Kuurotokwe 13
13
Kuuguudo sugudo tovi modomollo'moneyokwe Banabaseke Sooleke toorallu ajesopo tovinokwono
1To'no'gwowi wagwolago Antiyookda'ai Jisasolluro mollu'bwoto ton su'bwo'nyajupogano. Toro i'bwo'nodupudo tonyuro pworo proofet kuuguudo amollajajuporogano. Aki pworo ibwasokwe imo'nodupu Jisasolluno sodubwasajuporogano. A'mwo su toro sumo'nyajupo tooraino yovo tov pwol Banabasolekono. Pwol Simiyoonolekono. Simiyoonolluno yovo puruv Naigerolekono. Aki pwol Sairinida'ai Luusiyosolekono. Aki pwol Manainolekono. A'mwo su tool mido mollomwalokwe Herootolluro ganyokwo pwekono. Aki a'mwo pwolluno yovo tov Soololekono. 2A'mwo su tooro i'bwo'nodupu Aguto toolluno sulomoropiyajuporogano. Toro tooro puga Gooti toolluno ilomoropiyo'moneyokwe wosamujuko kumako amwaloporogano. Toro mwalodopure toga Aguto toolluro Kuullo tool aro kuudokaikono. “Moro womdo ajeso tovino imwalbulluno'moneyokwe kevu Banabaseke Sooleke toorallu dojesulo.” Kuudokaikono. 3Toro kuudoka tovi wuu'no'mno wosamujuko kumako tov me'no mwalno sumaveyokwe a'mwo su toorallu ajesoporogano. Toro jeso'mno a'mwo su tooralluro mido tovi ato tokwe uubogai'nyuno sumaveyokwe subusu'nyogalo adoporogano. Toro juno sumaveyokwe a'mwo su toorallu amorapiyoporogano.
Banabaseke Sooleke tooral aku'momdo Saiprosda'ai mwalodupudo tonyu kuuguudo sugudo tov amoruudomollolo tovinokwono
4Toruda'ai Banabaseke Sooleke Gooti toolluro Kuullo tool amorapiyoka su tooral plaino plaino sumaleyokwe wagwolago puvi ai'movolorakono. Wagwolago su tovino yovo tov Seluusiyaveyokwono. Toro tov soolwaravuro wolo tomuu wo'dowodokwono. Toro towai ki'mo'mno sumaleyokwe sip puvi ilomwalolno avlavolorakono. Toro plaino sumaleyokwe aku'momdo Saipros toru ai'movolorakono. 5Toro ki'mo'mno sumaleyokwe wagwolago puruv soolwara tovi wolo tomuu wo'dowodo toru aulalorakono. Wagwolago su tovino yovo tov Salamisoveyokwono. Toro tovi kuulno sumaleyokwe Gooti toolluro kuuguudo tov Juu tooravuro i'bwo'nyago tonyu aulomodomollolorakono. Toro kuulomodomollodole toga a'mwo pwol kworake yomollodowodo tool kwiyo'mwojokaikono. A'mwo su toolluno yovo tov Joon Makolekono.
6-8Toro te Banabaseke Sooleke tooral yiuwi'nokai aku'momdo su tovi modomolluno modomolluno sumaleyokwe wagwolago Pafoos toru ai'movolorakono. Toro ki'mo'mno sumaleyokwe gavman womdokwe a'mwo aguto pwolluno yovo tov Sejiyos Poolasolekono. A'mwo aguto su tool pi'mwo kuudokweyekono. Toro tool Gooti toolluro kuuguudo tovi wuu'nyo'mo winodowo Banabaseke Sooleke tooral abubuleyokweyo'mo amodapiyokaikono. Toro amodapiyoka kuvi kuruv kuuloka pwol gavman a'mwo aguto su toollu ibwoto'nyo kwimo'nyajukekono. Kuuloka su toolluno yovo tov Bajisasolekono. Yovo su tovino Grik yogaljo tovida'ai Elimasolo dodupudekono. Toro tool Juu pwekono. Toro kwol kuruv Juu toorai kuunano proofet wimo'nodowodekono. Toro te gavman a'mwo aguto tool Banabaseke Sooleke tooral abubuleyokwe modapino sumaiyokwe nobodole toorallu kuuloka su tool kisuvolo kwiyokaikono. Toro wino sumaiyokwe gavman a'mwo aguto toollu kuudokaikono. “Guu Jisasolluno kuuguudo su tovino kuudo muubwebinono.” Kuudokaikono. 9Toro wuudoduke kuvi kuruv Soololno'gwowi kuuloka su toollu somuugonarokaikono. Soololluno yovo puruv Poololekono. Toro tool Gooti toolluro Kuullo toollu uumjunyo'moneyokwe kuudo ton gamoro poowokalago tovi kuullo'mowopiyoduke toga kuuloka toollu yomuugona'no sumaiyokwe 10aro kuudokaikono. “Guu Satanyolluro kwolaiyo toolbusuko wimo'nodumdekugono. Toro tooku yiuwi'nokai sugudo imo'nodopure tonyu ikomago wimo'nodum a'mwo abolo tonyu yiuwi'nokai toga judo'no judo'no tomgu'aro youkuu'nuudodumdekugono. Aki toro tooku Aguto toolluro yogalo idopto'nodo tovino kuunano pumgu'aro mollovodo'mwojadodumdekugono. Gumoro su toro yodumdo tov guvnokwe tooku ku'nono mimwogapibinekugono. 11Toro tovino tov guu neya duu'nono. Aguto tool nerogumwallonekugono. Toro airogumwallo'ji toga sumnowojokwe imo'nubinekugono. Sumnowojokwe toro imo'no'bi iruko kuga kuruv bako tovi mwongovla'mwalbinekugono. Toro tooku iruko pubuul sumnowojokwe toro mujomwekovla'binekugono.” Poolol Elimasollu toro kuudokaikono. Toro kuudoka kuga'gwo kuuno sul'muujudo to'busuko dugumwuulo puruv Elimasolluro sumdo tovallu abwolobu'duvolosokakwono. Toro abwolobu'duvolosoka toga Elimasol ato tovi'aro nomogaibworapiyo'moneyokwe pwolluno a'mgono yodowo buko buko sajukekono. 12Toro yoduke toollu a'mwo aguto gavman womdokwe tool amuugonallajukekono. Aki toro tool Banabaseke Pooleke tooralluro Aguto Jisasolluno kuuguudo yodubwasodole tovi kuu'naro'no kuudo kwolallo sourukwapiyokaikono. Toro yourukwapino sumaiyokwe Jisasolluno kuuguudo tov, Oo nebalo'mdeyo, do'no kuudo kuubweyokaikono.
Banabaseke Pooleke tooral proovins Pisidiyada'ai wagwolago Antiyook toru amodomollajulo tovinokwono
13Toruda'ai Pooleke'aro gavuge somollajupo toorogai'aro tooro wagwolago Pafoos toru wuugollu'mo'mno sumaveyokwe sip puvi ilomwalo'mno avlavoporogano. Toro tooro plaino plaino sumaveyokwe proovins Pamfiliya toru ai'movoporogano. Toro ki'mo'mno sumaveyokwe wagwolago Pega towai aulaporogano. Toro aulapo toga Joon Makol Pooleke toorai wuugollu'movo'no wagwolago Jeruusalem'no aikomgu avlavokaikono. 14Aki Pooleke'aro a'mwo gavuge toorogai'aro tooro wagwolago Pega towai wuugollu'movo'mno pumuuno avlavoporogano. Toro tooro plaino plaino sumaveyokwe proovins Pisidiyada'ai wagwolago Antiyook toru ai'movoporogano. Toro ki'mo'mno sumaveyokwe Sabat toga Juu tooravuro i'bwo'nyago puvi kuula'mno aulomwaloporogano. 15Toro kuulomwalodopure toga i'bwo'nyago su tovida'ai a'mwo pworo Moosesolluro loowo tokwe'aro proofet tooravuro kuuguudo togai'aro tonyuno sodubwasoporogano. Toro me'no yodubwosopino sumaveyokwe i'bwo'nyago su tovuro mido mollomwalokwe tooro Pooleke'aro toorai kuuguudo tokwe a'mwo pwollu amodapiyoporogano. Toro amodapiyopo tool i'bwo'nyago tovi anakuuto tomuu Pooleke toorai wuuru'maro'no aro kuudokaikono. “Nevugeravoo, kevu a'mwo abolo amwakuuwo akanollu jurogudo danekullumwojo'mo kuuguudo pun kurukweyorekuldeyokwe nokwo nekudupinorekikono.” Kuudokaikono.
16Toro kuudoka tovi Poolol iloda'mno sumaiyokwe a'mwo abolo deraunyo yodopure tonyu gami ato tokwe kavo duulluku'no sumaiyokwe aro amoruudokaikono. “Kevu a'mwo abolo Juu tooravuro miyawosunodupudo togaikul Gooti toollu dolago tomuu mwalodupudogaikikono. Toro togaikike'aro aki kevu Isuraiyolda'ai kugaikike'aro togaikul mi neya donuu'nyulo. 17#Moll. 1:7; Moll. 12:51Nevu Isuraiyolda'ai tonolluro Gooti tool aiyoga nemi nellukweyago toorai gamoro a'mwo abolo kuunodo wimo'nyo'moneyokwe ajesokarogano. Toro tooro kwako Ijup toru bomwallokwe imo'nodupu Gooti toolluro jurogudo tovida'ai kwolallo bwotonyo sumo'nyajupogano. Aki toro tonyu Gooti gavnokwe toolluro jurogudo tokwe Ijupda'ai abomollurolovomokalokwokaikono. 18Toro bomollurolovomokalokwino sumaiyokwe kwako a'mwomaiyo kuu'maiyo tomuu amollubworomokabiyajukekono. Toro mollubworomokaboduke ton Gooti toollu kisuvolo kwimovlaiyajupogano. 40-pela kworomo tobuullu toro wimovla'mdopure kuvi kuruv Gooti toolno'gwowi yiuno ilaiyo to'no amollomwallajukekono. 19Aki Kenanda'ai 7-pela kantri go'no go'nodo tonyu yiunokuudo aromiyebuuropiyokaikono. Gooti tool toro romiyebuuropiyo'no nemi nellukweyago su toorai kwako su tov kwiyokaikono. Toro kwiyoka toga Kenanda'ai kwako su tov kemi kuunodo kwimo'nokakwono. 20#Mido. 2:16Gooti tool 450 kworomo tobuullu nemi nellukweyago toorai su toro somomjomwekelabiyajukekono. Toro te kworomo su tobuul me'no kuuwolo'noka toga'no'gwowi nemi nellukweyago su toorai mido mollomwallo'moneyokwe Gooti tool a'mwo pworai ajesajukekono. Toro jesoduke tooro puga pwol mido mollomwalno puga pwol mido mollomwalno sajuporogano. Tono tono me'no momjomwekelabino sumaveyokwe yiuno proofet Samwelol sumo'noka toga'no abilai'movoporogano.
21 #
1Sam. 8:5
Toro bilai'mo'mno sumaveyokwe Samwelollu a'mwo aguto kig muudu'nodo pwollu molludapiyo'mo kuudoganoporogano. Toro kuudoganopo tovi Gooti tool Soolollu ajesokaikono. Soolol Kisolluro muugunyekono. Aki Bejamenolluro iko tovasuda'aiyekono. Toro tool mido mollomwalno mollomwalno sumaiyokwe 40-pela kworomo tobuul kuuwolo'nokaikono. 22#1Sam. 13:14; 1Sam. 16:12A'mwo su tool mido mollomwalo toro yoduke kwollu kuruv Gooti tool amodukwopiyokaikono. Toro modukwopino sumaiyokwe Devitollu ajesokaikono. Toro ajesoka su toolluno Gooti tool aro adokaikono. Oo Jesiyolluro muugunyo Devitollu me'no so'mgonomakono. Toro tool moro yiuwi'nokai ilaiyo nyunodowodo tonyu kuvinono uumjunyo'mo winyokwekono. Toro toolluno moro poowokalago tov ilaiyo anyunumaiyoo, adokaikono. Gooti tool toro juno sumaiyokwe Devitol a'mwo aguto kig imo'no'no mido amollomwallajukekono. 23Toro amollomwallajuko toolluro jukweyago kwolaiyo tool Jisasol kwekono. Toro tool nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwekono. Aiyoga Gooti tool nemi nekullo'mwojo'moneyokwe su toollu nomonekwopiyabwono tovino subuu'yamju soka tov kuvinono kuumjunokaikono. Toro uumjuno'no nevu Isuraiyolda'ai tonollomno Jisasollu kuvinono amonekwopiyabokaikono.
24 #
Mk. 1:4; Lk. 3:3 Toro te Jisasol gamoro womdo ton yere miyoduke toga Joonol sumdomgu kwolda'ai wanodowo Isuraiyolda'ai a'mwo abolo tonyu aro amoruujajukekono. “Kevu kemi poowokalago togai Gooti toollomno kuudo youragunyumo'nopi wonyo buuvollunyulo.” Amoruujajukekono. 25#Jn. 1:20; Mt. 3:11; Mk. 1:7; Lk. 3:16; Jn. 1:27Toro moruudodowo aki Joonol gamoro womdo tov yopiyo'mo tool aro adokaikono. “Kevu mino tov buro'nyo'mo noo'nookwo jadokwovo? Kevu a'mwo pwolluno sogwollo ainadokwopo su tool nuu kwonyumaiyo. Nuu a'mwo yasuwa'nodo pwekwonyugono. Toro kuvi kuruv mi lukomgu abwo'ji pwolno'gwowi kwekono. Su tool aguto kuunodekono. Toro tool mi nuwolenodekono. Aki toro toolluro yiuno suulpweyo to'no mollurolopiyo'mo kuruv sugudekwonyumaiyo.” Joonolluro adoka tov torokwono.” Kuudokaikono.
26Poolol toro wuujuno sumaiyokwe aki aro kuudokaikono. “Nevugeravoo, nemi kirumwallo tovida'ai bomollurolovonekumokalokwiyo'moneyokwe amonekwopiyaboka Jisasolluno kuuguudo tov Gooti tool nemi me'no anekullabokakwono. Kuuguudo sugudo su tov nevu Eburaiyamolluda'ai bodowado tonogai'aro a'mwo abolo Juu toonolluro miyawosunodupudo pugaikul Gooti toollu dolago tomuu mwalodupudo kugaikike'aro tonollu anekullabokakwono. 27Kuuguudo sugudo anekullaboka su tov Jisasollunokwono. Toro kuvi kuruv wagwolago Jeruusalemda'ai a'mwo abolo mwalodupudo togai'aro kemi a'mwo mido mollomwalokwe toorogai'aro ton kwolluno aro miworovomallajupekono. Oo nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwe amonekwopiyaboka tooldeyo. Miworovomallajupekono. Aki toro ton yiuwi'nokai Sabat toga i'bwo'nodupu proofet tooravuro kuuguudo ajakwollajupo tonyu kuu'nugovlaiyajupogano. Toro wuu'nugovla'mdupudo kun kuruv kavlo tonyuno miyouromallajupogano. Toro miyouroma'dupudo ton Jisasollu romiyoso'mo wino'mno kooti yogalo aduuwiyopekono. Toro aduuwiyopo tovida'ai, Jisasol neya bolonekono, adomduukuurosopogano. Toro adomdukuurosopo tovida'ai aiyoga proofet tooravuro me'no ajakwollopo ton kuvinono sumo'nopogano. 28#Mt. 27:22,23; Mk. 15:13,14; Lk. 23:21-23; Jn. 19:15Aki Jisasollu kooti yogalo aduuwiyopo toga ma'no ma'no puru'monodo kuruv miyoka toollu so'mgonomaropekono. Toro kworo kuruv, Neya abolono, kuudo yau'no sumaveyokwe Jisasollu romiyoso'moneyokwe Pailatolluro ato tovi amorubweyopekono. 29#Mt. 27:57-61; Mk. 15:42-47; Lk. 23:50-56; Jn. 19:38-42Toro morubweno sumaveyokwe aki Jisasollu kaiyako pugai'aro sugolopekono. Aiyoga proofet tooravuro me'no ajakwollajupo tomgu'aro to'no yiuwi'nokai su ton toro sugolopekono. Toro me'no igolno sumaveyokwe Jisasol i'noguropte tovi ilejuku'na'duke toollu molovomwogapino sumaveyokwe a'mwo buuso sumago tovi amolsosopekono. 30Toro amolsosopo kwollu kuruv Gooti tool aiyo aiko te amodukavokaikono. 31#Krt. 1:3Toro moduka'mno sumaiyokwe Jisasol a'mwo abolo punyu kwiyalo'nyajukekono. A'mwo abolo su ton sumdomgu Jisasol yere maboloduke toga kwako Galili toru wuugollu'mo'mno sumaiyokwe Jeruusalem'no iloduke toga kweke yomollo'mno sulapogano. Toro tonyu Jisasol bwotonyago toga kwiyalo'nyajukekono. Toro wiyalo'noduke toollu me'no kwonyajupo ton aga a'mwo abolo punyu kwolluno kuu'maiyo toru'no dodolubweyodopudogano.
32Aga kuga kuruv nevu kuuguudo sugudo akakwe mokabodowa kemi sodekubwasumwakuuwono. Toro sodekubwasumwakuuwo tov aro tovinokwono. Gooti tool aiyoga nemi nellukweyago toorai subuu'yamju aro kwiyajukekono. Kemi ma'no ma'nodo tovuro kirumwallo tovida'ai bomollurolovekumokalokwono toollu nomekwopiyamekono. Kwiyajukekono. 33Subuu'yamju kwiyajuko su tov aga nevu kworavuro kwikweyago tonollu kuvinono nekullumo'nyo'moneyokwe Jisasollu aiyo aiko te me'no amodukavokaikono. Su toro tovino Da'buukiyo sapta tuu tovida'ai kuuguudo puruv nooso. Kuuguudo su tov Gooti tool Jisasolluno aro adokaikono.
“Guu moro Kwolaiyekugono. Toro tookuji aga nuu gumi Junumiyago agujumo'numono.”
Toro sakwollungikokwono. 34Aki Gooti tool Jisasolluro kulako tov buuso tovi yiunokuudo nobuuropiyo'jokwe aiyo aiko te amodukavokaikono. Su toro tovino Gooti toolluro kuuguudo puruv aro sakwollungikokwono.
“Aiyogasuro moro subuu'yamju sugudo Devitollu kwiyo su ton kemi nekullamonyugono. Toro aikullami ton kuvinono ikullumo'nonokwono.”
Sakwollungikokwono. 35#Da'bk. 16:10Aki Da'buukiyo tovida'ai Jisasolluno puukwollo puruv aro sakwollungikokwono.
“Nuu yiuno gumino gumjunodumdo toonyuro kulako tov bwiyo yiunokuudo nobuuropiyo'jokweyo'mo pi'mwono mollonumwalbinekugono.”
Sakwollungikokwono. 36Su toro sakwollungiko tovino kevu neya duu'nyulo. Devitollu aro kwimo'nokaikono. Devitol aiyo kuuno mwaloduke toga Gooti toolluro womdo ton mujumovlavo'no abolokaikono. Toro aboloka toollu gami jukweyago toorai amolsosajupo avalo toru amolsosopekono. Toro toolluro kulako tov bwiyo yiunokuudo abuuropiyokakwono. 37Toro kuvi kuruv Gooti toolluro aiyo aiko te amodukavoka toolno'gwowi gamoro kulako tov bwiyo yiunokuudo mabuuropiyokakwono. 38Nuugeravoo, kevu su toro tovino kuudo neya jouromarogaulo. Kemoro ma'no ma'nodo tovuro kirumwallo tovi modukwopiyo'moneyokwe tool yiuno Jisasekono. Kuuguudo su toro tovino sodekubwasadokwono. 39Aki kevu neya duu'nyulo. Moosesolluro loowo ton kemoro ma'no ma'nodo tovida'ai ku'nono mirolovekwapiyonokwono. Toro kuvi kuruv yiuno Jisasolno'gwowi kemoro ma'no ma'nodo tonyuda'ai nokwo irolovekwapiyonekono. Toro te yiuwi'nokai a'mwo abolo Jisasolluno kuudo kuubwepi tonyuno Gooti tool, Sugudogano, dumwalonekono.” 40Poolol toro wuujuno sumaiyokwe aki duudapi yogalo aro kwiyokaikono. “Proofet tooravuro kuuguudo adopo puruv kemi nekullumo'no'jo. 41Kuuguudo su tov arokwono.
“Kevu biyekuu'nyogalo dodupudo toorekul wako neya dou'nyulo. Toro toorekul aiyo kuuno mwalodopure toga kirekumwallo'moneyokwe womdo puruv kemi nekubwemonyugono. Su toro tovino a'mwo pwol kuu'maiyo toru'no duudapi ikullodowo'jure kuruv kevu muu'nyubusuko yopi kuudo muubwepinorekikono. Toro muubweyodopure tovino tov puga luko morumoukuropiyopi nobolpinorekikono.”
Proofet tooravuro kuuguudo adopo su tov kemi nekullumo'no'jo.” Poolol toro kuudokaikono.
42Toro wuujuno sumaiyokwe Pooleke Banabaseke tooral i'bwo'nyago tovida'ai bolokwiyo'mo yodole toga a'mwo abolo kuuguudo purukwe'aro wuu'nyo'moneyokwe aro ajugonopogano. “Oo kevu kuuguudo purukwe'aro yodonekubwasubulluno'moneyokwe Sabat aikomguda'ai tollugwoji aki aiko te neya dobilo.” Ajugonopogano. 43Toro jugonyuno sumaveyokwe i'bwo'nyago tovida'ai bolokwo'mno kemi go'no go'no ago tomuuno avlavopogano. Toro avlavopo kuvi kuruv Juu a'mwo abolo bwotonyago togai'aro aki a'mwo abolo Juu tooravuro miyawosunodupudo bwotonyago togai'aro ton Pooleke Banabaseke toorallu kuumjunopogano. Juu miyawosunodupudo su ton sumdomgu Juu toorai guureji me'no uuguro'mwonyodupudogano. Aki toro uumjunodopure tonyu aro adumul'mwojolorakono. “Kevu gamoro yasuwa'wino sugumaluko ikubweyodowodo Gooti su toollu dolago tomuu neya jomjomwekovlavogaulo.” Adumul'mwojolorakono.
44Toruda'ai Sabat aikomguda'ai tollugwoji a'mwo abolo ton Aguto toolluro kuuguudo te wuu'nyo'moneyokwe i'bwo'nyago tovi abi'bwo'nopogano. Kwolallo abi'bwo'nopo su ton wagwolago tovida'ai yiuwi'nokai a'mwo abolo tomgu'aro ton abi'bwo'nopogano. 45Toro i'bwo'nodopure tonyu Juu pworo wonyuno sumaveyokwe Banabaseke Pooleke tooralluno kwekuullu kuudo sauroporogano. Toro yau'no sumaveyokwe a'mwo abolo ton Poololluro yogalo tovi kaduko nuuwipiyokweyo'mo kuunano yogalo aro soukuu'nuudoporogano. “Poololluro yogalo aikudadopiko tov nebalo'maiyo.” Soukuu'nuudoporogano. Toro youkuu'nuujuno sumaveyokwe aki Poololluno bwolomorumwogapiyo'moneyokwe kuuguudo pun kuudoporogano. 46Toro sopo kuvi kuruv Pooleke Banabaseke tooralno'gwowi luko miyolno kuu'maiyo toru'no aro kuudolorakono. “Gooti toolluro kuuguudo tov kemi muudu'no yodekubwaso'moneyokwe nami anakuuwoso. Toro toonal a'mwo Juu toonolluro miyawosunodowado toorai yere miyodubwasodowolo kwonal kuruv kevu Juu toorekulno'gwowi muudu'no kworekulluda'ai sodekubwasumwakuuwolo. Kuuguudo toro yodekubwasodowole tovi kevu kuudo kuubweyopujuko'mno'juki aiyo yiunokuudo mujomwekovlaiyo'moneyokwe tovi nokwo amaropujukogaikikono. Toro kugaikul kuruv aiyo yiunokuudo mujomwekovlaiyo'moneyokwe su tovi mallo'mo maikullunoduke togaikul Gooti toolluro kuuguudo akavi kaduko mwimwakopogaikikono. Toro tovino tov aga'no'gwowi navu kemi ikugollu'mowosi a'mwo abolo Juu toonolluro miyawosunodowado toorai yodubwaso'moneyokwe plawosunonakono. 47Su toro tovino Aguto tool aro me'no adokaikono.
“Guu a'mwo abolo Juu tooravuro miyawosunodupudo tonyu bako to'busuko wimo'numwalbino'moneyokwe nuvnokwe toonyu jagubwemekugono. Toro tooku yiuwi'nokai kwako akavida'ai mwalodupudo tonyu ma'no ma'nodo tovuro kirumwallo tovida'ai birolo'nugolokwiyo'moneyokwe puuto tovino gworeko to'busuko luvomokwanmwalbinekugono.”
Aguto toolluro yogalo su tov nakwonalluda'aiyo'mo adonakullokakwono.” Kuudolorakono.
48Toro kuudolo tovi a'mwo abolo Juu tooravuro miyawosunodupudo ton wuu'no'mno ilaiyo bwotonyo ino sumaveyokwe Aguto toolluro kuuguudo tovino sulomoropiyapogano. Aki yiuwi'nokai a'mwo abolo Gooti toolluro aiyo yiunokuudo mujomwekovlaiyo'moneyokwe ajesoka kubuuro kuruv gamoro kuuguudo tovi wuu'nyuno sumaveyokwe kuudo kuubweyopogano. 49Toro te Aguto toolluro kuuguudo su tov bomje'nugoulno bomje'nugoulno sumaiyokwe kwako su tovi yiuwi'nokai tomuu so'mowopiyokakwono. 50Toro yo'mowopiyoduke kuvi kuruv Juu tooro wagwolago Antiyookda'ai a'mwo aguto toorai surodo ipino'moneyokwe aduuduka'bworoporogano. Aki abolo yovokwe pun Juu tooravuro i'bwo'nyago tovi guureji uumjungovla'mdupudo kugai'aro tonyu aval'no aduuduka'bworoporogano. Toro duuduka'bwo'dopure tovida'ai a'mwo abolo su ton Pooleke Banabaseke tooralluno surodo wuuno'mno kaiyako sugolopogano. Toro igolo'mno kemi kwako su tomuuda'ai amovomjapiyopogano. 51#Mt. 10:14; Mk. 6:11; Lk. 9:5, 10:11Toro movomjapino sumaveyokwe Pooleke Banabaseke tooral a'mwo abolo kwako su tovi mwalodupudo tonyuro ma'no ma'nodo tovino kuu'maiyo toru'no wuuduuwallo'moneyokwe aro solorakono. Kemi suvlo tonyuda'ai sullukwako kwollajuko ton aluvourokurosolorakono. Toro luvourokurosuno sumaleyokwe wuugollu'movolno wagwolago Aikooniyam'no avlavolorakono. 52Toro kuugollu'movolo kuvi kuruv Jisasolluro a'mwo abolo tono'gwowi Gooti toolluro Kuullo tool mollado'mo'mduke tovi uumjunodupu kemi poowokalago tokwe ilaiyo to'no subwosunyajupogano.
Currently Selected:
Kuurotokwe 13: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 13
13
Kuuguudo sugudo tovi modomollo'moneyokwe Banabaseke Sooleke toorallu ajesopo tovinokwono
1To'no'gwowi wagwolago Antiyookda'ai Jisasolluro mollu'bwoto ton su'bwo'nyajupogano. Toro i'bwo'nodupudo tonyuro pworo proofet kuuguudo amollajajuporogano. Aki pworo ibwasokwe imo'nodupu Jisasolluno sodubwasajuporogano. A'mwo su toro sumo'nyajupo tooraino yovo tov pwol Banabasolekono. Pwol Simiyoonolekono. Simiyoonolluno yovo puruv Naigerolekono. Aki pwol Sairinida'ai Luusiyosolekono. Aki pwol Manainolekono. A'mwo su tool mido mollomwalokwe Herootolluro ganyokwo pwekono. Aki a'mwo pwolluno yovo tov Soololekono. 2A'mwo su tooro i'bwo'nodupu Aguto toolluno sulomoropiyajuporogano. Toro tooro puga Gooti toolluno ilomoropiyo'moneyokwe wosamujuko kumako amwaloporogano. Toro mwalodopure toga Aguto toolluro Kuullo tool aro kuudokaikono. “Moro womdo ajeso tovino imwalbulluno'moneyokwe kevu Banabaseke Sooleke toorallu dojesulo.” Kuudokaikono. 3Toro kuudoka tovi wuu'no'mno wosamujuko kumako tov me'no mwalno sumaveyokwe a'mwo su toorallu ajesoporogano. Toro jeso'mno a'mwo su tooralluro mido tovi ato tokwe uubogai'nyuno sumaveyokwe subusu'nyogalo adoporogano. Toro juno sumaveyokwe a'mwo su toorallu amorapiyoporogano.
Banabaseke Sooleke tooral aku'momdo Saiprosda'ai mwalodupudo tonyu kuuguudo sugudo tov amoruudomollolo tovinokwono
4Toruda'ai Banabaseke Sooleke Gooti toolluro Kuullo tool amorapiyoka su tooral plaino plaino sumaleyokwe wagwolago puvi ai'movolorakono. Wagwolago su tovino yovo tov Seluusiyaveyokwono. Toro tov soolwaravuro wolo tomuu wo'dowodokwono. Toro towai ki'mo'mno sumaleyokwe sip puvi ilomwalolno avlavolorakono. Toro plaino sumaleyokwe aku'momdo Saipros toru ai'movolorakono. 5Toro ki'mo'mno sumaleyokwe wagwolago puruv soolwara tovi wolo tomuu wo'dowodo toru aulalorakono. Wagwolago su tovino yovo tov Salamisoveyokwono. Toro tovi kuulno sumaleyokwe Gooti toolluro kuuguudo tov Juu tooravuro i'bwo'nyago tonyu aulomodomollolorakono. Toro kuulomodomollodole toga a'mwo pwol kworake yomollodowodo tool kwiyo'mwojokaikono. A'mwo su toolluno yovo tov Joon Makolekono.
6-8Toro te Banabaseke Sooleke tooral yiuwi'nokai aku'momdo su tovi modomolluno modomolluno sumaleyokwe wagwolago Pafoos toru ai'movolorakono. Toro ki'mo'mno sumaleyokwe gavman womdokwe a'mwo aguto pwolluno yovo tov Sejiyos Poolasolekono. A'mwo aguto su tool pi'mwo kuudokweyekono. Toro tool Gooti toolluro kuuguudo tovi wuu'nyo'mo winodowo Banabaseke Sooleke tooral abubuleyokweyo'mo amodapiyokaikono. Toro amodapiyoka kuvi kuruv kuuloka pwol gavman a'mwo aguto su toollu ibwoto'nyo kwimo'nyajukekono. Kuuloka su toolluno yovo tov Bajisasolekono. Yovo su tovino Grik yogaljo tovida'ai Elimasolo dodupudekono. Toro tool Juu pwekono. Toro kwol kuruv Juu toorai kuunano proofet wimo'nodowodekono. Toro te gavman a'mwo aguto tool Banabaseke Sooleke tooral abubuleyokwe modapino sumaiyokwe nobodole toorallu kuuloka su tool kisuvolo kwiyokaikono. Toro wino sumaiyokwe gavman a'mwo aguto toollu kuudokaikono. “Guu Jisasolluno kuuguudo su tovino kuudo muubwebinono.” Kuudokaikono. 9Toro wuudoduke kuvi kuruv Soololno'gwowi kuuloka su toollu somuugonarokaikono. Soololluno yovo puruv Poololekono. Toro tool Gooti toolluro Kuullo toollu uumjunyo'moneyokwe kuudo ton gamoro poowokalago tovi kuullo'mowopiyoduke toga kuuloka toollu yomuugona'no sumaiyokwe 10aro kuudokaikono. “Guu Satanyolluro kwolaiyo toolbusuko wimo'nodumdekugono. Toro tooku yiuwi'nokai sugudo imo'nodopure tonyu ikomago wimo'nodum a'mwo abolo tonyu yiuwi'nokai toga judo'no judo'no tomgu'aro youkuu'nuudodumdekugono. Aki toro tooku Aguto toolluro yogalo idopto'nodo tovino kuunano pumgu'aro mollovodo'mwojadodumdekugono. Gumoro su toro yodumdo tov guvnokwe tooku ku'nono mimwogapibinekugono. 11Toro tovino tov guu neya duu'nono. Aguto tool nerogumwallonekugono. Toro airogumwallo'ji toga sumnowojokwe imo'nubinekugono. Sumnowojokwe toro imo'no'bi iruko kuga kuruv bako tovi mwongovla'mwalbinekugono. Toro tooku iruko pubuul sumnowojokwe toro mujomwekovla'binekugono.” Poolol Elimasollu toro kuudokaikono. Toro kuudoka kuga'gwo kuuno sul'muujudo to'busuko dugumwuulo puruv Elimasolluro sumdo tovallu abwolobu'duvolosokakwono. Toro abwolobu'duvolosoka toga Elimasol ato tovi'aro nomogaibworapiyo'moneyokwe pwolluno a'mgono yodowo buko buko sajukekono. 12Toro yoduke toollu a'mwo aguto gavman womdokwe tool amuugonallajukekono. Aki toro tool Banabaseke Pooleke tooralluro Aguto Jisasolluno kuuguudo yodubwasodole tovi kuu'naro'no kuudo kwolallo sourukwapiyokaikono. Toro yourukwapino sumaiyokwe Jisasolluno kuuguudo tov, Oo nebalo'mdeyo, do'no kuudo kuubweyokaikono.
Banabaseke Pooleke tooral proovins Pisidiyada'ai wagwolago Antiyook toru amodomollajulo tovinokwono
13Toruda'ai Pooleke'aro gavuge somollajupo toorogai'aro tooro wagwolago Pafoos toru wuugollu'mo'mno sumaveyokwe sip puvi ilomwalo'mno avlavoporogano. Toro tooro plaino plaino sumaveyokwe proovins Pamfiliya toru ai'movoporogano. Toro ki'mo'mno sumaveyokwe wagwolago Pega towai aulaporogano. Toro aulapo toga Joon Makol Pooleke toorai wuugollu'movo'no wagwolago Jeruusalem'no aikomgu avlavokaikono. 14Aki Pooleke'aro a'mwo gavuge toorogai'aro tooro wagwolago Pega towai wuugollu'movo'mno pumuuno avlavoporogano. Toro tooro plaino plaino sumaveyokwe proovins Pisidiyada'ai wagwolago Antiyook toru ai'movoporogano. Toro ki'mo'mno sumaveyokwe Sabat toga Juu tooravuro i'bwo'nyago puvi kuula'mno aulomwaloporogano. 15Toro kuulomwalodopure toga i'bwo'nyago su tovida'ai a'mwo pworo Moosesolluro loowo tokwe'aro proofet tooravuro kuuguudo togai'aro tonyuno sodubwasoporogano. Toro me'no yodubwosopino sumaveyokwe i'bwo'nyago su tovuro mido mollomwalokwe tooro Pooleke'aro toorai kuuguudo tokwe a'mwo pwollu amodapiyoporogano. Toro amodapiyopo tool i'bwo'nyago tovi anakuuto tomuu Pooleke toorai wuuru'maro'no aro kuudokaikono. “Nevugeravoo, kevu a'mwo abolo amwakuuwo akanollu jurogudo danekullumwojo'mo kuuguudo pun kurukweyorekuldeyokwe nokwo nekudupinorekikono.” Kuudokaikono.
16Toro kuudoka tovi Poolol iloda'mno sumaiyokwe a'mwo abolo deraunyo yodopure tonyu gami ato tokwe kavo duulluku'no sumaiyokwe aro amoruudokaikono. “Kevu a'mwo abolo Juu tooravuro miyawosunodupudo togaikul Gooti toollu dolago tomuu mwalodupudogaikikono. Toro togaikike'aro aki kevu Isuraiyolda'ai kugaikike'aro togaikul mi neya donuu'nyulo. 17#Moll. 1:7; Moll. 12:51Nevu Isuraiyolda'ai tonolluro Gooti tool aiyoga nemi nellukweyago toorai gamoro a'mwo abolo kuunodo wimo'nyo'moneyokwe ajesokarogano. Toro tooro kwako Ijup toru bomwallokwe imo'nodupu Gooti toolluro jurogudo tovida'ai kwolallo bwotonyo sumo'nyajupogano. Aki toro tonyu Gooti gavnokwe toolluro jurogudo tokwe Ijupda'ai abomollurolovomokalokwokaikono. 18Toro bomollurolovomokalokwino sumaiyokwe kwako a'mwomaiyo kuu'maiyo tomuu amollubworomokabiyajukekono. Toro mollubworomokaboduke ton Gooti toollu kisuvolo kwimovlaiyajupogano. 40-pela kworomo tobuullu toro wimovla'mdopure kuvi kuruv Gooti toolno'gwowi yiuno ilaiyo to'no amollomwallajukekono. 19Aki Kenanda'ai 7-pela kantri go'no go'nodo tonyu yiunokuudo aromiyebuuropiyokaikono. Gooti tool toro romiyebuuropiyo'no nemi nellukweyago su toorai kwako su tov kwiyokaikono. Toro kwiyoka toga Kenanda'ai kwako su tov kemi kuunodo kwimo'nokakwono. 20#Mido. 2:16Gooti tool 450 kworomo tobuullu nemi nellukweyago toorai su toro somomjomwekelabiyajukekono. Toro te kworomo su tobuul me'no kuuwolo'noka toga'no'gwowi nemi nellukweyago su toorai mido mollomwallo'moneyokwe Gooti tool a'mwo pworai ajesajukekono. Toro jesoduke tooro puga pwol mido mollomwalno puga pwol mido mollomwalno sajuporogano. Tono tono me'no momjomwekelabino sumaveyokwe yiuno proofet Samwelol sumo'noka toga'no abilai'movoporogano.
21 #
1Sam. 8:5
Toro bilai'mo'mno sumaveyokwe Samwelollu a'mwo aguto kig muudu'nodo pwollu molludapiyo'mo kuudoganoporogano. Toro kuudoganopo tovi Gooti tool Soolollu ajesokaikono. Soolol Kisolluro muugunyekono. Aki Bejamenolluro iko tovasuda'aiyekono. Toro tool mido mollomwalno mollomwalno sumaiyokwe 40-pela kworomo tobuul kuuwolo'nokaikono. 22#1Sam. 13:14; 1Sam. 16:12A'mwo su tool mido mollomwalo toro yoduke kwollu kuruv Gooti tool amodukwopiyokaikono. Toro modukwopino sumaiyokwe Devitollu ajesokaikono. Toro ajesoka su toolluno Gooti tool aro adokaikono. Oo Jesiyolluro muugunyo Devitollu me'no so'mgonomakono. Toro tool moro yiuwi'nokai ilaiyo nyunodowodo tonyu kuvinono uumjunyo'mo winyokwekono. Toro toolluno moro poowokalago tov ilaiyo anyunumaiyoo, adokaikono. Gooti tool toro juno sumaiyokwe Devitol a'mwo aguto kig imo'no'no mido amollomwallajukekono. 23Toro amollomwallajuko toolluro jukweyago kwolaiyo tool Jisasol kwekono. Toro tool nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwekono. Aiyoga Gooti tool nemi nekullo'mwojo'moneyokwe su toollu nomonekwopiyabwono tovino subuu'yamju soka tov kuvinono kuumjunokaikono. Toro uumjuno'no nevu Isuraiyolda'ai tonollomno Jisasollu kuvinono amonekwopiyabokaikono.
24 #
Mk. 1:4; Lk. 3:3 Toro te Jisasol gamoro womdo ton yere miyoduke toga Joonol sumdomgu kwolda'ai wanodowo Isuraiyolda'ai a'mwo abolo tonyu aro amoruujajukekono. “Kevu kemi poowokalago togai Gooti toollomno kuudo youragunyumo'nopi wonyo buuvollunyulo.” Amoruujajukekono. 25#Jn. 1:20; Mt. 3:11; Mk. 1:7; Lk. 3:16; Jn. 1:27Toro moruudodowo aki Joonol gamoro womdo tov yopiyo'mo tool aro adokaikono. “Kevu mino tov buro'nyo'mo noo'nookwo jadokwovo? Kevu a'mwo pwolluno sogwollo ainadokwopo su tool nuu kwonyumaiyo. Nuu a'mwo yasuwa'nodo pwekwonyugono. Toro kuvi kuruv mi lukomgu abwo'ji pwolno'gwowi kwekono. Su tool aguto kuunodekono. Toro tool mi nuwolenodekono. Aki toro toolluro yiuno suulpweyo to'no mollurolopiyo'mo kuruv sugudekwonyumaiyo.” Joonolluro adoka tov torokwono.” Kuudokaikono.
26Poolol toro wuujuno sumaiyokwe aki aro kuudokaikono. “Nevugeravoo, nemi kirumwallo tovida'ai bomollurolovonekumokalokwiyo'moneyokwe amonekwopiyaboka Jisasolluno kuuguudo tov Gooti tool nemi me'no anekullabokakwono. Kuuguudo sugudo su tov nevu Eburaiyamolluda'ai bodowado tonogai'aro a'mwo abolo Juu toonolluro miyawosunodupudo pugaikul Gooti toollu dolago tomuu mwalodupudo kugaikike'aro tonollu anekullabokakwono. 27Kuuguudo sugudo anekullaboka su tov Jisasollunokwono. Toro kuvi kuruv wagwolago Jeruusalemda'ai a'mwo abolo mwalodupudo togai'aro kemi a'mwo mido mollomwalokwe toorogai'aro ton kwolluno aro miworovomallajupekono. Oo nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwe amonekwopiyaboka tooldeyo. Miworovomallajupekono. Aki toro ton yiuwi'nokai Sabat toga i'bwo'nodupu proofet tooravuro kuuguudo ajakwollajupo tonyu kuu'nugovlaiyajupogano. Toro wuu'nugovla'mdupudo kun kuruv kavlo tonyuno miyouromallajupogano. Toro miyouroma'dupudo ton Jisasollu romiyoso'mo wino'mno kooti yogalo aduuwiyopekono. Toro aduuwiyopo tovida'ai, Jisasol neya bolonekono, adomduukuurosopogano. Toro adomdukuurosopo tovida'ai aiyoga proofet tooravuro me'no ajakwollopo ton kuvinono sumo'nopogano. 28#Mt. 27:22,23; Mk. 15:13,14; Lk. 23:21-23; Jn. 19:15Aki Jisasollu kooti yogalo aduuwiyopo toga ma'no ma'no puru'monodo kuruv miyoka toollu so'mgonomaropekono. Toro kworo kuruv, Neya abolono, kuudo yau'no sumaveyokwe Jisasollu romiyoso'moneyokwe Pailatolluro ato tovi amorubweyopekono. 29#Mt. 27:57-61; Mk. 15:42-47; Lk. 23:50-56; Jn. 19:38-42Toro morubweno sumaveyokwe aki Jisasollu kaiyako pugai'aro sugolopekono. Aiyoga proofet tooravuro me'no ajakwollajupo tomgu'aro to'no yiuwi'nokai su ton toro sugolopekono. Toro me'no igolno sumaveyokwe Jisasol i'noguropte tovi ilejuku'na'duke toollu molovomwogapino sumaveyokwe a'mwo buuso sumago tovi amolsosopekono. 30Toro amolsosopo kwollu kuruv Gooti tool aiyo aiko te amodukavokaikono. 31#Krt. 1:3Toro moduka'mno sumaiyokwe Jisasol a'mwo abolo punyu kwiyalo'nyajukekono. A'mwo abolo su ton sumdomgu Jisasol yere maboloduke toga kwako Galili toru wuugollu'mo'mno sumaiyokwe Jeruusalem'no iloduke toga kweke yomollo'mno sulapogano. Toro tonyu Jisasol bwotonyago toga kwiyalo'nyajukekono. Toro wiyalo'noduke toollu me'no kwonyajupo ton aga a'mwo abolo punyu kwolluno kuu'maiyo toru'no dodolubweyodopudogano.
32Aga kuga kuruv nevu kuuguudo sugudo akakwe mokabodowa kemi sodekubwasumwakuuwono. Toro sodekubwasumwakuuwo tov aro tovinokwono. Gooti tool aiyoga nemi nellukweyago toorai subuu'yamju aro kwiyajukekono. Kemi ma'no ma'nodo tovuro kirumwallo tovida'ai bomollurolovekumokalokwono toollu nomekwopiyamekono. Kwiyajukekono. 33Subuu'yamju kwiyajuko su tov aga nevu kworavuro kwikweyago tonollu kuvinono nekullumo'nyo'moneyokwe Jisasollu aiyo aiko te me'no amodukavokaikono. Su toro tovino Da'buukiyo sapta tuu tovida'ai kuuguudo puruv nooso. Kuuguudo su tov Gooti tool Jisasolluno aro adokaikono.
“Guu moro Kwolaiyekugono. Toro tookuji aga nuu gumi Junumiyago agujumo'numono.”
Toro sakwollungikokwono. 34Aki Gooti tool Jisasolluro kulako tov buuso tovi yiunokuudo nobuuropiyo'jokwe aiyo aiko te amodukavokaikono. Su toro tovino Gooti toolluro kuuguudo puruv aro sakwollungikokwono.
“Aiyogasuro moro subuu'yamju sugudo Devitollu kwiyo su ton kemi nekullamonyugono. Toro aikullami ton kuvinono ikullumo'nonokwono.”
Sakwollungikokwono. 35#Da'bk. 16:10Aki Da'buukiyo tovida'ai Jisasolluno puukwollo puruv aro sakwollungikokwono.
“Nuu yiuno gumino gumjunodumdo toonyuro kulako tov bwiyo yiunokuudo nobuuropiyo'jokweyo'mo pi'mwono mollonumwalbinekugono.”
Sakwollungikokwono. 36Su toro sakwollungiko tovino kevu neya duu'nyulo. Devitollu aro kwimo'nokaikono. Devitol aiyo kuuno mwaloduke toga Gooti toolluro womdo ton mujumovlavo'no abolokaikono. Toro aboloka toollu gami jukweyago toorai amolsosajupo avalo toru amolsosopekono. Toro toolluro kulako tov bwiyo yiunokuudo abuuropiyokakwono. 37Toro kuvi kuruv Gooti toolluro aiyo aiko te amodukavoka toolno'gwowi gamoro kulako tov bwiyo yiunokuudo mabuuropiyokakwono. 38Nuugeravoo, kevu su toro tovino kuudo neya jouromarogaulo. Kemoro ma'no ma'nodo tovuro kirumwallo tovi modukwopiyo'moneyokwe tool yiuno Jisasekono. Kuuguudo su toro tovino sodekubwasadokwono. 39Aki kevu neya duu'nyulo. Moosesolluro loowo ton kemoro ma'no ma'nodo tovida'ai ku'nono mirolovekwapiyonokwono. Toro kuvi kuruv yiuno Jisasolno'gwowi kemoro ma'no ma'nodo tonyuda'ai nokwo irolovekwapiyonekono. Toro te yiuwi'nokai a'mwo abolo Jisasolluno kuudo kuubwepi tonyuno Gooti tool, Sugudogano, dumwalonekono.” 40Poolol toro wuujuno sumaiyokwe aki duudapi yogalo aro kwiyokaikono. “Proofet tooravuro kuuguudo adopo puruv kemi nekullumo'no'jo. 41Kuuguudo su tov arokwono.
“Kevu biyekuu'nyogalo dodupudo toorekul wako neya dou'nyulo. Toro toorekul aiyo kuuno mwalodopure toga kirekumwallo'moneyokwe womdo puruv kemi nekubwemonyugono. Su toro tovino a'mwo pwol kuu'maiyo toru'no duudapi ikullodowo'jure kuruv kevu muu'nyubusuko yopi kuudo muubwepinorekikono. Toro muubweyodopure tovino tov puga luko morumoukuropiyopi nobolpinorekikono.”
Proofet tooravuro kuuguudo adopo su tov kemi nekullumo'no'jo.” Poolol toro kuudokaikono.
42Toro wuujuno sumaiyokwe Pooleke Banabaseke tooral i'bwo'nyago tovida'ai bolokwiyo'mo yodole toga a'mwo abolo kuuguudo purukwe'aro wuu'nyo'moneyokwe aro ajugonopogano. “Oo kevu kuuguudo purukwe'aro yodonekubwasubulluno'moneyokwe Sabat aikomguda'ai tollugwoji aki aiko te neya dobilo.” Ajugonopogano. 43Toro jugonyuno sumaveyokwe i'bwo'nyago tovida'ai bolokwo'mno kemi go'no go'no ago tomuuno avlavopogano. Toro avlavopo kuvi kuruv Juu a'mwo abolo bwotonyago togai'aro aki a'mwo abolo Juu tooravuro miyawosunodupudo bwotonyago togai'aro ton Pooleke Banabaseke toorallu kuumjunopogano. Juu miyawosunodupudo su ton sumdomgu Juu toorai guureji me'no uuguro'mwonyodupudogano. Aki toro uumjunodopure tonyu aro adumul'mwojolorakono. “Kevu gamoro yasuwa'wino sugumaluko ikubweyodowodo Gooti su toollu dolago tomuu neya jomjomwekovlavogaulo.” Adumul'mwojolorakono.
44Toruda'ai Sabat aikomguda'ai tollugwoji a'mwo abolo ton Aguto toolluro kuuguudo te wuu'nyo'moneyokwe i'bwo'nyago tovi abi'bwo'nopogano. Kwolallo abi'bwo'nopo su ton wagwolago tovida'ai yiuwi'nokai a'mwo abolo tomgu'aro ton abi'bwo'nopogano. 45Toro i'bwo'nodopure tonyu Juu pworo wonyuno sumaveyokwe Banabaseke Pooleke tooralluno kwekuullu kuudo sauroporogano. Toro yau'no sumaveyokwe a'mwo abolo ton Poololluro yogalo tovi kaduko nuuwipiyokweyo'mo kuunano yogalo aro soukuu'nuudoporogano. “Poololluro yogalo aikudadopiko tov nebalo'maiyo.” Soukuu'nuudoporogano. Toro youkuu'nuujuno sumaveyokwe aki Poololluno bwolomorumwogapiyo'moneyokwe kuuguudo pun kuudoporogano. 46Toro sopo kuvi kuruv Pooleke Banabaseke tooralno'gwowi luko miyolno kuu'maiyo toru'no aro kuudolorakono. “Gooti toolluro kuuguudo tov kemi muudu'no yodekubwaso'moneyokwe nami anakuuwoso. Toro toonal a'mwo Juu toonolluro miyawosunodowado toorai yere miyodubwasodowolo kwonal kuruv kevu Juu toorekulno'gwowi muudu'no kworekulluda'ai sodekubwasumwakuuwolo. Kuuguudo toro yodekubwasodowole tovi kevu kuudo kuubweyopujuko'mno'juki aiyo yiunokuudo mujomwekovlaiyo'moneyokwe tovi nokwo amaropujukogaikikono. Toro kugaikul kuruv aiyo yiunokuudo mujomwekovlaiyo'moneyokwe su tovi mallo'mo maikullunoduke togaikul Gooti toolluro kuuguudo akavi kaduko mwimwakopogaikikono. Toro tovino tov aga'no'gwowi navu kemi ikugollu'mowosi a'mwo abolo Juu toonolluro miyawosunodowado toorai yodubwaso'moneyokwe plawosunonakono. 47Su toro tovino Aguto tool aro me'no adokaikono.
“Guu a'mwo abolo Juu tooravuro miyawosunodupudo tonyu bako to'busuko wimo'numwalbino'moneyokwe nuvnokwe toonyu jagubwemekugono. Toro tooku yiuwi'nokai kwako akavida'ai mwalodupudo tonyu ma'no ma'nodo tovuro kirumwallo tovida'ai birolo'nugolokwiyo'moneyokwe puuto tovino gworeko to'busuko luvomokwanmwalbinekugono.”
Aguto toolluro yogalo su tov nakwonalluda'aiyo'mo adonakullokakwono.” Kuudolorakono.
48Toro kuudolo tovi a'mwo abolo Juu tooravuro miyawosunodupudo ton wuu'no'mno ilaiyo bwotonyo ino sumaveyokwe Aguto toolluro kuuguudo tovino sulomoropiyapogano. Aki yiuwi'nokai a'mwo abolo Gooti toolluro aiyo yiunokuudo mujomwekovlaiyo'moneyokwe ajesoka kubuuro kuruv gamoro kuuguudo tovi wuu'nyuno sumaveyokwe kuudo kuubweyopogano. 49Toro te Aguto toolluro kuuguudo su tov bomje'nugoulno bomje'nugoulno sumaiyokwe kwako su tovi yiuwi'nokai tomuu so'mowopiyokakwono. 50Toro yo'mowopiyoduke kuvi kuruv Juu tooro wagwolago Antiyookda'ai a'mwo aguto toorai surodo ipino'moneyokwe aduuduka'bworoporogano. Aki abolo yovokwe pun Juu tooravuro i'bwo'nyago tovi guureji uumjungovla'mdupudo kugai'aro tonyu aval'no aduuduka'bworoporogano. Toro duuduka'bwo'dopure tovida'ai a'mwo abolo su ton Pooleke Banabaseke tooralluno surodo wuuno'mno kaiyako sugolopogano. Toro igolo'mno kemi kwako su tomuuda'ai amovomjapiyopogano. 51#Mt. 10:14; Mk. 6:11; Lk. 9:5, 10:11Toro movomjapino sumaveyokwe Pooleke Banabaseke tooral a'mwo abolo kwako su tovi mwalodupudo tonyuro ma'no ma'nodo tovino kuu'maiyo toru'no wuuduuwallo'moneyokwe aro solorakono. Kemi suvlo tonyuda'ai sullukwako kwollajuko ton aluvourokurosolorakono. Toro luvourokurosuno sumaleyokwe wuugollu'movolno wagwolago Aikooniyam'no avlavolorakono. 52Toro kuugollu'movolo kuvi kuruv Jisasolluro a'mwo abolo tono'gwowi Gooti toolluro Kuullo tool mollado'mo'mduke tovi uumjunodupu kemi poowokalago tokwe ilaiyo to'no subwosunyajupogano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida