Po'unde-unde 6
6
Pekakai a laro pompemasusaa
6:1-11
1Tiano petewawado anu mpenani. Saru pemaeno katapi. Montonda unino penani Anu Ko'oalu. Penani po'unde-undeno i Daudi.
2 #
Pud. 38:2
Oo Ue, Siimo Ihuku aku a laro mosa'ono aroa-Miu,
ka siimo Itunduhi aku a laro tensilano tekuda-Miu.
3Ipehohawa akumo, Ue, hangano marasai aku;
Ipokotompa akumo, Ue, hangano luwuno wukuku mpondidi-ndidi,
4ka sumangaku mbo'u tedoa tededengke;
sine Omiu, Ue, opiapo mbo'u tehineno?
5Ipepokulemo Ue, Ipotolaomo sumangaku,
Ikadudui akumo hangano pompehohawa-Miu.
6Hangano a mpo'iangado mia mate nahi domerambe Komiu mia;
isemake anu ta umunde-unde-Komiu a ntolinodo mia mate?
7Telusa aku hangano mompemasusa;
sompo wongi ku'uwoi poturiaku,
dasaku moowoako uwoi mataku.
8Mataku mowewu hangano mahaki aroa,
merawu-rawu hangano luwuno iwaliku.
9 #
Mat. 7:23; Luk. 13:27 Impolaimo inso ndi ongkue, luwumiu anu mpoweweu mosa'o,
hangano Dorongeomo i Ue pengeseku;
10Dorongeomo i Ue po'emaku,
Ondae i Ue tumarimao pekakaiku.
11Luwuno iwaliku mpohawe mokoko'ii ka tedoa ntededengke;
ondae mposuka ka mpohawe mokoko'ii i larono asa mpiniro.
Currently Selected:
Po'unde-unde 6: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
