Yosua 21

Luwuno kotado to Lewi

21:1-42

1 # 1Taw. 6:54-81 Mehawe iramo luwuno petewawa pepe'etuado to Lewi ndi sando mpesomba Eliasa, ndi Yosua anano i Nunu, ka ia petewawa pepe'etuado i olodo luwuno tongku to Isaraeli 2#Pod. 35:1-8ka dompotae ndi ondae i Silo i wita Kana'a, kanandio, ”Ondae i Ue metena Iramo ndi Musa, ka doweekami luwuno kota gagi po'ianga mami ka luwuno wita pompakambia pinotuwu mami.” 3Onaemo to Isaraeli pompoweengako inso a pusakado luwuno kota saru luwuno wita mpopakambia a nto Lewi, kana petena-Do i Ue.

4 # Pel. 6:18-20 Meluarakoomo undia ia mia nto Keha. Ka ndi ondae to Lewi luwuno anano sando mpesomba Haruni, telalo a ia undia mpohawe ira hopulu ka otolu kota inso ia tongku Yehuda, inso ia tongku Simeo, ka inso ia tongku Benami. 5Pe'etu anu susua inso ia inuleno i Keha mpohawe undia hopulu kota te'inso ia tongku Eparai, inso ia tongku Dani ka inso ia tongku Manase anu asantia atuu. 6Inuleno i Gereso mpohawe undia hopulu ka otolu kota te'inso ia tongku Isaka, inso ia tongku Asere, inso ia tongku Napatali ka entongano tongku Manase i Basani atuu. 7Inuleno i Merari mpohawe undia hopulu ka orua kota montonda pepe'etuado, te'inso ia tongku Rube, inso ia tongku Gadi, inso ia tongku Sebulo. 8Kanandiomo doweeako ira to Isaraeli luwuno kota hieno, saru luwuno wita pompakambiado ndi ondae to Lewi kana undia anu Dotenaako ira i Ue ndi Musa.

9Inso ia tongku inuleno i Yehuda ka inso ia tongku inuleno i Simeo domewineeako luwuno kota andio: 10Ia luwuno anano i Haruni to Keha anu tewinso a inuleno i Lewi, nde ondaemo mpohawe undia anu amba-ambano. 11Ndi ondae domewineeako Kiriati-Araba, onaemo Heberoni, a mentorukuno Yehuda, ka luwuno wita pompakambiado. Araba onaemo amado tongku Ena. 12Sine wita pelerea kota hieno saru luwuno iniano dompeweengakonomo ndi Kalebi anano i Yepune gagi pusakado. 13Ndi anano sando mpesomba i Haruni, domewineeako Hebero, kota pepotuwua tiado anu pompepate, ka wita pompakambiano, Libina saru wita pompakambiano, 14Yatiri saru wita pompakambiano, Esetemoa saru wita pompakambiano, 15Holoni saru wita pompakambiano, Debiri saru wita pompakambiano, 16Aini saru wita pompakambiano, Yuta saru wita pompakambiano, ka Beti-Seme saru wita pompakambiano, luwuno osio kota inso ia orua tongku atuu. 17Ka te'inso ia tongku Benami: Gibeo saru wita pompakambiano, Geba saru wita pompakambiano, 18Anatoti saru wita pompakambiano, ka Alamoni saru wita pompakambiano, luwuno opaa kota. 19Luwuno kota-kota tiado anano i Haruni, sando mpesomba atuu, hopulu ka otolu kota saru wita pompakambiano.

20Pe'etu inso ia inuleno i Keha anu susua, onaemo to Lewi anu da mpo'ia i olodo inuleno i Keha mpohawe kota inso ia undiado tongku Eparai. 21Ndi ondae domewineeako Sikemi, kota pepotuwua tiado anu mpopepate, saru wita pompakambia, a mentorukuno Eparai, Geseri saru wita pompakambiano, 22Kibesai saru wita pompakambiano ka Beti-Horo saru wita pompakambiano, luwuno opaa kota. 23Ka inso ia tongku Dani: Eliteke saru wita pompakambiano, Gibetoni saru wita pompakambiano, 24Ayalo saru wita pompakambiano ka Gati-Rimo saru wita pompakambiano, luwuno opaa kota. 25Ka inso ia tongku Manase anu asantia atuu: Ta'anaki saru wita pompakambiano ka Gati-Rimo saru wita pompakambiano, luwuno orua kota. 26Luwuno kota atuu hopulu, saru wita pompakambiano, pinakosi tiado pe'etu anu da mpo'ia i olodo inuleno i Keha.

27Inuleno i Gereso inso ia pe'etuno i Lewi mpohawe inso ia tongku Manase anu asa ntiano mbo'u: Golani, kota pepotuwua tiado mia puu mpompepate, Basani, saru wita pompakambiano, ka Besetera saru wita mpompakambiano, luwuno orua kota. 28Ka inso ia tongku Isaka: Kisipo saru wita pompakambiano, Dobara saru wita pompakambiano, 29Yaramu saru wita pompakambiano, ka Eni-Gani saru wita pompakambiano, luwuno opaa kota. 30Ka inso ia tongku Asere: Misali saru wita pompakambiano, Abidoni saru wita pompakambiano, 31Heleka saru wita pompakambiano, ka Rehobi saru wita pompakambiano, luwuno opaa kota. 32Ka inso ia tongku Napatali: Kedesi, kota pepotuwua tiado puu pompepate, Galilea, saru wita pompakambiano, Hamoti-Dore saru wita pompakambiano, ka Karatani saru wita pompakambiano, luwuno otolu kota. 33Luwuno kota tiado to Geresoni montonda pepe'etuado hinao hopulu ka otolu kota saru wita pompakambiano.

34Luwuno pe'etu inuleno i Merari, to Lewi anu da mpo'ia, mpohawe inso ia tongku Sebulo: Yokonea saru wita pompakambiano, Karata saru wita pompakambiano, 35Dimina saru wita pompakambiano ka Nahalali saru wita pompakambiano, luwuno opaa kota. 36Ka inso ia tongku Rube: Beseri saru wita pompakambiano, Yahasi saru wita pompakambiano, 37Kedemoti saru wita pompakambiano ka Mepaati saru wita pompakambiano, luwuno opaa kota. 38Ka inso ia tongku Gati: Ramoti, kota pepotuwua tiado puu pompepate, i Gilea saru wita pompakambiano, Mahanai saru wita pompakambiano, 39Hesiboni saru wita pompakambiano ka Yaeseri saru wita pompakambiano, luwuno opaa kota. 40Luwuno kota atuu pinakosi tiano inuledo to Merari, anu da mpo'ia inso ia pepe'etuado to Lewi. Tia undiado hinao hopulu ka orua kota.

41Luwuno kotado to Lewi i olodo to Isaraeli hinao pato pulu ka oalu kota saru wita pompakambiano. 42Sompo kota atuu pada hinao wita pompakambia anu lumimbuo, kanandiomo luwuno kota atuu.

Rodoa a wita anu dinandi-Do i Ue

21:43-45

43Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai. 44Ka Ondae i Ue moweeako ira rodoa sompo siuno wita, menunu kana dandi ka sumpa-Do ia ue mpu'udo. Nahina maupo te'asa mia iwalido anu moko'aropi ira, luwuno iwalido Dopewengaako ira i Ue ndi ondae. 45Luwuno anu moiko anu dinandi-Do i Ue a nto Isaraeli, nahina anu nahi pinokogagi. Luwuno pinokogagi.

Currently Selected:

Yosua 21: XMZ

Highlight

Compare

Copy