu a'mwo pwolnodo kwol kuruv muumjukullajukekono.
Currently Selected:
Kuurotokwe 28: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 28
28
Poolol aku'momdo Malta toru amwaloka tovinokwono
1Soolwaravuro wolo toru ilaiyo to'no me'no ki'mo'mno sumawoneyokwe toga aku'momdo su tovino aro kuudo souromarowonogano. Oo aku'momdo akavino yovo tov Maltavo dodupudo'mdeyo. Kuudo souromarowonogano. 2Toro youroma'no sumawoneyokwe aku'momdo su tovida'ai a'mwo mwalodupudo tooro nemi monekullubwoto'mno sumaveyokwe ilaiyo to'no amollonekumwaloporogano. Toro mollonekumwalno sumaveyokwe lukuuto tov nekumaro'no buuruko tov aiyo avomarokakwono. Toro imo'noduke tovino tov a'mwo su tooro duko puruv samjurovoporogano. Duko su tovi me'no yomjuroudapino sumaveyokwe nemi kulako ton duko tovi imwonyallo'moneyokwe adonekumaroporogano. Toro donekuma'no sumaveyokwe nevu kworogai duko tovi aiyowomno amomwodovomarowonogano. 3Toro momwodovoma'no sumawoneyokwe nevu duko tovi imwonya'dowore toga Poolol du'amgono'mo avlavokaikono. Toro tool duko pun yo'mgonerovomokabino sumaiyokwe abiroudapiyokaikono. Toro biroudapino sumaiyokwe gabakuto yaunanyo pwol Poololluro dukureyo suroudapiyoka tovi akuuto tomuu aulallajuko tool lukado abolokwokaikono. Toro bolokwino sumaiyokwe Poololluro ato tovi tuko abilodovo'gwolarokaikono. 4Toro wimo'noduke tovi a'mwo aku'momdo tovida'ai mwalodupudo tooro amuugonaropogano. Toro tooro gabakuto Poololluro ato tov mogudupolopiyoduke toollu wono'mno aro sajunoporogano. “Oo a'mwo akal a'mwo pworai romiyosodowodoldeyo. Toro tool soolwara tovi me'no surolo'nugomoka kwollu kuruv nemoro gooti to'mono'gwowi gami mido marowo'ji yiuno'no bolonoldeyo.” Sajunoporogano. A'mwo su tooro kemi kuunano gooti su tovino aro dodupudorogano. “Nemi Gooti tov Yiuwi'nokai A'mwo Abolo Tonyu Mido Mallokweyokwono.” Dodupudorogano. 5Toro dodopure kuvi kuruv Poolol gabakuto su toolluro tuko adovoka tovida'ai kaiyako pun mamarokaikono. Toro te Poolol gabakuto su toollu mourokurumwogapino sumaiyokwe duko tovi amolluroudapiyokaikono. 6Poolollu wimo'noduke su tovino aku'momdo tovida'ai a'mwo mwalodupudo tooro wono'mno aro kuudo sauroporogano. A'mwo su toolluro kulako tov nomnono'mdukono oo yiuno'no bolonoldukono? Toro kuudo yau'no sumaveyokwe adado wimo'nonoldukoneyokwe tovino muugonaro'mno yiuno sogwollo to'no ainomwallajuporogano. Toro kinomwalopure kuvi kuruv Poolollu noonyumwonyu pun mwimo'nokaikono. Toro toollu me'no wonoma'no sumaveyokwe kuudo muuduko yauro'mno aro adoporogano. “Awi, a'mwo su tool gooti pwekono.” Adoporogano.
7To'no'gwowi soolwaravuro wolo ai'movowo woboruda'ai kwako wo'dowodo tov a'mwo pwollurokwono. A'mwo su toolluno yovo tov Puubliyasolekono. Toro tool aku'momdo su toruda'ai a'mwo abolo mwalodupudo tonyuro a'mwo aguto kuunodekono. Toro tool gamoro ago tomuuno anekumokwokanogano. Toro nekumokwino sumaiyokwe nemi yanekullubwotovo'no gamoro ago toru iruko pullapullu tobuullu ilaiyo to'no amollonekumwallajukekono. 8Toro mollonekumwaloduke toga Puubliyasolluro ganumiyago tool kula'du'nobollo tokwe'aro lukapoka tokwe'aro toval winoduke tool gami noluuleyo tovino suloga'bwo'nallajukekono. Toro iloga'bwo'na'duke toollomno Poolol uuwo'no kuuru'marokaikono. Toro wuuru'ma'no sumaiyokwe Poolol gamoro ato tov a'mwo nobollokwe su tekwoji muunyu toru iloso'no subusu'nyogalo amadokaikono. Toro majuno sumaiyokwe a'mwo nobollokwe su tekwoji sukulokaikono. 9Toro ikulno sumaiyokwe aki aku'momdo su tovida'ai yiuwi'nokai a'mwo abolo nobollokwe ton Poolollomno abiyajupogano. Toro bodopure tonyu Poolol sukullajukekono. 10Toro ikulno sumaiyokwe aku'momdo su toruda'ai a'mwo abolo mwalodupudo ton nemi ilaiyo kuunodo amonekullopogano. Toro ton lukomgu nevu nuugollu'meyo'mo toga aro sopogano. Wosamujuko nonugovlaiyo'mo pugai'aro noonyumwonyu supto nya'jokweyo'mo pugai'aro ton sip toollu aulomorosopogano.
Poolol wagwolago Room toru ai'movoka tovinokwono
11Toruda'ai aku'momdo Malta toru lobako pworapwol tobuullu me'no mwalno sumawoneyokwe lukomgu nuugollu'meyo'mo toonol sip pwollu'aro plaiyo'moneyokwe nuugwiyo tov amobiyosowonogano. Sip su tool sumdomgu dole'manollo tov yere miyoduke toga wagwolago Aleksadriyada'ai abokaikono. Toro tool lukomgu dole'manollo soka toga aku'momdo Malta tovi kuula'no sogwollo ainyajukekono. Aki sip su toollu mido tovi kuunano gooti pworalbusuko kula'noka todorallu sokwolludapingikokwono. Su todoral kuunano gooti Suus toolluro kwolaiyo guro'marolo toorallu sokwolludapingikokwono. 12Toro te nevu sip su toollu ilomwalowono plaino sumawoneyokwe wagwolago Sirakuus toru ai'movowonogano. Toro ki'mo'mno sumawoneyokwe iruko pullapullu tobuul wagwolago su towai amwalowonogano. 13Toro mwalno sumawoneyokwe lukomgu wuugollu'movowono plaino sumawoneyokwe wagwolago Rejiyom toru ai'movowonogano. Toro ki'mo'mno sumawoneyokwe aki iruko aikomguda'ai tollugwoji aki aiko te pla'mdowore toga wonyo kwolmoka saut tomuuda'ai subo'dolo puruv aulabokakwono. Dolo su tov kuulabino sumaiyokwe nemoro sip toollu ame'nomokavlavokakwono. Toro me'nomokavla'mno me'nomokavla'mno sumaiyokwe iruko pullugwo kuuwolo'nokakwono. Toro uuwolo'nyuno sumaiyokwe iruko aikomguda'ai tollugwoji wagwolago Puutooli toru ai'movowonogano. 14Toro ki'mo'mno sumawoneyokwe sip toolluda'ai bolokwowono wagwolago su tovida'ai Jisasolluro a'mwo abolo punyu kuuru'marowonogano. A'mwo abolo su ton nemi aro anekudoganopogano. “Kevu nevuge iru'mato pwekwo nokwo mwalanorekuldeyo?” Anekudoganopogano. Toro anekudoganopo tovino tov nevu a'mwo abolo su togai 7-pela iruko tobuullu amwalowonogano. Toro mwalno sumawoneyokwe lukomgu wagwolago Room'no kwokado avlavowonogano. 15Nevu puuto tovi pla'mdowore toga wagwolago Roomda'ai Jisasolluro a'mwo abolo pun wuu'no'mno nemi puuto su tomuu bwolonekuru'mallo'moneyokwe kwolabopogano. Toro ton wolabino sumaveyokwe pun puuto su tovida'ai wosamuju'maket wosodupudo toru abwolonekuru'maropogano. Maket su tovino yovo tov, Apiyosovo, dodupudokwono. Aki pun puuto su tovida'ai sa wollo'moneyokwe ago ton wo'dupudo toru abwolonekuru'maroponogano. Ago su tonyuno yovo tov Sa Wollo'moneyokwe Biyoma'dupudo Ago Puusapuulovogano. Toro tomuu a'mwo abolo su ton bwolonekuru'ma'no sumaveyokwe Poolol a'mwo abolo su tonyu wono'no Gooti toollu, “Nenyoo,” kuudokaikono. Aki toro tool a'mwo abolo su tonyu kwonoka toga gamoro poowokalago tovi jurogudo kwimwojokakwono.
16Toruda'ai nevu wagwolago Room'no kwokado ilno sumawoneyokwe sulai'movowonogano. Toro ilai'mo'mno sumawoneyokwe gavman a'mwo aguto tooro Poolollu wuulo killo'mo ago tovi mamerosoporogano. Toro kuvi kuruv aro adoporogano. “Poolol gavnokwe tool sa wollo'mo aga puvi mobiyosowo'ji wo'mwalonekono. Toro wo'dowo'jure toollu a'mwo mollurogudo pwol nokwo moduvomwalmwalonekono.” Adoporogano. Toro juno sumaveyokwe Pooleke'aro duuwato'moneyokwe a'mwo mollurogudo pweke'aro tooral ago gabovo puvi aulomwallajulorakono.
Poolol wagwolago Room toru kuuguudo sugudo tokwe amoruudoka tovinokwono
17To'no'gwowi Poolol wagwolago Room toru iruko pullapullu me'no mwalno sumaiyokwe toga Juu tooravuro mido mollomwalokwe toorai gamiyomno abupureyokwe adomarokaikono. Toro doma'no sumaiyokwe nobi'bwo'nodopure toorai aro kuudokaikono. “Nuugeravo, nuu moro avalo toorekullu kaiyako mollugolaikumeyo'moneyokwe pun miyodumdonyugono. Aki toro toonyu nemi nellukweyago tooravuro loowo anekullabiyajupo tonyu kisuvolo miyodumdonyugono. Toro kuvi kuruv wagwolago Jeruusalemda'ai Juu tooro mi wuulo yasuwa'no ameranubweyoponyugono. Toro moranubweno sumaveyokwe Roomda'ai tooravuro ato tovi amanbweyoponyugono. 18Toro manbweno sumaveyokwe Roomda'ai tooro kooti yogalo danyo'mno ma'no ma'no puru'monodo kuruv miyo'mgononumaroponyugono. Toro tovino tov Roomda'ai tooro mino aro kuudo sauroporogano. Oo a'mwo akal ma'no ma'no puru'monodo kuruv miyo'mgonoma'mawo toollu yasuwa'no maromiyosanekono. Toro kwollu kuruv nokwo irolowapino yanekono. 19#Krt. 25:11Toro kuudo yau'no sumaveyokwe nyurolovonuwapiyo'mo yodopure toga Juu tooro aduullukuroporogano. Toro duulluku'dopure toorai nuu wonyapino miyono aro kuudonyugono. “Moro kooti yogalo akav a'mwo aguto Sisa tool wuu'nowo'ji domduukuuroso'mo anyunadopiyo.” Kuudonyugono. Moro toro kuudo tovino kevu aro kuudo nyanuupiyo. Oo Poolol gavuge avalo Juu toorai kooti yogalo duuwiyo'moneyokwe kuudokaldeyo. Su toro kuudo nyouronmapiyo. 20Toro tovino tov nuvnokwenyuro mago tokwe ikudumo'mo adekuma'monyugono. Toro te aga mi wuulo ameranubweyopo tovino kavlo tov ikudumo'monyugono. Kevu Isuraiyolda'ai toorekul Gooti toolluro nekullo'mwojo'moneyokwe a'mwo ajesoka toolluno subuu'yamju soka tovino sogwollo kinodupudorekikono. Aki nuu kwonyu kuruv subuu'yamju avalo su tovino sogwollo kinodum kuudo uubweyodumdonyugono. Toro uubweyodumdo tovino tov senyo wuulo akagai ameranubwemwa'juponyugono.” Kuudokaikono.
21Toro kuudoka tovi Juu tooravuro a'mwo aguto tooro aro kuudoporogano. “Nevu gumi bwolomogumogwapiyo'moneyokwe kaiya'no yogalo pun muu'numwakuuwonogano. Aki gumino kaiya'no yogalokwe pas pun proovins Juudiyada'ai manekwopiyabadokwoponogano. Aki nevuge avalo pworo gumino kaiya'no yogalo pun mabanekudadokwoponogano. 22Toro kuvi kuruv gumoro puuto gabovo uumjunodumdo su tovino'gwowi yiuwi'nokai tomuuda'ai a'mwo abolo ton bwolomorumwogapiyo'moneyokwe kaiya'no yogalo bomjodumoulodapudogano. Toro bomjodumoulodopure tonyu nevu me'no wuu'nodowadonogano. Toro te aga nevu guvnokwekujuro kuudo sau'mwakudo tovi wuu'nyo'mo anekullunadopiyo.” Kuudoporogano.
23Toro wuujuno sumaveyokwe lukomgu aki aiko te i'bwo'nomwallo'mo tovino iruko pullugwo ajesoporogano. Lukomgu iruko ajesopo su tollugwoji a'mwo abolo bwotonyago ton Poolollomno bo'mno ago mwaloduke tovi abi'bwo'nopogano. Toro bi'bwo'nodopure tonyu Poolol aguto kig Gooti toolluro mido mollomwalo tovino kuuguudo tov kuu'maiyo toru adodolubweyokaikono. Aki Jisasolluno, Nebaloldeyo, kuudo yaupino'moneyokwe Moosesolluro loowo togai'aro proofet tooravuro puukwollo ajakwollajupo togai'aro tonyu mojagilodowo kavlo ton yiuno pi'mwono sodubwasajukekono. Toro tool lomwo togada'ai yiuno sulato toga'no sodubwosumovlaiyajukekono. 24Toro yodubwosumovla'mduke tovida'ai a'mwo abolo pun wuu'nodupu, Oo nebalo'mdeyo, do'mno kuudo kuubweyopogano. Toro kuvi kuruv a'mwo abolo puno'gwowi kuuguudo su tovi muu'nyubusuko yo'mno kuudo muubweyopogano. 25Toro te a'mwo abolo su ton kuudo go'no go'no yau'no sumaveyokwe imgu amgu puruval seru'mdeyomwalopogano. Toro yeru'mdeyomwalno sumaveyokwe Poololluro kuuguudo tovino yogalo aullajunopogano. Toro ton gamoro ago toru nuugollu'meyo'mo yodopure toga Poolol aiyowo'mo kuuguudo pwekwo aro kuudokaikono. “Aiyoga Gooti toolluro Kuullo tool nemi nellukweyago tonyu moruujo'moneyokwe kuuguudo tov proofet Aisaiyallu kuubweyokaikono. Kuuguudo su tov nebal'nodokwono. Su tov arokwono.
26“Guu a'mwo abolo tonyomno plavo'bi aro domoruudono. Kevu moro kuuguudo tovi wuu'nyuno wuu'nyuno yopi kugaikul kuruv kavlo tovino miyouromapinogaikikono. Aki moro jurogudo tovi kemi sumdo togai wonyuno wonyuno yopi kugaikul kuruv kavlo tovino miyouromapinogaikikono.
27Su toro tov aro tovinokwono. A'mwo abolo ton kuuguudo tovi kadu'molo nyupiyokwe muu'nyubusuko to'no yodupudogano. Aki toro ton kemi sumdo togai noonpiyokwe mwonyubusuko to'no yodupudogano. Toro ton kemi poowokalago kuunodo tokwe nuu Gooti toonyomno kuudo souragunyumo'nopujuko'mno'juki nuu nokwo kwiyo'mwojo'mujukogano. Toro kuvi kuruv a'mwo abolo su tonyuro poowokalago tono'gwowi dogaipo'nyo kuumwiyo kuunodogano.”
Kuuguudo nebal'nodo su tovi kevu Juu toorekulluno Aisaiyal toro ajakwollokaikono.”
28-29Poolol toro wuujuno sumaiyokwe aki aro kuudokaikono. “Kevu kuudo neya jaullulo. Gooti toolluro nemi nekullo'mwojo'moneyokwe womdo sopiyoka tovino kuuguudo tov a'mwo Juu tooravuro miyawosunodupudo tooraiyomno me'no amodapiyokaikono. Toro te a'mwo Juu tooravuro miyawosunodupudo kworo kuruv Gooti toolluro kuuguudo tovi wuu'nopi kuudo nokwo uubwemwalpinorogano.” Kuudokaikono.
30To'no'gwowi Poolol kworomo pullal tollallu a'mwo pwolluro sa wollo'moneyokwe ago amobiyosoka tovi amwallajukekono. Toro mwaloduke toollomno yiuwi'nokai a'mwo abolo buuru'ma'dopure tonyu Poolol ilaiyo to'no amollomallajukekono. 31Toro molloma'dowo a'mwo abolo su ton aguto kig Gooti toolluro mido mollomwalo tovino kuuguudo tov sodubwasajukekono. Aki Aguto Jisas Kraisolluno kuuguudo kurukwe'aro sodubwasajukekono. Poolol toro yodubwasodowodo toga luko miyajukekono. Toro kwol kuruv yiuno kuu'maiyo toru'no amoruujajukekono. Aki toro moruudoduke toollu a'mwo pwolnodo kwol kuruv muumjukullajukekono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida