Kuurotokwe 14
14
Pooleke Banabaseke tooral wagwolago Aikooniyam tovi kuuguudo amoruudomollolo tovinokwono
1Toruda'ai Pooleke Banabaseke tooral wagwolago Aikooniyam toru ki'mo'mno sumaleyokwe sumdomgu togasuro wagwolago Antiyook toru sajulo to'busuko kubalno solorakono. Toro tooral Juu tooravuro i'bwo'nyago tovi kuulalno kuuguudo tov amoruudolorakono. Kuuguudo sugudo su tov pi'mwono toro moruudodole tovino tov a'mwo abolo bwotonyago ton Jisasolluno kuudo kuubweyopogano. A'mwo abolo Jisasolluno kuudo kuubweyopo su tonyuro pun Juuwogano. Pun a'mwo abolo Juu tooravuro miyawosunodopudogano. 2Bwotonyago ton kuudo toro uubweyodopure kuvi kuruv Juu pworono'gwowi kuuguudo su tovino kuudo muubweyoporogano. Toro tooro wagwolago su tovida'ai a'mwo Juu tooravuro miyawosunodupudo pworai surodo aju'gwoloporogano. Toro aju'gwolopo su tov Jisasolluro a'mwo abolo tonyu bwolomorumwogapiyo'moneyokwe aju'gwoloporogano. Toro tovino tov Juu tooravuro miyawosunodupudo su tooro wuu'no'mno Jisasolluro a'mwo abolo tonyuno kaiya'no kuudo sauroporogano. 3Toro kuvi kuruv Pooleke Banabaseke tooralno'gwowi wagwolago su toru manyu toga mwalodubul Aguto Jisasolluno kuuguudo tov guureji sodubwosumovlaiyajulorakono. Kuuguudo su tov Gooti gavnokwe toolluro yasuwa'wino sugumaluko nekubweyodowodo tovinokwono. Toro tovino yodubwosumovla'mdole toga a'mwo abolo ton, Oo nebalo'mdeyo, dupino'moneyokwe Aguto tool Pooleke Banabaseke toorallu duuwallo jurogudo pun kuubweyokaikono. Toro uubweyoduke tooral a'mwo abolo tonyu duuwallo judo'no judo'nodo ton kuuduuwallajulorakono. 4Toro wuuduuwallodole toga wagwolago su tovida'ai a'mwo abolo mwalodupudo ton kuudo go'no go'no sauropogano. Pun Juu tooravuro kuuguudo wuudodopure tonyuno, Oo nebalo'mdeyo, adopogano. Toro kuvi kuruv puno'gwowi a'mwo kuurotokwe tooralluro wuudodole tovino, Nebalo'mdeyo, adopogano. 5Toro te lukomgu a'mwo Juu tooravuro miyawosunodupudo pworogai'aro Juu pworogai'aro aki kemi mido mollomwalokwe kworogai'aro tooro i'bwo'no'mno a'mwo kuurotokwe su toorallu sulo togai luvoromiyoso'mo adomdukuurosopogano.
Pooleke Banabaseke tooral kwako Laikooniya toru kuuguudo amoruudomollolo tovinokwono
6Toro adomdukuurosopo su tovino a'mwo kuurotokwe tooral me'no wuu'nyuno sumaleyokwe kwako Laikooniya'no lukado avlavolorakono. Kwako su tomuu wagwolago Listrake Debeke toval wo'dubulomgono. Toro tomuuno plaino sumaleyokwe wagwolago su tovake'aro aki kwako pun wagwolago su tovallu wobo toru wo'dupudo togai'aro tonyu mwalodubul somollajulorakono. 7Toro yomollodubul Jisasolluno kuuguudo sugudo tov amoruudomollajulorakono.
8Toro moruudomollodole toga wagwolago Listra towai a'mwo suvlo amuullugolopingikokwe pwol amwallajukekono. A'mwo su tekwo gami ganeyago tov somaroka togada'ai yiuno a'mwono sumo'noka toga'no suvlo nomuullugollokwe to'no mwalodowo kado ku'nono miyomollajukekono. 9Toro tekwo Poololluro kuuguudo yodubwasoduke tovi au'nallajukekono. Toro kuu'na'duke toollu Poolol wono'no aro kuudo saurokaikono. Oo a'mwo su tekwo moro kuuguudo yodubwasodore tovino kuudo duubweyadopiyo. Toro tekwoji nuu nokwo ikulmonyugono. Kuudo saurokaikono. 10Poolol toro kuudo yau'no sumaiyokwe a'mwo su toollu guureji aro kuudokaikono. “Gumi suvlo tokwe julodavono.” Kuudokaikono. Toro wuujuno sumaiyokwe a'mwo suvlo amuullugolopingikokwe su tool yere iloda'mno sumaiyokwe kado somollokaikono.
11Poolol a'mwo su tekwoji toro ikuloduke tovi kwolallo bwotonyago ton amuugonallajupogano. Toro muugona'no sumaveyokwe kemi Laikooniyada'ai yogaljo tovida'ai deko aro adelowo'naropogano. “Aiyoo, nemi gooti akaral a'mwo yasuwa'nodo pworalbusuko imo'nodubul abonekuru'ma'maloo!” 12Toro juno sumaveyokwe aki aro adopogano. “Nemi gooti Suus tool Banabasol kwekono. Aki nemi gooti Hemesol Poolol kwekono.” Adopogano. Toro tooralluda'ai Poolol kuuguudo mollajokwe toolluno tov, yovo su tovi toro sowaropekono. 13Kwolallo ton toro juno sumaveyokwe a'mwo kuurotokwe toorallu ilaiyo igollo'moneyokwe, “buulmokau pwol neya aromiroudapiyano,” adopogano. Toro tovino kuunano gooti Suus toolluro pris womdokwe pwol kuu'nokaikono. Kuunano gooti su toollu ilomoropiyo'moneyokwe ago puruv wagwolago tovi wobo toru wo'dowodokwono. Toro te pris su tool ago su tovi womdo aullajukekono. Toro tool kwolallo tonyuro dodopure tovi wuu'nyuno sumaiyokwe kwolallo su tonyu uuguro'mwonyo'no a'mwo kuurotokwe tooralluno, “Neya ilomoropiyowano,” adopogano. Toro juno sumaveyokwe romiroudapiyo'moneyokwe buulmokau kwolo pworogai'aro mabidoga to'busuko allujungiko mekwako pugai'aro ton momwora'no sumaveyokwe wagwolago tovuro noullo toru'no amokabopogano.
14Toro romiroudapiyo'mo winodopure tonyuno Pooleke Banabaseke tooral wuu'nolno ilaiyo mibwosunolorakono. Toro te kalo'mo tooral kemi youro ton roju'nyuno sumaleyokwe kwolallo tonyuro anakuuto tomuu kano kano kuuloda'mno sumaleyokwe deko aro kuudolorakono. 15#Moll. 20:11“Nami a'mworavoo, kemoro su toro sadokwopo tov buro'nyo'mo'mdeyo? Nav toonal kev togaikulbusuko kwako akavida'ai a'mwo yasuwa'nodonakono. Toro toonal kemino tov aro kuudo sau'mwakuuwolo. “Kemi kuunano gooti su tooraino buulo uugunyumopiyopi Gooti aiyo mwalodowodo toollomno neya abupuro.” Su toro kuudo yau'dowol kuuguudo sugudo akakwe aikumokamwakuuwolonakono. Gooti aiyo mwalodowodo su tool sulugumdo tokwe'aro kwako tokwe'aro soolwara tokwe'aro tonyu sokwollosokagano. Aki yiuwi'nokai sokwollosoka su towai mwalodupudo kugai'aro tonyu sokwollosokaikono. 16Aki Gooti su tool aiyogasuro kwako go'no go'nodo tomuuda'ai amwallajupo pun kemi kuudo tovida'ai mujeroungovla'mdopure tonyu kuudo yere muuteyajukekono. Toro kwol kuruv nokwo wonyapino to'no sajukekono. 17Wonyapino toro sajuko to'busuko kubalno kev kugaikullu nokwo ikwonyapino yodowodekono. Toro yodowodo kwol kuruv yiunokuudo maikwonyapiyokwekono. Gooti tool gavnokweyolluno kuu'maiyo toru'no ikuduuwallo'moneyokwe gamoro sugudo pun aro ikubweyodowodekono. Muunyu kai'muuda'ai buuruko tov wolabowo'ji wosamuju'womdo tonyu bwolubweyodowodokwono. Toro bwolubweyodowo'jure tovida'ai wosamujuko ton bwotonyago bila'dupudogano. Toro ton kemoro sumwoluko tonyu itovaikubweyodupudogano. Gooti tool gamoro sugudo su toro tov ikubweyodowo'jure tovida'ai kemoro poowokalago ton ilaiyo ibwosunodupudogaikikono. Gooti gavnokwe tool su toro ikuduuwallunodowodekono.” Kuudolorakono. 18Toro wuudodole kuvi kuruv a'mwo kwolallo su tono'gwowi a'mwo kuurotokwe tooralluno buulmokau toorogai romiroudapiyo'moneyokwe kuuno kwinopogano. Toro winodopure tonyu a'mwo kuurotokwe tooral guureji duulluku'no duulluku'no solorakono. Toro solo tovino tov kwolallo ton noromiroudapiyo'mo wobo toru sopogano. Toro kun kuruv maromiroudapiyopogano.
19Kwolallo su ton toro yodopure toga wagwolago Antiyooke Aikooniyamke tovalluda'ai Juu pworo bo'mno wagwolago Listra toru abai'movoporogano. Toro bai'mo'mno sumaveyokwe kwolallo su ton neya anekumjunpureyokwe ade'nomaroporogano. Toro ade'nomaropo tovino tov kwolallo su ton sumdomgu Pooleke toorallu ilomoropiyo'mo sajupo kun kuruv Juu tooro me'no ade'nomaropo toga'no'gwowi Poolollu sulo togai aluvaromiyopogano. Toro luvaromino sumaveyokwe Poololluno tov kuudo sauropogano. Oo me'no abolmokaldeyo. Toro kuudo yauro'mno wagwolago tovi kwa'mgu tomuuno bome'nomokalokwo'mno sulomorosopekono. 20Toro sulomorosopo kwollu kuruv Jisasolluro uumjunyokwe pun Poolollu aiyowomno abomwodovomaropogano. Toro bomwodovoma'no sumaveyokwe Poolol ilodukavo'no wagwolago tovino aikomgu aulokaikono. Toro kuulno sumaiyokwe iruko aikomguda'ai tollugwoji Pooleke Banabaseke tooral wagwolago su toru wuugollu'movolno wagwolago Debe tomuuno avlavolorakono.
Pooleke Banabaseke tooral Jisasolluro a'mwo abolo tonyu jurogudo aduuwimwojolo tovinokwono
21Pooleke Banabaseke tooral plaino plaino sumaleyokwe wagwolago Debe toru ai'movolorakono. Toro ki'mo'mno sumaleyokwe wagwolago su tovida'ai mwalodupudo tonyu Jisasolluno kuuguudo sugudo tov sodubwasolorakono. Toro yodubwasodole tovi a'mwo abolo ton wuu'nodupu bwotonyago ton Jisasolluro uumjunyokwe sumo'nyajupogano. Pooleke Banabaseke tooral toro moruudomolluno sumaleyokwe puuto me'no kuuwolo tovi aikomgu avlavolorakono. Toro tooral plaino plaino sumaleyokwe wagwolago Listra toru ai'movolorakono. Toro tooral aki aiko te plaino sumaleyokwe wagwolago Aikooniyam toru ai'movolorakono. Aki toro tooral puuto tovi aki aiko te plaino sumaleyokwe wagwolago Antiyook toru ai'movolorakono. 22Toro tooral wagwolago go'no go'nodo su tonyu bai'mo'mdubul a'mwo abolo Jisasolluro uumjunyokwe tobuurai kemi poowokalago tonyu jurogudo duuwimwojo'moneyokwe kuuguudo aro kuujajulorakono. “Nevu aguto kig Gooti toolluro mido mollomwalo tovi dolago tomuu kuulomwallo'mo tov kavo kavo yovlavowa'ji maulomwalanonogano. Toro kunol kuruv kwako akavi mwalowa'ji toga jul'nyo go'no go'nodo ton nobaneki'mo'mwalononogano. Toro baneki'mo'mdowo'jure tonyu neya yodo'movlavowa'ji Gooti toolluro mido mollomwalo tovi dolago tomuu kuvinono kuulomwalanonogano. Toro tovino tov kevu jul'nyo ton baiki'mo'mdowo'jure toga nobwolorapiyokwe kuuguudo sugudo tovi kuudo uubweyodupudo su tovino guureji neya dogudupolarogaulo.” Aduuwimwojajulorakono. 23Toro duuwimwojuno sumaleyokwe yiuwi'nokai go'no go'no Jisasolluro mollu'bwoto tonyomno pla'mdubul mido mollomwalmwalpino'moneyokwe a'mwono moduvomwallokwe pworai ajesajulorakono. Toro tooral wosamujuko tonyuno kumako mwalodubul subusu'nyogalo ajajulorakono. Toro dodubulo toga Aguto toolluno kuudo uubweyodopure su tonyu kemi Aguto tool mollomwalmwalono'moneyokwe gavnokweyolluro ato tovi adubweyajulorakono. Yiuwi'nokai Jisasolluro mollu'bwoto go'no go'nodo tonyu toro amjumovlaiyajulorakono.
Pooleke Banabaseke tooral wagwolago Antiyook tov proovins Siriya tomuu wo'dowodo toru'no aikomgu avlavolo tovinokwono
24Toruda'ai Pooleke Banabaseke tooral kwako Pisidiya tomuu'aro plaino sumaleyokwe proovins Pamfiliya tomuu ai'movolorakono. 25Toro ki'mo'mno sumaleyokwe wagwolago Pega toru Gooti toolluro kuuguudo tov aulomodomollolorakono. Toro kuulomodomolluno sumaleyokwe wagwolago Ataliya'no kwolalorakono. 26Toro wolai'movolno sip puvi ilomwalno sumaleyokwe wagwolago Antiyook'no aikomgu abolorakono. Wagwolago su tovi muudu'nodo toga Pooleke Banabaseke tooral yere muugollu'mo'mdole toga Jisasolluro a'mwo tooro a'mwo kuurotokwe su toorallu Gooti toolluro ato tovi uubweyo'moneyokwe aro adubweyoporogano. “Oo yasuwa'wino sugumaluko ikubweyodowodo Gooti tool ilaiyo to'no mollekumwalmwalonorakikono.” Toro dubweno sumaveyokwe amodapiyoporakono. Toro amodapiyopo tooral pumuu yomolluno yomolluno sumaleyokwe womdo tov sopiyolorakono. Toro me'no yopino sumaleyokwe wagwolago su tovi aikomgu abai'movolorakono. 27Toro bai'mo'mno sumaleyokwe Jisasolluro a'mwo abolo tonyu amollu'bworolorakono. Toro mollu'bwo'no sumaleyokwe a'mwo abolo su tonyu Gooti toolluro jurogudo tokwe mollodubul kwimo'nyajuko tonyuno kuuguudo tov kuudolorakono. Toro wuujuno sumaleyokwe aki kuuguudo puruv aro kuudolorakono. “Nevu Juu tonol Jisasolluno kuudo uubweyodowado to'busuko kubalno Gooti tool a'mwo abolo Juu tonolluro miyawosunodowado kunyu kuruv Jisasolluno kuudo uubwepino'moneyokwe puuto me'no soulubweyokaikono.” Kuudolorakono. 28Pooleke Banabaseke tooral toro me'no wuujuno sumaleyokwe a'mwo abolo Jisasolluro uumjunyokwe su tonyu yere muugollu'movolno su togai manyu toga amwalolorakono.
Currently Selected:
Kuurotokwe 14: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 14
14
Pooleke Banabaseke tooral wagwolago Aikooniyam tovi kuuguudo amoruudomollolo tovinokwono
1Toruda'ai Pooleke Banabaseke tooral wagwolago Aikooniyam toru ki'mo'mno sumaleyokwe sumdomgu togasuro wagwolago Antiyook toru sajulo to'busuko kubalno solorakono. Toro tooral Juu tooravuro i'bwo'nyago tovi kuulalno kuuguudo tov amoruudolorakono. Kuuguudo sugudo su tov pi'mwono toro moruudodole tovino tov a'mwo abolo bwotonyago ton Jisasolluno kuudo kuubweyopogano. A'mwo abolo Jisasolluno kuudo kuubweyopo su tonyuro pun Juuwogano. Pun a'mwo abolo Juu tooravuro miyawosunodopudogano. 2Bwotonyago ton kuudo toro uubweyodopure kuvi kuruv Juu pworono'gwowi kuuguudo su tovino kuudo muubweyoporogano. Toro tooro wagwolago su tovida'ai a'mwo Juu tooravuro miyawosunodupudo pworai surodo aju'gwoloporogano. Toro aju'gwolopo su tov Jisasolluro a'mwo abolo tonyu bwolomorumwogapiyo'moneyokwe aju'gwoloporogano. Toro tovino tov Juu tooravuro miyawosunodupudo su tooro wuu'no'mno Jisasolluro a'mwo abolo tonyuno kaiya'no kuudo sauroporogano. 3Toro kuvi kuruv Pooleke Banabaseke tooralno'gwowi wagwolago su toru manyu toga mwalodubul Aguto Jisasolluno kuuguudo tov guureji sodubwosumovlaiyajulorakono. Kuuguudo su tov Gooti gavnokwe toolluro yasuwa'wino sugumaluko nekubweyodowodo tovinokwono. Toro tovino yodubwosumovla'mdole toga a'mwo abolo ton, Oo nebalo'mdeyo, dupino'moneyokwe Aguto tool Pooleke Banabaseke toorallu duuwallo jurogudo pun kuubweyokaikono. Toro uubweyoduke tooral a'mwo abolo tonyu duuwallo judo'no judo'nodo ton kuuduuwallajulorakono. 4Toro wuuduuwallodole toga wagwolago su tovida'ai a'mwo abolo mwalodupudo ton kuudo go'no go'no sauropogano. Pun Juu tooravuro kuuguudo wuudodopure tonyuno, Oo nebalo'mdeyo, adopogano. Toro kuvi kuruv puno'gwowi a'mwo kuurotokwe tooralluro wuudodole tovino, Nebalo'mdeyo, adopogano. 5Toro te lukomgu a'mwo Juu tooravuro miyawosunodupudo pworogai'aro Juu pworogai'aro aki kemi mido mollomwalokwe kworogai'aro tooro i'bwo'no'mno a'mwo kuurotokwe su toorallu sulo togai luvoromiyoso'mo adomdukuurosopogano.
Pooleke Banabaseke tooral kwako Laikooniya toru kuuguudo amoruudomollolo tovinokwono
6Toro adomdukuurosopo su tovino a'mwo kuurotokwe tooral me'no wuu'nyuno sumaleyokwe kwako Laikooniya'no lukado avlavolorakono. Kwako su tomuu wagwolago Listrake Debeke toval wo'dubulomgono. Toro tomuuno plaino sumaleyokwe wagwolago su tovake'aro aki kwako pun wagwolago su tovallu wobo toru wo'dupudo togai'aro tonyu mwalodubul somollajulorakono. 7Toro yomollodubul Jisasolluno kuuguudo sugudo tov amoruudomollajulorakono.
8Toro moruudomollodole toga wagwolago Listra towai a'mwo suvlo amuullugolopingikokwe pwol amwallajukekono. A'mwo su tekwo gami ganeyago tov somaroka togada'ai yiuno a'mwono sumo'noka toga'no suvlo nomuullugollokwe to'no mwalodowo kado ku'nono miyomollajukekono. 9Toro tekwo Poololluro kuuguudo yodubwasoduke tovi au'nallajukekono. Toro kuu'na'duke toollu Poolol wono'no aro kuudo saurokaikono. Oo a'mwo su tekwo moro kuuguudo yodubwasodore tovino kuudo duubweyadopiyo. Toro tekwoji nuu nokwo ikulmonyugono. Kuudo saurokaikono. 10Poolol toro kuudo yau'no sumaiyokwe a'mwo su toollu guureji aro kuudokaikono. “Gumi suvlo tokwe julodavono.” Kuudokaikono. Toro wuujuno sumaiyokwe a'mwo suvlo amuullugolopingikokwe su tool yere iloda'mno sumaiyokwe kado somollokaikono.
11Poolol a'mwo su tekwoji toro ikuloduke tovi kwolallo bwotonyago ton amuugonallajupogano. Toro muugona'no sumaveyokwe kemi Laikooniyada'ai yogaljo tovida'ai deko aro adelowo'naropogano. “Aiyoo, nemi gooti akaral a'mwo yasuwa'nodo pworalbusuko imo'nodubul abonekuru'ma'maloo!” 12Toro juno sumaveyokwe aki aro adopogano. “Nemi gooti Suus tool Banabasol kwekono. Aki nemi gooti Hemesol Poolol kwekono.” Adopogano. Toro tooralluda'ai Poolol kuuguudo mollajokwe toolluno tov, yovo su tovi toro sowaropekono. 13Kwolallo ton toro juno sumaveyokwe a'mwo kuurotokwe toorallu ilaiyo igollo'moneyokwe, “buulmokau pwol neya aromiroudapiyano,” adopogano. Toro tovino kuunano gooti Suus toolluro pris womdokwe pwol kuu'nokaikono. Kuunano gooti su toollu ilomoropiyo'moneyokwe ago puruv wagwolago tovi wobo toru wo'dowodokwono. Toro te pris su tool ago su tovi womdo aullajukekono. Toro tool kwolallo tonyuro dodopure tovi wuu'nyuno sumaiyokwe kwolallo su tonyu uuguro'mwonyo'no a'mwo kuurotokwe tooralluno, “Neya ilomoropiyowano,” adopogano. Toro juno sumaveyokwe romiroudapiyo'moneyokwe buulmokau kwolo pworogai'aro mabidoga to'busuko allujungiko mekwako pugai'aro ton momwora'no sumaveyokwe wagwolago tovuro noullo toru'no amokabopogano.
14Toro romiroudapiyo'mo winodopure tonyuno Pooleke Banabaseke tooral wuu'nolno ilaiyo mibwosunolorakono. Toro te kalo'mo tooral kemi youro ton roju'nyuno sumaleyokwe kwolallo tonyuro anakuuto tomuu kano kano kuuloda'mno sumaleyokwe deko aro kuudolorakono. 15#Moll. 20:11“Nami a'mworavoo, kemoro su toro sadokwopo tov buro'nyo'mo'mdeyo? Nav toonal kev togaikulbusuko kwako akavida'ai a'mwo yasuwa'nodonakono. Toro toonal kemino tov aro kuudo sau'mwakuuwolo. “Kemi kuunano gooti su tooraino buulo uugunyumopiyopi Gooti aiyo mwalodowodo toollomno neya abupuro.” Su toro kuudo yau'dowol kuuguudo sugudo akakwe aikumokamwakuuwolonakono. Gooti aiyo mwalodowodo su tool sulugumdo tokwe'aro kwako tokwe'aro soolwara tokwe'aro tonyu sokwollosokagano. Aki yiuwi'nokai sokwollosoka su towai mwalodupudo kugai'aro tonyu sokwollosokaikono. 16Aki Gooti su tool aiyogasuro kwako go'no go'nodo tomuuda'ai amwallajupo pun kemi kuudo tovida'ai mujeroungovla'mdopure tonyu kuudo yere muuteyajukekono. Toro kwol kuruv nokwo wonyapino to'no sajukekono. 17Wonyapino toro sajuko to'busuko kubalno kev kugaikullu nokwo ikwonyapino yodowodekono. Toro yodowodo kwol kuruv yiunokuudo maikwonyapiyokwekono. Gooti tool gavnokweyolluno kuu'maiyo toru'no ikuduuwallo'moneyokwe gamoro sugudo pun aro ikubweyodowodekono. Muunyu kai'muuda'ai buuruko tov wolabowo'ji wosamuju'womdo tonyu bwolubweyodowodokwono. Toro bwolubweyodowo'jure tovida'ai wosamujuko ton bwotonyago bila'dupudogano. Toro ton kemoro sumwoluko tonyu itovaikubweyodupudogano. Gooti tool gamoro sugudo su toro tov ikubweyodowo'jure tovida'ai kemoro poowokalago ton ilaiyo ibwosunodupudogaikikono. Gooti gavnokwe tool su toro ikuduuwallunodowodekono.” Kuudolorakono. 18Toro wuudodole kuvi kuruv a'mwo kwolallo su tono'gwowi a'mwo kuurotokwe tooralluno buulmokau toorogai romiroudapiyo'moneyokwe kuuno kwinopogano. Toro winodopure tonyu a'mwo kuurotokwe tooral guureji duulluku'no duulluku'no solorakono. Toro solo tovino tov kwolallo ton noromiroudapiyo'mo wobo toru sopogano. Toro kun kuruv maromiroudapiyopogano.
19Kwolallo su ton toro yodopure toga wagwolago Antiyooke Aikooniyamke tovalluda'ai Juu pworo bo'mno wagwolago Listra toru abai'movoporogano. Toro bai'mo'mno sumaveyokwe kwolallo su ton neya anekumjunpureyokwe ade'nomaroporogano. Toro ade'nomaropo tovino tov kwolallo su ton sumdomgu Pooleke toorallu ilomoropiyo'mo sajupo kun kuruv Juu tooro me'no ade'nomaropo toga'no'gwowi Poolollu sulo togai aluvaromiyopogano. Toro luvaromino sumaveyokwe Poololluno tov kuudo sauropogano. Oo me'no abolmokaldeyo. Toro kuudo yauro'mno wagwolago tovi kwa'mgu tomuuno bome'nomokalokwo'mno sulomorosopekono. 20Toro sulomorosopo kwollu kuruv Jisasolluro uumjunyokwe pun Poolollu aiyowomno abomwodovomaropogano. Toro bomwodovoma'no sumaveyokwe Poolol ilodukavo'no wagwolago tovino aikomgu aulokaikono. Toro kuulno sumaiyokwe iruko aikomguda'ai tollugwoji Pooleke Banabaseke tooral wagwolago su toru wuugollu'movolno wagwolago Debe tomuuno avlavolorakono.
Pooleke Banabaseke tooral Jisasolluro a'mwo abolo tonyu jurogudo aduuwimwojolo tovinokwono
21Pooleke Banabaseke tooral plaino plaino sumaleyokwe wagwolago Debe toru ai'movolorakono. Toro ki'mo'mno sumaleyokwe wagwolago su tovida'ai mwalodupudo tonyu Jisasolluno kuuguudo sugudo tov sodubwasolorakono. Toro yodubwasodole tovi a'mwo abolo ton wuu'nodupu bwotonyago ton Jisasolluro uumjunyokwe sumo'nyajupogano. Pooleke Banabaseke tooral toro moruudomolluno sumaleyokwe puuto me'no kuuwolo tovi aikomgu avlavolorakono. Toro tooral plaino plaino sumaleyokwe wagwolago Listra toru ai'movolorakono. Toro tooral aki aiko te plaino sumaleyokwe wagwolago Aikooniyam toru ai'movolorakono. Aki toro tooral puuto tovi aki aiko te plaino sumaleyokwe wagwolago Antiyook toru ai'movolorakono. 22Toro tooral wagwolago go'no go'nodo su tonyu bai'mo'mdubul a'mwo abolo Jisasolluro uumjunyokwe tobuurai kemi poowokalago tonyu jurogudo duuwimwojo'moneyokwe kuuguudo aro kuujajulorakono. “Nevu aguto kig Gooti toolluro mido mollomwalo tovi dolago tomuu kuulomwallo'mo tov kavo kavo yovlavowa'ji maulomwalanonogano. Toro kunol kuruv kwako akavi mwalowa'ji toga jul'nyo go'no go'nodo ton nobaneki'mo'mwalononogano. Toro baneki'mo'mdowo'jure tonyu neya yodo'movlavowa'ji Gooti toolluro mido mollomwalo tovi dolago tomuu kuvinono kuulomwalanonogano. Toro tovino tov kevu jul'nyo ton baiki'mo'mdowo'jure toga nobwolorapiyokwe kuuguudo sugudo tovi kuudo uubweyodupudo su tovino guureji neya dogudupolarogaulo.” Aduuwimwojajulorakono. 23Toro duuwimwojuno sumaleyokwe yiuwi'nokai go'no go'no Jisasolluro mollu'bwoto tonyomno pla'mdubul mido mollomwalmwalpino'moneyokwe a'mwono moduvomwallokwe pworai ajesajulorakono. Toro tooral wosamujuko tonyuno kumako mwalodubul subusu'nyogalo ajajulorakono. Toro dodubulo toga Aguto toolluno kuudo uubweyodopure su tonyu kemi Aguto tool mollomwalmwalono'moneyokwe gavnokweyolluro ato tovi adubweyajulorakono. Yiuwi'nokai Jisasolluro mollu'bwoto go'no go'nodo tonyu toro amjumovlaiyajulorakono.
Pooleke Banabaseke tooral wagwolago Antiyook tov proovins Siriya tomuu wo'dowodo toru'no aikomgu avlavolo tovinokwono
24Toruda'ai Pooleke Banabaseke tooral kwako Pisidiya tomuu'aro plaino sumaleyokwe proovins Pamfiliya tomuu ai'movolorakono. 25Toro ki'mo'mno sumaleyokwe wagwolago Pega toru Gooti toolluro kuuguudo tov aulomodomollolorakono. Toro kuulomodomolluno sumaleyokwe wagwolago Ataliya'no kwolalorakono. 26Toro wolai'movolno sip puvi ilomwalno sumaleyokwe wagwolago Antiyook'no aikomgu abolorakono. Wagwolago su tovi muudu'nodo toga Pooleke Banabaseke tooral yere muugollu'mo'mdole toga Jisasolluro a'mwo tooro a'mwo kuurotokwe su toorallu Gooti toolluro ato tovi uubweyo'moneyokwe aro adubweyoporogano. “Oo yasuwa'wino sugumaluko ikubweyodowodo Gooti tool ilaiyo to'no mollekumwalmwalonorakikono.” Toro dubweno sumaveyokwe amodapiyoporakono. Toro amodapiyopo tooral pumuu yomolluno yomolluno sumaleyokwe womdo tov sopiyolorakono. Toro me'no yopino sumaleyokwe wagwolago su tovi aikomgu abai'movolorakono. 27Toro bai'mo'mno sumaleyokwe Jisasolluro a'mwo abolo tonyu amollu'bworolorakono. Toro mollu'bwo'no sumaleyokwe a'mwo abolo su tonyu Gooti toolluro jurogudo tokwe mollodubul kwimo'nyajuko tonyuno kuuguudo tov kuudolorakono. Toro wuujuno sumaleyokwe aki kuuguudo puruv aro kuudolorakono. “Nevu Juu tonol Jisasolluno kuudo uubweyodowado to'busuko kubalno Gooti tool a'mwo abolo Juu tonolluro miyawosunodowado kunyu kuruv Jisasolluno kuudo uubwepino'moneyokwe puuto me'no soulubweyokaikono.” Kuudolorakono. 28Pooleke Banabaseke tooral toro me'no wuujuno sumaleyokwe a'mwo abolo Jisasolluro uumjunyokwe su tonyu yere muugollu'movolno su togai manyu toga amwalolorakono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida