Po'unde-unde 124
124
Po'unde-unde ndi Ondae anu Tumulungio Isaraeli
124:1-8
1Penani pekohono i Daudi.
Tewala komba Ondae i Ue anu me'alaako ndi ontae,
– po'ineeomo to Isaraeli mpotae kanandio –
2tewala komba Ondae i Ue anu me'alaako ndi ontae,
tempono dompentade mia umewai kita,
3manasa domentele kitamo tuwu-tuwu,
tempono tekudado tesingka ndi ontae;
4manasa ipolomo kitamo uwoi,
ipotondu kitamo mowo,
5manasa ipolomo kitamo mowo,
uwoi anu lulua atuu.
6Inunde-unde Iramo i Ue anu nahi Dopeweengako kita
gagi ngaiano ngisido!
7Penaato tepotola kana manu-manu
inso a ohono puu mporako manu-manu;
oho atuu tebiteomo,
ka ontae mbo'u ntepotola!
8Pontulungito a nee-Do i Ue,
anu mokogagio langi ka tolino.
Currently Selected:
Po'unde-unde 124: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
