Bimwa 12
12
Mwatò na dragon (edi Molemba o elenge a mochèmè).
1Na ndembo enè eyènènèki o ikolo, nga yènènki mwatò bucha bodyungaki nchoto a wango ichò, woli abèki o cha makolo ma wango, o chomb’a mutu, wango abèki na ngul’a mieti dyomu na mibale.
2Wango abèki na dyemu na abemaki na mokaka m’ibota.
3Na ndembo akbwi eyènènèki o ikolo, na bokieka, nga yènèki dragon monè motelaki, wango abèki na mitu mochabali, na machèkè dyomu, na o mitu myango wango abèki na bangula mochabali.
4Dòngbò a wango emichaki ika a mieti m’ikolo a ichato, n’èwuchaki myango o che. Na dragon atèmèki chu o bocho ba mwatò wango eyengobote, tonga n’imina mwana wango otèbotiba.
5Wango abotaki mwan’a bole, koncha wango otèyenda bato bachò na motongo m’èdunga. Ko mwan’a wango akwebaki n’akièki ikolo o ma Nzambe na trône a wango.
6Na mwatò abanganaki o engongo yango, akièki o enongo a bobe, Nzambe alòngeleki enongo a wango ondo, wango tawokolo wango owana machu motuku mò na kama ibale na mako machamano.
7Na o kilo etubaki bita, Michel na banelo ba wango bamanaki na dragon, na dragon na bangelo ba wango bamanaki na bango.
8Ko dragon na bangelo ba wango baboyicha bango ka, na o ikolo ebèki enongo nyò eki tonga na bango twa.
9Dragon monè mokoto ma mochèmè etangibe bwe, Molemba, na Satana, bawuchaki wango o che, koncha wango elenguze bato bachò, bawuchaki wango o che elongo yò na bangelo ba wango.
10Na nga wokaki ikingo ilobaki nikichi ikolo bwe: ”Kinòwa bucha b’ichungiba buphola, na nguli na bokonchi edi ko beka ba Nzambe, na chwa a Christ a wango, tonga koncha wango ebèphunde banyango ba banga ba baphele (b’èbati a Nzambe) abiwuchiba o che, koncha wango ebèphunde bango mièche na mikolo o bocho ba Nzambe.
11Bango bawunchaki wango na nguli a malongo ma Mwan’a gbata nà na nguli a mawò mango machakwibaki tonga na wango. Bango babochoba mamwè ma bango ka, na kobona echoko bango babobangana bowe ka yango.
12Beni bakoncha bango badyale o ikolo, bochanga! Ko mawa ma che na may manè tonga Molemba abikiè o ma beni ndo n’ibèli ikuli, tonga wango ayebe bwe, wango adi dyò bobiko bokama twa.
13O dragon ayènèki bwe, wango achil’owuchibe o che wango alekaki eluphele mwatò, wango ebotaki mwana.
14Ko baphèki mwatò maphaphu ma ngongonyòli monè, tonga n’iwumbwa, n’akiè o bobe o echoko yango tawokolo wango mochika na mochèmè, o bobiko na o mabiko na o ndambo a bobiko.
15Ko mochèmè molwaki may makama o chima mwatò ko bongumbu bwango ebale echè bona, tonga n’ichècha wango o nch’a akbwi.
16Ko che echekwaki mokielichi a mwatò, yango edipholaki muna ma yango na eminaki may machò, mango mochèmè molwaki.
17Ko ibèli a dragon ilekaki ngandele o nch’a mwatò, na wango akièki tonga n’imana na elongo a bana ba wango, bakoncha wango bawoke miyeko ma Nzambe, na bakubole mawò tonga na Jésus.
18Na wango atèmèki chu o mokièngata ma may monè.
Currently Selected:
Bimwa 12: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
