1 Jean 2
2
Christ adi Mophakoli na mokielichi a banga bato ba Nzambe.
1Bana ba nga, nga kotè mawò ma o ma beni, ta beni bokiela machuma. Mo moto akiele machuma, mokielichi a bèni adi o ma Chango, Jésus Christ, koncha èchwa.
2Wango adi mowuti imicha machuma ma bèni, odya machuma ma bèni phencha ka, ko, ma bato bachò o che.
3Bèni boyebe bwe, bèni bobimèchène na wango o iwò di, mo bèni bowoke miyeko ma wango.
4Koncha wango elobe bwe: Nga bomèchène na wango, na wango owoka miyeko ma wango ka, yengu koncha edi moto a bwanya, nènè edi o ch’a wango twa.
5Ko, koncha wango ewoke mawò ma wango, elumb’a Nzambe edi o ch’a wango enyèki, nènè. Bèni boyebe bwe, bèni bodi o ch’a wango o iwò di.
6Koncha wango elobe bwe, wango atenele o ch’a wango, yengu koncha edi n’iwò itambola ko wango atambolaki bona.
7Bakonde ba nga, ng’okotè moyeko motemu ma beni ka, ko, moyeko mokale, mwango mobèki na beni kokoko ncho bophotiche. Moyeko mokale modi iwò dyango beni bobiwoka ikale.
8Nga kotè beni moyeko motemu dyòkò, mwango modi o ch’a wango nènè, na o ch’a beni, tonga boyi bophanchane na mwenda ma nènè muchil’odiphuze.
9Koncha wango elobe bwe, wango adi o ch’a phololo n’ayine mwanyango a wango, wango adi o ch’a boyi dyòkò.
10Koncha wango edinge mwanyango a wango, wango adyale o ch’a phololo, na bokando nyò bò bodi o ch’a wango twa.
11Ko, koncha wango eyine mwanyango a wango adi o ch’a boyi, na wango atambole o ch’a boyi, na wango oyeba ncha yango wango adi ka, tonga boyi boyindizaki michò ma wango.
12Nga kòtè o ma beni, bana ba nga, tonga na machuma ma beni mabimichiba, tonga na kombo a wango.
13Nga kòtè o ma beni, bachango, tonga beni bobimèchène na koncha wango abèki o tabophotiche. Nga kòtè o ma beni, bawoli, tonga beni bobiwuncha Satana.
14Nga bikòtè o ma beni bana ba nga, tonga beni bobimèchène na Chango. Nga bikòtè o ma beni bachango, tonga beni bobimèchène na koncha wango ebèki o tabophotiche. Nga bikòtè o ma beni bawoli, tonga beni bodi na nguli, na mawò ma Nzambe matenele o ch’a beni, na beni bobiwuncha Satana.
15Todingake che, nyò beka byango bidi o che. Mo moto adinge che, owana elumb’a Chango edi o ch’a wango twa.
16Tonga beka bichò byango bidi o che, phongo a nchoto, phongo a michò, na bomwè b’ikondiza nchoto, beka bi bidi odyala beka ba Chango ka, ko, edi beka ba che.
17Che techumbana na phongo a yango, ko, koncha wango ekiele bodingo ba Nzambe tadyala biteneli.
18Bana ba nga, kinòwa edi bobiko ba chima. Beni bobiwoka bwe, Antéchrist ayengoya, na kinòwa bana b’Antéchrist b’ichil’otube, echoko bèni boyebe bwe, kinòwa edi bobiko ba chima.
19Bango bachònòki o phanyak’a bèni ko bango babodyala elòngò o bèni ka, mo bango babèki elòngò a bèni, ibe bango babandamaki na bèni. Ko, beka bi bitubanaki tonga n’iyebiba na bato bwe, bachò abodyala elòngò a bèni ka.
20Beni bobiyamba mayita m’ichinga ma Koncha Echwa, na boyebe beka bichò.
21Nga bokòtè ma beni tonga n’iyebiza beni nènè ka, tonga beni boyebe yango, na bwanya bodi o ch’a nènè twa.
22”Moto a bwanya” edi nda? edi odyala koncha wango etate Jésus bwe, wango adi odyala Christ ka? Antéchrist edi koncha wango etate Chango na Mwan’a bole.
23Koncha wango etate Mwan’a bole, wango odyala nyò na Chango ka, na koncha wango echakole Mwan’a bole adyala na Chango dyòkò.
24Mawò mango beni bophotaki bowoke o bophotiche, tika mango matenele o ch’a beni. Mo mawò mango beni baphotaki bowoke o bophotiche matenele o ch’a beni, owana beni totenela o ch’a Mwan’a bole na Chango.
25Ilakako di edi dyango wango alakaki bèni, bomwè butenela.
26Nga bikotè beni mawò mango tonga na bakoncha bango balenguze beni.
27Na mayita m’ichinga, mango beni bobiyamba na wango, matenele o ch’a beni, na beni bodi phocha bwe, moto adikize beni twa, ko, mayita m’ichinga mango madikize beni beka bichò, mango madi nènè, madi odyala bwanya ka, na ko mango mabidikiza beni bona, botenelaka o ch’a wango.
28Bana ba nga, botenelaka o cha wango, kobona beni todyala na bokili o wango tadikiza nchoto ta wango abutiza bèni na choni o boyelele ba wango.
29Mo beni boyebe bwe, wango adi n’èchwa, boyebaka dyòkò bwe, koncha wango ekiele beka b’èchwa abotibaki na wango.
Currently Selected:
1 Jean 2: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
