Po'unde-unde 52
52
Pohuku a mia mosa'o gauno
52:1-11
1Tiano petewawado anu mpenani. Penani pompaguruno i Daudi, 2#1Sam. 22:9-10tempono i Do'egi, to Edomi, aiwa pauakono i Saulu nine i Daudi haweomo a rahano i Abimele.
3Tembio ka impompelangka-langkaiako mpiha mosa'oa, hei puu mpetea, a mia anu pinehohawa-Do Ue Ala?
Pompehohawa-Do Ue Ala anu nahi bali kupembasaio hawe sumoo oleo.
4Omue montooako ponsolangia,
elomu kana piso pongkeru anu inaha,
hei omue, anu mompopo'oo!
5Omue kumekewoio anu mosa'o laluaopo sekono anu moiko,
ka pegaupi sekonopo pau anu mentee. Sela
6Omue kumekewoio luwuno pau anu mompokomarisu,
hei elo anu mompopo'oo!
7Sine Ondae Ue Ala Ira mobangkuko kolakomu,
Ira rumakoko ka padiiko inso a laro ngkema, butako inso i tolino. Sela
8Ka mia mentee ntededengke,
ka do'amba mpengingisiio,
9”Ndiomo mia anu nahi pokogagi Ira Ue Ala pepekaduduiano,
butu mehonda a ngkaeano anu hadio ntu'u,
ka mepekadudui a ponsolangino!”
10Sine ongkue andio kana keu saitu anu mololowulu
a laro Raha-Do Ue Ala;
kupe'ala-alao mpiha pompehohawa-Do Ue Ala anu nahi bali
ka nahina tampulaano.
11Aku umunde-unde Komiu ranta nahina tampulaano,
hangano moweweu Komiumo;
momperorohi aku a nee-Miu hangano moiko Komiu
i arodo mia anu pinehohawa-Miu!
Currently Selected:
Po'unde-unde 52: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
