Ezequiel 2
2
I'ic'at yu'un Dios li Ezequiele
1Jech laj yalbun li boch'o laj ca'ay ic'opoje: “Vo'ot xnich'on cristiano, va'lan, yu'un chajc'opanot”, xiyutun. 2C'alal la sc'opanune, ivul ta jtojol stsatsal svu'el li Diose, jech la sva'anun; laj ca'ay la sc'opanun. 3Jech laj yalbun: “Xnich'on cristiano, ta jtacot batel ta stojol li achi'iltac ta israelale, ja' li jbajmantal cristianoetic ti ep la stoy sbaic ta jtojole. C'alal ta stot ta sme'ic la stoy sbaic ta jtojol, ja' jech tspasic o c'alal to tana li olnich'onetique. 4Ja' yu'un ta jtacot batel ta stojol li jtacchiquinetique, ti toj tsots yo'ntonique. Jech xc'ot avalbe: ‘Jech chal li Muc'ul Diose, ja' li Cajvaltique’, uto. 5Me xich'ic ta muc', o me mu xich'ic ta muc', mu'yuc sc'oplal. Jna'oj ti ja' jbajmantaletic oe. Ja' no'ox venta me la sna'ic ti oy jun j'alc'op te ta stojolique. 6Li vo'ote xnich'on cristiano, mu me xaxi' yu'unic ti c'u x'elanique, xchi'uc ti c'u x'elan chc'opojique. Ac'o me xco'laj xchi'uc suculot ta ch'ixtic, me xco'laj xchi'uc te achi'uc puru stsequetic chava'ay, pero mu me xaxi', yu'un le'e ja' mero jtacchiquin cristianoetic o. 7Albo ono'ox ya'yic li c'usi laj cale, ac'o me sc'an, me mu sc'an xa'yic, yu'un jna'oj ti ja' mero jbajmantaletic oe. 8Pero li vo'ote a'yo lec ava'ay li c'usi chacalbote. Mu me xapas aba ta jbajmantal ec jech chac c'u cha'al li stuquique. Jach'o me ave, ve'an li c'usi chacac'bote”, xiyutun.
9Laj quil jun c'abal bechel tal ta jtojol; te stsacoj jun balbil vun. 10La xlich'bun jq'uel li vune; laj quil ts'ibabil lec ta xcha'jotal.#Zac 5.1-4; Ap 5.1. Ja' te ts'ibabil sc'oplal xc'uxul vocol, oq'uel, xchi'uc avanel.
Currently Selected:
Ezequiel 2: TZE97
Highlight
Copy
Compare
Share
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
