Po'unde-unde 115
115
Marambaa butu tia-Do Ue Ala
115:1-18
1Komba ndi omami, oo Ue, komba ndi omami,
sine a nee-Miumo moikoano iwineeako marambaa,
hangano pompehohawa-Miu, hangano petenunu-Miu!
2Tembio luwuno tongku asalakono ka dompotae,
”Isuake Ue Alado?”
3Ondae Ue Alato kongko i suruga!
Ondae weweuo hapa anu inehe-Do.
4 #
Pud. 135:15-18; Meng. 9:20 Luwuno lahumoado butu salaka ka wulaa,
wineweuno kaeno mia,
5hinao ngangano, sine nahi pokompepau,
hinao matano, sine nahi pokompongkita,
6hinao birino, sine nahi pokomporonge,
hinao engeno, sine nahi pokompowoo,
7hinao kaeno, sine nahi pokomperare,
hinao karuno, sine nahi pokompelempa,
ka nahi polio moluarako suarano a burokono.
8Ondae anu meweweuo ira gagi mpengkena kanatuu,
kanatuu koa mbo'u luwuno mia anu mpe'ala-alao.
9Hei to Isaraeli, impe'ala-ala Iramo i Ue! —
Ondaemo anu tumulungi ira ka kantado.
10Hei sukuno i Haruni, impe'ala-ala Iramo i Ue! —
Ondaemo anu tumulungi ira ka kantado.
11Hei luwuno mia anu doitoako Ira i Ue, impe'ala-ala Iramo i Ue! —
Ondaemo anu tumulungi ira ka kantado.
12Dorambe kitamo i Ue; Ira rumonso kita,
rumonsoo suku Isaraeli,
rumonsoo sukuno i Haruni,
13 #
Meng. 11:18; 19:5 rumonso ira mia anu doitoako Ira i Ue,
moiko anu kodei maupo anu langkai.
14Po'ineeomo ka Dotiangio i Ue porokomu,
porokomu ka inulemu.
15Po'ineeomo ka Doronso komiu i Ue,
anu mokogagio langi ka tolino.
16Langi atuu langi-Do i Ue,
tolino Doweeako ira anano mia.
17Komba mia mate anu ta umunde-unde Ira i Ue,
ka komba mbo'u luwuno mia metiiomo a mpo'ianga boni-boni,
18sine ontaemo anu umunde-unde Ira i Ue,
mompu'u kanandio-andio hawe nahina tampulaano.
Haleluya!
Currently Selected:
Po'unde-unde 115: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
