Po'unde-unde 79
79
Po'emaa ampu ka pombaloa
79:1-13
1 #
2Mok. 25:8-10; 2Taw. 36:17-19; Yer. 52:12-14 Penani po'unde-undeno i Asapi.
Oo Ue Ala, luwuno tongku susua domensapoi iramo mia-Miu,
mengkokoburutio raha mempori-Miu,
meweweuo Yerusale gagi howuno anu terawo.
2Dompeweengakono wata ngkoroido tetenaa-Miu
gagi kaangado manu-manu i laro meene,
baudo mia anu pinehohawa-Miu a luwuno kondehora mo'ila i tolino.
3Reado inuwu kana uwoi lumimbuo Yerusale,
ka nahina anu mongkaburu.
4Omami gagi tataado pehori rahamami,
gagi popodeu-deu ka pasinggiriado mia lumimbu kami.
5Opiapo mbo'u tehineno' oo Ue, Itekuda mpiha,
ka mosa'ono aroa-Miu kolanga-langa kana api?
6I'uwuomo tekuda-Miu
a wawo luwuno tongku anu nahi to'ori Komiu,
a wawo luwuno poparentaa anu nahi pebooliakono nee-Miu;
7hangano pingkoomo domengkaano i Yako,
ka mperawo-rowoo po'iangano.
8Siimo Ipototoiakami salado uempu'umami,
sine bakanaano pompehohawa-Miu ronga tumotowo kami,
hangano tedoa kamimo memolema.
9Itulungi kamimo, oo Ue Ala puu pongkaduduimami,
pokomarambano nee-Miu!
Ipotola kamimo ka I'oniniomo halamami
hangano nee-Miu!
10Tembio luwuno tongku susua pino'inee mpotae,
”Isua Ira Ue Alado?”
Po'ineeomo pombaloa a reado tetenaa-Miu anu te'uwu
pinokomengkaa i arono matamami i olodo tongku susua.
11Po'ineeomo ka ihawe i aro-Miu pompemasusano mia tinorungku;
menunu saru langkaino tokia-Miu, po'ineeomo domentuwu
mia anu ira mehinuku mate!
12Pokuleomo meluka opitu a wawo mpa'ado tongku pehori-hori,
pompepaukiako anu dompetadiakono ndi Omiu, oo Ue!
13Ka omami andio, bawaa-Miu, ka bawaano bimba pinakambi-Miu,
kami me'unde-unde Komiu ranta nahina tampulaano,
ka kami mempaleleo po'unde-unde tia-Miu mapa'api-api inule.
Currently Selected:
Po'unde-unde 79: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
