I MATIU 1
1
Pinu'u-Do i Yesu Kerisituu
1:1-17
(Luk. 3:23-38)
1Ndiomo potudano anu umule Ira i Yesu Kerisituu, anano i Daudi, anano i Burahima. 2I Burahima me'anaakono i Saki, i Saki me'anaakono i Yako, i Yako me'anaakono Yahuda ka luwuno pepaekompono, 3i Yahuda kumombiao i Tamari dope'anaako ira i Peresi ka i Sera, i Peresi me'anaakono i Heseroni, i Heseroni me'anaakono i Rami, 4i Rami me'anaakono i Aminada, i Aminada me'anaakono i Nahaso, i Nahaso me'anaakono i Salomo, 5i Salomo kumombiao i Rahabi dope'anaakono i Boasi, i Boasi kumombiao i Ruti, dope'anaakono i Obe, i Obe me'anaakono i Isai, 6i Isai me'anaakono i mokole Daudi. I Daudi me'anaakono i Salomo inso a ngkombiano i Uria, 7i Salomo me'anaakono i Rehabea, i Rehabea me'anaakono i Abia, i Abia me'anaakono i Asa, 8i Asa me'anaakono i Yosapa, i Yosapa me'anaakono i Yora, i Yora me'anaakono i Usia, 9i Usia me'anaakono i Yota, i Yota me'anaakono i Ahasi, i Ahasi me'anaakono i Hisikia, 10i Hisikia me'anaakono i Manase, i Manase me'anaakono i Amoni, i Amoni me'anaakono i Yosia, 11#2Mok. 24:14-15; 2Taw. 36:10; Yer. 27:20 Tempono domentinawa i Babeli, i Yosia me'anaako ira i Yekonya ka saru pepaekompono. 12Umarido mentinawa i Babeli i Yekonya me'anaakono i Sealatie, i Sealatie me'anaakono i Serubabe, 13i Serubabe me'anaakono i Abihu, i Abihu me'anaakono i Eliaki, i Eliaki me'anaakono i Asori, 14i Asori me'anaakono i Sadoki, i Sadoki me'anaakono i Akima, i Akima me'anaakono i Eliu, 15i Eliu me'anaakono i Eleasa, i Eleasa me'anaakono i Mata, i Mata me'anaakono i Yako, 16i Yako me'anaakono i Yusupu kombiano i Maria, anu me'anaako Ira i Yesu anu nineeako i Kerisituu.
17Gaagi luwuno hinao: hopulu ka opaa inule inso ndi Burahima hawe ndi Daudi, hopulu ka opaa inule inso ndi Daudi ranta ka domentinawa i Babeli, ka hopulu ka opaa inule insono domentinawa i Babeli ranta hawe ndi Ondae i Kerisituu.
Hinaa-Do i Yesu Kerisituu
1:18-25
(Luk. 2:1-7)
18 #
Luk. 1:27
Hinaa-Do i Yesu Kerisituu kanandio: Tempono i Maria, ine-Do, mesambora saru i Yusupu, teto'ori onae mentia inso a Mpenaa Mempori, se'eluno napi dotuwu gagi mia mekombia. 19Hangano i Yusupu tamano, asa mia anu moleo aroano, ka nahi behe mokoko'iio beineno a mia hadio, montoomo ta bintao memaro-maro. 20Sine tempono ipewowoloo tinoono atuu, ikitaomo mala'eka-Do i Ue a mo'ipino ka ipotae, ”I Yusupu anano i Daudi, sidoito umalao i Maria gagi beinemu hangano nana'ote a laro pe'anakaano onaemo inso a Penaa Mempori. 21#Luk. 1:31 Onae ta me'anaako ana ntama ka numeeako Ira i Yesu, hangano Ondaemo anu Ira kumaduduio bawaa-Do inso a halado.” 22Luwuno atuu gagi ka i'inihii anu pinau-Do i Ue, montonda pinaudo nabi. 23#Yes. 7:14”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita. 24Mansano mewanguomo i Yusupu a mpoturiano, iweweuo kana anu ipetenaakono mala'eka-Do i Ue atuu ndi onae. I'alaomo i Maria gagi beineno, 25#Luk. 1:31 sine nahi pewowaliakono ranta ka ipe'anaakono anano ntama ka i Yusupu numeeako Ira i Yesu.
Currently Selected:
I MATIU 1: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
