1 Corinthien 11
11
Paul aphè bango mateyo tonga n’èdyalele yango bango tadyala o ndako a Nzambe na o communion.
1Bolondoko nga, ko nga londo Christ bona.
2Nga toche beni tonga beni bobatele nga o beka bichò, na tonga beni bowoke miyeko myango nga phèki beni.
3Ko, nga dinge beni boyebe bwe, Christ adi mutu ma baphele bachò, ko bole bodi mutu ma mwatò bona, na Nzambe adi mutu ma Christ.
4Bole bwango bochambele nyò bolake mawò na bodi mutu photo, bokane mutu ma bwango choni,
5ko, mwatò ikika achambele nyo alake mawò n’adi mutu ma wango phololo, wango akane mutu ma wango choni.
6Mo mwatò adi odyala n’èlamba o mutu ka, tika wango akolole chwe a wango dyòkò. Ko mo edi choni na mwatò wango enongo ikolola mutu ma wango, tika wango achwe elamba o mutu.
7Tonga bole bodi odyala n’iwò ichweza mutu ma bwango elamba ka, tonga bwango bodi elenge a Nzambe.
8Tonga bole bobotuba ma mwatò ka, ko, mwatò atubaki ma bole.
9Na babotula bole tonga na mwatò ka, ko, batulaki mwatò tonga na bole.
10Echoko mwatò tadyala na ndembo o mutu ma wango tonga na bangelo yango.
11Ko, o ch’a Mokonchi edi kobona, mwatò adi odyala bwabona, bole twa ka, na bole bodi odyala bwabona mwatò twa ka.
12Ko, mwatò adi a bole, na bole bodi ba mwatò, ko bachò babale badi ba Nzambe.
13Bochambaka botòtè o ch’a mwe ma beni makoncha: mo mwatò achambele Nzambe bwabona, elamba o mutu twa, edi enyèki?
14Ekumba edi odikiza beni ka, bwe, mo bole bodi na chwe ichanda dyango idi okana bwango choni ka?
15Ko, mo mwatò adi na chwe ichanda dyango idi odyala botochibe ba wango ka? Tonga chwe iphèba na wango o mata m’èlamba.
16Ko, mo ona moto adi n’èyaye iyika mibambi, banga bodi odyala n’èkumba yena ka, nyò bibuliki ba Nzambe elenge ko yango.
17Iwò dyango nga tinde beni kinòwa nga di oyicha botoche beni ka, tonga o beni bokokane, beni bodi olòngele edyalele a beni makoncha ka, ko, beni bodyobize edyalele a beni makoncha.
18Iwò dyango nga biwoka bocho idi dyango, o beni bobikokana o bibuliki ba Nzambe, bakako badi o phanyak’a beni; na nga chingane mana mawò.
19Edi kokomo bakako tatuba dyòkò tonga n’itubiza bakoncha bango badi n’ètungu o phololo.
20O beni bokokanaki kobona, beni bodi oyicha bodye bekidya ba Mokonchi ka,
21tonga o beni bodye moto ikika akwe bekidya ba wango bocho, na wona moto adi na nchala, na wona alange.
22Beni bodi odyala na mandako tonga n’idya na tonga n’inywa ka? Nyò beni bodyanchole ebuliki a Nzambe, na beni bokane bakoncha bango bodi odyala n’èyeka ka choni? Nga taloba na beni bwe? Nga tatocha beni? Nga titochi beni o ch’iwò dyango.
23Tonga nga biyamba ma Mokonchi mawò mango nga chakolaki beni bwe: Mokolo mwango Mokonchi Jésus mokondwibaki, mwango mokwaki mapha mò,
24mophèki Nzambe ingòko, mobunyaki mango, molobaki bwe: ”Ye edi nchoto a nga iphèbe na beni. Bokielaka kobona tonga n’ibatela nga.”
25O bango badyaki, mwango mokwaki buku elenge ko yango, molobaki bwe: ”Buku bu bodi b’itika kano etemu o ch’a molongo ma nga. Bucha na buchu o beni bonywe bwango, bokielaka kobona tonga n’ibatela nga.”
26Tonga o bucha bwango beni bodye mapha mango na bonywe buku bwango, beni bochakole bowe ba Mokonchi kokoko ncho mwango toya.
27Koncha edi edyalele onyè ka, mo wango adye mapha ma, na wango anywe buku ba Mokonchi, wango adwe iwò a nchoto na malongo ma Mokonchi.
28Koncha edye mapha mango n’ènywe buku bwango atokoloko motema ma wi koncha nò dyò.
29Tonga koncha wango edye n’ènywe nchoto a Mokonchi ko wango adye bekidya bakbwi bona, wango adya n’anywe ichèbo a wi koncha.
30Echoko bana baninga o phanyak’a beni badi na lèlèkè na badi na makono, na bana baninga babiwa yango.
31Mo banga bochambaki ebati a banga makoncha botòtè, owana banga tichambibe botote.
32Ko, o banga bochambibe botòtè, ye edi ichèbo a Nzambe dyango ite na banga, ta banga bochambibe botòtè elòngò yò na bato ba che.
33Kobona banyango ba baphele ba nga b’èbati a Nzambe, o beni bokokane tonga n’idya bekidya bobondanaka.
34Mo moto adi na nchala, adyaka o ndako a wango nò dyò, ta mòchi beni bokokane dy’òyamba ichèbo ka. Nga talòngele bina beka o nga taya.
Currently Selected:
1 Corinthien 11: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
1 Corinthien 11
11
Paul aphè bango mateyo tonga n’èdyalele yango bango tadyala o ndako a Nzambe na o communion.
1Bolondoko nga, ko nga londo Christ bona.
2Nga toche beni tonga beni bobatele nga o beka bichò, na tonga beni bowoke miyeko myango nga phèki beni.
3Ko, nga dinge beni boyebe bwe, Christ adi mutu ma baphele bachò, ko bole bodi mutu ma mwatò bona, na Nzambe adi mutu ma Christ.
4Bole bwango bochambele nyò bolake mawò na bodi mutu photo, bokane mutu ma bwango choni,
5ko, mwatò ikika achambele nyo alake mawò n’adi mutu ma wango phololo, wango akane mutu ma wango choni.
6Mo mwatò adi odyala n’èlamba o mutu ka, tika wango akolole chwe a wango dyòkò. Ko mo edi choni na mwatò wango enongo ikolola mutu ma wango, tika wango achwe elamba o mutu.
7Tonga bole bodi odyala n’iwò ichweza mutu ma bwango elamba ka, tonga bwango bodi elenge a Nzambe.
8Tonga bole bobotuba ma mwatò ka, ko, mwatò atubaki ma bole.
9Na babotula bole tonga na mwatò ka, ko, batulaki mwatò tonga na bole.
10Echoko mwatò tadyala na ndembo o mutu ma wango tonga na bangelo yango.
11Ko, o ch’a Mokonchi edi kobona, mwatò adi odyala bwabona, bole twa ka, na bole bodi odyala bwabona mwatò twa ka.
12Ko, mwatò adi a bole, na bole bodi ba mwatò, ko bachò babale badi ba Nzambe.
13Bochambaka botòtè o ch’a mwe ma beni makoncha: mo mwatò achambele Nzambe bwabona, elamba o mutu twa, edi enyèki?
14Ekumba edi odikiza beni ka, bwe, mo bole bodi na chwe ichanda dyango idi okana bwango choni ka?
15Ko, mo mwatò adi na chwe ichanda dyango idi odyala botochibe ba wango ka? Tonga chwe iphèba na wango o mata m’èlamba.
16Ko, mo ona moto adi n’èyaye iyika mibambi, banga bodi odyala n’èkumba yena ka, nyò bibuliki ba Nzambe elenge ko yango.
17Iwò dyango nga tinde beni kinòwa nga di oyicha botoche beni ka, tonga o beni bokokane, beni bodi olòngele edyalele a beni makoncha ka, ko, beni bodyobize edyalele a beni makoncha.
18Iwò dyango nga biwoka bocho idi dyango, o beni bobikokana o bibuliki ba Nzambe, bakako badi o phanyak’a beni; na nga chingane mana mawò.
19Edi kokomo bakako tatuba dyòkò tonga n’itubiza bakoncha bango badi n’ètungu o phololo.
20O beni bokokanaki kobona, beni bodi oyicha bodye bekidya ba Mokonchi ka,
21tonga o beni bodye moto ikika akwe bekidya ba wango bocho, na wona moto adi na nchala, na wona alange.
22Beni bodi odyala na mandako tonga n’idya na tonga n’inywa ka? Nyò beni bodyanchole ebuliki a Nzambe, na beni bokane bakoncha bango bodi odyala n’èyeka ka choni? Nga taloba na beni bwe? Nga tatocha beni? Nga titochi beni o ch’iwò dyango.
23Tonga nga biyamba ma Mokonchi mawò mango nga chakolaki beni bwe: Mokolo mwango Mokonchi Jésus mokondwibaki, mwango mokwaki mapha mò,
24mophèki Nzambe ingòko, mobunyaki mango, molobaki bwe: ”Ye edi nchoto a nga iphèbe na beni. Bokielaka kobona tonga n’ibatela nga.”
25O bango badyaki, mwango mokwaki buku elenge ko yango, molobaki bwe: ”Buku bu bodi b’itika kano etemu o ch’a molongo ma nga. Bucha na buchu o beni bonywe bwango, bokielaka kobona tonga n’ibatela nga.”
26Tonga o bucha bwango beni bodye mapha mango na bonywe buku bwango, beni bochakole bowe ba Mokonchi kokoko ncho mwango toya.
27Koncha edi edyalele onyè ka, mo wango adye mapha ma, na wango anywe buku ba Mokonchi, wango adwe iwò a nchoto na malongo ma Mokonchi.
28Koncha edye mapha mango n’ènywe buku bwango atokoloko motema ma wi koncha nò dyò.
29Tonga koncha wango edye n’ènywe nchoto a Mokonchi ko wango adye bekidya bakbwi bona, wango adya n’anywe ichèbo a wi koncha.
30Echoko bana baninga o phanyak’a beni badi na lèlèkè na badi na makono, na bana baninga babiwa yango.
31Mo banga bochambaki ebati a banga makoncha botòtè, owana banga tichambibe botote.
32Ko, o banga bochambibe botòtè, ye edi ichèbo a Nzambe dyango ite na banga, ta banga bochambibe botòtè elòngò yò na bato ba che.
33Kobona banyango ba baphele ba nga b’èbati a Nzambe, o beni bokokane tonga n’idya bekidya bobondanaka.
34Mo moto adi na nchala, adyaka o ndako a wango nò dyò, ta mòchi beni bokokane dy’òyamba ichèbo ka. Nga talòngele bina beka o nga taya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).