Yesaya 6
6
I Yesaya mohawe pepoboi-Do Ue Ala
6:1-13
1 #
2Mok. 15:7; 2Taw. 26:23 A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori. 2#Meng. 4:8Luwuno Serapimi mpentade i hori-Do, singge mia hinao onoo panino, orua pani anu tumutuwio rupado, orua pani anu tumutuwio karudo ka orua pani peneedo. 3Ondae mpebooli mpesangki-sangki,
”Mempori, mempori, mempori Iramo Ueno luwuakoano,
asa wawontolino buke maramba-Do!”
4 #
Meng. 15:8
Onaemo ka itelelu empehino montoweano pewowa pebooli hangano peboolido ka raha mbo'u atuu bukeako ahu. 5Ka ku'amba motae,
”Masola akumo ntu'u! mate aku!
Hangano ongkue andio asa mia anu mokoburu wiwino,
ka ongkue mo'ia itonga-tongano tongku anu mokoburu wiwido,
sine mataku kumita Iramo Ondae Mokole, Ueno luwuakoano.”
6Ka i'amba asa i olodo Serapimi atuu menee te'aro ndi ongkue; a ngkaeno hinao waro anu i'alaakono sipi inso a wawo meda pontunua pesomba. 7Itengkuakono a ngangaku saru motae,
”Kitao, wiwimu itengkuomo waro andio,
onaemo pu'uno salamu tinadiomo ka halamu pinokotampulaomo.”
8Ka ku'amba rumongeo suara-Do i Ue mepau,
”Isemake anu Aku tumenao,
ka isemake anu behe lumakoa Kita?”
Sangkiku, ”Ndio aku, Itena akumo!”
9 #
Mat. 13:14-15; Mrk. 4:12; Luk. 8:10; Yoh. 12:40; Tin. 28:26-27 Ka Do'amba mepau,
”Lakomo, ka pauako iramo tongku andio:
Imperorongeakono ntu'u, sine nahi komiu mento'orio!
Imengkitaomo tementee ntu'u, sine nahi komiu mempokonto'orio!
10Iweweuomo aroano tongku andio motea
ka birido mobea moronge
ka matado metako tepusu,
kasi domengkitaakono matado
ka merongeakono birido
ka mpokonto'oriakono aroado,
ka do'amba mpepokule ka gagi tompa.”
11Ka ku'amba mesikeno, ”Hawe opia tehineno, Oo Ue?” Ka Do'amba sumangki,
”Hawe luwuno kota gagi terawo-rawo nahina palilino,
luwuno raha nahina miano,
wita tepo'ia ka boni-boni.
12Ondae iUe Ira tumadio mia te'olai,
ranta i wita atuu hadio po'ianga anu bininta.
13Tewala i ra'ai da mpo'ia asa ntia hopulu inso ndi ondae,
ta kumaa ira api pohonapo mbo'u,
kana keu tarabanti ka keu langkai susuano
anu tinuehi butumo koa tu'ono tebinta.
Tu'o atuu gagi wuku mpinopaho anu mempori.”
Currently Selected:
Yesaya 6: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 6
6
I Yesaya mohawe pepoboi-Do Ue Ala
6:1-13
1 #
2Mok. 15:7; 2Taw. 26:23 A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori. 2#Meng. 4:8Luwuno Serapimi mpentade i hori-Do, singge mia hinao onoo panino, orua pani anu tumutuwio rupado, orua pani anu tumutuwio karudo ka orua pani peneedo. 3Ondae mpebooli mpesangki-sangki,
”Mempori, mempori, mempori Iramo Ueno luwuakoano,
asa wawontolino buke maramba-Do!”
4 #
Meng. 15:8
Onaemo ka itelelu empehino montoweano pewowa pebooli hangano peboolido ka raha mbo'u atuu bukeako ahu. 5Ka ku'amba motae,
”Masola akumo ntu'u! mate aku!
Hangano ongkue andio asa mia anu mokoburu wiwino,
ka ongkue mo'ia itonga-tongano tongku anu mokoburu wiwido,
sine mataku kumita Iramo Ondae Mokole, Ueno luwuakoano.”
6Ka i'amba asa i olodo Serapimi atuu menee te'aro ndi ongkue; a ngkaeno hinao waro anu i'alaakono sipi inso a wawo meda pontunua pesomba. 7Itengkuakono a ngangaku saru motae,
”Kitao, wiwimu itengkuomo waro andio,
onaemo pu'uno salamu tinadiomo ka halamu pinokotampulaomo.”
8Ka ku'amba rumongeo suara-Do i Ue mepau,
”Isemake anu Aku tumenao,
ka isemake anu behe lumakoa Kita?”
Sangkiku, ”Ndio aku, Itena akumo!”
9 #
Mat. 13:14-15; Mrk. 4:12; Luk. 8:10; Yoh. 12:40; Tin. 28:26-27 Ka Do'amba mepau,
”Lakomo, ka pauako iramo tongku andio:
Imperorongeakono ntu'u, sine nahi komiu mento'orio!
Imengkitaomo tementee ntu'u, sine nahi komiu mempokonto'orio!
10Iweweuomo aroano tongku andio motea
ka birido mobea moronge
ka matado metako tepusu,
kasi domengkitaakono matado
ka merongeakono birido
ka mpokonto'oriakono aroado,
ka do'amba mpepokule ka gagi tompa.”
11Ka ku'amba mesikeno, ”Hawe opia tehineno, Oo Ue?” Ka Do'amba sumangki,
”Hawe luwuno kota gagi terawo-rawo nahina palilino,
luwuno raha nahina miano,
wita tepo'ia ka boni-boni.
12Ondae iUe Ira tumadio mia te'olai,
ranta i wita atuu hadio po'ianga anu bininta.
13Tewala i ra'ai da mpo'ia asa ntia hopulu inso ndi ondae,
ta kumaa ira api pohonapo mbo'u,
kana keu tarabanti ka keu langkai susuano
anu tinuehi butumo koa tu'ono tebinta.
Tu'o atuu gagi wuku mpinopaho anu mempori.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021