2 Corinthien 13
13
Paul ateye bè Corinthien bwe, banyèze ebati a bango makoncha, mòchi wango tayicha bolòngele na bango okomo wango taya. Atinde bango mibèchò.
1Nga yakaki o ma beni bocho maya mabale, na di machato. Okomo bandèngè babale iyò bachato bikubola beka muna ko mò, owana beka byango tichambiba bòtòtè elenge ko yango.
2Tonga o madyala mabale mango nga bèki otete a beni bocho, nga lobaki na bakoncha bango bakielaki machuma bwe, nà na bana bato bakbwi bwe, kinòwa nga di mochika na beni, okomo nga taya iy’a chima, nga tichobi bango,
3tonga beni boyenge ndembo, tonga n’iyènè bwe, mo edi nènè Christ koncha elobe o cha nga, ko wango adi odyala mwè lèlèkè o phanyak’a beni ka, ko wango adi na chwa.
4Ko wango akotibaki o awèchinye tonga na bokòki ba wango, ko kinòwa wango alòngò o cha nguli a Nzambe. Mo nyò banga bodi bokoki o cha wango banga tòlòngò o cha wango tonga na nguli a Nzambe o phanyak’a beni.
5Botòkòlò na bomeka tonga n’iyènè mo beni bodi o ch’èchingane. Mo Christ adi o cha beni, owana beni makoncha bodi oyeba edyalele yango ka? Na mo edi odyala kobona ka, owana echingane a beni edi ichimbo twa.
6Ko o nch’èbati a banga, banga bodi odyala ko bakoncha bango badi ichimbo o cha echingane twa bona ka. Nga chenize bwe, nà beni tòyeba edyalele yango kot’èyebele.
7Ko banga bochambele Nzambe bwe, mòchi beni bodyale okiela ekielele ebe ka, edi odyala tonga n’iyèniza bwe, banga bodi kota bato ka, ko edi tonga bwe, beni makoncha bokiele matoma manyòngò tonga n’idyala kota bato. Mo nyò bango balobe bwe, banga bodi odyala kota bato ka, iwò twa.
8Tonga banga bodi moyètènu n’èbati a nènè twa, ko banga boyiche bokiele o cha nènè.
9Mo nyò beni bodi na nguli na banga bodi bokoki, iwò twa, banga bochange nyò bona. Eyeka yango banga boyenge o cha mayonga ma banga edi bwe, beni bodyale banyèki.
10Echoko o nga phote bokòtè mawò ma nga, o nga chaka mochika na beni yango, ta nga yè lòngèlè a bokuli, okomo nga taphola o ma beni, tonga chwa yango Mokonchi mophèki nga edi tonga n’ilòngiza beni, edi odyala tonga n’iphanza beni, iphwa ka.
11Bokieka iwò akbwi dyòkò, beni banyango ba nga ba baphele, bodyalaka o cha moni, bodyalaka banyèki, bobwangizanaka, bodyalaka muna ko mò, bodyalaka o cha phi, na kobona Nzambe a elumba na phi tadyala na beni.
12Bophiphanaka ko modyòkicha m’èchwa bona. Bato b’èchwa bachò babèchè beni.
13Tika grâce a Mokonchi Jésus Christ n’èlumba a Nzambe n’Eyaye Echwa edyale na beni bachò.
Currently Selected:
2 Corinthien 13: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
