Kuurotokwe 16
16
Timootiyol Pooleke Sailaseke toorake avlavoka tovinokwono
1Toruda'ai Pooleke Sailaseke tooral plaino sumaleyokwe wagwolago Debe toru ai'movolorakono. Toro ki'mo'mno sumaleyokwe aki aiko te plavolno wagwolago Listra toru ai'movolorakono. Wagwolago ai'movolo su toruda'ai a'mwo mwalodowodo pwolluno yovo tov Timootiyolekono. A'mwo su tool Jisasolluro uumjunyokwe pwekono. Toro toollu ganeyago tov Juu abolokwono. Aki gami ganeyago su tov Jisasolluno kuudo me'no kuubwengikokwono. Toro kuvi kuruv Timootiyolluro ganumiyago toolno'gwowi Grik a'mwo pwekono. 2Toro te Timootiyolluno wagwolago Listrake Aikooniyamke tovalluda'ai Jisasolluro a'mwo abolo mwalodupudo ton kuudo yau'dupudogano. Oo Timootiyol a'mwo sugudoldeyo. Kuudo yau'dupudogano. 3Toro toolluno tov Poolol a'mwo su toollu mokavlaiyo'mo kwinokaikono. Toro winyuno sumaiyokwe aro adokaikono. “Nuu Timootiyolluro lakulkulako tov neya amado'mo.” Poololluro toro adoka tov aro tovinokwono. Wagwolago su towaida'ai yiuwi'nokai Juu mwalodupudo tooro Timootiyollu ganumiyago toolluno aro kuudo youroma'dupudorogano. Oo Juu toonolluro miyawosunowo Grik a'mwo su tool gami lakulkulako tov mado'nokaldeyo. Toro kuudo me'no youroma'dupudo tovino tov Poolol aro kuudo saurokaikono. Timootiyolluro kuuguudo wuudodowo'jure tovi kaduko mwipinorodeyo. Toro kuudo yau'no sumaiyokwe kaduko nokwo wimwalpino'moneyokwe Poolol Timootiyolluro lakulkulako tov amadovokaikono. 4Toro mado'mno sumaiyokwe Pooleke tooro Timootiyollu momworaro'mno amokavlavoporogano. Toro tooro wagwolago go'no go'nodo tomuu plaino sumaveyokwe kuuguudo tokwe amodomollajuporogano. Kuuguudo amodomollajupo su tov sumdomgu togasuro wagwolago Jeruusalemda'ai a'mwo kuurotokwe toorogai'aro a'mwono moduvomwallokwe toorogai'aro tooro Jisasolluro a'mwo abolo ton neya uumjunmwalpino'moneyokwe adomduukuurosopokwono. Toro adomdukuurosopo tokwe momwora'dupu amoruudomollajuporogano. 5Toro moruudomollodopure tovi Jisasolluro a'mwo abolo ton wuu'nodupu jurogudo sumo'nyajupogano. Aki yiuwi'nokai iruko tobuullu a'mwo abolo muuduko pun bodupu Jisasolluno kuudo kuubweyajupogano. Toro uubweyodupu sumdomguda'ai Jisasolluro a'mwo abolo tonyu uuguro'mwonyodupu kwolallo bwotonyago sumo'nyajupogano.
Poolol wojo to'busuko tovi'aro Masedooniyada'ai a'mwo pwollu kwonoka tovinokwono
6Toruda'ai Pooleke tooro plaino sumaveyokwe kwako Esiya tomuu kuuguudo sugudo tokwe modomollo'mo kwinopo kuvi kuruv Gooti toolluro Kuullo tool a'mwo su toorai kuumjukurokaikono. Toro kuumjukuroka tooro kwako su tomuuno mavlavopo kworo kuruv proovins puruvalluno'gwowi avlavoporogano. Proovins su tovalluno yovo tov Frijiyake Galesiyake tovakono. Proovins su tovallu tomuu'aro avlavoporogano. 7Toro plaino sumaveyokwe kwako Misiya'no senagu'nyo tomuu ki'movo'mno kwako Bitiniya'no plaiyo'mo soporogano. Toro sopo kuvi kuruv Jisasolluro Kuullo tool kuumjukurokaikono. 8Toro kuumjukuroka tovino tov Pooleke tooro kwako Misiya toru irukuruwolo'mno sumaveyokwe imomgu wola'mno wagwolago Troowas tovi aulaporogano. 9Toro kuulno sumaveyokwe surakuuto toga Poolol wojo to'busuko puruv iwo'no'no aro tovi kwonokaikono. A'mwo Masedooniyada'ai pwol boda'mno sumaiyokwe Poolollu kumdo aro ajugonokaikono. “Guu Masedooniya akawai'no bo'bi nemi neya banekullo'mwojonoo.” Ajugonokaikono. Poolol toro tovi kwonokaikono. 10Toro te nevu Pooleke pla'mdowado toonol gamoro kwonoka su tovino wuu'nowono aro kuudo saurowonogano. Oo nevu kuuguudo sugudo tokwe a'mwo su tomuuda'ai mwalodupudo toorai moruudomollo'moneyokwe Gooti tool amonekwopiyamokanoldeyo. Kuudo saurowonogano. Toro yau'no sumawoneyokwe Masedooniya'no kuvinono plaiyo'moneyokwe sovrowosunowonogano.
Lidiyav Jisasolluno kuudo kuubweyoka tovinokwono
11Toro me'no yovrowosunyuno sumawoneyokwe sip pwollu ilomwalowono wagwolago Troowas towaida'ai kuugollu'movowonogano. Toro wuugollu'movowono soolwara tovi ido'nyuno wino wino sumawoneyokwe aku'momdo Samootres toru ai'mowonogano. Toro ki'mo'mno sumawoneyokwe iruko aikomguda'ai tollugwoji aki aiko te wino sumawoneyokwe wagwolago Niyapooles toru ai'mowonogano. 12Aki Niyapooles toru wuugollu'mo'mno sumawoneyokwe wagwolago Filipai tomuuno kwokado avlavowonogano. Wagwolago su tovi aiyoga a'mwo Roomda'ai tooro bo'mno abomwallajupokwono. Aki toro tov kwako Masedooniya tomuuda'ai wagwolago aguto kuunodo sumo'nyajukokwono. Toro te nevu wagwolago su tovi kuulno sumawoneyokwe iruko pubuul aulomwalowonogano. 13Toro mwalno sumawoneyokwe Sabat toga wagwolago su tovuro noullo tovi'aro bolokwowono aro kuudo saurowonogano. Oo Juu tooravuro subusu'nyogalo i'bwo'nodomwalodupudo toru wonyo wolo akaibuuwai'deyo. Toro kuudo yau'no sumawoneyokwe wonyo wolo toru'no kwolomwalowonogano. Toro wolomwalno sumawoneyokwe su towaida'ai abolo i'bwo'nomwalodopure pugai kuuguudo adomwalowonogano. 14Kuuguudo toro domwalodowore toga abolo puruv Gooti toolluno sulomoropiyajukokwono. Toro kuvi kuruv Jisasolluno kuuguudo tovi muu'nyajukokwono. Abolo su tov nemoro kuuguudo tovi kuu'nokakwono. Toro tovino yovo tov Lidiyavokwono. Toro tov wagwolago Taitairoda'aiyokwono. Aki abolo su tov gami mubiyago tovi youro kwallujo sugumaluko touso wosodowo'jure tovi mubiyoma'dupudokwono. Toro te abolo su tov Poololluro kuuguudo yodubwasoduke toga Aguto tool abolo su tovuro kuudo tovi ausubweyokaikono. Toro kuusubweyoduke tovida'ai kuudo saurokakwono. Oo nebalo'mdeyo. 15Toro kuudo sauroka tovi nevu wonyo amogaluvollowokwono. Aki abolo su tovuro ago tovi a'mwo abolo mwalodupudo kugai'aro tonyu wonyo tovi aval'no amogaluvollowogano. Toro mogaluvolluno sumawoneyokwe abolo su tov nemi aro anekudoganokakwono. “Kevu mino tov, Oo Aguto Jisasolluno kuudo nebal'no kuubwemoka'mdeyo, kuudo sanuupi tov kev toorekul nuuge moro ago tovino plavowa'ji nokwo mwalanorekuldeyo?” Anekudoganokakwono. Abolo su tov guureji toro anekudoganokakwono. Toro anekudoganoka tovino tov nevu abolo su tobuullu kaduko wino sumawoneyokwe gamoro ago tovino plavowono amwalowonogano.
Pooleke Sailaseke toorallu wuulo killo'mo ago te aulomerosopo tovinokwono
16Toruda'ai iruko pullugwoji nevu a'mwo abolo subusu'nyogalo i'bwo'nodomwalodupudo toru'no kwolawonogano. Toro wolodowore toga a'mwo pworavuro ki'nato womdo'moneyokwe sujuraiyo abiyoma'nyungiko puruv puuto tomuu abonekuru'marokakwono. Sujuraiyo su tov kuullo ma'no ma'nodo pwolluro jurogudo tokwe proofet to'busuko lukomgu imo'nupino tonyuno kuu'maiyo toru'no dodoluwosodowodokwono. Su toro yodowo'jure tovi gami jukwo tooro nuugwiyo bwotonyago ai'nomallajuporogano. 17Toro te sujuraiyo su tov yiuwi'nokai iruko toga nevu Pooleke toonollu buulo tomuu nekumjunodowo aro ajajukokwono. “Oo a'mwo akaro Gooti Yiuwi'nokai Tonyu Uuwolo'mdowodo toolluro ki'nato womdokwe wimo'nodupudorogano. Aki Gooti tool nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwe puuto soulonekubweyoka tovino kuuguudo modomollodupudorogano.” Ajajukokwono. 18Sujuraiyo su tov iruko bwotonyago tobuullu tono tono adanekumjunyajukokwono. Toro te iruko pullugwoji aki aiko te toro danekumjunoduke toga Poolol biyolo kuu'mwojokaikono. Toro tool sujuraiyo su tovi gunyubwosumdo molloonyuno sumaiyokwe kuullo ma'no ma'nodo kuulomwalodowodo toollu aro kuudokaikono. “Nuu Jisas Kraisolluno yovo jurogudokwe tovida'ai aro agudumono, Sujuraiyo su tovi buugollu'mokalokwono.” Poolol toro wuujuno sumaiyokwe kuga'gwo kuuno kuullo ma'no ma'nodo tool sujuraiyo tovi abuugollu'mokalokwokaikono.
19Toro buugollu'mokalokwino sumaiyokwe sujuraiyo su tovuro jukwo tooro kuudo sauroporogano. Wei, nemi taiyo tovuro womdo yodowo'jure tovino nuugwiyo ki'noma'dowado kuvi kuruv aga'no'gwowi aki aiko te mai'noma'mwalanonogano. Toro kuudo yau'no sumaveyokwe Pooleke Sailaseke toorallu galomworaro'mno a'mwo abolo kwolallo ton i'bwo'nodopure toru'no amogaibworomokavlavoporogano. Toro mogaibworomokavla'mno sumaveyokwe a'mwo kooti yogalo tovi mollomwalokwe tooravuro sumdollu toru aulomolludapiyoporogano. 20Toro kuulomolludapino sumaveyokwe aro kuudoporogano. “A'mwo akaral Juu a'mworakono. Toro tooral nemoro wagwolago akavi kuulabodubul nemi jul'nyo nekubweyo'mo kuuguudo amodomolladokuulorakono. 21Toro tooralluro kuuguudo yodonekubwasodo'bule tovi nevu Roomda'ai toonolno'gwowi ku'nono muumjunmwalanonogano. Nevu a'mwo su tooralluro yodonekubwasodo'bule tovi kuumjuna'ji tov nevnokwe toonolluro loowo tovi kisuvolo yanonogano. Toro tovino tov nevu a'mwo Roomda'ai toonol a'mwo akaralluro kuuguudo tovi kaduko mwimwalanonogano.” Kuudoporogano. 22Toro kuudopo tovi a'mwo abolo kwolallo su'bwo'nyajupo su tonyuro pun wuu'nyuno sumaveyokwe Pooleke Sailaseke toorallu molo wiyodopure toorai amolluulopogano. Toro molluulno sumaveyokwe a'mwo kooti yogalo tovi mollomwalokwe toorai guureji aduuwiyopogano. Toro duuwino sumaveyokwe a'mwo kooti yogalo mollomwalokwe tooro Pooleke Sailaseke tooralluro youro ton amodowiyorojodukwopiyoporogano. Aki iko tokwe galogunyukuurumollupino'moneyokwe a'mwo pworai amorubweyoporakono. 23Toro amorubweyopo toorallu guureji me'no gunyukuurumolluno sumaveyokwe wuulo killo'mo ago tovi aulomerosoporakono. Toro merosuno sumaveyokwe a'mwo kooti yogalo mollomwalokwe tooro wuulo killo'mo ago tovida'ai duuwato womdokwe toollu guureji aro aduuwiyoporogano. “A'mwo akaral wuulo killo'mo ago tovida'ai nobirolo'nugolokuubullokweyo'mo guu po'dogalo neya moduvomwalbinekugono.” Aduuwiyoporogano. 24Toro aduuwiyopo tovi a'mwo duuwato womdokwe tool kuvinono uumjuno'no Pooleke Sailaseke toorallu anakuuto tomuu mokaulno sumaiyokwe wuulo killo'mo ago tovuro jurogudo kuunodo toru aulomerosokaikono. Aki toro tooralluro suvlo tonyu guureji gudupolallo'moneyokwe iko bwotonyo adovoloumjosungiko pweke guureji amerosokaikono.
25Toro merosuno sumaiyokwe surakuuto akuusuduko toga Pooleke Sailaseke tooral Gooti toollu subusu'nyogalo wuudolno ilomoropiyo'moneyokwe dato pun adolorakono. Toro dodole toga wuulo killo'mo ago su tovida'ai a'mwo ai'nallajupo gabovo tooro au'naroporogano.#Flp. 4:11-13 26Toro yodopure kuga'gwo kuuno wunyu wunyu bwotonyo puruv sokakwono. Toro soka toga wuulo killo'mo ago tov amojunallajuko kwako su toru yaudo yaudo bwotonyo sokakwono. Toro soka tovino tov yiuwi'nokai wuulo killo'mo ago tovida'ai kudo'aiko ton kuusodavo'mno aki a'mwo ai'nallajupo tooravuro senyo wuulo ton sukwolopiyopogano. 27Toro imo'noduke toga wuulo killo'mo ago tovida'ai a'mwo duuwato womdokwe tool adukavokaikono. Toro dukaino sumaiyokwe yiuwi'nokai kudo'aiko ton me'no ausudavopo tonyu wono'no aro adokaikono. “Oo wuulo killo'mo ago tovida'ai yiuwi'nokai a'mwo kuule'na'dupudo tooro me'no dobirolo'nugolokuumavo.” Adokaikono. Toro juno sumaiyokwe gami a'mwo aguto mollomwalodupudo pworaino luko yo'no aro kuudo saurokaikono. Awi, a'mwo aguto tooro mi kaiyako nyanyugolpiyokwe nuvnokwe toonyu neya aromiyosunmo. Toro kuudo yau'no sumaiyokwe gami molo'mo kwallu'mopto toul maro'no gavnokweyol romiyosunyo'mo sokaikono. 28Toro yoduke kuvi kuruv Poolol a'mwo su toollu deko guureji aro kuudokaikono. “Mi a'mwoloo, guvnokwe tooku kaiyako i'nyo'mo su toro mibinono. Nevu yiuwi'nokai toonol kuuno amwakuuwono.” Kuudokaikono. 29Poolol toro wuujuno sumaiyokwe a'mwo duuwatokwe su tool a'mwo pworo gworeko puruv amokabupureyokweyo'mo deko adapiyokaikono. Toro adapiyoka tovi gworeko amokabopo su tokwe momworaro'no wuulo killo'mo ago tovi yere aluvomokaulokaikono. Toro luvomokaulno sumaiyokwe bu'buto bwotonyo yo'no Pooleke Sailaseke tooralluro dolago tomuu kwolomuulo'narokaikono. 30Toro wolomuulo'na'no sumaiyokwe aki aiko te ilodukavo'no Pooleke toorallu wuulo killo'mo ago tovida'ai kwa'mgu tomuuno abomokalokwokaikono. Toro bomokalokwino sumaiyokwe aro kuudoganokaikono. “Mi a'mworaloo, nuu ma'no ma'nodo tovuro kirumwallo tovida'ai adadomgu'aro birolo'nugolokuumonyudukono?” Kuudoganokaikono.
31Toro kuudoganoka tovi Pooleke tooral aro kuudolorakono. “Guu Aguto Jisasolluno kuudo kuubwebi tov gumi ma'no ma'nodo tovuro kirumwallo tovida'ai kuvinono bomollurolovogumokalokwonekono. Aki yiuwi'nokai guuge mwalodupudo kun kuruv aval'no kuudo kuubwepi tov aval'no nobomollurolovomokalokwonekono.” Kuudolorakono. 32Toro wuujuno sumaleyokwe aki a'mwo su tooke'aro yiuwi'nokai gavuge mwalodupudo togai'aro tonyu Aguto toolluno kuuguudo pun sodubwasolorakono. 33Toro yodubwasuno sumaleyokwe surakuuto tov kuuno juna'duke toga a'mwo duuwatokwe su tekwo Pooleke Sailaseke tooralluro kwa'dalo amovaluvopo tonyu wonyo tokwe amollal'movokaikono. Toro mollal'mo'mno sumaiyokwe a'mwo su tooke'aro gavuge yiuwi'nokai mwalodupudo togai'aro ton sogwollo maino'mno wonyo tovi yere kuuvollunopogano. 34Toro uuvollunyuno sumaveyokwe a'mwo duuwatokwe su tool Pooleke Sailaseke toorallu gamoro ago tovi morumwallo'no wosamujuko pugai kwiyokaikono. Toro ino sumaiyokwe a'mwo duuwatokwe su tooke'aro gavuge yiuwi'nokai mwalodupudo togai'aro ton Gooti toolluno kuudo kuubweyopo tovino tov kemoro poowokalago ton ilaiyo bwotonyo subwosunoponumdotogano.
35Toruda'ai lomwo iruko sullourosoka toga a'mwo kooti yogalo mollomwalokwe tooro a'mwo jumanyogudo pworai aro amodapiyoporogano. “Kevu plavopi a'mwo amerosumwa'juuwo toorallu wuulo killo'mo ago tovida'ai nokwo jurolowapiyulo. Duujulo.” Amodapiyoporogano. 36Toro amodapiyopo tooro bino sumaveyokwe wuulo killo'mo ago tovida'ai a'mwo duuwatokwe toollu abuudoporogano. Toro abuudopo tovi a'mwo su tool Poolollu aro auluudokaikono. “A'mwo kooti yogalo mollomwalokwe tooro kemino tov wuulo killo'mo ago tovida'ai nokwo irolowapipinorakono. Adopiyamaporogano. Toro adopiyamapo tovino tov kevu kemi sumwoluko tov kavo nokwo woso'bullu wuulo killo'mo ago akavida'ai nokwo bolokuubullunorakikono.” Kuudokaikono. 37Toro kuudoka kuvi kuruv Poololno'gwowi aro kuudokaikono. “A'mwo kooti yogalo mollomwalokwe su tooro namino tov ma'no ma'nodo kurukweyoraldukoneyokwe tovino kooti yogalo madonakullumwa'juporogano. Toro kworo kuruv kuu'maiyo toru yasuwa'no iwago nakuromiyo'mno wuulo ameronakubwemwa'juporogano. Toro sumwa'jupo tov ilaiyo'maiyo. Navu a'mwo yasuwa'nodonalmaiyo. Toro kwonal kuruv kantri Roomda'ai kuunodonakono. Toro toonallu Roomda'ai pwonallubusuko neya amollonakumwalpuro. Toro tovino tov a'mwo kooti yogalo mollomwalokwe su tooro namino tov yiulo tomuu'aro modovomjapiyano'moneyokwe adopiyamapo kuvi kuruv navu kaduko mwiyowosi yiulo tomuu'aro ku'nono mabolokwosunonakono. Toro kuvi kuruv a'mwo su tooro kevnokwero bopi wuulo killo'mo ago akavida'ai amollurolovonakwopipi toga'no'gwowi nokwo bolokwosunonakono.” Kuudokaikono.
38Poolol toro wuujuno sumaiyokwe a'mwo jumanyogudo tooro Poololluro kuuguudo tokwe mokavla'mno sumaveyokwe a'mwo kooti yogalo mollomwalokwe toorai kuudoporogano. Toro wuudodopure tovi a'mwo su tooro wuu'nyuno sumaveyokwe Pooleke Sailaseke tooralluno, Oo Roomda'ai tooraldeyo, do'mno luko soporogano. 39Toro ino sumaveyokwe bo'mno Pooleke Sailaseke toorallu aro abuudoporogano. “Oo nevu kemi kaiyako saikugolmwa'juuwo tovino, kalokwono, aikudumawono.” Toro me'no wuujuno sumaveyokwe wuulo killo'mo ago tovida'ai amollurolowapiyoporogano. Toro mollurolowapino sumaveyokwe guureji aro kuudoporogano. “Nevu kemino tov nemoro wagwolago akavi amwalbuleyokwe manekullunadopiyo. Toro tovino tov kevu neya donekugollu'meyulo.” Kuudoporogano. 40Toro wuujuno sumaveyokwe Pooleke Sailaseke tooral wuulo killo'mo ago tovida'ai bolokwolno Lidiyavuro ago tovino avlavolorakono. Toro plaino sumaleyokwe ago tovi aulomwalolorakono. Toro kuulomwalodole toga Jisasolluro a'mwo abolo ton su toorake abi'bwo'nomwalopogano. Toro bi'bwo'nomwalno sumaveyokwe Pooleke Sailaseke tooral Jisasolluro a'mwo abolo su tonyu jurogudo duuwimwojo'moneyokwe kuuguudo pun sodubwasolorakono. Toro me'no yodubwasuno sumaleyokwe wagwolago su toru wuugollu'movolno avlavolorakono.
Currently Selected:
Kuurotokwe 16: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 16
16
Timootiyol Pooleke Sailaseke toorake avlavoka tovinokwono
1Toruda'ai Pooleke Sailaseke tooral plaino sumaleyokwe wagwolago Debe toru ai'movolorakono. Toro ki'mo'mno sumaleyokwe aki aiko te plavolno wagwolago Listra toru ai'movolorakono. Wagwolago ai'movolo su toruda'ai a'mwo mwalodowodo pwolluno yovo tov Timootiyolekono. A'mwo su tool Jisasolluro uumjunyokwe pwekono. Toro toollu ganeyago tov Juu abolokwono. Aki gami ganeyago su tov Jisasolluno kuudo me'no kuubwengikokwono. Toro kuvi kuruv Timootiyolluro ganumiyago toolno'gwowi Grik a'mwo pwekono. 2Toro te Timootiyolluno wagwolago Listrake Aikooniyamke tovalluda'ai Jisasolluro a'mwo abolo mwalodupudo ton kuudo yau'dupudogano. Oo Timootiyol a'mwo sugudoldeyo. Kuudo yau'dupudogano. 3Toro toolluno tov Poolol a'mwo su toollu mokavlaiyo'mo kwinokaikono. Toro winyuno sumaiyokwe aro adokaikono. “Nuu Timootiyolluro lakulkulako tov neya amado'mo.” Poololluro toro adoka tov aro tovinokwono. Wagwolago su towaida'ai yiuwi'nokai Juu mwalodupudo tooro Timootiyollu ganumiyago toolluno aro kuudo youroma'dupudorogano. Oo Juu toonolluro miyawosunowo Grik a'mwo su tool gami lakulkulako tov mado'nokaldeyo. Toro kuudo me'no youroma'dupudo tovino tov Poolol aro kuudo saurokaikono. Timootiyolluro kuuguudo wuudodowo'jure tovi kaduko mwipinorodeyo. Toro kuudo yau'no sumaiyokwe kaduko nokwo wimwalpino'moneyokwe Poolol Timootiyolluro lakulkulako tov amadovokaikono. 4Toro mado'mno sumaiyokwe Pooleke tooro Timootiyollu momworaro'mno amokavlavoporogano. Toro tooro wagwolago go'no go'nodo tomuu plaino sumaveyokwe kuuguudo tokwe amodomollajuporogano. Kuuguudo amodomollajupo su tov sumdomgu togasuro wagwolago Jeruusalemda'ai a'mwo kuurotokwe toorogai'aro a'mwono moduvomwallokwe toorogai'aro tooro Jisasolluro a'mwo abolo ton neya uumjunmwalpino'moneyokwe adomduukuurosopokwono. Toro adomdukuurosopo tokwe momwora'dupu amoruudomollajuporogano. 5Toro moruudomollodopure tovi Jisasolluro a'mwo abolo ton wuu'nodupu jurogudo sumo'nyajupogano. Aki yiuwi'nokai iruko tobuullu a'mwo abolo muuduko pun bodupu Jisasolluno kuudo kuubweyajupogano. Toro uubweyodupu sumdomguda'ai Jisasolluro a'mwo abolo tonyu uuguro'mwonyodupu kwolallo bwotonyago sumo'nyajupogano.
Poolol wojo to'busuko tovi'aro Masedooniyada'ai a'mwo pwollu kwonoka tovinokwono
6Toruda'ai Pooleke tooro plaino sumaveyokwe kwako Esiya tomuu kuuguudo sugudo tokwe modomollo'mo kwinopo kuvi kuruv Gooti toolluro Kuullo tool a'mwo su toorai kuumjukurokaikono. Toro kuumjukuroka tooro kwako su tomuuno mavlavopo kworo kuruv proovins puruvalluno'gwowi avlavoporogano. Proovins su tovalluno yovo tov Frijiyake Galesiyake tovakono. Proovins su tovallu tomuu'aro avlavoporogano. 7Toro plaino sumaveyokwe kwako Misiya'no senagu'nyo tomuu ki'movo'mno kwako Bitiniya'no plaiyo'mo soporogano. Toro sopo kuvi kuruv Jisasolluro Kuullo tool kuumjukurokaikono. 8Toro kuumjukuroka tovino tov Pooleke tooro kwako Misiya toru irukuruwolo'mno sumaveyokwe imomgu wola'mno wagwolago Troowas tovi aulaporogano. 9Toro kuulno sumaveyokwe surakuuto toga Poolol wojo to'busuko puruv iwo'no'no aro tovi kwonokaikono. A'mwo Masedooniyada'ai pwol boda'mno sumaiyokwe Poolollu kumdo aro ajugonokaikono. “Guu Masedooniya akawai'no bo'bi nemi neya banekullo'mwojonoo.” Ajugonokaikono. Poolol toro tovi kwonokaikono. 10Toro te nevu Pooleke pla'mdowado toonol gamoro kwonoka su tovino wuu'nowono aro kuudo saurowonogano. Oo nevu kuuguudo sugudo tokwe a'mwo su tomuuda'ai mwalodupudo toorai moruudomollo'moneyokwe Gooti tool amonekwopiyamokanoldeyo. Kuudo saurowonogano. Toro yau'no sumawoneyokwe Masedooniya'no kuvinono plaiyo'moneyokwe sovrowosunowonogano.
Lidiyav Jisasolluno kuudo kuubweyoka tovinokwono
11Toro me'no yovrowosunyuno sumawoneyokwe sip pwollu ilomwalowono wagwolago Troowas towaida'ai kuugollu'movowonogano. Toro wuugollu'movowono soolwara tovi ido'nyuno wino wino sumawoneyokwe aku'momdo Samootres toru ai'mowonogano. Toro ki'mo'mno sumawoneyokwe iruko aikomguda'ai tollugwoji aki aiko te wino sumawoneyokwe wagwolago Niyapooles toru ai'mowonogano. 12Aki Niyapooles toru wuugollu'mo'mno sumawoneyokwe wagwolago Filipai tomuuno kwokado avlavowonogano. Wagwolago su tovi aiyoga a'mwo Roomda'ai tooro bo'mno abomwallajupokwono. Aki toro tov kwako Masedooniya tomuuda'ai wagwolago aguto kuunodo sumo'nyajukokwono. Toro te nevu wagwolago su tovi kuulno sumawoneyokwe iruko pubuul aulomwalowonogano. 13Toro mwalno sumawoneyokwe Sabat toga wagwolago su tovuro noullo tovi'aro bolokwowono aro kuudo saurowonogano. Oo Juu tooravuro subusu'nyogalo i'bwo'nodomwalodupudo toru wonyo wolo akaibuuwai'deyo. Toro kuudo yau'no sumawoneyokwe wonyo wolo toru'no kwolomwalowonogano. Toro wolomwalno sumawoneyokwe su towaida'ai abolo i'bwo'nomwalodopure pugai kuuguudo adomwalowonogano. 14Kuuguudo toro domwalodowore toga abolo puruv Gooti toolluno sulomoropiyajukokwono. Toro kuvi kuruv Jisasolluno kuuguudo tovi muu'nyajukokwono. Abolo su tov nemoro kuuguudo tovi kuu'nokakwono. Toro tovino yovo tov Lidiyavokwono. Toro tov wagwolago Taitairoda'aiyokwono. Aki abolo su tov gami mubiyago tovi youro kwallujo sugumaluko touso wosodowo'jure tovi mubiyoma'dupudokwono. Toro te abolo su tov Poololluro kuuguudo yodubwasoduke toga Aguto tool abolo su tovuro kuudo tovi ausubweyokaikono. Toro kuusubweyoduke tovida'ai kuudo saurokakwono. Oo nebalo'mdeyo. 15Toro kuudo sauroka tovi nevu wonyo amogaluvollowokwono. Aki abolo su tovuro ago tovi a'mwo abolo mwalodupudo kugai'aro tonyu wonyo tovi aval'no amogaluvollowogano. Toro mogaluvolluno sumawoneyokwe abolo su tov nemi aro anekudoganokakwono. “Kevu mino tov, Oo Aguto Jisasolluno kuudo nebal'no kuubwemoka'mdeyo, kuudo sanuupi tov kev toorekul nuuge moro ago tovino plavowa'ji nokwo mwalanorekuldeyo?” Anekudoganokakwono. Abolo su tov guureji toro anekudoganokakwono. Toro anekudoganoka tovino tov nevu abolo su tobuullu kaduko wino sumawoneyokwe gamoro ago tovino plavowono amwalowonogano.
Pooleke Sailaseke toorallu wuulo killo'mo ago te aulomerosopo tovinokwono
16Toruda'ai iruko pullugwoji nevu a'mwo abolo subusu'nyogalo i'bwo'nodomwalodupudo toru'no kwolawonogano. Toro wolodowore toga a'mwo pworavuro ki'nato womdo'moneyokwe sujuraiyo abiyoma'nyungiko puruv puuto tomuu abonekuru'marokakwono. Sujuraiyo su tov kuullo ma'no ma'nodo pwolluro jurogudo tokwe proofet to'busuko lukomgu imo'nupino tonyuno kuu'maiyo toru'no dodoluwosodowodokwono. Su toro yodowo'jure tovi gami jukwo tooro nuugwiyo bwotonyago ai'nomallajuporogano. 17Toro te sujuraiyo su tov yiuwi'nokai iruko toga nevu Pooleke toonollu buulo tomuu nekumjunodowo aro ajajukokwono. “Oo a'mwo akaro Gooti Yiuwi'nokai Tonyu Uuwolo'mdowodo toolluro ki'nato womdokwe wimo'nodupudorogano. Aki Gooti tool nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwe puuto soulonekubweyoka tovino kuuguudo modomollodupudorogano.” Ajajukokwono. 18Sujuraiyo su tov iruko bwotonyago tobuullu tono tono adanekumjunyajukokwono. Toro te iruko pullugwoji aki aiko te toro danekumjunoduke toga Poolol biyolo kuu'mwojokaikono. Toro tool sujuraiyo su tovi gunyubwosumdo molloonyuno sumaiyokwe kuullo ma'no ma'nodo kuulomwalodowodo toollu aro kuudokaikono. “Nuu Jisas Kraisolluno yovo jurogudokwe tovida'ai aro agudumono, Sujuraiyo su tovi buugollu'mokalokwono.” Poolol toro wuujuno sumaiyokwe kuga'gwo kuuno kuullo ma'no ma'nodo tool sujuraiyo tovi abuugollu'mokalokwokaikono.
19Toro buugollu'mokalokwino sumaiyokwe sujuraiyo su tovuro jukwo tooro kuudo sauroporogano. Wei, nemi taiyo tovuro womdo yodowo'jure tovino nuugwiyo ki'noma'dowado kuvi kuruv aga'no'gwowi aki aiko te mai'noma'mwalanonogano. Toro kuudo yau'no sumaveyokwe Pooleke Sailaseke toorallu galomworaro'mno a'mwo abolo kwolallo ton i'bwo'nodopure toru'no amogaibworomokavlavoporogano. Toro mogaibworomokavla'mno sumaveyokwe a'mwo kooti yogalo tovi mollomwalokwe tooravuro sumdollu toru aulomolludapiyoporogano. 20Toro kuulomolludapino sumaveyokwe aro kuudoporogano. “A'mwo akaral Juu a'mworakono. Toro tooral nemoro wagwolago akavi kuulabodubul nemi jul'nyo nekubweyo'mo kuuguudo amodomolladokuulorakono. 21Toro tooralluro kuuguudo yodonekubwasodo'bule tovi nevu Roomda'ai toonolno'gwowi ku'nono muumjunmwalanonogano. Nevu a'mwo su tooralluro yodonekubwasodo'bule tovi kuumjuna'ji tov nevnokwe toonolluro loowo tovi kisuvolo yanonogano. Toro tovino tov nevu a'mwo Roomda'ai toonol a'mwo akaralluro kuuguudo tovi kaduko mwimwalanonogano.” Kuudoporogano. 22Toro kuudopo tovi a'mwo abolo kwolallo su'bwo'nyajupo su tonyuro pun wuu'nyuno sumaveyokwe Pooleke Sailaseke toorallu molo wiyodopure toorai amolluulopogano. Toro molluulno sumaveyokwe a'mwo kooti yogalo tovi mollomwalokwe toorai guureji aduuwiyopogano. Toro duuwino sumaveyokwe a'mwo kooti yogalo mollomwalokwe tooro Pooleke Sailaseke tooralluro youro ton amodowiyorojodukwopiyoporogano. Aki iko tokwe galogunyukuurumollupino'moneyokwe a'mwo pworai amorubweyoporakono. 23Toro amorubweyopo toorallu guureji me'no gunyukuurumolluno sumaveyokwe wuulo killo'mo ago tovi aulomerosoporakono. Toro merosuno sumaveyokwe a'mwo kooti yogalo mollomwalokwe tooro wuulo killo'mo ago tovida'ai duuwato womdokwe toollu guureji aro aduuwiyoporogano. “A'mwo akaral wuulo killo'mo ago tovida'ai nobirolo'nugolokuubullokweyo'mo guu po'dogalo neya moduvomwalbinekugono.” Aduuwiyoporogano. 24Toro aduuwiyopo tovi a'mwo duuwato womdokwe tool kuvinono uumjuno'no Pooleke Sailaseke toorallu anakuuto tomuu mokaulno sumaiyokwe wuulo killo'mo ago tovuro jurogudo kuunodo toru aulomerosokaikono. Aki toro tooralluro suvlo tonyu guureji gudupolallo'moneyokwe iko bwotonyo adovoloumjosungiko pweke guureji amerosokaikono.
25Toro merosuno sumaiyokwe surakuuto akuusuduko toga Pooleke Sailaseke tooral Gooti toollu subusu'nyogalo wuudolno ilomoropiyo'moneyokwe dato pun adolorakono. Toro dodole toga wuulo killo'mo ago su tovida'ai a'mwo ai'nallajupo gabovo tooro au'naroporogano.#Flp. 4:11-13 26Toro yodopure kuga'gwo kuuno wunyu wunyu bwotonyo puruv sokakwono. Toro soka toga wuulo killo'mo ago tov amojunallajuko kwako su toru yaudo yaudo bwotonyo sokakwono. Toro soka tovino tov yiuwi'nokai wuulo killo'mo ago tovida'ai kudo'aiko ton kuusodavo'mno aki a'mwo ai'nallajupo tooravuro senyo wuulo ton sukwolopiyopogano. 27Toro imo'noduke toga wuulo killo'mo ago tovida'ai a'mwo duuwato womdokwe tool adukavokaikono. Toro dukaino sumaiyokwe yiuwi'nokai kudo'aiko ton me'no ausudavopo tonyu wono'no aro adokaikono. “Oo wuulo killo'mo ago tovida'ai yiuwi'nokai a'mwo kuule'na'dupudo tooro me'no dobirolo'nugolokuumavo.” Adokaikono. Toro juno sumaiyokwe gami a'mwo aguto mollomwalodupudo pworaino luko yo'no aro kuudo saurokaikono. Awi, a'mwo aguto tooro mi kaiyako nyanyugolpiyokwe nuvnokwe toonyu neya aromiyosunmo. Toro kuudo yau'no sumaiyokwe gami molo'mo kwallu'mopto toul maro'no gavnokweyol romiyosunyo'mo sokaikono. 28Toro yoduke kuvi kuruv Poolol a'mwo su toollu deko guureji aro kuudokaikono. “Mi a'mwoloo, guvnokwe tooku kaiyako i'nyo'mo su toro mibinono. Nevu yiuwi'nokai toonol kuuno amwakuuwono.” Kuudokaikono. 29Poolol toro wuujuno sumaiyokwe a'mwo duuwatokwe su tool a'mwo pworo gworeko puruv amokabupureyokweyo'mo deko adapiyokaikono. Toro adapiyoka tovi gworeko amokabopo su tokwe momworaro'no wuulo killo'mo ago tovi yere aluvomokaulokaikono. Toro luvomokaulno sumaiyokwe bu'buto bwotonyo yo'no Pooleke Sailaseke tooralluro dolago tomuu kwolomuulo'narokaikono. 30Toro wolomuulo'na'no sumaiyokwe aki aiko te ilodukavo'no Pooleke toorallu wuulo killo'mo ago tovida'ai kwa'mgu tomuuno abomokalokwokaikono. Toro bomokalokwino sumaiyokwe aro kuudoganokaikono. “Mi a'mworaloo, nuu ma'no ma'nodo tovuro kirumwallo tovida'ai adadomgu'aro birolo'nugolokuumonyudukono?” Kuudoganokaikono.
31Toro kuudoganoka tovi Pooleke tooral aro kuudolorakono. “Guu Aguto Jisasolluno kuudo kuubwebi tov gumi ma'no ma'nodo tovuro kirumwallo tovida'ai kuvinono bomollurolovogumokalokwonekono. Aki yiuwi'nokai guuge mwalodupudo kun kuruv aval'no kuudo kuubwepi tov aval'no nobomollurolovomokalokwonekono.” Kuudolorakono. 32Toro wuujuno sumaleyokwe aki a'mwo su tooke'aro yiuwi'nokai gavuge mwalodupudo togai'aro tonyu Aguto toolluno kuuguudo pun sodubwasolorakono. 33Toro yodubwasuno sumaleyokwe surakuuto tov kuuno juna'duke toga a'mwo duuwatokwe su tekwo Pooleke Sailaseke tooralluro kwa'dalo amovaluvopo tonyu wonyo tokwe amollal'movokaikono. Toro mollal'mo'mno sumaiyokwe a'mwo su tooke'aro gavuge yiuwi'nokai mwalodupudo togai'aro ton sogwollo maino'mno wonyo tovi yere kuuvollunopogano. 34Toro uuvollunyuno sumaveyokwe a'mwo duuwatokwe su tool Pooleke Sailaseke toorallu gamoro ago tovi morumwallo'no wosamujuko pugai kwiyokaikono. Toro ino sumaiyokwe a'mwo duuwatokwe su tooke'aro gavuge yiuwi'nokai mwalodupudo togai'aro ton Gooti toolluno kuudo kuubweyopo tovino tov kemoro poowokalago ton ilaiyo bwotonyo subwosunoponumdotogano.
35Toruda'ai lomwo iruko sullourosoka toga a'mwo kooti yogalo mollomwalokwe tooro a'mwo jumanyogudo pworai aro amodapiyoporogano. “Kevu plavopi a'mwo amerosumwa'juuwo toorallu wuulo killo'mo ago tovida'ai nokwo jurolowapiyulo. Duujulo.” Amodapiyoporogano. 36Toro amodapiyopo tooro bino sumaveyokwe wuulo killo'mo ago tovida'ai a'mwo duuwatokwe toollu abuudoporogano. Toro abuudopo tovi a'mwo su tool Poolollu aro auluudokaikono. “A'mwo kooti yogalo mollomwalokwe tooro kemino tov wuulo killo'mo ago tovida'ai nokwo irolowapipinorakono. Adopiyamaporogano. Toro adopiyamapo tovino tov kevu kemi sumwoluko tov kavo nokwo woso'bullu wuulo killo'mo ago akavida'ai nokwo bolokuubullunorakikono.” Kuudokaikono. 37Toro kuudoka kuvi kuruv Poololno'gwowi aro kuudokaikono. “A'mwo kooti yogalo mollomwalokwe su tooro namino tov ma'no ma'nodo kurukweyoraldukoneyokwe tovino kooti yogalo madonakullumwa'juporogano. Toro kworo kuruv kuu'maiyo toru yasuwa'no iwago nakuromiyo'mno wuulo ameronakubwemwa'juporogano. Toro sumwa'jupo tov ilaiyo'maiyo. Navu a'mwo yasuwa'nodonalmaiyo. Toro kwonal kuruv kantri Roomda'ai kuunodonakono. Toro toonallu Roomda'ai pwonallubusuko neya amollonakumwalpuro. Toro tovino tov a'mwo kooti yogalo mollomwalokwe su tooro namino tov yiulo tomuu'aro modovomjapiyano'moneyokwe adopiyamapo kuvi kuruv navu kaduko mwiyowosi yiulo tomuu'aro ku'nono mabolokwosunonakono. Toro kuvi kuruv a'mwo su tooro kevnokwero bopi wuulo killo'mo ago akavida'ai amollurolovonakwopipi toga'no'gwowi nokwo bolokwosunonakono.” Kuudokaikono.
38Poolol toro wuujuno sumaiyokwe a'mwo jumanyogudo tooro Poololluro kuuguudo tokwe mokavla'mno sumaveyokwe a'mwo kooti yogalo mollomwalokwe toorai kuudoporogano. Toro wuudodopure tovi a'mwo su tooro wuu'nyuno sumaveyokwe Pooleke Sailaseke tooralluno, Oo Roomda'ai tooraldeyo, do'mno luko soporogano. 39Toro ino sumaveyokwe bo'mno Pooleke Sailaseke toorallu aro abuudoporogano. “Oo nevu kemi kaiyako saikugolmwa'juuwo tovino, kalokwono, aikudumawono.” Toro me'no wuujuno sumaveyokwe wuulo killo'mo ago tovida'ai amollurolowapiyoporogano. Toro mollurolowapino sumaveyokwe guureji aro kuudoporogano. “Nevu kemino tov nemoro wagwolago akavi amwalbuleyokwe manekullunadopiyo. Toro tovino tov kevu neya donekugollu'meyulo.” Kuudoporogano. 40Toro wuujuno sumaveyokwe Pooleke Sailaseke tooral wuulo killo'mo ago tovida'ai bolokwolno Lidiyavuro ago tovino avlavolorakono. Toro plaino sumaleyokwe ago tovi aulomwalolorakono. Toro kuulomwalodole toga Jisasolluro a'mwo abolo ton su toorake abi'bwo'nomwalopogano. Toro bi'bwo'nomwalno sumaveyokwe Pooleke Sailaseke tooral Jisasolluro a'mwo abolo su tonyu jurogudo duuwimwojo'moneyokwe kuuguudo pun sodubwasolorakono. Toro me'no yodubwasuno sumaleyokwe wagwolago su toru wuugollu'movolno avlavolorakono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida