Yesaya 23

Pau-Do anu pabawa a nto Tirusi ka Sidoni

23:1-18

1 # Yeh. 26:1–28:19; Yoe. 3:4-8; Amo. 1:9-10; Sak. 9:1-4; Mat. 11:21-22; Luk. 10:13-14 Pau-Do anu pabawa a nto Tirusi.

Ponsabangimo, hei luwuno kapala Tarasisi,

hangano gagiomo terawo-rawoa, nahina mbo'u raha.

Tempono domehawe inso i witado to Kitimi

mongkona atuu pinokomengkaa ndi ondae.

2Perodo-rodomo, hei palilino wita i wiwi ntahi,

hei puu mpebalu-baluno Sidoni;

mia mentinenamu mpesumomba a ntahi.

3Isuamo koa usumomba balu-balumu onaemo gandu inso i Sihori,

sinowi i wita Nili,

ranta kota atuu gagi oludo hadio tongku.

4Mokoko'iimo Sidoni, hei bente i wiwi ntahi,

hangano tahi mepau,

”Nahi kuhori memoluki mompemahaki ka nahi kupe'ana,

nahi kuhori mokolangkai ira nana'ote mongura,

ka nahi kupompekakaako nana'ote beine.”

5Mansano teronge hawe i Masiri,

ira mpondidi-ndidi kana tempono domerongeo lele mongkona Tirusi.

6Impolaimo melako i Tarasisi,

mponsabangimo, hei palilino wita i wiwi ntahi!

7Onaemoke andio kotamu anu mawongko,

anu insoano mompu'u tempo i ndi'ipua?

Kombake iwawaomo pelempano a mpo'ianga anu olai

ka ipo'iamo mpiha i ra'ai?

8Isemake anu putusiakono ndio

ndi Tirusi, anu mompowee ramba-ramba ulu,

anu luwuno puu mpebalu-baluno langkai potorono

ka luwuno puu mpebalu-baluno mia maramba i tolino?

9Ondaemo Ueno luwuakoano anu putusiakono

ka mokongkuramao pompelangka-langkaido luwuno anu maramba,

ka mokongkodeio luwuno mia pinelangkai i tolino.

10Anggaomo leremu kana wita pelerea i koro Nili, hei ana beineno Tarasisi,

hangano poweweua kapala nami hina mbo'u!

11Dotandeomo i Ue kae-Do te'aro a ntahi

ka weweu ira poparentaa mpondidi-ndidi;

meparenta Iramo mongkona Kana'a

ka irinopu luwu benteno.

12Mepau Ira,

”Omue nami komo'unde mbo'u,

hei ana beine anu tebobarasai, hei ana beine Sidoni!

Pentademo, polaimo a nto Kitimi!

I ra'ai mbo'u nahi ta hina rodoamu.”

13Kitao witado to Kasidimi! Tongkumo atuu anu weweuo, komba to Asiuri. Dompeweengakonomo Tirusi a ngkondehora i pada one, domewangu iramo menara pongkadua ka dompokomerete iramo benteno kota atuu ka meweweuo kota atuu gagi howuno anu terawo.

14Ponsabangimo, hei luwuno kapala Tarasisi,

hangano bentemu rinawo-rawoomo!

15I tempo atuu Tirusi ta kinolupe pitu pulu nta'u tehineno kana tinuwuno asa mokole. A pokotampulaano pitu pulu nta'u atuu ta gagi i Tirusi kana a laro mpenani mongkona beine belesu kanandio:

16”Alaomo katapi,

limbuomo kota,

hei belesu anu kinolupe!

Po'uniomo temoiko,

penaniakomo tehadio penani,

ka urinorambe.”

17A pokotompaano ta'u atuu Ondae i Ue Ira merioo Tirusi, ranta ka iwali mohawe tambo belesuno, ka onae ta mebelesuako ira luwuno poparentaa anu kongko i wawontolino. 18Ura ka tambo pebelesuno ta mempori ndi Ondae i Ue, nahi ta inontoako ke ninaa, sine saru urano atuu ta pinatindaako kaanga anu sompo ka sangka anu tekosi tiado mia anu mpo'ia i aro-Do i Ue.

Currently Selected:

Yesaya 23: XMZ

Highlight

Copy

Compare