1 Timothée 3
3
Achakole edyalele yango bachali b’èbuliki a Nzambe tadyala.
1Edi iwò a nènè mo moto adinge mochalo ma babateli a Nzambe, owana wango adinge mochalo monyòngò.
2Kobona mobateli èbuliki a Nzambe tidyali n’iwò nyò dyò, wango tadyala mwachi ko mò phencha tanywake malèku, wango tadyala na bophomu, monyèki adikize elumba na babutu, adyale na bolengi b’idikiza bato,
3tadyalake na phocha maleku, tadyalake na makoku, ko, adyalaka mokoki na bato, tadyalake na chululu a mbongo,
4alòngele ndako a wango kot’èlòngele, adyalaka na bana ba wango bango bawoke mawò ma wango, tonga wango adi mocho monyeki.
5Mo koncha edi oyeba bolòngele ndako a wikoncha ka, wango tayicha bobatele ebuliki a Nzambe bwe?
6Tadyalake moto motemu o botoma ba Nzambe, ta wango akondiza nchoto na takwa o ichèbo a Molemba.
7Wango adyalaka na kuma enyòngò na bato, bango badi odyala bana ba Nzambe ka, ta wango akwa o ch’a mbèchi na tawucha o boya ba Molemba.
8Elenge ko yango badiacre tadyala banyèki, tadyalake mina mibale, tadyalake na phocha maleku, tadyalake na chululu idwa,
9babatelaka yiche èchingane o cha conscience a cheche.
10Ko bango dyòkò tamekiba nò dyò chima bango bakielaki mochalo o bango badi iwò twa.
11Elenge ko yango nà bachi ba bango badyalaka banyèki, bango tadyalake na bochènginya, bango tanywake malèku, badyalaka n’ètungu o beka bichò.
12Badiacre badyalaka mwachi ko mò, na bango talòngele bana ba bango na mandako ma bango kot’èlòngele.
13Tonga bango bakielaki mochalo kot’èkielele badwe yombo a botochibe na bokili bokama o ch’èchingane a Jésus Christ.
14Nga kòtè mawò ma o ma kò n’ichena bwe, nga taye kieka kò dyolo,
15ko, mo nga nyèngize, owana kò toyeba edyalele yango edi enyèki o ndako a Nzambe, yango edi ebuliki a Nzambe a bomwè, makonchena nchalel’a nènè.
16Bayambolaki bwe, yiche a bonyòngò ba Nzambe edi enè: ”Koncha wango eyènibaki na nchoto abèki monyèki o ch’Eyaye, ayènibaki na bangelo, achakwibe o phanyak’a bato, bango bach’owoka mawò ma Nzambe ka, bachinganaki wango o che, akwebaki ikolo o ch’a botochibe.”
Currently Selected:
1 Timothée 3: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
