Ayubi 26
26
Sangkino i Ayubi ndi Bilidadi
26:1-4
1Ka i'amba sumangki i Ayubi,
2”Tedoa moiko petulungimu a mia anu nahina rosono,
ka pontulungimu a ntokia anu nahi moroso!
3Tedoa moiko patudumu a mia anu nahina ponto'orino,
ka ponto'ori anu upaguruako ira a hadio mia!
4A mpetenano isemake upauo pau atuu,
ka pohaweno isemake anu pinokomengkaamu?
Isema mokonto'orio langkaino pabawa-Do Ue Ala
26:5-14
5Onitudo mia mate mpondidi-ndidi i totono,
kanatuu koa mbo'u uwoi ka ihino.
6Po'iangado mia mate te'ungkahi i aro-Do Ue Ala,
po'ianga matea mbo'u nahina ulono.
7Ondae Ue Ala wileo langi utara i wawono anu mooa,
ka ndumoeo tolino nahina ihino.
8Uwoi Dotongoo a laro nseru-Do,
sine seru atuu nahi teberi itotono mobeano.
9Pansarino wulantii Dotutuwio,
tumutuwiakono seru-Do.
10A wawo uwoi Dopegaresi
gagi tida olono mewine ka wongi-wongi;
11karuno langi mpelelu,
ntekokodohoako tekuda-Do.
12Hangano pabawa-Do i Ue tahi temonto
ka hangano pande-Do i Rahabi pinirego.
13Penaa-Do mokogagio langi mewanta,
kae-Do lumompahio ule anu malempi.
14Menteeano, luwuno atuu butu tompano sala-Do;
me'ara-arai ntu'u metanga anu rinongeto inso ndi Ondae!
Isema mokonto'orio runduno pabawa-Do?”
Currently Selected:
Ayubi 26: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
