Yesaya 7
7
I Yesaya mokorosoo mokole Ahasi
7:1-9
1 #
2Mok. 16:5; 2Taw. 28:5-6 I tempono i Ahasi anano i Yotami anano i Usia, mokoledo to Yehuda, lumakoomo i Resini, mokoledo to Arami, saru i Pekahi anano i Remalia, mokoledo to Isaraeli ta meteaakono Yerusale, sine nahi pokosapoio. 2Tempono ipinauako somborino i Daudi, ”to Arami mpekema iramo i wita Eparai,” aroano i Ahasi ka palilino mpondidi-ndidi medoito kana keu a ntobu mpelelu ipuurio angi.
3Mepau Iramo i Ue ndi Yesaya, ”Peluarakomo tepohaweakono i Ahasi, omue ka i Sieari Yasiubi, anamu tama, i tompano pangkorono Limbo i Wawono, a nsala a Mpada Penatu, 4ka pauakono, Dagaiomo koroimu ka ikongko momperodo. Siimo doito ka siimo itengkuru aroamu hangano orua tompa api anu me'ahu andio tekudano ntu'u i Resini saru to Arami ka anano i Remalia. 5Hangano to Arami ka to Eparai saru anano i Remalia mpontoo iramo anu mosa'o ndi omue, ka mpotae,
6Aiwamo tomelako mensapoio Yehuda, mpokodoitoo, ka mpongko'alao, ka i'amba pinotoro anano i Tabe'eli gagi mokole i tonga-tongano,
7ka kanandiomo pau-Do Ue Ala,
Mongkona atuu nahi ta pinokoweweu,
ka nahi ta gagi,
8hangano kota poparentaado to Arami onaemo Damasi,
petewawano Damasi onaemo i Resini.
Nomo pulu ka olima nta'u mbo'u
Eparai ta sinapoi, ranta nahi gagi mbo'u tongku.
9Ka kota poparentaado to Eparai onaemo Samaria,
petewawano Samaria onaemo anano i Remalia.
Tewala nahi moroso pompe'ala-alamiu,
mentee ntu'u nahi komiu merodo.”
Pompalele mongkona Imanueli
7:10-25
10Ondae i Ue motilaloakono pau-Do ndi Ahasi, Dopotae, 11”Emaomo asa petondoni inso ndi Ondae i Ue, Ue Alamu, ke inso a mpo'ianga ondaloano tolinodo mia mate ke a mpo'ianga kana mantandeno langi.” 12Sine sumangki i Ahasi, ”Nahi kubehe umemao, nahi kubehe umara-arahako Ira i Ue.” 13Ka i'amba motaeomo i Yesaya, ”Rongeomo hei somborino i Daudi! Napi sompoke imeweweu ira mia nte'osa, ranta iweweu Ira mbo'u Ue Alaku te'osa? 14#Mat. 1:23Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli. 15Onae ta mongkaa susu baku ka siu hoani hawe ka ito'orio mosa'oakono anu mosa'o ka binikio anu moiko, 16hangano se'eluno napi to'orio nana'ote atuu mosa'oakono anu mosa'o ka binikio anu moiko, witado orua mokole anu dinoitoakomu ta bininta mooa. 17Ondae i Ue Ira mompotii ndi omue, a mpalilimu ka a mpe'etumu tempo masukaraa kana anu napi hori gagi mompu'u i Eparai meliahako inso i Yehuda, molalo mokoledo to Asuri.”
18I tempo atuu Ondae i Ue momansu mompoboi lale
anu mekongko i untuno luwuno ana ngkoro Nili,
ka mompoboi hoani
anu mekongko i wita Asuri.
19Ka i'amba luwuno ira mehawe ntetopa a luwuno bangano melaapimpi
ka a olono pongku-pongku watu,
a luwuno wala rui
ka a luwuno wita pompakambia.
20A oleo atuu saru piso pongkeru anu sinabo olai inso i asatowano koro Eparata, onaemo mokole Asiuri, Ondae i Ue Ira mongkeru ulu ka wulu i olono pa'a, piso atuu ta mokotampulao mbo'u danggo.
21A oleo atuu sompo mia ta mompekaria asa sapi waino anu mongura ka orua bimba, 22ka hangano hadiono susu anu hinasili, ira mpongkaa susu baku; mentee ntu'u, susu baku ka siu hoani ta kumaano sompo mia anu tebinta i wita atuu.
23A oleo atuu sompo po'ianga, anu eheano tuwu asa nsowu keu anggoro ka anu me'oli asa nsowu sikala salaka, ta gagi po'iangno ewo ka rui. 24Mia lumako i ra'ai mowawa ana mpana ka pana, hangano luwuno wita atuu buke ewo ka rui. 25Ka omue nahi kosapa lumako a luwuno laano torukuno anu eheano biningku, hangano doitoako ewo ka rui; i ra'ai sapi ta pinotola ka bimba ta mo'itu-itu.
Currently Selected:
Yesaya 7: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 7
7
I Yesaya mokorosoo mokole Ahasi
7:1-9
1 #
2Mok. 16:5; 2Taw. 28:5-6 I tempono i Ahasi anano i Yotami anano i Usia, mokoledo to Yehuda, lumakoomo i Resini, mokoledo to Arami, saru i Pekahi anano i Remalia, mokoledo to Isaraeli ta meteaakono Yerusale, sine nahi pokosapoio. 2Tempono ipinauako somborino i Daudi, ”to Arami mpekema iramo i wita Eparai,” aroano i Ahasi ka palilino mpondidi-ndidi medoito kana keu a ntobu mpelelu ipuurio angi.
3Mepau Iramo i Ue ndi Yesaya, ”Peluarakomo tepohaweakono i Ahasi, omue ka i Sieari Yasiubi, anamu tama, i tompano pangkorono Limbo i Wawono, a nsala a Mpada Penatu, 4ka pauakono, Dagaiomo koroimu ka ikongko momperodo. Siimo doito ka siimo itengkuru aroamu hangano orua tompa api anu me'ahu andio tekudano ntu'u i Resini saru to Arami ka anano i Remalia. 5Hangano to Arami ka to Eparai saru anano i Remalia mpontoo iramo anu mosa'o ndi omue, ka mpotae,
6Aiwamo tomelako mensapoio Yehuda, mpokodoitoo, ka mpongko'alao, ka i'amba pinotoro anano i Tabe'eli gagi mokole i tonga-tongano,
7ka kanandiomo pau-Do Ue Ala,
Mongkona atuu nahi ta pinokoweweu,
ka nahi ta gagi,
8hangano kota poparentaado to Arami onaemo Damasi,
petewawano Damasi onaemo i Resini.
Nomo pulu ka olima nta'u mbo'u
Eparai ta sinapoi, ranta nahi gagi mbo'u tongku.
9Ka kota poparentaado to Eparai onaemo Samaria,
petewawano Samaria onaemo anano i Remalia.
Tewala nahi moroso pompe'ala-alamiu,
mentee ntu'u nahi komiu merodo.”
Pompalele mongkona Imanueli
7:10-25
10Ondae i Ue motilaloakono pau-Do ndi Ahasi, Dopotae, 11”Emaomo asa petondoni inso ndi Ondae i Ue, Ue Alamu, ke inso a mpo'ianga ondaloano tolinodo mia mate ke a mpo'ianga kana mantandeno langi.” 12Sine sumangki i Ahasi, ”Nahi kubehe umemao, nahi kubehe umara-arahako Ira i Ue.” 13Ka i'amba motaeomo i Yesaya, ”Rongeomo hei somborino i Daudi! Napi sompoke imeweweu ira mia nte'osa, ranta iweweu Ira mbo'u Ue Alaku te'osa? 14#Mat. 1:23Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli. 15Onae ta mongkaa susu baku ka siu hoani hawe ka ito'orio mosa'oakono anu mosa'o ka binikio anu moiko, 16hangano se'eluno napi to'orio nana'ote atuu mosa'oakono anu mosa'o ka binikio anu moiko, witado orua mokole anu dinoitoakomu ta bininta mooa. 17Ondae i Ue Ira mompotii ndi omue, a mpalilimu ka a mpe'etumu tempo masukaraa kana anu napi hori gagi mompu'u i Eparai meliahako inso i Yehuda, molalo mokoledo to Asuri.”
18I tempo atuu Ondae i Ue momansu mompoboi lale
anu mekongko i untuno luwuno ana ngkoro Nili,
ka mompoboi hoani
anu mekongko i wita Asuri.
19Ka i'amba luwuno ira mehawe ntetopa a luwuno bangano melaapimpi
ka a olono pongku-pongku watu,
a luwuno wala rui
ka a luwuno wita pompakambia.
20A oleo atuu saru piso pongkeru anu sinabo olai inso i asatowano koro Eparata, onaemo mokole Asiuri, Ondae i Ue Ira mongkeru ulu ka wulu i olono pa'a, piso atuu ta mokotampulao mbo'u danggo.
21A oleo atuu sompo mia ta mompekaria asa sapi waino anu mongura ka orua bimba, 22ka hangano hadiono susu anu hinasili, ira mpongkaa susu baku; mentee ntu'u, susu baku ka siu hoani ta kumaano sompo mia anu tebinta i wita atuu.
23A oleo atuu sompo po'ianga, anu eheano tuwu asa nsowu keu anggoro ka anu me'oli asa nsowu sikala salaka, ta gagi po'iangno ewo ka rui. 24Mia lumako i ra'ai mowawa ana mpana ka pana, hangano luwuno wita atuu buke ewo ka rui. 25Ka omue nahi kosapa lumako a luwuno laano torukuno anu eheano biningku, hangano doitoako ewo ka rui; i ra'ai sapi ta pinotola ka bimba ta mo'itu-itu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021