1 Timothée 2
2
Ateye bango bwe, bayonge, n’adikize bango edyalele yango ebuliki a Nzambe tedyala.
1Iwò a nga tabocho idi bwe, mabondima, mayonga na bochombo Nzambe na bophè wango ingòko tikieliba tonga na bato bachò,
2tonga na mikonchi na bakomandi bachò, echoko beni toyicha bodyale na phi, na bolòngò ilòngò a phi na myo o ch’a matoma ma Nzambe manyèki yango.
3Iwò dyango idi kot’inyòngò o michò ma Nzambe Mobil’a bèni,
4koncha wango adinge bwe, bato bachò baphakwibe na taya o bolèngi ba nènè.
5Tonga Nzambe edi ko mò phencha, na Kièngu ko mo phencha o phanyak’a Nzambe na bato, Jésus Christ,
6moto wango aphèki nchoto a wi koncha ko iwuta bona tonga na bachò, okomo bobiko tokoka tachakola tonga na wango,
7babitika nga molobi n’apôtre o botoma bwango nga lobe nènè o ch’a Christ, — nga di oloba bwanya ka — tonga n’idyala modikichi o ch’èchingane na nènè, a bato bango bach’owoka mawò ma Nzambe ka.
8Kobona nga dinge baphele bachò bachambele o binongo bichò, batombe mabòkò m’èchwa mango madi odyala n’ibèli na ma nènèkè ka.
9Elenge ko yango nga dinge bachi bachwe bango makoncha bilamba byango bidi binyèki na nchoto, beka byango bidi ophè choni ka, tachwake bilamba byango biphè phocha bochembi, takangake chwe maboto, tachwake beka ba monchèlè ko edunga or, nyò mindiki, nyò bilamba ba motuya mokuli bona,
10ko, na matoma manyòngò mango madi manyèki na bachi bango badinge botangibe bwe, bachingani ba Nzambe.
11Tika bachi bayekoli mawò manyòngò phi, na batulize manchoto kot’ètulize.
12Nga di ochimita bwe, mwachi adikize bana baninga ka, nyo akomande bole ka, ko, wango tadyala phi.
13Tonga Adam atulibaki bocho chima Eve.
14Ebochukwa n’ichena Adam ka, ko, mwachi achukwaki n’ichena, n’akwaki o machuma.
15Ko, wango taphakwiba o ibot’a wango, mo bango babandame o ch’èchingane n’èlumba n’èchwa, n’èdyalele a cheche.
Currently Selected:
1 Timothée 2: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
