1 Jean 1
1
Jean achakole bwe, Christ adi phololo.
1Beka byango bibèki o bophotiche, beka byango banga bowokaki na beka byango bango boyènèki na michò ma banga, na byango banga botokoloki na mabòkò ma banga makulanaki na byango, banga bochakole, na banga bolobe tonga n’Iwo a Bomwè.
2Tonga Bomwè boyènibaki na banga, na banga bobiyènè na banga bobimwanyola bwango, na banga bochakole beni Bomwè butenela, bwango bobèki na Chango na boyènibaki na banga,
3beka byango banga boyènèki na bowokaki, beka byango banga bochakole nà na beni, echoko beni bodyale kophay mò na banga yango, ko kophay a banga adi na Chango na Mwan’a bole a wango Jésus Christ.
4Na banga bokòtè beni mawò echoko moni ma beni modyale monyèki yango.
5Mina mi edi myango banga bobiwoka na wango, na bochakole beni dyòkò bwe, Nzambe adi phololo na boyi nyò boki bodi odyala o ch’a wango ka.
6Mo bèni bolobe bwe, bèni bodi kophay na wango na bèni botambole o boyi, owana bèni bokiele bwanya na kobona nènè odyala na bèni ka.
7Ko mo bèni botambole o phololo ko wango adi phololo bona, owana bèni bodi na kophay mò o ch’a mitema ma bèni, na malongo ma Mwan’a bole a wango, Jésus Christ matènize bèni o machuma machò.
8Mo bèni bolobe bwe, bèni bodi machuma twa, owana bèni bochukwize ebati a bèni n’ichena na nènè edi o ch’a bèni twa.
9Mo bèni bochakole machuma ma bèni, owana wango adyale n’ètungu n’èchwa tonga n’iphè bèni pardon a machuma, na wango atenize bèni o machuma machò.
10Mo bèni bolobe bwe, bèni bobokiela machuma ka, owana bèni bochekole wango moto a bwanya, na mawò ma wango madi o ch’a bèni twa.
Currently Selected:
1 Jean 1: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
