ROMA 16
16
Tabea
16:1-16
1Ku'emao ka imperioo i Pebe, pepaekompoto beine anu mekakaako ira bawaa i Kengkerea, 2ka imentarimao hangano Ondae i Ue, kana pototodo mia mempori, ka imentulungio tewala ikereo. Hangano hadioomo mia tinulungino, saru mbo'u ongkue.
3 #
Tin. 18:2
Impohaweo tabeaku ndi Perisikila ka ndi Akiwila, wali-wali pe'asa mpo'anggaku ndi Ondae i Kerisituu Yesu. 4Dopeta'oakonomo penaado tiano tuwuku. Ndi ondae komba butu ongkue anu montarima kasi, sine luwuno mbo'u bawaa komba to Yahudi. 5Tabea mbo'u a bawaa i rahado. Tabea ndi Epenetu, pepaekompo anu pinehohawaku, anu onaemo wua amba-ambano inso i wita Asia tia-Do i Kerisituu. 6Tabea ndi Maria, anu ipo'anggaakomiumo ntu'u. 7Tabea ndi Andoroniku ka ndi Yuniasi, pepaekompoku mpe'asa tongku, anu hori ira tinorungku meronga saru ongkue, ondaemo mia anu tinudu i olodo luwuno tinena ka anu se'elu iramo gagi to Kerisituu sekono ongkue.
8Tabea ndi Ampiliatu anu pinehohawaku ndi Ondae i Ue. 9Tabea ndi Urabanu, walimami mpo'angga ndi Ondae i Kerisituu, ka tabea ndi Setaki, anu pinehohawaku. 10Tabea ndi Apele, anu pine'ala-alaomo ndi Ondae i Kerisituu. Tabea ndi ondae, pe'asa rahano i Arisitobulu. 11Tabea ndi Herodioni, waliku pe'asa tongkuku. Tabea ndi ondae pe'asa rahano i Narikisu, anu mpompe'ala-ala ndi Ondae i Ue.
12Tabea ndi Teripena ka ndi Teriposa, anu mo'angga meteahako ntu'u a mpo'anggaa-Do i Ue. Tabea ndi Peresi, anu pinehohawaku, anu mo'anggaomo meteahako ntu'u a mpo'anggaa-Do i Ue. 13#Mrk. 15:21 Tabea ndi Rupusi, mia bininiki ndi Ondae i Ue, ka tabea ndi ineno, anu kupe'ineo koa mbo'u. 14Tabea ndi Asinikiritu, ndi Pelego, ndi Heremesi, ndi Patoroba, ndi Heremasi ka luwuno pepaekompo anu pe'asado. 15Tabea ndi Pilologu, ka ndi Yulia, ndi Nereusu ka a mpepaekompono beine, ka ndi Olimipasi, ka a luwuno mbo'u mia mempori anu pe'asado. 16Imemambetabeamo a mpewoo-woo mempori. Tabea ndi omiu inso a luwuno bawaa-Do i Kerisituu.
Pompopoto'ori
16:17-24
17Sine kupatudu komiu, pepaekompo, ka impetangkoro ndi ondae, anu tepobungku saru pompaguru anu tinarimamiumo, mompokohina tekale-kalea ka pompopandei. Onaemo pu'uno ime'olaiako ira! 18Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado. 19Lele mongkona pomperorongeakomiu domerongeomo luwuno mia. Onaemo pu'uno ka kupo'undeakomiu. Sine po'eheku ka imempande mposongka a hapa anu moiko, ka ime'olaiakono hapa anu mosa'o. 20Po'ineeomo Ondae Ue Ala, pu'uno rodoa, ka Doronga puro-puroo i Mosa'o a ntoto ngkarumiu. Pompehohawa-Do i Yesu, Ueto, kumongkomi komiu!
21 #
Tin. 16:1
Tabeano i Tomotiu ndi omiu, pe'asa mpo'anggaku, ka inso ndi Lukiusu, i Yasoni ka i Sosipateri, wali-waliku pe'asa tongkuku.
22Tabea ndi omiu a ntepo'asaa ndi Ondae i Ue inso ndi ongkue i Teretiusu, anu burio wunta andio.
23 #
Tin. 19:29; 1Kor. 1:14; 2Tim. 4:20 Tabea ndi omiu inso ndi Gayusi, anu moweeakune peratoaku, ka a luwuno bawaa. Tabea ndi omiu inso ndi Erasitu, puu pompekaria doino inia, ka inso ndi Kuwaritu, pepaekompoto.
[24Pompehohawa-Do i Yesu Kerisituu, Ueto, kumongkomi komiu luwu! Ami.]
Luwuno marambaa tia-Do Ue Ala
16:25-27
25Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno, 26sine anu kanandio-andio pinokomengkaaomo ka montonda parenta-Do Ue Ala anu nahina tampulaano, pinaleleomo a luwuno tongku hangano wuntado luwuno nabi anu wawa ira ka dompetonda mpompe'ala-ala – 27ndi Ondae, butu Ondae Ue Ala anu buke ponto'ori mentee, hangano Ondae i Yesu Kerisituu: luwuno marambaa hawe nahina tampulaano! Ami.
Currently Selected:
ROMA 16: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
