Sabiduría 19
19
C'alal ijelovic batel ta tsajal nab
1Pero li boch'otic ven chopolique laj yich'ilanic batel ven tsots stojol smulic,
yu'un vo'ot ana'oj ono'ox li c'usitic ta to spasique.
2Laj xa'ox yaq'uic loq'uel li ateclumale;
laj yalbeic ti ac'o loq'uicuc batele,#Ex 12.33.
pero ta ora no'ox la sjel srazonic, jech bat snutsic.#Ex 14.5-14.
3C'alal ch-oq'uic to'ox ta at-o'ntonale,
te ta x'oq'uic ta smuquinal li boch'otic chamen yu'unique,
pero oy c'usi lic sbolnopic, laj yalic ti ijatovic batel stuquic li ateclumale,
ac'o me ja' laj yalbeic ti ac'o loq'uicuc batele.
4Li stojol smulic ti ta persa chich'ique
laj yac'be spasic jech chac le'e;
la xch'aybe ta yo'ntonic li c'usi ic'ot ta pasel ta stojolique,
ja' yu'un laj yich'ic yan tsatsal vocolil,
ja' li sts'aquieb ti sc'an to'ox sts'aqui li stojobil smulic ti ta ono'ox xich'ique.
5Jech yu'un c'alal oyic ta xanubal ti yan to sba yutsil li ateclumale,
li egiptoetique te ono'ox la staic batel li xchamel slajelic ti mu x'otquinaje.
6Scotol li c'usitic apasanoje ta xch'unic li amantale,
jech la sc'atajes sba ti c'u x'elan oyique,
yu'un jech mu x'ilbajinatic li anich'nabtaque.#19.6 Li'i ja' chalbe sc'oplal ti la scoltabe yu'un Dios li c'usitic oye, jmoj icoltavanic xchi'uc Dios sventa la sloq'uesic ta vocolil li israeletique (16.24; 19.6-12,18-21). Q'uelo noxtoc Is 41.18-20; 44.3.
7Laj yilic ti macbil ta toc li scarpanaique;#Ex 14.19-20.
ti bu to'ox oy vo'e taquin banamil xa icom.
Li Tsajal Nabe ic'ataj ta be lec jamal ic'ot;
ti bu to'ox stselte-tselte nabe, ic'ataj ta yaxal stenlejaltic,#Ex 14.21-22.
8Ja' te ijelovic scotol li ateclumale, yu'un chabibilic ta ac'ob,
xchi'uc toj ven labal sba laj yilic li sq'uelubiltac atsatsal laj apase.
9Li boch'otic laj acoltae ja' jech chac c'u cha'al ca'etic ti xbitlajetic no'ox ta sve'ubique,
xchi'uc ti xbitubajic no'ox jech chac c'u cha'al ch'ium chijetic,
xchi'uc laj yalic alequilal ti jech laj acoltaique, Cajval.
10Yu'un ta to st'ab ta yo'ntonic li c'usitic ic'otan ta pasel
te ta lum ti bu iloq'uesatic batele,
yu'un te ta banamile ja' no'ox ta xvoc'an usetic ta xq'uexol li vacaxetique,
xchi'uc te ta uc'ume ja' no'ox stani loq'uel epal xch'uch'etic ta xq'uexol li choyetique.#Ex 7.25—8.15.
11Ta ts'acale laj yilic c'u x'elan ta xvoc'anan yan o sts'unubal li mutetique;
c'alal ven tsots cha'yic vi'nale,
la sc'anic ve'liletic ti toj muique,
12Li x'ubetique te iloq'uic talel ta nab
sventa ta snojes xch'utic o.
Li Egiptoe x'ech' to la sta smul jech chac c'u cha'al li Sodomae
13Li stojol mulile iyal tal ta stojol li jpasmuliletique,
pero ba'yuc i'ac'bat yilic sq'uelubil li c'usi ta xc'ot ta pasele,
yu'un ibac' li chauc ti yan to sba stsatsal chbaq'ue.#Sal 77.16-20.
Li stuquique laj yich'ic tsots svocolic ta scoj li xchopolilique,
yu'un solel chopol laj yilic li yanlumetique.
14Li jnaclumetic ta Sodomae mu'yuc laj yich'ic ta muc'
li boch'o ic'ot ta slumalic ti mu xotquinique,#Gn 19.1-11.
pero li egiptoetique solel la smozoinic
li yanlumetic ti te c'ot naquiicuc ta slumalique xchi'uc ti icoltaatic ta abtele.#Cf. Gn 45.16-20; 47.1-6; Ex 1.8-14.
15Li boch'otic te ic'otic ta lum Sodomae ta to xich'ic stojol smulic
ta scoj ti contra laj yilic li yanlumetic te ic'ot ta stojolique.
16Yanuc li egiptoetique ac'o me ba'yuc lec laj yotesic ta q'uin li yanlumetic ta slumalique,
pero ta ts'acal c'alal jmoj xa lec oy scotolique, lic yuts'intaic ta tsatsal abtel.
17Ja' yu'un li egiptoetique icomic ta ma'sat,
ja' jech chac c'u cha'al ic'ot ta pasel ta stojolic li viniquetic te ta Sodomae
ti te ic'otic ta sti' sna Lot, ja' li lequil vinique,
jech pixil icomic ta ven ic'al osil;
ta jujuntal xa bat sa'ic li sti' sna stuquique.#Gn 19.11; Ex 10.21-23.
Ja' c'u x'elan lic xcha'lecubicuc li yabteltac Diose
18Li c'usitic ayinemic ono'oxe la sjelta sba stuquic ti c'u x'elan oyique,#Sab 16.17-23.
ja' jech c'u cha'al arpa ti oy yaq'uile.
Li jujuchop ta tijele jelajtic ta xbac',
pero me jmoj ta xich' tijel ta jujuchope, yan xa o snuc' ta xbac'.
Ja' jech stac' co'oltsanel li c'usitic ic'otan ta pasele.
19Ja' jech li c'usitic ta xanovic to'ox ta sba banamile lic xa xanovicuc ta vo';
li c'usitic sna' to'ox xnuxijique lic xa xanovicuc ta sba banamil.
20Li c'oq'ue yo'to tsots lic tsanuc ta vo';
ja' jech noxtoc li vo'e ich'ay o ta yo'nton ti c'u x'elan sna' stubel li c'oq'ue.
21Li yat c'oq'ue mu'yuc bu la xchic'
li c'unil chonbolometic ti te ijelovic ta o'lole,
xchi'uc mu'yuc bu i'unij ta yat c'oc' li maná ti iyal tal ta vinajele,
ti xco'laj xchi'uc tayo ti toj c'un ta unijesele.
Slajeb a'yej
22¡Ta scotole, Cajval, vo'ot laj amuq'uibtasbe sc'oplal, xchi'uc laj avac' ta ich'el ta muc' li ateclumale;
mu'yuc baq'uin laj acomtsan ta buyuc no'ox ti c'alal laj acoltae!
Currently Selected:
Sabiduría 19: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.