Sabiduría 18
18
1Yanuc li ach'ul teclumale lec xojoban sac osil ta stojolic.#Ex 10.23.
Li egiptoetique laj ya'ibeic sc'oplal, ac'o me mu staic ta q'uelel;
it'ix ic'ot yo'nton ta stojolic ta sventa ti toj xcuxet yo'ntonic ti mu'yuc chich'ic vocol jech chac c'u cha'al stuquique.
2Ta stojbeic ta vocol ti mu me xpacbatic sutel
li c'usitic chopol la spasbeique,
xchi'uc ta sc'anbeic perdón ti la spas sbaic ta yajcontraique.
3Mu'yuc bu laj avac' comicuc ta ic' osil li ateclumale;
laj avac'be natil yat c'oc' ta stojolic#Ex 13.21-22.
ti c'u cha'al chil batel sbeic ti mu'yuc yotquinojique.
Ja' jech chac c'u cha'al c'ac'al, mu'yuc c'usi ipasbatic
ti c'alal iloq'uic batel ta lequil xanubale.
4Yan li egiptoetique ja' smotonic ti icomic ta ic' osile;
chucul icomic ta ic'al osil
ta scoj ti la smozoinic li anich'nabtaque,
ja' li boch'otic sc'oplal tspuquic batel ta sbejel banamil
li xojobal amantal ti mu sna' xlaj oe.#Sal 19.8; Ro 2.17-20.
Sc'oplal c'u x'elan icham sba xnich'nab egiptoetic
5Li egiptoetique la xchapanic sventa tsmilbeic xnich'nabic li ach'ul teclumale,
ja' xa no'ox stuc icol li Moisés ti stuc icomtsanate.#Ex 1.15—2.10.
Pero ja' stojol smulic ic'ot ti laj apojbe ep xnich'nabique
xchi'uc ti laj avac' jic'oicuc ta jmoj scotolic
ta vo' ti tsots tsyuq'uilan sbae.#Ex 14.26-28.
6Ti jech ic'ot ta pasel ta ac'ubaltique,
li jmoltotcutic ta vo'onee sna'ojic xa ono'ox,
yu'un jech tstsatsub yo'ntonic, jech tsna'ic
ti ja' melel li c'usi xch'unojic tal ta sventa c'usi chapanbil ono'ox avu'une.#Ex 12.29-30.
7Li ateclumale la smalaic
ti ta staic coltael li boch'otic mu'yuc smulique,
xchi'uc ti ta x'ulesatic li yajcontraique.
8Te no'ox ta jmoj laj avac'be stoj smulic li cajcontracutique,
jech laj avac' muq'uibuc jc'oplalcutic, xchi'uc laj avic'uncutic tal ta atojol.#Ex 19.4.
9Li slequil momnich'nabic boch'otic lequique
ta mucul laj yaq'uic milbil matanal;
la scoman xchapic ti ta xch'unic li lequil ch'ul mantaletic avu'une
xchi'uc ti c'alal lec chbat yu'unic xchi'uc ti c'alal ta staic svocolique,
jmoj ta scolta sbaic li boch'otic lequique,
jech lic q'uejinicuc ti c'u x'elan stalel stot sme'ique.#18.9 Li'i ja' sc'oplal ti c'u x'elan la spasic q'uin Coltael li israeletique.
10Li yoq'uel yavanelic yajcontraic ti toj yan xa sbae
xvo'et no'ox, xchi'uc li yech'al yoq'uelic li boch'otic te no'ox xna'etic
ta scoj icham yol xnich'onique, lec xvinaj ta nom.
11Li mozoetic xchi'uc yajvalique co'ol laj yich' stojol smulic;
li ajvalile co'ol laj yich' vocol jech chac c'u cha'al tojol cristiano.
12Scotolic co'ol oy ep boch'o icham yu'unic,
xchi'uc co'ol x'elan ichamic.
Li boch'otic cuxulic toe mu c'usi laj yut la smuquic,
yu'un ta anil ep ichamic li boch'otic toj lequic te ta slumalique.
13Yu'un ja' no'ox spatoj yo'ntonic yu'un li c'usi sbolchanojique;
mu'yuc xch'unojic jlec'uc li c'usitic albilic ti ta to xc'ot ta pasele.
Ja' to te laj yotquinic ti c'alal laj yilic ta xchaman li sba yol xnich'onique;
te ivinaj ti ja' xnich'nabtac Dios li jteclumalcutique.#Ex 4.22-23.
14C'alal la sta o'lol ac'ubale
xchi'uc c'alal mu'yuc xa c'usi ta xbaq'ue,
15li ac'op ti scotol xu' yu'une, iyal talel jech chac c'u cha'al soldado ti mu stac' tsalele;
te ibituj yalel tal ta vinajel ti bu chotolot ta pasmantal jech chac c'u cha'al ajvalile,
te ic'ot ta o'lol ti bu ven chopol lume.
Yich'oj talel amantal jech chac c'u cha'al espada ti lec juxbil yee, ja' li amantal ti muc xa stac' jelele.
16Ja' i'och ta jmilvanej, jech nojem ta anima icom yu'un scotol;
li sjole t'ixil c'alal to ta vinajel, li yacane stec'oj banamil.
17Jech yu'un, ta muts' sat ixi'ic ta jyalel, xchi'uc itsacatic ta niquel ti mu baq'uin ono'ox jech yilojic li egiptoetique.
18C'alal lamalic xa ta buyuc no'ox li boch'otic jutuc xa xtamlajetique,
laj yalilanic ta jamal c'usi ta scoj ti ta xchamique.
19Pero ac'bil ono'ox yilic ta xvayechic ti c'usi ta to xc'ot ta pasele,
ti c'u cha'al mu jechuc no'ox ta xchamic
ti me mu'yuc ya'yojic smelol li svocolique.
La sc'opanbe Dios israeletic Aarón ta sventa chcolic ta lajel
20Li boch'otic lequic noxtoque laj ono'ox sta svocolic ta sventa lajel;
ep ichamic te ta xocol banamil.
Pero li sc'ac'al avo'ntone Cajval mu'yuc bu ep c'ac'al ijalij,
21yu'un ta ora ilic li Aarone, ja' li jun lequil vinic ti mu'yuc smule.
Ja' la stic' sba ta jpojvanej yu'unic;
ja' macubbail ic'ot li abtel tspas ta banquilal palee.
Li ac'opanel xchi'uc li yaq'uel pom ta sventa ch'ayubil mulile
ja' jech la smac li sc'ac'al avo'ntone;
ja' la slamajes scotol li tsatsal chamele,
jech laj yac' ta q'uelel ti ja' melel ja' avajtunele.#Nm 16.41-50.
22La slamajes li sc'ac'al avo'ntone, mu ta stsatsaluc sbec'tal,
xchi'uc mu ta stsatsaluc abtejebaletic
ta sc'op no'ox stuc Aarón la stsal li boch'o yich'oj tal stojol mulile,
ja' la st'abbot ti c'usi achapanojic, xchi'uc ti c'usitic lec avaloj ta stojolic li jmoltotcutic ta vo'onee.
23C'alal lamalic xa li animaetique, c'alal ta cha'cha'cuch bu telajtique,
laj yac' sba o ta o'lol ti c'u cha'al xpaj o li sc'ac'al avo'ntone,
jech laj amacbe o sbe li j'ulesvaneje yo' c'u cha'al muc xchamic li ateclumale.
24Yich'oj snatil c'u' sventa paleal, ja' li senyailtac sbejel banamil vinajele;
te ta xchancholal bic'tal lequil tonetic ti lec ajanbile
te oy sbiic li boch'otic ich'bilic ta muc' yu'unic li jmoltotcutic ta vo'onee,
xchi'uc te xojol ta sjol li ts'u'iltasbil corona avu'une,
ja' te oy o li ach'ulbie.#Ex 28.
25Ja' ta scoj jech la spas Aarón ti iva'lupatij sutel li j'ulesvaneje, yu'un ep ixi',
yu'un laj yil ti te no'ox ipaj li sc'ac'al avo'ntone, te no'ox ilaj yo'nton.
Currently Selected:
Sabiduría 18: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.