Colossien 4
4
Mana mateyo tonga na mayonga. Mibèchò.
1Beni bakomandi, bokielaka na baboy ba beni beka byango bidi binyèki na binyòngò, boyebaka bwe, Mokonchi ma beni modi ikolo.
2Bodyalaka o ch’iyonga n’ètungu, bobatelaka o ch’a dyango, na bophè ingòkò.
3Boyongaka dyòkò tonga na banga, tika Nzambe adiphole ekuki a mawò ma wango tonga n’ichakola mawò ma yiche ma Christ, nga di o ch’a monyoli tonga na mango,
4tika nga chakole mango ko edi enyèki enongo iloba bona.
5Botambolaka n’ikièngu o phanyak’a bango badi o dindo, na bochombaka bobiko.
6Tika mawò ma beni madyale manyèki kokoko, bowotizaka mango na monguta, kobona beni toyeba eyambole yango beni toyambola moto ikika.
7Tychique, mwanyango a bole a nga akonde ebati a Nzambe, koncha wango edi modikichi ètungu a Mokonchi, na mochali o kophay mò na nga, wango tachakola beni yombo yango nga di o ch’a yango echò.
8Nga tindaki wango o ma beni tonga n’ichakola beni beka byango bidi o yombo a banga, na tonga n’ibwangiza mitema ma beni.
9Wango adi na Onésime, mwanyango a bole a nga ebati a Nzambe, akonde, koncha wango edi elòngò a beni. Wango tachakola beni beka bichò byango bidi owoni.
10Aristarque, koncha wango edi elòngò a nga o monyoli, abèchè bèni na Marc dyòkò, mwanyango a Barnabas, beni bobiwoka mawò tonga na wango, mo wango aye ma beni, boyambaka wango.
11Jésus, koncha wango atangibe Justus dyòkò abèchè beni. Ye edi ko bango ba phencha o phanyak’a bakubibi bachangane na nga o mochalo tonga na bokonchi ba Nzambe. Bango babwangizaki nga.
12Epaphras, koncha wango edi elòngò a beni, mochali a Christ, abèchè beni. Wango ayonge tonga na beni o mayonga ma wango kot’èyongele kokoko, echoko beni todyala bonyèki, na bodyala to na bodingo ba Nzambe bochò yango.
13Nga chakole tonga na wango bwe, wango akiele mochalo n’adi na chululu ekama onch’a beni na bakoncha bango badi o Laodicée na Hiérapolis.
14Luc, dyòkòtòlò na Demas dyòkò babechè beni.
15Bobèchèkè banyango ba baphele b’ebati a Nzambe, bango badi o Laodicée na Nymphas n’èbuliki a Nzambe yango edi o ndako a wango.
16O mokanda mu tochila bobalibe na beni, bobalizaka mwango o phanyak’a èbuliki a Nzambe o Laodicée dyòkò, na bobalaka beni makoncha mwango tochònò o Laodicée dyòkò.
17Na bolobaka na Archippe bwe: ”Bokiekaka mochalo mwango k’òdiyamba ma Mokonchi n’ikièngu, tika k’òtunyole mwango.”
18Modyokicha mu ekotèki ebòkò a nga koncha Paul. Bobatelaka mangièngèlè ma nga! Tika grâce edyale na beni.
Currently Selected:
Colossien 4: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
