Po'unde-unde 125
125
Rodo a pongkadudui-Do i Ue
125:1-5
1Penani mekoho.
Mia anu mompe'ala-ala ndi Ondae i Ue
onaemo kana Torukuno Sioni: nahi telelu
ka nahi bali ranta nahina tampulaano.
2Yerusale ilimbuo luwuno torukuno;
kanatuumo Dolimbu ira i Ue bawaa-Do,
mompu'u kanandio-andio hawe nahina tampulaano.
3Oo, tuko pabawano mia mosa'o gauno nahi ta mo'ia mpiha
a wawo wita anu tiniaako undi a mia mentee,
ka si weroo mia mentee
kaeno moweweu mosa'o.
4Ipoweweumo moiko, oo Ue, a mia moiko
ka a mia anu moleo aroano;
5sine mia anu pansia a nsala anu melengku-lengkuako,
po'ineeomo Dosaari ira i Ue meronga luwuno mia anu mpoweweu mosa'o.
Rodoa a nto Isaraeli!
Currently Selected:
Po'unde-unde 125: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
