1 Crónicas 7
7
Sc'oplal smomnich'nab Isacar
1Li xnich'nab Isacare oy chanib. Ja' Tola, Fúa, Jasub, xchi'uc Simrón. 2Li xnich'nab Tolae ja' Uzi, Refaías, Jeriel, Jahmai, Jibsam, xchi'uc Semuel. Le'e ja' banquilaletic yu'un li yantic xnich'nab Tolae. Xchi'uc lec sna'ic paspleito, lec tsots yo'ntonic. C'alal yorail cuxul li Davide, ic'ot xa'ox ta chib xcha'vinic ta mil xchi'uc vaquib ciento (22,600) ta scotol li smomnich'nab Tola ti lec tsots yo'ntonique.
3Li xnich'on Uzie ja' Israhías. Li xnich'nab Israhiase ja' Micael, Obadías, Joel, xchi'uc Isaías. Ja' vo'obic, xchi'uc ja' banquilaletic. 4Ta scotolic c'alal ta xnich'nabic ta smomnich'nabique ic'otic ta vaclajuneb xcha'vinic ta mil (36,000) ta scotolic, yu'un oy ep yajnilic xchi'uc xnich'nabic. Scotolic lec xu' yu'unic paspleito.
5Ti c'u yepal ta scotol li smomnich'nab Isacar ti tsacbil sbiique ja' vucub yo'vinic ta mil (87,000) viniquetic ti lec xu' yu'unic pleitoe.
Sc'oplal smomnich'nab Benjamín
6Li xnich'nab Benjamine oxibic. Ja' Bela, Bequer, xchi'uc Jediael.
7Li xnich'nab Belae ja' Ezbón, Uzi, Uziel, Jerimot, xchi'uc Iri. Ja' banquilaletic yo'balic ta stojol yuts' yalalic, xchi'uc lec tsots yo'ntonic ta sventa pleito. Li xnich'nab xchi'uc smomnich'nabtaquique ja' ic'otic ta chib xcha'vinic ta mil xchi'uc chanlajuneb xcha'vinic (22,034).
8Li xnich'nab Bequere ja' Zemira, Joás, Eliezer, Elioenai, Omri, Jerimot, Abías, Anatot, xchi'uc Alamet. Scotol le'e ja' xnich'nab li Bequere. 9Li xnich'nab xchi'uc smomnich'nabtaque ja' ic'otic jtob ta mil xchi'uc chib ciento (20,200). Scotolic lec tsots yo'ntonic.
10Li xnich'on Jediaele ja' Bilhán. Li xnich'nab Bilhane ja' Jeús, Benjamín, Aod, Quenaana, Zetán, Tarsis, xchi'uc Ahisahar. 11Scotol le'e ja' smomnich'nab li Jediaele. Ja' banquilaletic yu'un li xchi'iltaquique, xchi'uc ja' lec tsots yo'ntonic ta pleito. Ja' ic'otic ta vuclajunmil xchi'uc chib ciento (17,200) ta scotol.
12Li xnich'on Hire ja' Sufam xchi'uc Hufam. Li xnich'on Ahere ja' Husim.
Sc'oplal smomnich'nab Neftalí
13Li xnich'nab Neftalie ja' Jahazeel, Guni, Jezer, xchi'uc Salum. Le'e ja' syal'alabtac li Bilhae.
Sc'oplal smomnich'nab Manasés
14Li yol xnich'onic Manasés xchi'uc li yan ants yu'un liquem ta Siriae ja' Asriel xchi'uc Maquir stot Galaad. 15Li Maquire la sa' yajnil te ta stojol Hupetic xchi'uc Supetic, Maaca sbi. Li xchibal xnich'on Maquire Zelofehad sbi. Li Zelofehade puru stsebetic no'ox oy. 16Li Maaca yajnil Maquire ivoc' jun yol, Peres sbi. Li yits'in Perese Seres sbi. Li xnich'nabique ja' Ulam xchi'uc Requem. 17Li xnich'on Ulame Bedán sbi. Le'e ja' xnich'nab li Galaade, ja' li xnich'on Maquire, ja' smomnich'nab li Manasese.
18Li yixlal Maquire Hamolequet sbi. Ja' sme'ic li Isod, Abiezer, xchi'uc Mahale.
19Li xnich'nab Semidae ja' Ahían, Siquem, Likhi, xchi'uc Aniam.
Sc'oplal smomnich'nab Efraín
20Li xnich'on Efraine Sutela sbi. Li Sutelae inich'naj, Bered sbi. Li Berede inich'naj, Tahat sbi. Li Tahate inich'naj, Elada sbi. Li Elada inich'naj, Tahat sbi. Li Tahaate inich'naj, 21Zabad sbi. Li Zabade inich'naj, Sutela sbi. Li yan xnich'nab Efraine Ezer xchi'uc Elad sbiic. Pero imilatic yu'un li boch'otic te nacajtic ta Gate, yu'un ibat ox spojbeic xchijic xchi'uc xvacaxic. 22Li Efraine ep c'ac'al laj yoc'ta li xnich'nabe, pero te ital patbatuc yo'nton yu'un li xchi'iltac ta voq'uele. 23Ts'acal i'ayin xch'ut yan velta li yajnile. Ivoc' jun squerem; Bería#7.23 Bería - Ta hebreo c'op ja' smelol at-o'nton. laj yac'beic sbi, yu'un toj ep laj yat yo'ntonic.
24Li Seera stseb Beriae, ja' la sliques li lum Bet-horón ta cajal xchi'uc li Bet-horón ta olone, xchi'uc ja' la sliques li lum Uzenseerae.
25Li xnich'on xchi'uc smomnich'nab Beriae ja': Refa; li Refae inich'naj, Resef sbi; li Resefe inich'naj, Telah sbi; li Telahe inich'naj, Tahán sbi; li Tahane inich'naj, 26Laadán sbi; li Laadane inich'naj, Amiud sbi; li Amiude inich'naj, Elisama sbi; li Elisamae inich'naj, 27Nun sbi; li Nune inich'naj, Josué sbi. 28Li yosilic, xchi'uc ti bu inaquiique ja' Bet-el, Naarán te ta stuq'uil sloq'ueb c'ac'al,#7.28 C'ac'al - Oy boch'o chalic jtotic. Gezer te ta stuq'uil smaleb c'ac'al, Siquem, xchi'uc c'alal to ta Ayah, xchi'uc laj yich'beic yosilal li jujun lume. 29Li smomnich'nab Manasese ja' icom ta sventaic li lum Bet-seán, Taanac, Meguido, xchi'uc Dore, xchi'uc laj yich'beic yosilal li jujun lume. Le'e ja' te inaquiic li smomnich'nab Josee, ja' li xnich'on Israele.
Sc'oplal smomnich'nab Aser
30Li xnich'nab Asere ja' Imna, Isúa, Isúi, Bería, xchi'uc jun yixlalic, Sera sbi.
31Li xnich'nab Beriae ja' Heber xchi'uc Malquiel stot Birzavit. 32Li Hebere inich'naj, Jaflet, Semer, Hotam, xchi'uc jun yixlalic, Súa sbi.
33Li xnich'nab Jaflete ja' Pasac, Bimhal, xchi'uc Asvat.
34Li xnich'nab Semere ja' Ahí, Rohga, Jehúba, xchi'uc Aram.
35Li xnich'nab Hotam, ja' li yits'in Semere, ja' Zoga, Imna, Seles, xchi'uc Amal. 36Li xnich'nab Zofae ja' Súa, Harnefer, Súal, Beri, Imra, 37Beser, Hod, Sama, Silsa, Itrán, xchi'uc Beera.
38Li xnich'nab Jetere ja' Jefone, Pispa, xchi'uc Ara. 39Li xnich'nab Ulae ja' Ara, Haniel, xchi'uc Rezia.
40Scotol le'e ja' smomnich'nab li Asere. Ja' banquilaletic yu'un yuts' yalalic ta sventa stotic. Lec t'ujbilic, lec tsots yo'ntonic. Lec sna'ic paspleito, xchi'uc lec ich'bilic ta muc'. Ti c'u yepal oyic ta scotolique ja' oxib xcha'vinic ta mil (23,000) viniquetic, lec xu' yu'unic pleito.
Currently Selected:
1 Crónicas 7: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.