1 Crónicas 20
20
La sventain Rabá li Davide
(2 S 12.26-31)
1C'alal po'ot xa'ox chloc' jun jabile, ja'o yorail chloq'uic ta paspleito li ajvaliletique. Li Joabe laj yic' batel li yajsoldadotac ti lec xu' yu'unique, bat smilic li amonetique. Bat sjoyibtaic noxtoc li Rabae; solel laj yulesic o comel. Yan li Davide ja'o te oy ta Jerusalén.#2 S 11.1. 2Li Davide laj yich'be scorona li ajvalil ta Rabá ti xojol to'ox ta sjole. Ja' yich'oj oxlajuneb xcha'vinic (33) kilo c'anal taq'uin, xchi'uc yich'oj tonetic lec c'upilic sba. Li coronae laj yac'beic ta sjol li Davide. Jech noxtoc li Davide ep c'usi la sloq'ues batel te ta lum ti toyolic stojole. 3Li boch'otic te icomic ta lume laj yic'an batel; laj yac' abtejicuc ta sierra, ta smajel trigo ta balbal taq'uin, xchi'uc ta eq'uel. Ja' jech la spasbe noxtoc scotol li lumetic yu'un amonetique. Ts'acal isut batel ta Jerusalén xchi'uc svinictac.
Li svinictac Davide la spasic pleito xchi'uc muc'tic viniquetic
(2 S 21.18-20)
4Ts'acal ilic yan muc'ta pleito yu'unic yan velta xchi'uc filistaetic te ta Gezer. Li Sibecai liquem ta Husae ja'o yorail la smil, la sbic'tajesbe sc'oplal li Sipai, smomnich'nab natil viniquetique. 5C'alal ilic yan velta pleito yu'unic noxtoc xchi'uc li filistaetique, li Elhanán xnich'on Jaire ja'o te la smil li Lahmi, xchi'il ta voq'uel Goliat geteo vinique, ja' li boch'o yich'oj to'ox jun slanza ti toj muc' balbal yoc jech chac c'u cha'al sjalubil poq'ue.#1 S 17.4-7.
6Ilic yan pleito noxtoc te ta lum Gat yo' bu nacal jun vinic ti toj nate, ti oy chanib xcha'vinic (24) sbic'tal yoc sc'obe, ti oy vaquib sbic'tal jujun sc'ob, jujun yacane. Ja' smomnich'on noxtoc li natil viniquetique. 7Ja' lic sa'be sjol li israeletique, pero imilat yu'un li Jonatán xnich'on Simea, sbanquil Davide. 8Le'e ja' sts'unubal li natil viniquetic te ta lum Gate, pero i'ochic o ta sc'ob xchi'uc yaj'abteltac li Davide.
Currently Selected:
1 Crónicas 20: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.