1 Corinthien 10
10
Aphè bakoncha bango bakole machana matey.
1Banyango ba baphele ba nga b’èbati a Nzambe nga di odinga bwe beni bodyale bolèngi ba bachango ba banga twa ka, bango bachò babèki o ch’èyeka èphephelo, na bango bachò balekanaki o ch’a may manè,
2bango bachò bayinibaki na Moïse o ch’èyeka èphephelo n’o ch’a may manè,
3na bango bachò badyaki eyeka èyaye ko yo,
4na bango bachò banywaki eyeka èyaye ko yò, tonga bango banywaki eboko èyaye, dyango ibèki Christ.
5Ko, Nzambe abodyala na moni tongo n’èbati a bana baninga bango balèkaki bokama ka, na bango bakwaki, bawabanaki enongo a bobè.
6Beka bi bitubaki tonga n’idyala ndembo a mochimbako ma bango, ta banga bodyala na phongo a beka bibè, ko bango babèki na phongo bona.
7Na todyalake babinichi ba machana, ko bana baninga o phanyak’a bango bona, kobona ekòtibaki bwe: ”Bato badyaki bwa tonga n’idya na tonga n’inywa, chima bango batèmèki chu tonga n’ichana.”
8Na tokielake bochembi ko bana baninga ba bango bakielaki bochembi bona, na bato vingt‐trois mille bakwaki, bawabanaki bucha ko bò.
9Na tophèphizake Christ ko bana baninga ba bango baphèphizaki wango bona, echoko bango babomibaki na michèmè yango.
10Towochake ko bana baninga ba bango bakielaki bona, echoko bango babomibaki na ”modyobichi” yango.
11Ko, beka bichò bi biphilaki bango tonga n’idyala ndembo a mochimbako, na bakòtèki mawò mango tonga n’iyekuza banga, bakoncha bango badi na bochukele ba mabiko machò mpoli na bango.
12Echoko koncha wango achimunye bwe, wango adi chu, akiekaka n’ikièngu ta wango akwa yango.
13Mana maphèphi mabota na beni, ko mango madi n’èkumba ita na bato bona ka. Na Nzambe adi n’etungu, wango tichimiti bwe, maphèphi malèki beni nguli, ko, o iphèphi iya, wango takieliza beni bwe, beni toyamba nguli ikochwa o dyango.
14Kobona banyango ba baphele ba nga b’èbati a Nzambe, bobanganaka bobiniche ba machana.
15Nga lobe mawò mango na beni ko beni bodi bakièngu bona, beni makoncha bochambaka botòtè o mawò mango nga lobe.
16Buku ba moni bwango banga bochangize, bwango bodi odyala ik’a malongo ma Christ ka? Mapha mango banga bobunye, mango madi odyala ik’a nchoto a Christ ka?
17Tonga edi mapha ko mò, nyò banga bodi bakama, banga bodi nchoto ko dyò, tonga banga bachò bodi n’ik’a banga o ch’a mapha mango, mango madi ko mò.
18Bokiekaka b’Israël ebati a nchoto: bakoncha bango badye bavictime, bango badi odyala ik’a bango o autele ka?
19Kobona nga di oloba bwe: Banyama babomibaki tonga n’ibiniza machana, bango badi na motuya? Nyò bochana bodi na motuya?
20Twa, ko, nga lobe bwe, beka byango bato bach’o woka mawò ma Nzambe ka babome tonga n’itocha machana, bango babome bango tonga na biyaye bibè, edi odyala Nzambe ka, na nga di odinga bwe, beni bodyale o kophay na biyaye bibè ka.
21Beni bdi oyicha bonywe buku ba Mokonchi na buku ba biyaye bibè elòngò yò ka; beni bodi oyicha bodyale kophay a mecha ma Mokonchi na mecha ma biyaye bibè elòngò yò ka.
22Iyò beni bodinge bobelize Mokonchi? Banga bolèki mwango nguli?
23”Babiphè nga chwa ikiela beka bichò”, ko, beka bichò bidi odyala binyeki ka. ”Babiphè nga chwa ikiela beka bichò” ko, beka bichò bidi okatiza biyaye ka.
24Moto nyò mò tayengake eyeka enyòngò a wi koncha, ayengaka ko eyeka enyòngò a moninga.
25Beka bichò byango bango batèkize o boucheri bodyaka byango, tochukinyake tonga n’èyeka yango o ebati a motema.
26Tonga ”che edi a Mokonchi, na beka bichò byango bidi ikolo na yango.”
27Mo moto mò adi echingane twa, abwange beni enongo a wango, na beni bodinge bokiè o ma wango, bodyaka beka bichò byango bango baphè beni, tochukinyake tonga na beka byango o ebati a motema.
28Ko, mo moto mò alobe na beni bwe: ”Ye edi banyama, bango babomibaki tonga na machana”, owana todyake beka byango, tonga na moto wango ayebizaki beni, na tonga n’èbati a motema.
29Ng’oloba tonga n’èbati a motema ma kò ka, ko, tonga n’èbati a wona moninga; tonga mo nga di mophinchwibaki nga tachambiba botòtè ebati a motema ma moninga, mbekende?
30Mo nga dye na motema mochundaki, nga bèchibe tonga n’èyeka yango nga phè Nzambe ingòko, mbekende?
31Kobona nyò beni bodye, nyò beni bonywe, nyò beka bakbwi, byango beni bokiele, bokielaka beka bichò tonga na botochibe ba Nzambe.
32Todyalake ibaku iboko a moto nyò mò, nyò bajuif, nyò bagrec, nyò ebuliki a Nzambe,
33bodyalaka ko nga bona, nga meke bochangize bato o beka bichò, nga di oyenga eyeka a nga koncha ka, ko, nga yenge ko beka b’ichangize baninga phencha, echoko bango taphakwiba yango.
Currently Selected:
1 Corinthien 10: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
1 Corinthien 10
10
Aphè bakoncha bango bakole machana matey.
1Banyango ba baphele ba nga b’èbati a Nzambe nga di odinga bwe beni bodyale bolèngi ba bachango ba banga twa ka, bango bachò babèki o ch’èyeka èphephelo, na bango bachò balekanaki o ch’a may manè,
2bango bachò bayinibaki na Moïse o ch’èyeka èphephelo n’o ch’a may manè,
3na bango bachò badyaki eyeka èyaye ko yo,
4na bango bachò banywaki eyeka èyaye ko yò, tonga bango banywaki eboko èyaye, dyango ibèki Christ.
5Ko, Nzambe abodyala na moni tongo n’èbati a bana baninga bango balèkaki bokama ka, na bango bakwaki, bawabanaki enongo a bobè.
6Beka bi bitubaki tonga n’idyala ndembo a mochimbako ma bango, ta banga bodyala na phongo a beka bibè, ko bango babèki na phongo bona.
7Na todyalake babinichi ba machana, ko bana baninga o phanyak’a bango bona, kobona ekòtibaki bwe: ”Bato badyaki bwa tonga n’idya na tonga n’inywa, chima bango batèmèki chu tonga n’ichana.”
8Na tokielake bochembi ko bana baninga ba bango bakielaki bochembi bona, na bato vingt‐trois mille bakwaki, bawabanaki bucha ko bò.
9Na tophèphizake Christ ko bana baninga ba bango baphèphizaki wango bona, echoko bango babomibaki na michèmè yango.
10Towochake ko bana baninga ba bango bakielaki bona, echoko bango babomibaki na ”modyobichi” yango.
11Ko, beka bichò bi biphilaki bango tonga n’idyala ndembo a mochimbako, na bakòtèki mawò mango tonga n’iyekuza banga, bakoncha bango badi na bochukele ba mabiko machò mpoli na bango.
12Echoko koncha wango achimunye bwe, wango adi chu, akiekaka n’ikièngu ta wango akwa yango.
13Mana maphèphi mabota na beni, ko mango madi n’èkumba ita na bato bona ka. Na Nzambe adi n’etungu, wango tichimiti bwe, maphèphi malèki beni nguli, ko, o iphèphi iya, wango takieliza beni bwe, beni toyamba nguli ikochwa o dyango.
14Kobona banyango ba baphele ba nga b’èbati a Nzambe, bobanganaka bobiniche ba machana.
15Nga lobe mawò mango na beni ko beni bodi bakièngu bona, beni makoncha bochambaka botòtè o mawò mango nga lobe.
16Buku ba moni bwango banga bochangize, bwango bodi odyala ik’a malongo ma Christ ka? Mapha mango banga bobunye, mango madi odyala ik’a nchoto a Christ ka?
17Tonga edi mapha ko mò, nyò banga bodi bakama, banga bodi nchoto ko dyò, tonga banga bachò bodi n’ik’a banga o ch’a mapha mango, mango madi ko mò.
18Bokiekaka b’Israël ebati a nchoto: bakoncha bango badye bavictime, bango badi odyala ik’a bango o autele ka?
19Kobona nga di oloba bwe: Banyama babomibaki tonga n’ibiniza machana, bango badi na motuya? Nyò bochana bodi na motuya?
20Twa, ko, nga lobe bwe, beka byango bato bach’o woka mawò ma Nzambe ka babome tonga n’itocha machana, bango babome bango tonga na biyaye bibè, edi odyala Nzambe ka, na nga di odinga bwe, beni bodyale o kophay na biyaye bibè ka.
21Beni bdi oyicha bonywe buku ba Mokonchi na buku ba biyaye bibè elòngò yò ka; beni bodi oyicha bodyale kophay a mecha ma Mokonchi na mecha ma biyaye bibè elòngò yò ka.
22Iyò beni bodinge bobelize Mokonchi? Banga bolèki mwango nguli?
23”Babiphè nga chwa ikiela beka bichò”, ko, beka bichò bidi odyala binyeki ka. ”Babiphè nga chwa ikiela beka bichò” ko, beka bichò bidi okatiza biyaye ka.
24Moto nyò mò tayengake eyeka enyòngò a wi koncha, ayengaka ko eyeka enyòngò a moninga.
25Beka bichò byango bango batèkize o boucheri bodyaka byango, tochukinyake tonga n’èyeka yango o ebati a motema.
26Tonga ”che edi a Mokonchi, na beka bichò byango bidi ikolo na yango.”
27Mo moto mò adi echingane twa, abwange beni enongo a wango, na beni bodinge bokiè o ma wango, bodyaka beka bichò byango bango baphè beni, tochukinyake tonga na beka byango o ebati a motema.
28Ko, mo moto mò alobe na beni bwe: ”Ye edi banyama, bango babomibaki tonga na machana”, owana todyake beka byango, tonga na moto wango ayebizaki beni, na tonga n’èbati a motema.
29Ng’oloba tonga n’èbati a motema ma kò ka, ko, tonga n’èbati a wona moninga; tonga mo nga di mophinchwibaki nga tachambiba botòtè ebati a motema ma moninga, mbekende?
30Mo nga dye na motema mochundaki, nga bèchibe tonga n’èyeka yango nga phè Nzambe ingòko, mbekende?
31Kobona nyò beni bodye, nyò beni bonywe, nyò beka bakbwi, byango beni bokiele, bokielaka beka bichò tonga na botochibe ba Nzambe.
32Todyalake ibaku iboko a moto nyò mò, nyò bajuif, nyò bagrec, nyò ebuliki a Nzambe,
33bodyalaka ko nga bona, nga meke bochangize bato o beka bichò, nga di oyenga eyeka a nga koncha ka, ko, nga yenge ko beka b’ichangize baninga phencha, echoko bango taphakwiba yango.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).