Lamentaciones 5
5
Oq'uel ta stojol Dios ta sventa li judaetic chich'ic vocole
1Muc'ul Dios, na'o me li c'usi c'otem ta pasel ta jtojolcutique;
q'uelavil ti c'u x'elan jvocolcutic ta uts'intaele.#Sal 44.9-26; 74; 79.
2Scotol li c'usi oy cu'uncutique ochem ta sc'obic li yanlum cristianoetique;
li jnacutique yan cristiano xa snainoj.
3Me'on ololuncutic xa, mu'yuc xa jtotcutic;
li jme'cutique comenic ta me'on antsetic.
4Li vo' chcuch'cutique manbil xa ta jpascutic;
li jsi'cutique ta jmancutic noxtoc.
5Toj tsots uts'intael chca'icutic;
ista xa co'ntoncutic, yu'un mu'yuc ta jcuxcutic o jutuc.
6Ta stojol xa egiptoetic xchi'uc asiriaetic la jbech jc'obcutic
yo' jech ta jta jve'elcutique.
7Li jtot jme'cutique la sa' smulic, jech ichamic;
vu'uncutic la jcuchbecutic comel li smulique.
8Ja' yu'un li' ta orae mozoinbiluncutic xa yu'un ec li mozoetique;
mu'yuc boch'o chisloq'uesuncutic ta sc'obic.
9Jutuc xa mu teuc chichamcutic ta sa'el jve'elcutic,
ta scoj ti ep jmilvanejetic ta xocol banamile.
10Ic'al nucul xa jnuculilcutic ta scoj li stsatsal vi'nale;
ja' xa jech ta q'uelel jech chac c'u cha'al jun horno ti ic'uben ta ch'ayile.
11Li antsetic ta Sión xchi'uc li tsebetic ta lumetic te ta Judae ilajic ta tsaquel;
ep laj yich'ic uts'intael.
12Li banquilaletic cu'uncutique ta sc'obic laj yich'ic joc'anel ta te';
li moletique muc x'ich'atic ta muc'.
13Li viniquetic ti lec to tsots xu' yu'unique isujatic ta juch'nej;
li queremetique ipasic ta yavinic ta cuch si'.
14Mu'yuc xa tstsob sbaic banquilaletic te ta lum ti bu to'ox chchapanvanique;
mu'yuc xa bu chvinaj chq'uejin querem tsebetic.
15Mu'yuc xa boch'o xcuxet yo'nton te ta lum;
li ac'ot ta jpascutic to'oxe ic'ataj ta at-o'nton.
16Ibaj yalel ta banamil li scoronail jolcutique;
¡ay, toj abul jbacutic ta scoj ti la jsa' jmulcutique!
17Ja' yu'un toj ven chopol co'nton chca'aycutic;
xmaclajet xa jsatcutic ta scoj ti ep chloc' ya'lele.
18Yu'un li vits Sione yav xa icom ta jyalel;
puru vetetic xa te yalel muyelic.
19Pero li vo'ote, Muc'ul Dios, te oyot o sbatel osil;
vo'ot chapas o mantal ti jayc'ol cristianoetic chjelovic ta banamile.#Sal 102.12; 145.13; 146.10.
20¿C'u yu'un ti j'ech'el chach'ayuncutic o ta avo'ntone?
¿C'u yu'un ti toj ep c'ac'al chacomtsanuncutique?#Sal 74.1.
21Muc'ul Dios, ic'uncutic sutel ta atojol yan velta, ta jc'an chisutcutic tal;
ac'buncutic yan velta jech chac c'u cha'al oyuncutic ono'ox avu'un ta sliquebe.#Sal 80.3-7; Jer 31.18.
22¿Me yu'un j'ech'el laj abajuncutic o?
¿Me yu'un la'ilin o ta jtojolcutic?
Currently Selected:
Lamentaciones 5: TZE97
Highlight
Copy
Compare
Share
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
