Po'unde-unde 8
8
Mia mokoko'undu gagi tuwu maramba
8:1-10
1Tiano petewawado anu mpenani. Montonda unino penani Gititi. Penani po'unde-undeno i Daudi.
2Oo Ue, Uemami,
tedoa maramba nee-Miu i asa wawontolino!
Langkaino pabawa-Miu anu lumaloio langi pinenaniako.
3 #
Mat. 21:16
Inso a ngangado nana'ote kodei ka nana'ote anu mo'uo
Iwanguomo roso a mia anu umewai Komiu,
mokompenaa-naao iwali ka anu monaa-naa aroa.
4Tewala kukitao langi-Miu, wineweuno wunga ngkae-Miu,
wula ka luwuno anano wula anu ninaa-Miu:
5 #
Ayb. 7:17-18; Pud. 144:3; Ibr. 2:6-8 hapake mia, ranta ka Irambeo?
Hapake anano mia, ranta ka Iperioo?
6Sine Iweweuomo mingki mengkena kana Omiu Ue Ala,
ka Iramba-rambaakonomo marambaa ka pompelangkai.
7 #
1Kor. 15:27; Eps. 1:22; Ibr. 2:8 Omiu weweuo ka ipabawa a luwuno wineweuno kae-Miu;
luwuakoano Inaaomo a ntoto ngkaruno:
8bawaano bembe bimba ka luwuno sapi,
saru mbo'u luwuno kondehora mo'ila a mpada;
9luwuno manu-manu i laro meene ka luwuno bou a ntahi,
ka hapamo koa anu telaloio mansolono tahi malua.
10Oo Ue, Uemami,
maramba ntu'u nee-Miu i asa wawontolino!
Currently Selected:
Po'unde-unde 8: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
