Po'unde-unde 101
101
Pontangano asa mokole
101:1-8
1Penani po'unde-undeno i Daudi.
Aku menaniako pompehohawa ka moleoa,
aku menani umunde-unde Komiu, oo Ue.
2Aku mekokoongakono tumuwu anu nahina tataano.
Te'ipiake Komiu aiwa ndi ongkue?
Ineheku tuwu moleo aroa
a laro rahaku.
3Mataku nahi behe mongkita
pompokonsiia;
poweweu anu pansia ku'o'aliaakono,
komba ku'ineheakono.
4Aroa anu molengku kutadio olai ntu'u,
nahi kubehe anu mosa'o.
5Mia anu mewuni-wuni mompepaukiako walino,
aku mepateo.
Mia anu mompelangka-langkai ka labampau,
komba ineheku.
6Mataku te'aro a mia anu metenunu i wita andio,
ka dompo'ia saru ongkue.
Mia anu tuwu nahina tataano,
ta mekakaakune.
7Mia anu mompopo'oo
nahi ta mo'ia a laro rahaku,
mia anu megaupi
nahi ta polio mentade i aroku.
8Sompo mo'oru aku mepate ira
luwuno mia mosa'o gauno i wita andio;
ka kupokotampulao inso a ngkota-Do i Ue,
luwuno mia anu moweweu mosa'o.
Currently Selected:
Po'unde-unde 101: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
