Yosua 12

Luwuno mokole anu tenangi

12:1-24

1 # Pod. 21:21-35; Win. 2:26–3:11 Ndiomo luwuno mokole anu tenangi ia nto Isaraeli ka witado dompentorokio to Isaraeli i asatowano Yarade te'alaako i sabaano oleo, inso ia koro Aranoni hawe i torukuno Heremoni, ka luwuno Araba-Yarade i sabaano oleo: 2Onaemo i Sihoni mokoledo to Amori, anu mo'ia i Hesiboni anu meparenta ia wita inso i Aro'eri anu i wiwino koro Aranoni, ia tia oruano korono atuu, ka entongano Gileadi, hawe ia koro Yaboko, tida witado to Amoni, 3ka iwawono Araba-Yarade hawe i sabaano oleo rano Kinero ka hawe i sabaano oleo Tahi Araba, onaemo Tahi Mate, ngkoraane Beti-Yesimo, ka ngkoraane i selata hawe i pu'uno korimbino Pisiga. 4Umarino tuu mokole Ogo, mokole i Basani, asa mia inso ia toreano to Repaimi. Mokole andio mo'ia i Asitaro ka i Ederei, 5ka meparenta i torukuno Heremoni, i Salika, ka luwuno Basani hawe i wita to Gesuri ka mia Maaka ka entongano wita Gilea hawe i witado Sihoni mokole Hesiboni. 6#Pod. 32:33; Win. 3:12I Musa tetenaa-Do i Ue atuu saru to Isaraeli donangi iramo, ka i Musa, tetenaa-Do i Ue atuu ipeweengakonomo wita atuu a nto Rube, to Gadi ka ia tongku Manase anu asantia atuu gagi tiado.

7Ndiomo mokole anu ninangino i Yosua saru to Isaraeli i sumooano oleo Koro Yarade, inso i Ba'ala-Gadi i lembono torukuno Libano hawe ia torukuno Gundu anu morake lumako i Seiri, wita andio ipeweengakono i Yosua a nto Isaraeli gagi tiado, montonda petiaado, 8ia mentorukuno, i Sepela, i Araba-Yarade, i Korimbino Torukuno, i Pada One ka i Wita Nege, i witado to Heti, to Amori, to Kana'a, to Perisi, to Hewi ka to Yebusi.

9Ndiomo mokole atuudo: Mokole wita Yeriko, aasa; mokole i kota Ai i asambalino Beteli, aasa; 10mokole wita Yerusale, aasa; mokole wita Heberoni, aasa; 11mokole wita Yaramu, aasa; mokole wita Lakisi, aasa; 12mokole wita Egelo, aasa; mokole wita Geseri, aasa; 13mokole wita Debiri, aasa; mokole wita Gederi, aasa; 14mokole wita Herema, aasa; mokole wita Aradi, aasa; 15mokole wita Libina, aasa; mokole wita Adulami, aasa; 16mokole wita Makeda, aasa; mokole wita Beteli, aasa; 17mokole wita Tapua, aasa; mokole wita Heperi, aasa; 18mokole wita Apeki, aasa; mokole wita Lasaro, aasa; 19mokole wita Madoni, aasa; mokole wita Hasori, aasa; 20mokole wita Simiro Meroni, aasa; mokole wita Akasa, aasa; 21mokole wita Ta'anaki, aasa; mokole wita Megido, aasa; 22mokole wita Kedesi, aasa; mokole wita Yokonea, umpeda torukuno Karameli, aasa; 23mokole wita Dori, i wita pongku Dori, aasa; mokole wita Goimi i Galilea, aasa; 24mokole wita Tirisa, aasa. Gagi luwuno mokole atuu tolu pulu ka asa mia.

Currently Selected:

Yosua 12: XMZ

Highlight

Compare

Copy