Kuurotokwe 15
15
Jisasolluro a'mwo tooro wagwolago Jeruusalem toru su'bwo'nopo tovinokwono
1Toro kuvi kuruv Pooleke Banabaseke tooral wagwolago Antiyook toru kuuno mwalodole toga kwako Juudiyada'ai a'mwo pworo abwolai'movoporogano. Toro bwolai'mo'mno sumaveyokwe Jisasolluro a'mwo toorai kuuguudo puruv aro sodubwasoporogano. “Kevu Moosesolluro loowo tovuro dodowodo tomgu'aro kemi lakulkulako ton ado'nupi to'no Gooti tool kemi ma'no ma'nodo tovuro kirumwallo tovida'ai nokwo bomollurolovekumokalokwonekono.” 2Toro yodubwasodopure tovi Pooleke Banabaseke tooral wuu'nyuno sumaleyokwe noduumjukullo'mo yogalo bwotonyo sajunoporogano. Toro tooro yajunyuno yajunyuno sumaveyokwe aro adomdukuurosoporogano. “Nevu a'mwo pworai neya ajesano. Toro ajesa'ji su tooro Pooleke Banabaseke toorake wagwolago Jeruusalem'no ilapi a'mwo kuurotokwe toorogai'aro a'mwono moduvomwallokwe toorogai'aro toorogai i'bwo'nopi kuuguudo akavino nokwo dupinorogano.” Adomdukuurosoporogano. Toro domdukuurosuno sumaveyokwe a'mwo pworai ajesoporogano.
3Toro ajesopo su toorai Jisasolluro a'mwo abolo ton amorapiyopogano. Toro amorapiyopo tooro plaino sumaveyokwe kwako Foonisiyake Samariyake tomuu'aro avlavoporogano. Toro plaino sumaveyokwe Pooleke Banabaseke tooral Jisasolluro a'mwo abolo gomno gomno mwalodopure tobuurai wuuru'ma'dubul aro sodubwosomollolorakono. “Oo a'mwo abolo Juu tooravuro miyawosunodupudo ton Gooti toollomno kuudo youragunyumo'nodupu kuudo me'no kuubwemwakopogano.” Toro tovino yodubwosomollodole toga Jisasolluro a'mwo abolo gomno gomno mwalodupudo su ton wuu'no'mno kemoro poowokalago tov ilaiyo subwosunopogano.
4Toro tooro plaino sumaveyokwe wagwolago Jeruusalem toru sulai'movoporogano. Toro ilai'mo'mdole toga Jisasolluro mollu'bwoto togai'aro a'mwo kuurotokwe toorogai'aro a'mwono moduvomwallokwe toorogai'aro yiuwi'nokai su ton Pooleke Banabaseke toorallu wono'mno ilaiyo amollomaropogano. Toro molloma'no sumaveyokwe Pooleke Banabaseke tooral Gooti toolluro yiuwi'nokai womdo tov kevnokwe su toorallu'aro kwimo'nyajuko tonyuno kuuguudo kuudolorakono. 5Toro sodubwasolo kuvi kuruv a'mwo Jisasolluno kuudo uubweyodupudo pworo Farasiyorogano. Toro tooro iloda'mno sumaveyokwe Pooleke toorallu aro kuudoporogano. “A'mwo Juu tooravuro miyawosunodupudo tooro kemi lakulkulako ton neya do'numwalpinorogano. Aki toro tooro Moosesolluro loowo tonyu neya uumjunmwalpino'moneyokwe kev toorakul neya doduuwiyogaulo.” Kuudoporogano.
6Yogalo su toro kuudopo tovino kuuguudo domwallo'moneyokwe a'mwo kuurotokwe toorogai'aro a'mwono moduvomwallokwe toorogai'aro tooro su'bwo'noporogano. 7#Krt. 10:1-43Toro tooro kuuguudo yajunyuno yajunyuno sumaveyokwe Pital ilodavo'no aro kuudokaikono. “Nuugeravoo, kevu aro tovino kuudo nyau'mwakovo. Aiyoga muudu'nodo toga Gooti tool gamoro kuuguudo sugudo tovi moruudomollo'moneyokwe mi ajanubweyokanyugono. Toro ajanubweyoka toonyu'aro a'mwo Juu tooravuro miyawosunodupudo tooro kuuguudo sugudo tovi wuu'nopi kuudo uubwepino'moneyokwe amonuwapiyokanyugono. 8#Krt. 10:44, 2:4Aki Gooti amonuwapiyoka su tool nevu yiuwi'nokai kwako akavida'ai toonolluro poowokalago tonyu youroonekwonodowodekono. Toro tool a'mwo Juu tooravuro miyawosunodupudo su tekwojai ilaiyo me'no amollomarokaikono. Toro amollomaroka tovino wuuduuwallo'moneyokwe gamoro Kuullo tool kwiyokaikono. Muudu'nodo toga nevu Juu tonollu anekullaboka to'busuko kubalno a'mwo Juu toonolluro miyawosunodowado tekwojai aval'no kwiyokaikono. 9Aki toro tooro Jisasolluno kuudo kuubweyopo toga Gooti tool kemoro poowokalago tonyu amollol'movomarokaikono. Toro te Gooti tool nevu yiuwi'nokai Juu toonogai'aro a'mwo Juu tooravuro miyawosunodupudo toorogai'aro toonollu puuto judo'no judo'nodo pumgu'aro mamollonekumallokwekono. 10Toro te kevu aiyogasuro nemi nellukweyago tooraino kuudo neya jaullulo. Su tooro aro sajuporogano. Moosesolluro loowo tonyu uumjunyo'mo jul'nyo to'busuko mollukwowa'dupudo kworo kuruv ku'nono muumjunyajuporogano. Aki nevu agasuro kunol kuruv Moosesolluro loowo su tonyu uumjunyo'mo tov jul'nyo to'busuko nekwo'dowodonogano. Toro kunol kuruv loowo tonyu ku'nono muumjunodowadonogano. Toro tovino tov kevu loowo su togai a'mwo abolo Juu toonolluro miyawosunodowado tonyu uubweyo'mo aikullunadopiko tov ilaiyo'maiyo. A'mwo abolo su ton nevubusuko Jisasolluro uumjunyokwe me'no kwimo'nopogano. Toro tonyu wiyo'mwojo'moneyokwe puuto soulubweyoka Gooti toollu surodo nyu'gwolpiyo. Toro tovino tov kevu Juu toonolluro miyawosunodowado tonyu jul'nyo su tov muubwepinono. 11Toro kuvi kuruv nevu ma'no ma'nodo tovuro kirumwallo tovida'ai bomollurolovomokwiyo'moneyokwe puuto puru'monodo toolluno'gwowi kuudo kuubwemwakuuwono. Yiuno Aguto Jisasolluro yasuwa'wino sugumaluko nekubweyodowo'jure tovi'aro Gooti tool nobomollurolovonekumokalokwonekono. Aki Gooti tool a'mwo Juu toonolluro miyawosunodowado kworai kuruv puuto aval'nodo tomgu'aro nobomollurolovomokalokwonekono. Su toro kuudo kuubwemwakuuwono.” Kuudokaikono.
12Pital toro wuujuno sumaiyokwe Pooleke Banabaseke tooral Gooti toolluro kuuduuwallajuko tovino aro kuudolorakono. “Oo Gooti tool nami jurogudo nakubweyoduke tovida'ai a'mwo abolo Juu tooravuro miyawosunodupudo kunyu kuruv duuwallo jurogudo judo'no judo'nodo tonyu kuuduuwallajuuwolonakono.” Kuudolorakono. Toro wuudodole tovi a'mwo su'bwo'nomwalopo tooro wuu'no'mno yogalo puru'monodo kuruv maravoporogano.
13Pooleke Banabaseke tooral toro me'no yodubwosopino sumaleyokwe Jemsol aro adokaikono. “Oo nuuge avalekwojavoo, kemoro kaduko ton neya donubweyulo. 14Saimoon Pital kuuguudo pun kuu'maiyo toru'no me'no anekudumokaikono. Gooti tool a'mwo Juu tooravuro miyawosunodupudo toorai gamiyo'mo kuunodo wimo'numwalpino'moneyokwe me'no amollomarokaikono. Toro amollomaroka tovino me'no kuu'numawokwono. 15Toro kuu'numawo su tov aiyoga proofet pworavuro me'no ajakwollopo tokwe aval'nodokwono. Puukwollo su tov aro sakwollungikokwono.
16“Aguto tool aro adokaikono. A'mwo aguto kig Devitolluro mido amollomwallajuko tov nuu lukomgu aki aiko te molludapimonyugono. Aro to'busukokwono. Ago puruv me'no awo'dolopingiko tovi aki aiko te mododupudo to'busuko kubalno nuu Gooti toonyu Devitolluro mido mollomwalo tovi aki aiko te molludapimonyugono. 17-18Su toro tov aro tovinokwono. Yiuwi'nokai kwako akavida'ai a'mwo abolo ton nuu Aguto toonyomno neya bumwalpinogano. Aki a'mwo Juu tooravuro miyawosunodupudo pworo moro me'no ajeso kworo kuruv miyomno neya bumwalpinorogano. Toro tovinokwono. Adokaikono. Toro te Aguto gavnokwe tool gamoro su toro tonyuno muudu'nodo togada'ai kuu'maiyo toru'no dodowiyoku'bworosumelabodowodekono. Aiyoga proofet tooro toro ajakwollopokwono.”
19Nuu proofet tooravuro puukwollo sakwollopo su tonyu wuu'nodum aro kuudo sau'mwakono. A'mwo Juu tooravuro miyawosunodupudo tooro Gooti toollomno kuudo youragunyumo'nodopure toorai nevu Moosesolluro loowo tokwe jul'nyo nuubweya'jo. 20Toro tovino tov nevu jul'nyo muubwemwalanonogano. Toro kuvi kuruv yiuno yogalo paiko pwekwono'gwowi aduuwiyano. Aki yogalo su tov pas tovi yakwollowa'ji a'mwo su to kworaino neya uuwapiyano. Pas su tovi aro yakwollanokwono. Kevu kuuguudo akavi neya duumjunogaulo. Wosamujuko pun kuunano gooti tooraino me'no kwingiko ton kevu nonyo'mo kumako neya domwalogaulo. Aki kevu kwonyalo mipinono. Aki allukuulolo tooro boruko tovi'aro aromiyogubulosungiko toorai manpinono. Aki mujako tov kuuno wo'dowo'jure toorai manpinono. Yogalo su tovino to'no pas tovi yakwollowa'ji uuwapiyanokwono. 21Pas akavi maropi neya uumjunmwalpino tov aro tovinokwono. Juu a'mwo abolo Moosesolluro loowo tovi wuu'nodupudo ton kaiya'no nyubwosunpiyokweyo'mokwono. Toro ton Moosesolluro loowo su tovino yiuwi'nokai wagwolago tomuuda'ai i'bwo'nyago tonyu yiuwi'nokai Sabat toga i'bwo'nodupu yodubwosumelabodupudogano. Aiyoga manyu togada'ai yiuno aga'no toro yodubwosumelabodupudogano. Toro tovino tov nemoro pas sokwollopiya'ji akavi kuumjunpi tov ilaiyokwono.” Jemsol toro adokaikono.
Jisasolluro yiuwi'nokai a'mwo abolo Juu tooravuro miyawosunodupudo tonyomno pas kuuwapiyopo tovinokwono
22Toruda'ai a'mwo kuurotokwe toorogai'aro a'mwono moduvomwallokwe toorogai'aro yiuwi'nokai Jisasolluro mollu'bwoto togai'aro ton kuuguudo me'no yajuno'mno adomduukuurosopogano. Toro ton Pooleke Banabaseke toorake wagwolago Antiyook'no morapiyo'moneyokwe a'mwo pworallu, “neya ajesano,” adomduukuurosopogano. Toro domduukuurosuno sumaveyokwe kevnokwe tekwojavuro a'mwo mido mollomwalokwe pworallu ajesopogano. A'mwo su tooralluno yovo tov pwol Juudasolekono. Toro toolluno yovo puruv Basabasolekono. Aki pwol Sailasolekono. Toro tooral Pooleke Banabaseke toorake pas tov mokavlaiyo'moneyokwe ajesoporakono. 23Toro toorallu me'no jesuno sumaveyokwe pas nuuwapiyo'mo tovi aro sakwollopokwono.
“Nevu kuurotokwe toonogai'aro a'mwono moduvomwallokwe toonogai'aro kevuge avalo toonogai'aro toonol kevu a'mwo abolo Juu toonolluro miyaikuuwosunodowado pugaikul Jisasolluro kuunodo me'no wimo'nodupudogaikikono. Toro togaikullu, ilaiyokwono, aikudumawono. Kevu wagwolago Antiyook toru mwalodupudo togaikike'aro aki kwako Siriyake Silisiyake tovalluda'ai mwalodupudo kugaikike'aro togaikulluno pas akav aikwopiyamawono. 24Nevu aro tovino me'no kuu'numawonogano. Nemoro a'mwo pworo kemi kaiyako daikullugollo'moneyokwe kuuguudo pun amodekumolloporogano. Toro amodekumollopo tovida'ai kevu ilaiyo mibwosunodupu jul'nyo ma'dopure tovino me'no kuu'numawonogano. A'mwo su toorai nevu su toro kuuguudo tokwe mamodapiyowonogano. Toro kuvi kuruv kevnokwe tooravuro kuudo tovida'ai kaiyako daikullugollo'moneyokwe kuuguudo su ton toro amodekumolloporogano. 25Toro tovino nevu i'bwo'nodowa aro me'no adomduukuurosumawonogano. Nevuge pworallu jesowa'ji kemiyomno wolomekwopiyabwanonogano. Toro tooral nemi ibwoto'nyo kuunodo Banabaseke Pooleke toorake kemiyomno wolabullunorakono. 26Banabaseke Pooleke su tooral nemi Aguto Jisas Kraisolluro womdo tovi yodubulo toorallu a'mwo pworo nokwo aromiyosopujukorakono. Toro tooral me'no abolo'bullujuko kworal kuruv nobollo'mo tovino luko miyodubul Jisasolluro womdo tov kuuno imovla'mdubulorakono. 27Toro toorallu a'mwo ajesumawo Juudaseke Sailaseke tooral kemiyomno kwolomekwopiyamawono. Toro tooral pas akavi sakwollumwakuuwo kuuguudo to'busuko kubalno kemoro mago tokwe aval'no ikudubullunorakono. 28Nevu Gooti toolluro Kuullo tool mollubworonekumokavla'mduke tovi uumjunodowa kemi Moosesolluro loowo tokwe jul'nyo ikubweyo'mo manekullunadopiyo. Su toro tovino me'no adomduukuurosumawonogano. Toro te aga kuuguudo paiko pwekwo aro adaikulla'ji tonyu neya uumjunmwalpinogaikikono. 29Kevu wosamujuko pun kuunano gooti pworai me'no kwingiko su tonyuno kumako neya mwalmwalpinogaikikono. Aki allukuulolo boruko tovi'aro aromiyogubulosungiko toorai manmwalpinogaikikono. Aki mujako tov kuuno wo'dowo'jure toorai manmwalpinogaikikono. Aki kevu kwonyalo mimwalpinogaikikono. Adaikullumawono. Kevu su toro adaikullumawo tonyu kuvinono kuumjungovlapi tov ilaiyokwono. Mekonoo, nemoro kuuguudo tov aro'arokwono.”
Pas tov toro sakwollopokwono.
30A'mwo su'bwo'nomwalopo tooro pas tov me'no yakwolluno sumaveyokwe a'mwo aral aral ajesopo toorai wagwolago Antiyook'no amorapiyoporogano. Toro amorapiyopo tooro wolabino sumaveyokwe wagwolago Antiyook toru abwolai'movoporogano. Toro bwolai'mo'mno sumaveyokwe wagwolago su tovida'ai Jisasolluro a'mwo abolo tonyu aju'bworomaroporogano. Toro ju'bworoma'no sumaveyokwe pas tov kwiyoporogano. 31Pas kwiyopo su tovi a'mwo abolo su'bwo'nopo ton mojagilno sumaveyokwe jurogudo duuwimwojo'moneyokwe kuuguudo tonyu kuu'nopogano. Toro kuu'nopo tovino kemoro poowokalago tokwe ilaiyo bwotonyo sopogano. 32Aki Juudaseke Sailaseke tooral Gooti toolluro kuuguudo tokwe modomollo'moneyokwe proofet toorakono. A'mwo su tooral Jisasolluro a'mwo abolo su tonyu kuuguudo bwotonyago togai sodubwosumovlavolorakono. Toro yodubwasuno sumaleyokwe a'mwo abolo su tonyu duuwimwojodole tovida'ai kemoro poowokalago ton jurogudo sumo'nyajupogano. 33-34Toro duuwimwojuno sumaleyokwe wagwolago su towai iruko pwekwo amwalolorakono. Toro mwalno sumaleyokwe Jisasolluro a'mwo abolo ton a'mwo kuurotokwe su toorallu, Ilaiyokwonoo, kavo dovlaiyulo. Kuudopogano. Toro wuujuno sumaveyokwe aikomgu amorapiyoporakono. Toro amorapiyopo tooral sumdomguda'ai kwolomoropiyabopo tooraiyomno aikomgu sulalorakono. 35Kuurotokwe su tooral toro ilno sumaleyokwe Pooleke Banabaseke tooralno'gwowi wagwolago Antiyook toru yere muugollu'movolno kuuno amwallajulorakono. Toro mwalodole toorake'aro Jisasolluro a'mwo bwotonyago pworogai'aro tooro Aguto toolluno kuuguudo sugudo tovi yodubwasodupu kuu'maiyo toru'no amoruujajuporogano.
Pooleke Banabaseke tooral somuudeyapinolo tovinokwono
36Toruda'ai iruko bwotonyago tobuul mwalno sumaleyokwe toga Poolol Banabasollu aro kuudokaikono. “Navu Aguto toolluro kuuguudo me'no amodomollajuuwolo wagwolago go'no go'nodo tomuuno aikomgu neya avlawolo. Toro plavowosi toga Jisasolluro a'mwo abolo tobuuro ilaiyo dukomwakovo oo kaiya'no jukiyomwakoveyokwe tovino wonomollosunonakono.” Kuudokaikono. 37Toro kuudoka tovi Banabasol a'mwo pweke mokavlaiyo'mo kwinokaikono. A'mwo su toolluno yovo tov Joon Makolekono. 38#Krt. 13:13Toro tooke mokavlaiyo'mo kwinoka kuvi kuruv Poololno'gwowi a'mwo su tooke mokavlaiyo'mo mwinokaikono. Poololluro toro kwinoka tov aro tovinokwono. Muudu'nodo toga yiuwi'nokai pworapwol su tooro proovins Pamfiliya toru kuuguudo sugudo tokwe amodomollajuporogano. Toro modomolluno sumaveyokwe womdo tov yere mimwogapiyodopure toga a'mwo su tool womdo tovi yuu'dapino sumaiyokwe Banabaseke Pooleke toorallu kuugollu'movokaikono. 39Toro tovino tov Pooleke Banabaseke tooral yogalo bwotonyo junyuno junyuno sumaleyokwe gomno gomno somuudeyapinolorakono. Toro yomuudeyapinolno Banabasol Joon Makolluda'ai momwora'no sumaiyokwe sip puvi ilomwalolno aku'momdo Saipros tomuuno avlavolorakono. 40Toro pla'mdole toga Poololno'gwowi nomokavlaiyo'moneyokwe Sailasollu ajesokaikono. Toro tooral nuugollu'meyo'mo yodole toga wagwolago su tovida'ai Jisasolluro a'mwo abolo ton nomodapiyo'moneyokwe aro kuudopogano. “Oo Aguto tool gamoro yasuwa'wino sugumaluko ikubweyodowo'jure tovida'ai ilaiyo nokwo mollekumwalonekono.” Amodapiyopogano. 41Toro modapino sumaveyokwe Pooleke tooral plavolno proovins Siriyake Silisiyake tomuu'aro plaino sumaleyokwe kuuguudo tov amodomollolorakono. Toro modomolluno sumaleyokwe Jisasolluro mollu'bwoto tobuurai wuuru'ma'dubul jurogudo aduuwimwojomollajulorakono.
Currently Selected:
Kuurotokwe 15: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 15
15
Jisasolluro a'mwo tooro wagwolago Jeruusalem toru su'bwo'nopo tovinokwono
1Toro kuvi kuruv Pooleke Banabaseke tooral wagwolago Antiyook toru kuuno mwalodole toga kwako Juudiyada'ai a'mwo pworo abwolai'movoporogano. Toro bwolai'mo'mno sumaveyokwe Jisasolluro a'mwo toorai kuuguudo puruv aro sodubwasoporogano. “Kevu Moosesolluro loowo tovuro dodowodo tomgu'aro kemi lakulkulako ton ado'nupi to'no Gooti tool kemi ma'no ma'nodo tovuro kirumwallo tovida'ai nokwo bomollurolovekumokalokwonekono.” 2Toro yodubwasodopure tovi Pooleke Banabaseke tooral wuu'nyuno sumaleyokwe noduumjukullo'mo yogalo bwotonyo sajunoporogano. Toro tooro yajunyuno yajunyuno sumaveyokwe aro adomdukuurosoporogano. “Nevu a'mwo pworai neya ajesano. Toro ajesa'ji su tooro Pooleke Banabaseke toorake wagwolago Jeruusalem'no ilapi a'mwo kuurotokwe toorogai'aro a'mwono moduvomwallokwe toorogai'aro toorogai i'bwo'nopi kuuguudo akavino nokwo dupinorogano.” Adomdukuurosoporogano. Toro domdukuurosuno sumaveyokwe a'mwo pworai ajesoporogano.
3Toro ajesopo su toorai Jisasolluro a'mwo abolo ton amorapiyopogano. Toro amorapiyopo tooro plaino sumaveyokwe kwako Foonisiyake Samariyake tomuu'aro avlavoporogano. Toro plaino sumaveyokwe Pooleke Banabaseke tooral Jisasolluro a'mwo abolo gomno gomno mwalodopure tobuurai wuuru'ma'dubul aro sodubwosomollolorakono. “Oo a'mwo abolo Juu tooravuro miyawosunodupudo ton Gooti toollomno kuudo youragunyumo'nodupu kuudo me'no kuubwemwakopogano.” Toro tovino yodubwosomollodole toga Jisasolluro a'mwo abolo gomno gomno mwalodupudo su ton wuu'no'mno kemoro poowokalago tov ilaiyo subwosunopogano.
4Toro tooro plaino sumaveyokwe wagwolago Jeruusalem toru sulai'movoporogano. Toro ilai'mo'mdole toga Jisasolluro mollu'bwoto togai'aro a'mwo kuurotokwe toorogai'aro a'mwono moduvomwallokwe toorogai'aro yiuwi'nokai su ton Pooleke Banabaseke toorallu wono'mno ilaiyo amollomaropogano. Toro molloma'no sumaveyokwe Pooleke Banabaseke tooral Gooti toolluro yiuwi'nokai womdo tov kevnokwe su toorallu'aro kwimo'nyajuko tonyuno kuuguudo kuudolorakono. 5Toro sodubwasolo kuvi kuruv a'mwo Jisasolluno kuudo uubweyodupudo pworo Farasiyorogano. Toro tooro iloda'mno sumaveyokwe Pooleke toorallu aro kuudoporogano. “A'mwo Juu tooravuro miyawosunodupudo tooro kemi lakulkulako ton neya do'numwalpinorogano. Aki toro tooro Moosesolluro loowo tonyu neya uumjunmwalpino'moneyokwe kev toorakul neya doduuwiyogaulo.” Kuudoporogano.
6Yogalo su toro kuudopo tovino kuuguudo domwallo'moneyokwe a'mwo kuurotokwe toorogai'aro a'mwono moduvomwallokwe toorogai'aro tooro su'bwo'noporogano. 7#Krt. 10:1-43Toro tooro kuuguudo yajunyuno yajunyuno sumaveyokwe Pital ilodavo'no aro kuudokaikono. “Nuugeravoo, kevu aro tovino kuudo nyau'mwakovo. Aiyoga muudu'nodo toga Gooti tool gamoro kuuguudo sugudo tovi moruudomollo'moneyokwe mi ajanubweyokanyugono. Toro ajanubweyoka toonyu'aro a'mwo Juu tooravuro miyawosunodupudo tooro kuuguudo sugudo tovi wuu'nopi kuudo uubwepino'moneyokwe amonuwapiyokanyugono. 8#Krt. 10:44, 2:4Aki Gooti amonuwapiyoka su tool nevu yiuwi'nokai kwako akavida'ai toonolluro poowokalago tonyu youroonekwonodowodekono. Toro tool a'mwo Juu tooravuro miyawosunodupudo su tekwojai ilaiyo me'no amollomarokaikono. Toro amollomaroka tovino wuuduuwallo'moneyokwe gamoro Kuullo tool kwiyokaikono. Muudu'nodo toga nevu Juu tonollu anekullaboka to'busuko kubalno a'mwo Juu toonolluro miyawosunodowado tekwojai aval'no kwiyokaikono. 9Aki toro tooro Jisasolluno kuudo kuubweyopo toga Gooti tool kemoro poowokalago tonyu amollol'movomarokaikono. Toro te Gooti tool nevu yiuwi'nokai Juu toonogai'aro a'mwo Juu tooravuro miyawosunodupudo toorogai'aro toonollu puuto judo'no judo'nodo pumgu'aro mamollonekumallokwekono. 10Toro te kevu aiyogasuro nemi nellukweyago tooraino kuudo neya jaullulo. Su tooro aro sajuporogano. Moosesolluro loowo tonyu uumjunyo'mo jul'nyo to'busuko mollukwowa'dupudo kworo kuruv ku'nono muumjunyajuporogano. Aki nevu agasuro kunol kuruv Moosesolluro loowo su tonyu uumjunyo'mo tov jul'nyo to'busuko nekwo'dowodonogano. Toro kunol kuruv loowo tonyu ku'nono muumjunodowadonogano. Toro tovino tov kevu loowo su togai a'mwo abolo Juu toonolluro miyawosunodowado tonyu uubweyo'mo aikullunadopiko tov ilaiyo'maiyo. A'mwo abolo su ton nevubusuko Jisasolluro uumjunyokwe me'no kwimo'nopogano. Toro tonyu wiyo'mwojo'moneyokwe puuto soulubweyoka Gooti toollu surodo nyu'gwolpiyo. Toro tovino tov kevu Juu toonolluro miyawosunodowado tonyu jul'nyo su tov muubwepinono. 11Toro kuvi kuruv nevu ma'no ma'nodo tovuro kirumwallo tovida'ai bomollurolovomokwiyo'moneyokwe puuto puru'monodo toolluno'gwowi kuudo kuubwemwakuuwono. Yiuno Aguto Jisasolluro yasuwa'wino sugumaluko nekubweyodowo'jure tovi'aro Gooti tool nobomollurolovonekumokalokwonekono. Aki Gooti tool a'mwo Juu toonolluro miyawosunodowado kworai kuruv puuto aval'nodo tomgu'aro nobomollurolovomokalokwonekono. Su toro kuudo kuubwemwakuuwono.” Kuudokaikono.
12Pital toro wuujuno sumaiyokwe Pooleke Banabaseke tooral Gooti toolluro kuuduuwallajuko tovino aro kuudolorakono. “Oo Gooti tool nami jurogudo nakubweyoduke tovida'ai a'mwo abolo Juu tooravuro miyawosunodupudo kunyu kuruv duuwallo jurogudo judo'no judo'nodo tonyu kuuduuwallajuuwolonakono.” Kuudolorakono. Toro wuudodole tovi a'mwo su'bwo'nomwalopo tooro wuu'no'mno yogalo puru'monodo kuruv maravoporogano.
13Pooleke Banabaseke tooral toro me'no yodubwosopino sumaleyokwe Jemsol aro adokaikono. “Oo nuuge avalekwojavoo, kemoro kaduko ton neya donubweyulo. 14Saimoon Pital kuuguudo pun kuu'maiyo toru'no me'no anekudumokaikono. Gooti tool a'mwo Juu tooravuro miyawosunodupudo toorai gamiyo'mo kuunodo wimo'numwalpino'moneyokwe me'no amollomarokaikono. Toro amollomaroka tovino me'no kuu'numawokwono. 15Toro kuu'numawo su tov aiyoga proofet pworavuro me'no ajakwollopo tokwe aval'nodokwono. Puukwollo su tov aro sakwollungikokwono.
16“Aguto tool aro adokaikono. A'mwo aguto kig Devitolluro mido amollomwallajuko tov nuu lukomgu aki aiko te molludapimonyugono. Aro to'busukokwono. Ago puruv me'no awo'dolopingiko tovi aki aiko te mododupudo to'busuko kubalno nuu Gooti toonyu Devitolluro mido mollomwalo tovi aki aiko te molludapimonyugono. 17-18Su toro tov aro tovinokwono. Yiuwi'nokai kwako akavida'ai a'mwo abolo ton nuu Aguto toonyomno neya bumwalpinogano. Aki a'mwo Juu tooravuro miyawosunodupudo pworo moro me'no ajeso kworo kuruv miyomno neya bumwalpinorogano. Toro tovinokwono. Adokaikono. Toro te Aguto gavnokwe tool gamoro su toro tonyuno muudu'nodo togada'ai kuu'maiyo toru'no dodowiyoku'bworosumelabodowodekono. Aiyoga proofet tooro toro ajakwollopokwono.”
19Nuu proofet tooravuro puukwollo sakwollopo su tonyu wuu'nodum aro kuudo sau'mwakono. A'mwo Juu tooravuro miyawosunodupudo tooro Gooti toollomno kuudo youragunyumo'nodopure toorai nevu Moosesolluro loowo tokwe jul'nyo nuubweya'jo. 20Toro tovino tov nevu jul'nyo muubwemwalanonogano. Toro kuvi kuruv yiuno yogalo paiko pwekwono'gwowi aduuwiyano. Aki yogalo su tov pas tovi yakwollowa'ji a'mwo su to kworaino neya uuwapiyano. Pas su tovi aro yakwollanokwono. Kevu kuuguudo akavi neya duumjunogaulo. Wosamujuko pun kuunano gooti tooraino me'no kwingiko ton kevu nonyo'mo kumako neya domwalogaulo. Aki kevu kwonyalo mipinono. Aki allukuulolo tooro boruko tovi'aro aromiyogubulosungiko toorai manpinono. Aki mujako tov kuuno wo'dowo'jure toorai manpinono. Yogalo su tovino to'no pas tovi yakwollowa'ji uuwapiyanokwono. 21Pas akavi maropi neya uumjunmwalpino tov aro tovinokwono. Juu a'mwo abolo Moosesolluro loowo tovi wuu'nodupudo ton kaiya'no nyubwosunpiyokweyo'mokwono. Toro ton Moosesolluro loowo su tovino yiuwi'nokai wagwolago tomuuda'ai i'bwo'nyago tonyu yiuwi'nokai Sabat toga i'bwo'nodupu yodubwosumelabodupudogano. Aiyoga manyu togada'ai yiuno aga'no toro yodubwosumelabodupudogano. Toro tovino tov nemoro pas sokwollopiya'ji akavi kuumjunpi tov ilaiyokwono.” Jemsol toro adokaikono.
Jisasolluro yiuwi'nokai a'mwo abolo Juu tooravuro miyawosunodupudo tonyomno pas kuuwapiyopo tovinokwono
22Toruda'ai a'mwo kuurotokwe toorogai'aro a'mwono moduvomwallokwe toorogai'aro yiuwi'nokai Jisasolluro mollu'bwoto togai'aro ton kuuguudo me'no yajuno'mno adomduukuurosopogano. Toro ton Pooleke Banabaseke toorake wagwolago Antiyook'no morapiyo'moneyokwe a'mwo pworallu, “neya ajesano,” adomduukuurosopogano. Toro domduukuurosuno sumaveyokwe kevnokwe tekwojavuro a'mwo mido mollomwalokwe pworallu ajesopogano. A'mwo su tooralluno yovo tov pwol Juudasolekono. Toro toolluno yovo puruv Basabasolekono. Aki pwol Sailasolekono. Toro tooral Pooleke Banabaseke toorake pas tov mokavlaiyo'moneyokwe ajesoporakono. 23Toro toorallu me'no jesuno sumaveyokwe pas nuuwapiyo'mo tovi aro sakwollopokwono.
“Nevu kuurotokwe toonogai'aro a'mwono moduvomwallokwe toonogai'aro kevuge avalo toonogai'aro toonol kevu a'mwo abolo Juu toonolluro miyaikuuwosunodowado pugaikul Jisasolluro kuunodo me'no wimo'nodupudogaikikono. Toro togaikullu, ilaiyokwono, aikudumawono. Kevu wagwolago Antiyook toru mwalodupudo togaikike'aro aki kwako Siriyake Silisiyake tovalluda'ai mwalodupudo kugaikike'aro togaikulluno pas akav aikwopiyamawono. 24Nevu aro tovino me'no kuu'numawonogano. Nemoro a'mwo pworo kemi kaiyako daikullugollo'moneyokwe kuuguudo pun amodekumolloporogano. Toro amodekumollopo tovida'ai kevu ilaiyo mibwosunodupu jul'nyo ma'dopure tovino me'no kuu'numawonogano. A'mwo su toorai nevu su toro kuuguudo tokwe mamodapiyowonogano. Toro kuvi kuruv kevnokwe tooravuro kuudo tovida'ai kaiyako daikullugollo'moneyokwe kuuguudo su ton toro amodekumolloporogano. 25Toro tovino nevu i'bwo'nodowa aro me'no adomduukuurosumawonogano. Nevuge pworallu jesowa'ji kemiyomno wolomekwopiyabwanonogano. Toro tooral nemi ibwoto'nyo kuunodo Banabaseke Pooleke toorake kemiyomno wolabullunorakono. 26Banabaseke Pooleke su tooral nemi Aguto Jisas Kraisolluro womdo tovi yodubulo toorallu a'mwo pworo nokwo aromiyosopujukorakono. Toro tooral me'no abolo'bullujuko kworal kuruv nobollo'mo tovino luko miyodubul Jisasolluro womdo tov kuuno imovla'mdubulorakono. 27Toro toorallu a'mwo ajesumawo Juudaseke Sailaseke tooral kemiyomno kwolomekwopiyamawono. Toro tooral pas akavi sakwollumwakuuwo kuuguudo to'busuko kubalno kemoro mago tokwe aval'no ikudubullunorakono. 28Nevu Gooti toolluro Kuullo tool mollubworonekumokavla'mduke tovi uumjunodowa kemi Moosesolluro loowo tokwe jul'nyo ikubweyo'mo manekullunadopiyo. Su toro tovino me'no adomduukuurosumawonogano. Toro te aga kuuguudo paiko pwekwo aro adaikulla'ji tonyu neya uumjunmwalpinogaikikono. 29Kevu wosamujuko pun kuunano gooti pworai me'no kwingiko su tonyuno kumako neya mwalmwalpinogaikikono. Aki allukuulolo boruko tovi'aro aromiyogubulosungiko toorai manmwalpinogaikikono. Aki mujako tov kuuno wo'dowo'jure toorai manmwalpinogaikikono. Aki kevu kwonyalo mimwalpinogaikikono. Adaikullumawono. Kevu su toro adaikullumawo tonyu kuvinono kuumjungovlapi tov ilaiyokwono. Mekonoo, nemoro kuuguudo tov aro'arokwono.”
Pas tov toro sakwollopokwono.
30A'mwo su'bwo'nomwalopo tooro pas tov me'no yakwolluno sumaveyokwe a'mwo aral aral ajesopo toorai wagwolago Antiyook'no amorapiyoporogano. Toro amorapiyopo tooro wolabino sumaveyokwe wagwolago Antiyook toru abwolai'movoporogano. Toro bwolai'mo'mno sumaveyokwe wagwolago su tovida'ai Jisasolluro a'mwo abolo tonyu aju'bworomaroporogano. Toro ju'bworoma'no sumaveyokwe pas tov kwiyoporogano. 31Pas kwiyopo su tovi a'mwo abolo su'bwo'nopo ton mojagilno sumaveyokwe jurogudo duuwimwojo'moneyokwe kuuguudo tonyu kuu'nopogano. Toro kuu'nopo tovino kemoro poowokalago tokwe ilaiyo bwotonyo sopogano. 32Aki Juudaseke Sailaseke tooral Gooti toolluro kuuguudo tokwe modomollo'moneyokwe proofet toorakono. A'mwo su tooral Jisasolluro a'mwo abolo su tonyu kuuguudo bwotonyago togai sodubwosumovlavolorakono. Toro yodubwasuno sumaleyokwe a'mwo abolo su tonyu duuwimwojodole tovida'ai kemoro poowokalago ton jurogudo sumo'nyajupogano. 33-34Toro duuwimwojuno sumaleyokwe wagwolago su towai iruko pwekwo amwalolorakono. Toro mwalno sumaleyokwe Jisasolluro a'mwo abolo ton a'mwo kuurotokwe su toorallu, Ilaiyokwonoo, kavo dovlaiyulo. Kuudopogano. Toro wuujuno sumaveyokwe aikomgu amorapiyoporakono. Toro amorapiyopo tooral sumdomguda'ai kwolomoropiyabopo tooraiyomno aikomgu sulalorakono. 35Kuurotokwe su tooral toro ilno sumaleyokwe Pooleke Banabaseke tooralno'gwowi wagwolago Antiyook toru yere muugollu'movolno kuuno amwallajulorakono. Toro mwalodole toorake'aro Jisasolluro a'mwo bwotonyago pworogai'aro tooro Aguto toolluno kuuguudo sugudo tovi yodubwasodupu kuu'maiyo toru'no amoruujajuporogano.
Pooleke Banabaseke tooral somuudeyapinolo tovinokwono
36Toruda'ai iruko bwotonyago tobuul mwalno sumaleyokwe toga Poolol Banabasollu aro kuudokaikono. “Navu Aguto toolluro kuuguudo me'no amodomollajuuwolo wagwolago go'no go'nodo tomuuno aikomgu neya avlawolo. Toro plavowosi toga Jisasolluro a'mwo abolo tobuuro ilaiyo dukomwakovo oo kaiya'no jukiyomwakoveyokwe tovino wonomollosunonakono.” Kuudokaikono. 37Toro kuudoka tovi Banabasol a'mwo pweke mokavlaiyo'mo kwinokaikono. A'mwo su toolluno yovo tov Joon Makolekono. 38#Krt. 13:13Toro tooke mokavlaiyo'mo kwinoka kuvi kuruv Poololno'gwowi a'mwo su tooke mokavlaiyo'mo mwinokaikono. Poololluro toro kwinoka tov aro tovinokwono. Muudu'nodo toga yiuwi'nokai pworapwol su tooro proovins Pamfiliya toru kuuguudo sugudo tokwe amodomollajuporogano. Toro modomolluno sumaveyokwe womdo tov yere mimwogapiyodopure toga a'mwo su tool womdo tovi yuu'dapino sumaiyokwe Banabaseke Pooleke toorallu kuugollu'movokaikono. 39Toro tovino tov Pooleke Banabaseke tooral yogalo bwotonyo junyuno junyuno sumaleyokwe gomno gomno somuudeyapinolorakono. Toro yomuudeyapinolno Banabasol Joon Makolluda'ai momwora'no sumaiyokwe sip puvi ilomwalolno aku'momdo Saipros tomuuno avlavolorakono. 40Toro pla'mdole toga Poololno'gwowi nomokavlaiyo'moneyokwe Sailasollu ajesokaikono. Toro tooral nuugollu'meyo'mo yodole toga wagwolago su tovida'ai Jisasolluro a'mwo abolo ton nomodapiyo'moneyokwe aro kuudopogano. “Oo Aguto tool gamoro yasuwa'wino sugumaluko ikubweyodowo'jure tovida'ai ilaiyo nokwo mollekumwalonekono.” Amodapiyopogano. 41Toro modapino sumaveyokwe Pooleke tooral plavolno proovins Siriyake Silisiyake tomuu'aro plaino sumaleyokwe kuuguudo tov amodomollolorakono. Toro modomolluno sumaleyokwe Jisasolluro mollu'bwoto tobuurai wuuru'ma'dubul jurogudo aduuwimwojomollajulorakono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida