Kuurotokwe 26
26
Poolol a'mwo aguto kig Agripa'wollu kuuguudo amoruudoka tovinokwono
1To'no'gwowi a'mwo aguto kig Agripa'wol Poolollu aro kuudokaikono. “Aga gumoro kuuguudo tovi guu'numo'monyugono. Toro te guu kuuguudo nokwo nyudubinekugono.” Kuudokaikono. Toro kuudoka tovi Poolol gami ato tov ruuguusapiyo'no kooti yogalo me'no aduuwiyopo tovino gavnokwe tool kworado aro ajumwonyokaikono. 2“Oo a'mwo aguto kig Agripa'woloo, aga nuu gumoro sumdollu toru bwoloda'mdum Juu tooro kooti yogalo adanyumwakopo tovino moro kworado jumwonyo'moneyokwe kuuguudo tov gudumo'monyugono. Moro kuuguudo agudumi akavi guu wuu'nubino tovino ilaiyo subwosunmono. 3Toro tov aro tovinokwono. Guu nevu Juu toonolluro pasudo mujumovla'mdowado togai'aro jul'nyogalo yajunodowado togai'aro tonyuno me'no youronekuma'dumdekugono. Toro tookujuno tov moro kuuguudo gudodo'mure tonyuno biyolo nyubwosunbiyo.” Kuudokaikono.
4Poolol toro wuujuno sumaiyokwe aro sodubwasokaikono. “Nuu Juu a'mwo pwonyugono. Toro toonyu aiyoga kula'nyo amwallajo toga mi proovins kuunodo tovida'ai nuuge avalo Juu toorogai somjomwekovlaiyajonyugono. Toro yomjomwekovla'mno yomjomwekovla'mno sumoneyokwe lukomgu wagwolago Jeruusalem'no abonyugono. Wagwolago su tovi abomwallajo kuga kuruv nuuge avalo Juu toorogai somjomwekovlaiyajonyugono. Toro te yiuwi'nokai Juu tooro moro nyomjomwekovla'mdore tovi me'no anuwonyajuporogano. 5#Krt. 23:6; Flp. 3:5Toro me'no anuwonyajupo su tooro mino kuu'maiyo toru'no aro nokwo dodoluvagubwepinorogano. “Oo Poolol nevu Juu toonolluro Farasi pwekono. Farasi su tooro lootuu guureji yodupu nemi nekuuwolo'dupudorogano. Poolol Farasi su tooravuro pwekono.” Mino su toro nokwo dodoluvagubwepinorogano. 6Toro kworo kuruv aga gumoro sumdollu toru kooti yogalo adanyumwakovo. Juu su tooravuro mi kooti yogalo adanyumwakopo tov aro tovinokwono. Gooti tool aiyoga nemi nellukweyago toorai subuu'yamju puruv kwiyokaikono. Subuu'yamju kwiyoka su tovino nuu, Oo nebalo'mdeyo, kuudo uubweyodum kuvino sogwollo to'no kinomwalodumdonyugono.
7Aki nevu yiuwi'nokai Juu toonolluro 12-pela go'no go'no iko tovasuda'ai kun kuruv subuu'yamju avalo su tovino, Oo nebalo'mdeyo, dodupu sogwollo kinodupudogano. Toro ton yiuwi'nokai toga Gooti toolluno ilomoropiyodapudogano. Mi a'mwo aguto kigoloo, nuu subuu'yamju avalo su tovino kuudo uubweyodumdo toonyuno tov Juu tooro kooti yogalo adanyumwakovo.” Kuudokaikono. 8Toro wuujuno sumaiyokwe a'mwo i'bwo'nomwalodopure toorai aro kuudokaikono. “Kevu pworekul aro kuudo yaullokwerekikono. Gooti tool a'mwo me'no bolodupudo toorai aiyo aiko te madukawonekono. Toro kuudo yau'dupudo kworekul kuruv Gooti tool a'mwo me'no bolodupudo toorai aiyo aiko te modukaiyo'mo tov jurogudo dukwimo'nadopiyo? Awiyo, Gooti toollu jurogudo mwimo'nyadopiyo. Kaveno nokwo modukawonekono.”
9 #
Krt. 8:3, 22:4,5 Poolol toro wuujuno sumaiyokwe aki aro kuudokaikono. “Nuu kwonyu kuruv muudu'nodo toga'no'gwowi aro kuudo saullajonyugono. Oo Nasaretda'ai Jisasolluno yovo tovi bwolomorumwogapiyo'moneyokwe kaiya'no to'no igolmovla'mwalmonyugono. 10Toro kuudo yau'dumdo toonyu wagwolago Jeruusalem toru amwallajo toga kuvinono kaiyako sugolmelabiyajonyugono. Toro toonyu pris mido mollomwalokwe tooravuro jurogudo nubweyodopure tokwe Gooti toolluro a'mwo abolo bwotonyago tobuurai galomwora'dum wuulo killo'mo ago tonyu aulomerosajonyugono. Aki toro tobuurai romiyoso'mo dodopure toga nuu kwonyu kuruv aro kuujajonyugono. “Yowa'nogano. Doromiyosulo.” Kuujajonyugono. 11Aki toro toonyu aro kuudo saullajonyugono. Jisasolluro a'mwo abolo kevnokwe ton Jisasolluno bwolomorumwogapiyo'moneyokwe yogalo tov neya adogapuro. Toro kuudo yau'dum yiuwi'nokai toga nevu Juu toonolluro i'bwo'nyago tonyu kuulodam Jisasolluro a'mwo abolo tonyu aulogalomworallajonyugono. Toro kuulogalomwora'dum a'mwo abolo su ton Jisasolluno buulo neya uugunyumopipuro, kuudo saullajonyugono. Toro toonyu a'mwo abolo su tonyu kaiyako bwotonyo sugollajonyugono. Aki surodo bwotonyo nuunodowo a'mwo Juu tooravuro miyawosunodupudo tooravuro wagwolago go'no go'nodo kumuu kuruv pla'mdum Jisasolluro a'mwo abolo tonyu kaiyako igollo'moneyokwe amovomjai'nyajonyugono.” Kuudokaikono.
Poolol gavnokweyolluro kuudo muuduko souragunyumo'noka tovino kuuguudo tov kuu'maiyo amoruudoka tovinokwono
(Kuurotokwe 9:3-19, 22:6-16)
12Poolol toro wuujuno sumaiyokwe aki aro kuudokaikono. “Iruko pullugwoji nuu womdo su tovi yo'moneyokwe a'mwo pris mido mollomwalokwe tooro jurogudo anubweyoponyugono. Nuu jurogudo su tokwe wagwolago Damaskosda'ai Jisasolluro a'mwo abolo tonyu kaiyako igollo'moneyokwe avlavonyugono. 13Mi kigoloo, toro plaino sumoneyokwe kuujunapto toga muunyu kai'muuda'ai bako bwotonyo puruv nuuge'aro a'mwo nuuge avlavowo toorogai'aro toonollu aiyowomno avanekwopiyokakwono. Bako bwotonyo su tov kuujo toolluro pwopiyodowodo tovi kuuwolovokakwono. 14Toro te bako bwotonyo su tov pwopiyoduke tovino tov nevu yiuwi'nokai toonol kwako tovi kwolowowiye'namowonogano. Toro wolowiye'na'no sumawoneyokwe nuu yogaimaguurai puruv Hibruu yogaljo tovida'ai aro doduke tovi kuu'nonyugono. “Soololoo, Soololoo, guu mi kaiyako yanyugolodumdo tov buro'nyo kavlo tovino'mdeyo? Guu su toro yanyugolodumdo kuvi kuruv guvnokwe tekwoguno'gwowi kaiyako i'na'dumdekugono.” 15Toro nyudoduke tovi wuu'nyuno sumoneyokwe aro samuugojonyugono. “Agutoloo, guu ala'mwekudeyo?” Toro samuugojo tovi aro anyudokakwono. “Nuu Nasaretda'ai Jisasol toonyugono. Toro toonyu kaiyako yanyugolodumdekugono. 16Toro tookuji aga sagulo'numo tov aro tovinokwono. Guu moro womdo tov imwalbino'moneyokwe nuvnokwe toonyu me'no ajagubwemekugono. Toro tooku aga mi anuwonmado tokwe'aro lukomgu noguduuwallumo togai'aro tonyuno a'mwo abolo punyu kuu'maiyo toru dodolubwemwalbinekugono. Toro tooku aga yere dukavo'bi julodavono. 17Toro tookuji Isuraiyolda'ai a'mwo abolo togai'aro a'mwo abolo Juu tooravuro miyawosunodupudo togai'aro tonyomno amogwapimono. Toro amogwapimi tookuji a'mwo abolo su ton kaiyako yagujugollo'mo yodopure kuvi kuruv nuu nobomollurolovogumokalokuumwalmekugono. 18Toro te nuu a'mwo abolo su tonyomno amogwapimo tov aro tovinokwono. A'mwo abolo su ton dugumdo tomuu kuulomwalodupudogano. Toro tonyu gumoro kuuguudo yodubwasodo'bure tovida'ai kemoro sumdo ton delukuulludapiyo'bi bako tovi nokwo wonmwalpinogano. Toro ton Satanyolluro jurogudo tovi dolago tomuuda'ai birolo'nugolokwopi Gooti toolluro jurogudo tovi dolago tomuu nokwo kuulomwalpinogano. Aki toro ton mino kuudo anubwepi tovino tov nuu kemoro ma'no ma'nodo tovuro kirumwallo tovi modukwopiyo'mi Gooti toolluro a'mwo abolo kuunodo me'no ajesungiko nyumo'numwalpinogano.” Yogaimaguurai tov su toro anyudokakwono.” Kuudokaikono.
Poolol kuuguudo sugudo tokwe womdo amollomollajuko tovino kuuguudo tov kig Agripa'wollu sodubwasoka tovinokwono
19Poolol toro wuujuno sumaiyokwe aki aro kuudokaikono. “Oo mi aguto kig Agripa'woloo, nuu muunyu kai'muuda'ai wojo to'busuko me'no kwono su tovi kisuvolo mwiyonyugono. 20#Krt. 9:20,28Toro kwonyu kuruv kuvinono uumjunono sumdomgu wagwolago Damaskosda'ai mwalodupudo tonyu kuuguudo sugudo tokwe amoruudomollajonyugono. Toro moruudomolluno sumoneyokwe lukomgu wagwolago Jeruusalemda'ai mwalodupudo togai'aro aki yiuwi'nokai proovins Juudiya tomuuda'ai mwalodupudo togai'aro tonyu amoruudomollajonyugono. Aki a'mwo Juu tooravuro miyawosunodupudo kworai kuruv aval'no aro amoruudomollajonyugono. “Kevu Gooti toollomno kuudo neya jouragunyumo'nyulo. Toro souragunyumo'nupi togaikul Gooti toollu wobo toru nokwo bupinogaikikono. Aki kevu Gooti toollomno kuudo souragunyumo'nupi su tovino a'mwo abolo punyu wuuduuwallupino'moneyokwe pasudo muuduko ton neya domolludovogaulo.” Amoruujajonyugono. 21#Krt. 9:29Toro moruudodore tovino tov a'mwo mi romiyanubweyo'mo winodupudo Juu tooro Gooti toollu ilomoropiyo'moneyokwe ago tovi kuula'mno aulogalonumworaroponyugono. Toro kuulogalonumwora'no sumaveyokwe noromiyanubweyo'mo soporogano. 22Toro yodopure toga Gooti tool anyo'mwojokanyugono. Aki aga kuga kuruv Gooti tool nonyo'mwojadopiyo. Toro te anuugwo toga kevu a'mwo yovokwe toorekike'aro yovomaiyokwe toorekike'aro yiuwi'nokai toorekulluro sumdollu toru nuvu da'mdum kuuguudo tovino kuu'maiyo toru'no adodoluvaikubwemwakono. Kuuguudo adodoluvaikubwemwako akav muuduko'maiyo. Aiyoga proofet toorogai'aro Mooseseke'aro tooravuro puukwollo puruv aro me'no ajakwollajuporogano. 23#1Krn. 15:20Gooti toolluro nekullo'mwojo'moneyokwe ajesoka Krais tool dado ton ibwosunowo'ji nobolonekono. Toro abolo'ji kwol kuruv a'mwo buuso tovida'ai aiyo aiko te dukaiyo'moneyokwe tov kwolda'ai dukawonekono. Toro dukavowo'ji toga Juu toorogai'aro a'mwo Juu tooravuro miyawosunodupudo toorogai'aro toorai wiyo'mwojo'moneyokwe kuuguudo sugudo tov moruudonekono. Wiyo'mwojo'moneyokwe kuuguudo sugudo su tov bako to'busukokwono. Aiyoga Mooseseke'aro proofet toorogai'aro tooro su toro ajakwollajuporogano.” Poolol toro kuudokaikono.
Kig Agripa'wol Gooti toolluno kuudo uubweyono'moneyokwe Poolol kwollu kuudoganoka tovinokwono
24Poolol gamoro kuuguudo tov su toro tomgu'aro wuudoduke tovi Festosol wuu'nyuno sumaiyokwe guureji aro kuudokaikono. “E Poololoo, guu a'mwo amomo pwolbusuko ajadokuuno. Yiuwi'nokai toga yiuno buukiyo tovino to'no jagilodumdo tooku amomo sadokuuno.” Kuudokaikono. 25Toro kuudoka tovi Poolol aro kuudokaikono. “Oo jurogudokwe Festosoloo, awiyo. Nuu amomo yogalo majadokwono. Yiuno nebal'no yogalo tovi adadokwono. 26Aki moro yiuwi'nokai adadokwo akan yiulo tomuu mimo'nyajupogano. Toro kuvi kuruv yiuno kuu'maiyo toru'no sumo'nyajupogano. Yiuwi'nokai nyumo'nugelabodopure tonyu a'mwo aguto kig Agripa'wol me'no kuu'nugelabiyajukekono. Toro tool moro yiuwi'nokai adadokwo akanyuno me'no youroma'dowodekono. Toro toolluno tov nuu guureji moruujo'mo tovino luko miyadokwono.” Kuudokaikono.
27Toro wuujuno sumaiyokwe aro kuudokaikono. “Kig Agripa'woloo, nuu proofet tooravuro kuuguudo ajakwollajupo tonyuno kuudo nebal'no dukuubweyadopiyokwe tovino gumi nokwo agudogano'mujukonyugono. Toro kwonyu kuruv aro kuudo me'no saguu'mono, Guu proofet tooravuro kuuguudo su tonyuno kuudo duubweyadopiyo, kuudo saguu'mono.” Kuudokaikono.
28Toro wuujuno sumaiyokwe Agripa'wol Poolollu aro kuudokaikono. “Guu mino aro kuudo nyanuu'mwalbiyo. Oo Agripa'wol kuuguudo pwekwonodo tekwoji kuu'no'ji toga Kristen imo'nonekono. Mino tov su toro kuudo nyanuu'mwalbiyo.” Kuudokaikono. 29Toro kuudoka kuvi kuruv Poolol aro kuudokaikono. “Kuuguudo pwekwonodo'mdeyo oo bwotonyago'mdeyo kuu'nupi tovida'ai kevu yiuwi'nokai toorekul nuvubusuko neya imo'nupureyokwe tovino aga Gooti toollu subusu'nyogalo adumwakonyugono. Guvnokwekuge'aro yiuwi'nokai a'mwo aboulomwakopo toorogai'aro toorekul nuvubusuko neya imo'nupino'moneyokwe anyunadopikonyugono. Toro kuvi kuruv mi senyo wuulo togai amogaleranbwemwakopo to'busuko kubalno kemi aval'no amogaleraikubwepi to'gwowi ilaiyo manyunadopiyo.” Kuudokaikono.
30Poolol toro wuujuno sumaiyokwe a'mwo aguto kig Agripa'weke'aro gami jo'mwo Benaisokwe'aro aki gavman a'mwo aguto Festoseke'aro ton iloda'mno sumaveyokwe 31abolokwopogano. Toro bolokwino sumaveyokwe kevnokwe ton aro sajunopogano. “A'mwo su toollu kirumwallo'moneyokwe ma'no ma'no puru'monodo kuruv miyo'mgonoma'mawekono. Toro tovino tov a'mwo pworo wuulo killo'mo ago tovi amerosupiyo'mdeyo oo aromiyosupiyo'mdeyo tov yasuwa'no wipinekono.” Sajunopogano. 32Toro yajunyuno sumaveyokwe Agripa'wol Festosollu aro kuudokaikono. “Guu a'mwo su toollu nokwo surolowapiyo'bujukekono. Toro kuvi kuruv gavnokwe tool aro me'no adumwa'jukekono. “Oo moro kooti yogalo tov a'mwo aguto Sisa tool jainbworowo'ji domduukuurosonokwono.” Gavnokwe toolluro toro me'no adumwa'juko tovino tov a'mwo su toollu mirolowapibinekono.” Kuudokaikono.
Currently Selected:
Kuurotokwe 26: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 26
26
Poolol a'mwo aguto kig Agripa'wollu kuuguudo amoruudoka tovinokwono
1To'no'gwowi a'mwo aguto kig Agripa'wol Poolollu aro kuudokaikono. “Aga gumoro kuuguudo tovi guu'numo'monyugono. Toro te guu kuuguudo nokwo nyudubinekugono.” Kuudokaikono. Toro kuudoka tovi Poolol gami ato tov ruuguusapiyo'no kooti yogalo me'no aduuwiyopo tovino gavnokwe tool kworado aro ajumwonyokaikono. 2“Oo a'mwo aguto kig Agripa'woloo, aga nuu gumoro sumdollu toru bwoloda'mdum Juu tooro kooti yogalo adanyumwakopo tovino moro kworado jumwonyo'moneyokwe kuuguudo tov gudumo'monyugono. Moro kuuguudo agudumi akavi guu wuu'nubino tovino ilaiyo subwosunmono. 3Toro tov aro tovinokwono. Guu nevu Juu toonolluro pasudo mujumovla'mdowado togai'aro jul'nyogalo yajunodowado togai'aro tonyuno me'no youronekuma'dumdekugono. Toro tookujuno tov moro kuuguudo gudodo'mure tonyuno biyolo nyubwosunbiyo.” Kuudokaikono.
4Poolol toro wuujuno sumaiyokwe aro sodubwasokaikono. “Nuu Juu a'mwo pwonyugono. Toro toonyu aiyoga kula'nyo amwallajo toga mi proovins kuunodo tovida'ai nuuge avalo Juu toorogai somjomwekovlaiyajonyugono. Toro yomjomwekovla'mno yomjomwekovla'mno sumoneyokwe lukomgu wagwolago Jeruusalem'no abonyugono. Wagwolago su tovi abomwallajo kuga kuruv nuuge avalo Juu toorogai somjomwekovlaiyajonyugono. Toro te yiuwi'nokai Juu tooro moro nyomjomwekovla'mdore tovi me'no anuwonyajuporogano. 5#Krt. 23:6; Flp. 3:5Toro me'no anuwonyajupo su tooro mino kuu'maiyo toru'no aro nokwo dodoluvagubwepinorogano. “Oo Poolol nevu Juu toonolluro Farasi pwekono. Farasi su tooro lootuu guureji yodupu nemi nekuuwolo'dupudorogano. Poolol Farasi su tooravuro pwekono.” Mino su toro nokwo dodoluvagubwepinorogano. 6Toro kworo kuruv aga gumoro sumdollu toru kooti yogalo adanyumwakovo. Juu su tooravuro mi kooti yogalo adanyumwakopo tov aro tovinokwono. Gooti tool aiyoga nemi nellukweyago toorai subuu'yamju puruv kwiyokaikono. Subuu'yamju kwiyoka su tovino nuu, Oo nebalo'mdeyo, kuudo uubweyodum kuvino sogwollo to'no kinomwalodumdonyugono.
7Aki nevu yiuwi'nokai Juu toonolluro 12-pela go'no go'no iko tovasuda'ai kun kuruv subuu'yamju avalo su tovino, Oo nebalo'mdeyo, dodupu sogwollo kinodupudogano. Toro ton yiuwi'nokai toga Gooti toolluno ilomoropiyodapudogano. Mi a'mwo aguto kigoloo, nuu subuu'yamju avalo su tovino kuudo uubweyodumdo toonyuno tov Juu tooro kooti yogalo adanyumwakovo.” Kuudokaikono. 8Toro wuujuno sumaiyokwe a'mwo i'bwo'nomwalodopure toorai aro kuudokaikono. “Kevu pworekul aro kuudo yaullokwerekikono. Gooti tool a'mwo me'no bolodupudo toorai aiyo aiko te madukawonekono. Toro kuudo yau'dupudo kworekul kuruv Gooti tool a'mwo me'no bolodupudo toorai aiyo aiko te modukaiyo'mo tov jurogudo dukwimo'nadopiyo? Awiyo, Gooti toollu jurogudo mwimo'nyadopiyo. Kaveno nokwo modukawonekono.”
9 #
Krt. 8:3, 22:4,5 Poolol toro wuujuno sumaiyokwe aki aro kuudokaikono. “Nuu kwonyu kuruv muudu'nodo toga'no'gwowi aro kuudo saullajonyugono. Oo Nasaretda'ai Jisasolluno yovo tovi bwolomorumwogapiyo'moneyokwe kaiya'no to'no igolmovla'mwalmonyugono. 10Toro kuudo yau'dumdo toonyu wagwolago Jeruusalem toru amwallajo toga kuvinono kaiyako sugolmelabiyajonyugono. Toro toonyu pris mido mollomwalokwe tooravuro jurogudo nubweyodopure tokwe Gooti toolluro a'mwo abolo bwotonyago tobuurai galomwora'dum wuulo killo'mo ago tonyu aulomerosajonyugono. Aki toro tobuurai romiyoso'mo dodopure toga nuu kwonyu kuruv aro kuujajonyugono. “Yowa'nogano. Doromiyosulo.” Kuujajonyugono. 11Aki toro toonyu aro kuudo saullajonyugono. Jisasolluro a'mwo abolo kevnokwe ton Jisasolluno bwolomorumwogapiyo'moneyokwe yogalo tov neya adogapuro. Toro kuudo yau'dum yiuwi'nokai toga nevu Juu toonolluro i'bwo'nyago tonyu kuulodam Jisasolluro a'mwo abolo tonyu aulogalomworallajonyugono. Toro kuulogalomwora'dum a'mwo abolo su ton Jisasolluno buulo neya uugunyumopipuro, kuudo saullajonyugono. Toro toonyu a'mwo abolo su tonyu kaiyako bwotonyo sugollajonyugono. Aki surodo bwotonyo nuunodowo a'mwo Juu tooravuro miyawosunodupudo tooravuro wagwolago go'no go'nodo kumuu kuruv pla'mdum Jisasolluro a'mwo abolo tonyu kaiyako igollo'moneyokwe amovomjai'nyajonyugono.” Kuudokaikono.
Poolol gavnokweyolluro kuudo muuduko souragunyumo'noka tovino kuuguudo tov kuu'maiyo amoruudoka tovinokwono
(Kuurotokwe 9:3-19, 22:6-16)
12Poolol toro wuujuno sumaiyokwe aki aro kuudokaikono. “Iruko pullugwoji nuu womdo su tovi yo'moneyokwe a'mwo pris mido mollomwalokwe tooro jurogudo anubweyoponyugono. Nuu jurogudo su tokwe wagwolago Damaskosda'ai Jisasolluro a'mwo abolo tonyu kaiyako igollo'moneyokwe avlavonyugono. 13Mi kigoloo, toro plaino sumoneyokwe kuujunapto toga muunyu kai'muuda'ai bako bwotonyo puruv nuuge'aro a'mwo nuuge avlavowo toorogai'aro toonollu aiyowomno avanekwopiyokakwono. Bako bwotonyo su tov kuujo toolluro pwopiyodowodo tovi kuuwolovokakwono. 14Toro te bako bwotonyo su tov pwopiyoduke tovino tov nevu yiuwi'nokai toonol kwako tovi kwolowowiye'namowonogano. Toro wolowiye'na'no sumawoneyokwe nuu yogaimaguurai puruv Hibruu yogaljo tovida'ai aro doduke tovi kuu'nonyugono. “Soololoo, Soololoo, guu mi kaiyako yanyugolodumdo tov buro'nyo kavlo tovino'mdeyo? Guu su toro yanyugolodumdo kuvi kuruv guvnokwe tekwoguno'gwowi kaiyako i'na'dumdekugono.” 15Toro nyudoduke tovi wuu'nyuno sumoneyokwe aro samuugojonyugono. “Agutoloo, guu ala'mwekudeyo?” Toro samuugojo tovi aro anyudokakwono. “Nuu Nasaretda'ai Jisasol toonyugono. Toro toonyu kaiyako yanyugolodumdekugono. 16Toro tookuji aga sagulo'numo tov aro tovinokwono. Guu moro womdo tov imwalbino'moneyokwe nuvnokwe toonyu me'no ajagubwemekugono. Toro tooku aga mi anuwonmado tokwe'aro lukomgu noguduuwallumo togai'aro tonyuno a'mwo abolo punyu kuu'maiyo toru dodolubwemwalbinekugono. Toro tooku aga yere dukavo'bi julodavono. 17Toro tookuji Isuraiyolda'ai a'mwo abolo togai'aro a'mwo abolo Juu tooravuro miyawosunodupudo togai'aro tonyomno amogwapimono. Toro amogwapimi tookuji a'mwo abolo su ton kaiyako yagujugollo'mo yodopure kuvi kuruv nuu nobomollurolovogumokalokuumwalmekugono. 18Toro te nuu a'mwo abolo su tonyomno amogwapimo tov aro tovinokwono. A'mwo abolo su ton dugumdo tomuu kuulomwalodupudogano. Toro tonyu gumoro kuuguudo yodubwasodo'bure tovida'ai kemoro sumdo ton delukuulludapiyo'bi bako tovi nokwo wonmwalpinogano. Toro ton Satanyolluro jurogudo tovi dolago tomuuda'ai birolo'nugolokwopi Gooti toolluro jurogudo tovi dolago tomuu nokwo kuulomwalpinogano. Aki toro ton mino kuudo anubwepi tovino tov nuu kemoro ma'no ma'nodo tovuro kirumwallo tovi modukwopiyo'mi Gooti toolluro a'mwo abolo kuunodo me'no ajesungiko nyumo'numwalpinogano.” Yogaimaguurai tov su toro anyudokakwono.” Kuudokaikono.
Poolol kuuguudo sugudo tokwe womdo amollomollajuko tovino kuuguudo tov kig Agripa'wollu sodubwasoka tovinokwono
19Poolol toro wuujuno sumaiyokwe aki aro kuudokaikono. “Oo mi aguto kig Agripa'woloo, nuu muunyu kai'muuda'ai wojo to'busuko me'no kwono su tovi kisuvolo mwiyonyugono. 20#Krt. 9:20,28Toro kwonyu kuruv kuvinono uumjunono sumdomgu wagwolago Damaskosda'ai mwalodupudo tonyu kuuguudo sugudo tokwe amoruudomollajonyugono. Toro moruudomolluno sumoneyokwe lukomgu wagwolago Jeruusalemda'ai mwalodupudo togai'aro aki yiuwi'nokai proovins Juudiya tomuuda'ai mwalodupudo togai'aro tonyu amoruudomollajonyugono. Aki a'mwo Juu tooravuro miyawosunodupudo kworai kuruv aval'no aro amoruudomollajonyugono. “Kevu Gooti toollomno kuudo neya jouragunyumo'nyulo. Toro souragunyumo'nupi togaikul Gooti toollu wobo toru nokwo bupinogaikikono. Aki kevu Gooti toollomno kuudo souragunyumo'nupi su tovino a'mwo abolo punyu wuuduuwallupino'moneyokwe pasudo muuduko ton neya domolludovogaulo.” Amoruujajonyugono. 21#Krt. 9:29Toro moruudodore tovino tov a'mwo mi romiyanubweyo'mo winodupudo Juu tooro Gooti toollu ilomoropiyo'moneyokwe ago tovi kuula'mno aulogalonumworaroponyugono. Toro kuulogalonumwora'no sumaveyokwe noromiyanubweyo'mo soporogano. 22Toro yodopure toga Gooti tool anyo'mwojokanyugono. Aki aga kuga kuruv Gooti tool nonyo'mwojadopiyo. Toro te anuugwo toga kevu a'mwo yovokwe toorekike'aro yovomaiyokwe toorekike'aro yiuwi'nokai toorekulluro sumdollu toru nuvu da'mdum kuuguudo tovino kuu'maiyo toru'no adodoluvaikubwemwakono. Kuuguudo adodoluvaikubwemwako akav muuduko'maiyo. Aiyoga proofet toorogai'aro Mooseseke'aro tooravuro puukwollo puruv aro me'no ajakwollajuporogano. 23#1Krn. 15:20Gooti toolluro nekullo'mwojo'moneyokwe ajesoka Krais tool dado ton ibwosunowo'ji nobolonekono. Toro abolo'ji kwol kuruv a'mwo buuso tovida'ai aiyo aiko te dukaiyo'moneyokwe tov kwolda'ai dukawonekono. Toro dukavowo'ji toga Juu toorogai'aro a'mwo Juu tooravuro miyawosunodupudo toorogai'aro toorai wiyo'mwojo'moneyokwe kuuguudo sugudo tov moruudonekono. Wiyo'mwojo'moneyokwe kuuguudo sugudo su tov bako to'busukokwono. Aiyoga Mooseseke'aro proofet toorogai'aro tooro su toro ajakwollajuporogano.” Poolol toro kuudokaikono.
Kig Agripa'wol Gooti toolluno kuudo uubweyono'moneyokwe Poolol kwollu kuudoganoka tovinokwono
24Poolol gamoro kuuguudo tov su toro tomgu'aro wuudoduke tovi Festosol wuu'nyuno sumaiyokwe guureji aro kuudokaikono. “E Poololoo, guu a'mwo amomo pwolbusuko ajadokuuno. Yiuwi'nokai toga yiuno buukiyo tovino to'no jagilodumdo tooku amomo sadokuuno.” Kuudokaikono. 25Toro kuudoka tovi Poolol aro kuudokaikono. “Oo jurogudokwe Festosoloo, awiyo. Nuu amomo yogalo majadokwono. Yiuno nebal'no yogalo tovi adadokwono. 26Aki moro yiuwi'nokai adadokwo akan yiulo tomuu mimo'nyajupogano. Toro kuvi kuruv yiuno kuu'maiyo toru'no sumo'nyajupogano. Yiuwi'nokai nyumo'nugelabodopure tonyu a'mwo aguto kig Agripa'wol me'no kuu'nugelabiyajukekono. Toro tool moro yiuwi'nokai adadokwo akanyuno me'no youroma'dowodekono. Toro toolluno tov nuu guureji moruujo'mo tovino luko miyadokwono.” Kuudokaikono.
27Toro wuujuno sumaiyokwe aro kuudokaikono. “Kig Agripa'woloo, nuu proofet tooravuro kuuguudo ajakwollajupo tonyuno kuudo nebal'no dukuubweyadopiyokwe tovino gumi nokwo agudogano'mujukonyugono. Toro kwonyu kuruv aro kuudo me'no saguu'mono, Guu proofet tooravuro kuuguudo su tonyuno kuudo duubweyadopiyo, kuudo saguu'mono.” Kuudokaikono.
28Toro wuujuno sumaiyokwe Agripa'wol Poolollu aro kuudokaikono. “Guu mino aro kuudo nyanuu'mwalbiyo. Oo Agripa'wol kuuguudo pwekwonodo tekwoji kuu'no'ji toga Kristen imo'nonekono. Mino tov su toro kuudo nyanuu'mwalbiyo.” Kuudokaikono. 29Toro kuudoka kuvi kuruv Poolol aro kuudokaikono. “Kuuguudo pwekwonodo'mdeyo oo bwotonyago'mdeyo kuu'nupi tovida'ai kevu yiuwi'nokai toorekul nuvubusuko neya imo'nupureyokwe tovino aga Gooti toollu subusu'nyogalo adumwakonyugono. Guvnokwekuge'aro yiuwi'nokai a'mwo aboulomwakopo toorogai'aro toorekul nuvubusuko neya imo'nupino'moneyokwe anyunadopikonyugono. Toro kuvi kuruv mi senyo wuulo togai amogaleranbwemwakopo to'busuko kubalno kemi aval'no amogaleraikubwepi to'gwowi ilaiyo manyunadopiyo.” Kuudokaikono.
30Poolol toro wuujuno sumaiyokwe a'mwo aguto kig Agripa'weke'aro gami jo'mwo Benaisokwe'aro aki gavman a'mwo aguto Festoseke'aro ton iloda'mno sumaveyokwe 31abolokwopogano. Toro bolokwino sumaveyokwe kevnokwe ton aro sajunopogano. “A'mwo su toollu kirumwallo'moneyokwe ma'no ma'no puru'monodo kuruv miyo'mgonoma'mawekono. Toro tovino tov a'mwo pworo wuulo killo'mo ago tovi amerosupiyo'mdeyo oo aromiyosupiyo'mdeyo tov yasuwa'no wipinekono.” Sajunopogano. 32Toro yajunyuno sumaveyokwe Agripa'wol Festosollu aro kuudokaikono. “Guu a'mwo su toollu nokwo surolowapiyo'bujukekono. Toro kuvi kuruv gavnokwe tool aro me'no adumwa'jukekono. “Oo moro kooti yogalo tov a'mwo aguto Sisa tool jainbworowo'ji domduukuurosonokwono.” Gavnokwe toolluro toro me'no adumwa'juko tovino tov a'mwo su toollu mirolowapibinekono.” Kuudokaikono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida