Podoaa 7
7
Pesomba i tempono poronsoa Kema Mempori
7:1-89
1I tempono i Musa umariomo wanguo Kema Mempori, i'urapio ka ipokomemporio saru luwuno sangkano, saru meda pontunua pesomba ka luwuno parewano. Umarino luwuno atuu i'urapio ka ipokomemporio, 2luwuno petewawado to Isaraeli, luwuno petewawado anu mpepe'etu, mpopesombaako pesomba. Ondae atuu luwuno petewawa suku anu mento'orio peburia atuu. 3Mpowawa ira pesomba i aro-Do i Ue onoo kareta me'ato saru hopulu ka orua sapi; asa kareta tiano orua mia petewawa ka asa sapi tiano asa mia petewawa. Luwuno atuu domewawao i arono Kema Mempori. 4Ka Do'amba mepau i Ue ndi Musa, 5”Tarimaomo luwuno atuu inso ndi ondae, kai pinake tiano anggaa a Ngkema Tepotowoa. Weeako iramo luwu to Lewi, menunu saru kinereno anggaano asa mia ka asa mia.” 6I Musa tumarimao luwuno kareta ka sapi atuu, ka i'amba weeako ira to Lewi. 7Orua kareta ka opaa sapi iweeako ira inuleno i Geresoni, menunu saru kinereno anggaado, 8ka opaa kareta saru oalu sapi iweeako ira inuleno i Merari, menunu saru kinereno anggaado a mpetewawano i Itamari, anano Sando mpesomba Haruni. 9Sine a inuleno i Kehati nahi poweeako ira maupo hapa, hangano anggaado onaemo mpontande luwuno sangka mempori a wawo oweado.
10Luwuno petewawa mbo'u mpowawa pesomba tiano poronsoa meda pontunua pesomba, a oleo meda pontunua pesomba atuu inurapi. Luwuno petewawa mpowawa pesombado i arono meda pontunua pesomba atuu. 11Ondae i Ue mepau ndi Musa, ”Asa petewawa sompo oleo asalakono mowawa pesombano tiano poronsoa meda pontunua pesomba atuu.”
12Anu mowawa pesombano a oleo amba-ambano, onaemo i Nahasoni anano i Aminada, inso a nsuku Yehuda. 13Pesombano onaemo asa sempe salaka, asa etu tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana, weweua pesomba kaanga; 14asa sangkiri hopulu sikala wulaa mobeano, me'ihi dupa, 15asa sapi lakino mongura, asa bimba lakino ka asa bimba lakino tinuwuno asa nta'u weweua pesomba tinunu; 16asa bembe lakino weweua pesomba po'onini hala, 17ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Nahasoni anano i Aminada.
18Ia oleo ko orua i Netane'eli anano i Suari, petewawado suku Isakari, mowawa pesomba. 19Gagi pesombano, iwawao asa sempe salaka, asa etu tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga; 20asa sangkiri hopulu sikala wulaa mobeano, me'ihi dupa; 21asa sapi lakino mongura, asa bimba lakino, ka asa bimba lakino tinuwuno asa nta'u weweua pesomba tinunu. 22Asa bembe lakino weweua pesomba po'onini hala; 23ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Netane'eli anano i Suari.
24Ia oleo ko'otolu, onaemo petewawado inuleno i Sebulo, i Eliabi anano i Heloni. 25Pesombano onaemo asa sempe salaka, asa etu ka tolu pulu sikala mobeano, ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala mempori, oruano me'ihi tarigu anu moiko ntu'u, sinaloako lana weweua pesomba kaanga; 26asa sangkiri, hopulu sikala wulaa mobeano, me'ihi dupa. 27Asa sapi lakino mongura, asa bimba lakino, ka asa bimba lakino tinuwuno asa nta'u, weweua pesomba tinunu. 28Asa bembe lakino weweua pesomba po'onini hala; 29kaweweua pesomba tekadududia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Eliabi anano i Heloni.
30Ia oleo ko'opaa, onaemo petewawado inuleno i Rube, i Elisuri anano i Siedeuri. 31Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu anu moiko ntu'u, sinaloako lana, weweua pesomba kaanga; 32asa sangkiri hopulu sikala wulaa mobeano me'ihi dupa; 33asa sapi lakino mongura, asa bimba lakino ka asa bimba lakino tinuwuno asa nta'u weweua pesomba tinunu; 34asa bembe lakino weweua pesomba po'onini hala; 35ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Elisuri anano i Siedeuri;
36Ia oleo ko'olima onaemo petewawado inuleno i Simeoni, i Selumieli anano i Surisiadai. 37Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihitarigu anu moiko ntu'u, sinaloako lana weweua pesomba kaanga; 38asa sangkiri, hopulu sikala wulaa mobeano, me'ihi dupa; 39asa sapi mongura, asa bimba lakino ka asa bimba lakino tinuwuno asa nta'u, weweua pesomba tinunu; 40asa bembe lakino weweua pesomba po'onini hala; 41ka weweua pesomba tekaduduia orua sapi, olima bimba lakino ka olima bimba lakino tinuwuno asa nta'u. Onaemo pesombano i Selumieli anano i Surisiadai.
42Ia oleo ko'onoo onaemo petewawado inuleno i Gadi, i Eliasapi anano i Rehueli. 43Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga. 44Asa sangkiri, hopulu sikala wulaa mobeano, me'ihi dupa; 45asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu. 46Asa bembe lakino weweua pesomba po'onini hala; 47ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Eliasapi anano i Rehueli.
48Ia oleo ko'opitu onaemo petewawado inuleno i Eparai, i Elisama anano i Amihudi. 49Pesombano onaemo asa sempe salaka, asa etu ka tolu pulu sikala mobeano, ka asa loea kodei ponsiwui wineweu inso a nsalaka, pitu pulu sikala mobeano, tinimba montonda sikala po'ianga mempori, ko'oriano me'ihi tarigu moiko, wineweu sinakoako lana, tiano pesomba kaanga; 50asa sangkiri, hopulu sikala wulaa mobeano, me'ihi dupa; 51asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu. 52Asa bembe lakino weweua pesomba po'onini hala; 53ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Elisama anano i Amihudi.
54Ia oleo ko'oalu onaemo petewawado inuleno i Manase, i Gamalieli anano i Pedasuri. 55Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga. 56Asa sangkiri, hopulu sikala wulaa mobeano me'ihi dupa; 57asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu; 58asa bembe lakino weweua pesomba po'onini hala; 59ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Gamalieli anano i Pedasuri.
60Ia oleo ko'osio onaemo petewawado inuleno i Benami, i Abidani anano i Gideoni. 61Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga; 62asa sangkiri, hopulu sikala wulaa mobeano me'ihi dupa; 63asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu; 64asa bembe lakino weweua pesomba po'onini hala; 65ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Abidani anano i Gideoni.
66Ia oleo kohopulu onaemo petewawado inuleno i Dani, i Ahieseri anano i Amisiadai. 67Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana, weweua pesomba kaanga; 68asa sangkiri, hopulu sikala wulaa mobeano, me'ihi dupa; 69asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu; 70asa bembe lakino, weweua pesomba po'onini hala; 71ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Ahieseri anano i Amisiadai.
72Ia oleo kohopulu ka asa onaemo petewawado inuleno i Asere, i Pagieli anano i Okirani. 73Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga; 74asa sangkiri, hopulu sikala wulaa mobeano, me'ihi dupa; 75asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu; 76asa bembe lakino weweua pesomba po'onini hala; 77ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Pagieli anano i Okirani.
78Ia oleo kohopulu ka orua onaemo petewawado inuleno i Napatali, i Ahira anano i Enani. 79Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga; 80asa sangkiri, hopulu sikala wulaa mobeano, me'ihi dupa; 81asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu; 82asa bembe lakino weweua pesomba po'onini hala; 83ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Ahira anano i Enani.
84Ndiomo pesomba poronsoa meda pontunua pesomba inso a luwuno petewawado Isaraeli ia oleo meda pontunua pesomba atuu inurapi: hopulu ka orua sempe salaka, hopulu ka orua loea kodei ponsiwui wineweu inso a nsalaka ka hopulu ka orua sangkiri wulaa. 85Mobeano sompo sempe, asa etu ka tolu pulu sikala salaka ka mobeano sompo loea kodei ponsiwui, pitu pulu sikala. Luwuno salakano parewa atuudo, mobeano rua nsowu ka pato etu sikala, kinati montonda sikala po'ianga mempori. 86Hopulu ka orua sangkiri wulaa, me'ihi dupa, sompo sangkiri mobeano hopulu sikala, kinati montonda sikala po'ianga mempori. Luwuno wulaano sangkiri atuu mobeano asa etu ka rua pulu sikala. 87Luwuno pinotuwu weweua pesomba tinunu atuu, onaemo hopulu ka orua sapi lakino, hopulu ka orua bimba lakino, hopulu ka orua bimba lakino tinuwuno asa nta'u, saru pesomba kaangano, hopulu ka orua mbo'u bembe lakino weweua pesomba po'onini hala. 88Luwuno pinotuwu pesomba tekaduduia atuu, onaemo rua pulu ka opaa sapi lakino, nomo pulu bimba lakino, nomo pulu bembe lakino ka nomo pulu bimba lakino tinuwuno asa nta'u. Onaemo pesomba poronsoa meda pontunua pesomba, umarino meda pontunua pesomba atuu inurapi.
89Mansano mewinso i Musa a laro Kema Tepotowoa ta mepau saru Ondae i Ue, irongeo anu mepau ndi onae inso a wawo tutuwi pesintuwua anu i wawono burua songka-Do Ue Ala, inso i olono orua kerubi atuu. Kanandiomo Dopepau ndi onae.
Currently Selected:
Podoaa 7: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
