Efesios EFESIOS
EFESIOS
Li vun li'i ja' laj yich'ic tacbel batel jch'unolajeletic ta lum Éfeso, ja' yu'un Efesios sbi ic'ot. Ti c'u x'elan ilic li jch'unolajeletic ta lum Efesoe q'uelo Hch 18.24-26 xchi'uc Hch 19.
Li lum Efesoe ja' slumal yanlum cristianoetic, pero ep judioetic te nacalic noxtoc. Ja' to'ox jun muc'ta lum te ta Asia banamil ti c'u smuc'ul sventainoj Roma c'alal oy xa'ox vo'vinic (100 d.C.) jabil svoq'uel li Cajvaltic Jesucristoe. Ic'ot to'ox ta muc'ta lum jayibuc jabil ta sventa li Asia banamile. C'alal ibat xchol sc'op Dios te li Pabloe, oy bu ep c'ac'al te ijoc'tsaj (q'uelo Hechos ti bu albil xa ta cajale).
¿C'u yu'un laj yich' ts'ibael li vun li'i? Ja' chac' ta na'el ti t'ujbilic ono'ox yu'un Dios li jch'unolajeletique, xchi'uc ti ja' no'ox ta sventa Cristo la jtatic coltaele. Ja' chanubtasel ta sventa ti tsc'an chlecub stalelique ti ac'o vinajuc ta yabtelic ti ja' xa xnich'nabtac Diose.
¿Boch'o la sts'iba li vune? Ta 1.1 chal ti ja' la sts'iba li Pabloe. Ja'o la sts'iba ti c'alal tiq'uil ta chuquel ta Romae. Ja' co'ol yorail laj yich' ts'ibael xchi'uc li Filipenses, Colosenses, xchi'uc Filemone (Ef 3.1; Fil. 1.13; Col 4.3; Flm 9).
¿C'usi ora laj yich' ts'ibael? Ja' laj yich' ts'ibael ta oxvinic, c'alal ta jun xchanvinic (60-61 d.C.) jabil svoq'uel li Cajvaltic Jesucristoe.
Li vun li'i voc'bil ta muc'tic cha'voc':
I.
Ta cap. 1.3—3.21: Yabtel Dios ta sventa tsta coltael cristianoetic
A. Ta cap. 1.1-2: Sliqueb
B. Ta ver. 3-14: Yich'el ta muc' Dios ta sventa c'usi xchapanoj sventa ta jtatic coltael
C. Ta ver. 15-23: Sc'opanel Dios ta sventa jch'unolajeletic
D. Ta cap 2.1-10: Ta sventa Cristo, Dios la scoltautic loq'uel ta sventa ch'ayel.
E. Ta ver. 11-12: Jun no'ox sbec'tal c'otem ta scotol li jch'unolajeletique.
F. Ta cap. 3.1-13: Yabtel Pablo ta stojol jch'unolajeletic
G. Ta ver. 14-21: Yich'el ta muc', yalbel slequilal Dios
II.
Ta cap. 4.1—6.20: Taq'uiel ta sventa jch'unolajeletic
A. Ta cap. 4.1-16: Tsc'an jun oyic o li jch'unolajeletique
B. Ta ver. 17-24: Ach' stalel jch'unolajeletic ta sventa Cristo
C. Ta cap. 4.25—6.5: Sc'oplal c'u x'elan chvinaj ti jelbil stalel jch'unolajeletique
D. Ta cap. 5.6-20: Tsc'an xojobanic ta q'uelel li jch'unolajeletique
E. C'usi tsc'an tspas jch'unolajeletic ta stojol:
1. Ta ver. 21-33: Yajnil, o smalalic
2. Ta cap. 6.1-4: Yalab xnich'nabic, xchi'uc ta stojol stot sme'ic
3. Ta ver. 5-9: Smozoic xchi'uc yajvalic
F. Ta ver. 10-20: Sc'oplal pleito tsc'an tspas jch'unolajeletic xchi'uc pucuj
G. Ta ver. 6.21-24: Slajeb c'op
Currently Selected:
Efesios EFESIOS: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.