IBARANI 8
8
Sando Mpesomba Langkai Pedandia wo'ohu
8:1-13
1 #
Pud. 110:1
Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga, 2ka anu mompekakaako pesomba a mpo'ianga mempori, onaemo a laro kema mentee, anu winangu-Do i Ue ka komba winanguno mia. 3Hangano sompo Sando Mpesomba Langkai pinakosi ka ipompesombaako pesomba ka onaemo pu'uno Ondae i Yesu ka ihina koa Dopesombaakono. 4Ba Dondio i tolino andio, nahi Ira ntu'u gagi sando mpesomba, hangano i ndi'ai hinaomo mia anu mpompesombaako pesomba montonda songka Taura. 5#Pel. 25:40 Pompekakaakodo onaemo gambara ka eo-eono inso a hapa anu mekongko i suruga, mengkena kana anu ipinauako i Musa, tempono ta mowangu kema, ”Pewowoloo koa,” kanandiomo pau-Do, ”nine uweweuo luwuno montonda pandiri anu umariomo utinisoako a wawo ntorukuno atuu.” 6Sine kanandio-andio mohawe Iramo aasa anggaa mompekakaako anu lalu maramba, hangano gagi Ira pomposombu inso a mpedandia anu lalu maramba, anu pinu'uako dandi anu lalu i wawono.
7Hangano, ba kana nahina tataano pedandia anu amba-ambano atuu, nahi ta inungke mbo'u po'ianga tiano anu ko'orua. 8#Yer. 31:31-34 Hangano Dokuahako ira tempono Dopotae,
”Menteeano, ta hawe tempono,” kanandiomo pau-Do i Ue,
”Aku moweweu pedandia wo'ohu
saru suku Isaraeli ka saru suku Yehuda,
9komba kana pedandia anu Kuweweuomo saru uempu'udo,
i tempono Ku'inio kaedo wawa ira mpeluarako inso i wita Masiri.
Hangano nahi dompetenunu a mpedandia-Ku,
ka nahi Kutarima ira,” kanandiomo pau-Do i Ue.
10”Ka onaemo andio pedandia anu Kuweweuo saru suku Isaraeli
umarino tempo atuu,” kanandiomo pau-Do i Ue.
”Aku numaao songka-Ku a mpinewowolo molinodo
ka burio i laro aroado,
ka Aku gagi Ue Alado
ka ondae gagi bawaa-Ku.
11Ka nahi ira mempaguru ira mbo'u pe'asa palilido,
ka pada ondaedo mpepaekompo saru mpotae: To'ori Iramo i Ue!
Hangano luwudo, langkai kodei,
ira mento'ori Aku.
12Hangano Aku umampunio salado
ka nahi Aku mewowoloo mbo'u luwuno halado.”
13Hangano mepau Ira mongkona pedandia anu wo'ohu, Dopokomengkaao anu amba-ambano gagi pedandia anu gagiomo mota'u. Ka hapa anu gagiomo mota'u ka mo'unsa, umpedaomo ropuano.
Currently Selected:
IBARANI 8: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
